妙法齋

营业中

休息中

今早本來趁佛誕來吃個素早餐，我太遲了，已坐滿很多公公婆婆的茶客，唯有只在這裡買些小點。買了素豬扒包及芫荽餅（原味及豆沙）。四件點心，帶23元，很平呢。芫荽餅很清甜，甜而不膩，質地軟帶點彈性，芫荽有清熱作用，但絕無芫荽味，小孩都會吃。豬扒包，素扒不油，有生菜及一片酸瓜倒也是認真制作。5至6元一件素點，性價比高。

聽人講妙法齋幾好食, 雖然唔係好近地鐵站,都決定一試。呢個花生幾好食, 成碟清晒!齋螺肉睇個樣ok, 可惜d醬汁唔得, 極難食,仲要有胡椒粒, 好討厭咬到胡椒粒既感覺炒雜菜,不過不失, 無咩特別, 都係比較淡比較稀。咕嚕豆腐個咕嚕汁幾好,可惜口感唔係好得, 如果用硬豆腐會好d。羅漢齋炒面,個面好好食,但個茨淡到無味,加上d粟米心唔靚,灰黑色有陣臭味,破壞晒成碟炒面。睇到東亞信用卡消費滿$150有9折, 比錢時店員態度好差咁話無左好耐啦,我地咩都無折, 又難食,又貴,又無服務但收服務費,無下次了。

一行10人到達妙法齋，由於已訂檯，被安排往閣樓用膳本想和法師慶祝生日，但生日被視為母難日，故不便慶祝，所以各人心中有數，只是圍埋一起食食晚飯。去到齋舖，由細到大最愛吃齋鴨腎，而大多數的朋友反而愛吃酸齋。這碟嘛.... 居然是我點的芋頭魚.....小時候跟嫲嫲姑姐到齋館吃素這炸芋頭魚是必吃的 , 芋茸被壓成魚形再炸, 外型討好又香口 ; 這家出品真係令人為之動容..... 賣相不吸引，LUC皮LUC骨咁, 完全唔香脆真係好似焗魚腸 , 內裡用了蛋和粉絲  幾可亂真 !菠蘿咕嚕肉 ~ 色彩繽紛鮮艷，不錯若然加埋青椒 , 色水會好好多 ; 味道也可以原來香橙豬扒也是用了芋蓉來炸, 基本上同炸芋頭魚一樣, 只是加咗個橙香獻汁同香橙拌碟 , 這個炸芋茸比芋頭魚炸得夠香口鴛鴦炒飯 ~ 唔講會以為內裡有蝦同雞肉, 又一幾可亂真之飯菜 !以下這幾道菜, 終於唔使扮肉啦 !

近期青蛙愛上了吃齋, 是日晚餐青蛙也選了齋店開齋 甫坐下, 店員先奉上腍花生...由於肚子不斷打鼓, 故事不宜遲即時點食~啫啫滑雞煲第一口覺得非常香口、入味~仿雞肉的質感反而跟內臟相似, 有趣有趣 ^^馬啼又爽又甜, 豐富了整個煲的口感之餘,亦能中和這個雞煲的咸味~不得不說, 連重口味的青蛙都覺得此煲越食越咸,想點這款的朋友要先考慮清楚。鐵板黑椒雙魷烏冬黑椒汁足夠, 足以混和所有烏冬, 正合青蛙心意~而且味道不會太濃烈, 但仍帶有微微的黑椒香。烏冬的質感剛好, 不韌不腍。至於仿雙魷其實就是苟蒻, 入口較為清淡~羅漢齋炒麵是青蛙最喜愛的兩麵黃, 而且醬汁十足,吃麵時既帶點腍腍, 又帶點脆脆, 正!!至於齋配料大多入味可口,特別是冬菇最得青蛙歡心。菠蘿咕嚕雞球一上檯已傳來撲鼻的甜酸味, 令人食指大動!!入口不如想像中酸, 反而恰到好處 ^^仿雞肉外層被炸得脆脆才再下鑊炒, 無論賣相與口感仿真度極高, 推介呀!!!紅豆沙未吃前心怕有濃濃的果皮味,幸而入口不但沒有果皮味,反而覺得非常好吃, 既香且甜味適中~再者紅豆被煲到綿綿, 但又不失咬口 ^^打破了青蛙對一貫『免費無好野』的定律。

我們第1次來，被其外貌似老鋪齋店騙了，以為老字號自居其實一入到去見到檯椅，menu - 十分污髒，殘殘舊舊。叫左壺秀眉，不過飲下來是苦的。點了3樣食品，其實都已知唔好食，點知食下來菇腸粉-凍的，皮厚似磚頭。無跟豉油，問阿姐有無豉油，佢扮得意咁講"豉油實有，無豉油，無自由wooo"糥米食-飯硬 同凍，雞扎-腐皮係酸食幾口即埋單走人埋單，3個連茶錢合共$78，以後都唔會再去

太座想食齋，打電話訂咗位，早五分鐘到，見門口有很多佛教書籍，想應該是食傳統齋吧，但坐落才知仍只是素(有蛋和芫茜)，仲要搭檯，坐低問我們飲什麼茶，以為有得揀，點知又係比壺水仙你，真係莫明其妙。同『大自然素食』比，真係爭幾班。齋鹵味，偏咸，齋鴨腎齋叉燒無咬口，豉計油㷛，用冬菇扮油追，但型神皆失敗，一味得個咸字，搞到我們要拖水才勉強食得入口。素焗禾虫，用鮮腐竹、粉絲、冬菇，外型非常神似，但一入口就一口油，味也太咸。搞到太座話一定無下次。

做gym前買個麵包當早餐行經妙法齋見到有新鮮出爐餐包賣, 素食餐包倒是第一次見及試, 價錢$4而且比手掌心還小的餐包...頓覺昂貴餐包外表與葷包無異, 蜜汁黏黏甜甜, 不過一咬落去就知道麵包質感與味道是不盡相同的。 麵包是沉甸甸, 少了份彈性, 是否因為沒有雞蛋成分? 內餡是一件軟滑的麵筋(半肥瘦义燒??), 而义燒醬味道較淡, 它未能與麵筋混埋；麵筋‧麵包...口感實在特別~熊媽還是喜歡真正的蜜汁义燒餐包

中國節日通常都會製作食品以示慶祝, 如在新年時製作鹹甜蒸炸的糕點, 端午節會吃粽子, 中秋節吃月餅等......至於蒝荽餅就是佛誕節的慶祝食品。蒝荽餅嘅正確學名係 ==> 欒樨餅, 助小孩暖胃去積；另全草亦可藥用, 也為驅蟲藥 。取葉後,搗爛並和以粘米粉、糯米粉及糖製成粢粑, 再蒸熟。並不是墨綠色的蒝荽餅咁包裝嘅札蹄, 第一次見；看來用真空包裝及尼龍繩來扎的札蹄, 口感超乾及硬, 毫無彈性, 扎死咗~味道超鹹而且食完就口渴原味蒝荽餅的口感是軟爬爬的, 沒彈性看來只是用少量粘米粉製成, 上油也上得勁以致油膩膩；最失望的是根本吃不出蒝荽葉那signature甘苦味, 想清熱解毒? 吃碗涼粉也覺比它有效

上星期一心到妙法齋買外買給家人吃, 誰料負責外賣的四眼姐姐態度很差, 問她問題又無反應, 問她幾錢又唔回答, 簡直無服務態度可言 .食物算是一般, 甜酸魚較好, 酸齋和齋鴨腎都唔錯. 其他就一般啦

第1次食果時, 真係覺得好好地.第2次, 水準都KEEP 到, 無問題第3次, 試食呢個小型盆菜, 就發覺食落口的齋, 味精味好重, 果次食時, 要不停飲水先解到渴今次, 款款菜式的味精仲落得重手左. 食完呢餐之後, 喉嚨非常辛苦...我好明白煮齋會用到味精粉, 但都唔好落得咁多. 始終食齋原意係身體好, 以家仲調返轉

年廿九為大年年初一o既晚飯準備，之前問過同事，話可以o係齋舖買齋魚，所以我走o黎訂一條。問問個女仔，佢好有耐性咁解答我問題，然後我入去訂喇。我訂o左一條免煎o既，到年三十朝同爸爸去買餸時就過o黎攞，亞姐畀一包五柳汁我，但我覺得唔夠，於是問佢攞多包，佢都好好人畀多包我。到（3﹣2﹣2011 Thur)大年初一，拎出o黎畀大嫂攪，我話妙法齋已經教o左我半煎炸，大嫂話咁樣會好油，因芋頭吸油，所以佢只煎，啊，好啦。煎好喇，開餐喇！二哥一家年年都有習慣去圓玄學院食齋，呢日佢o地都食o左齋魚，二哥一食就話芋頭唔靚，我食落就覺得味道唔夠，食唔到芋頭味，五柳汁就過酸了。條魚要＄50.00.

2010年5月15日 荃灣 ( 妙法齋 - 1 )妙法齋吃過數次，感覺不錯，太座就經常光顧這裡，今晚我倆又再來了。生菜腐皮卷，腐皮卷香口好味，生菜也爽。涼瓜炒大腸，涼瓜不太苦，豉味十足，幾好味，大腸外貌有幾分像，口感與味道跟真大腸比...還差很遠...。八珍豆腐煲，味道是不錯的，但芡汁過杰。黃昏來到，人客並不多，服務一般，食物仍然是OK的。

今日(27-8-2010 Fri)冇飯帶,上晝為lunch食咩o野而煩,咁o岩開始作傷風,同事叫我出去買藥食,橫豎老闆們唔o係o度.好啦,出去買藥兼見到有齋舖,就不如買定齋返去啦,睇o左一段時間,終於決定要$3.00o既蒸綠茶餅兩件,$3.00o既生煎包一件,$3.00o既腐皮卷一件同一盒$15.00細齋,要酸甜齋同鹵水齋兩樣.亞姐好友善好好傾,盒齋都幾滿,返到公司,搵件蒸綠茶餅食先至食藥,點知發現佢畀o左兩件生煎包我,但收少$3.00,放工行過畀返佢先.我先食綠色o既蒸綠茶餅,咬開原來裡而有紅豆沙,呢個外面煙煙韌韌,綠茶味幾濃,豆沙唔太甜,o岩o岩好,唔錯.另一件畀o左我同事食.味道: 4分到lunch time喇,先打開盒齋食啦,酸甜齋比鹵水齋多,.覺得佢酸味重啲,令平凡o既鹵水齋突出好味.腐皮卷都幾新鮮,餡我就唔多清楚係咩o野,但味道清清,唔太油,OK.最後係生煎包,咬落去,包o既皮好厚同乾,餡料好少,好難哽呀!

朋友就快生日,決定早一個禮拜同佢慶祝!由於我唔食肉,佢話請佢飲齋茶啦~~~以前肥媽未出事前曾經o黎過呢度食齋,自從肥媽出o左事之後就再冇o黎喇!上晝10:00第一次o黎飲早茶,可能星期日關係,樓下滿座,唯有坐樓上啦!由於落雨,樓梯好濕,好多水!上落要好小心!上面冇餐牌,侍應阿姐又成日唔見人,唯有同朋友輪流落去樓下揾食啦~~先叫一碟齋鴨腎拼酸齋,同叫一碟素黃螺!齋鴨腎好入味,有咬口!甜酸齋多汁,味道ok!素黃螺真係好似螺,好惹味,又唔太鹹!豬膶腸好多餡,成條腸粉脹卜卜!龍蝦丸燒賣好好味,原本以為係鵪鶉蛋燒賣,點知阿姐話叫龍蝦丸燒賣先o岩!總覺得裡面某d部份勁似山竹牛肉!鴨腳扎造型頗似,味道唔錯!四寶扎腐皮頗多,餡料唔吸引,一條大芋頭已佔o左成半!我撩o左條大芋頭俾朋友幫我消滅!蔬菜餃頗難食!裡面d餡似煲到爛晒o既菜渣!冇牙食都食到!阿婆食最o岩!蘿蔔糕味道普通,馬拉糕質感頗乾,可能冇落油關係!由於朋友就o黎生日,決定叫個蓮蓉壽包送俾佢,我特登叫個阿姐幫我蒸熱佢,結果o係條街企o左足足八分鐘!!!綠茶豆沙餅超好味!皮黏且腍多荳沙,值得一試再試!埋單$138.6!!!出乎意料之外!!!好貴啊

一家8個特地從港島區過來吃齋..這里價錢便宜過許多許多齋店,當然便宜也要好吃呀!這間齋店有2層,每一層都是很滿...非常建議食家們要訂位噢!齋鹵味: 有甜酸齋和螺肉份量很多,甜酸齋味道不錯..有點冷. 螺肉超像,口感很好,有点辣帶點甜香菇炒伊面:香菇炒得很香,伊面很有香菇味,不太油!好吃琵琶豆腐:外表很可愛,吃起來有點像豆卜但里面比豆卜還濃密. 豆腐下面是豆苗,浸住上湯,清淡起來也甜甜的海鮮湯: 哎呀!這個超不像海鮮湯, 應該叫中式雜菜湯...里面沒有一樣像海鮮 但味道是鮮甜的腐竹烚菜心: 看起來沒什么特別,但吃起來挺好吃,特別是腐竹很滑帶點咸味. encore 了兩次!!沙爹串燒: 超超超超超超超超超贊,很像肉口感很好,味道很濃!!!糖醋排骨: 用了竹簽當骨,肉感麻麻不是很像,味道很甜帶點醋雀巢炒XX(忘記了): 里面有海鮮..魷鱼等大致上還好,有些nuts增添口感,雀巢很脆但沒有味綠豆沙: 是送的, 綠豆不会太lum剛剛好,味道不太甜! 不錯合桃糊: 不是送的, 很香的合桃味,像是自已磨的..不太甜但不够杰.