妙法齋

营业中

休息中

第一次幫陳，未夠七點半都差不多坐滿．由於無嘜心水所以叫亞姐介紹有什麼特式小菜，佢介紹咗一個焗禾蟲$48，另一個係啫啫雞煲，蒸鰻魚．因為得兩個人，所以只叫了一個細齋鹵味，一個焗禾蟲和一碗粟米粥．嗰齋鹵味大約有４款：甜酸齋、咖哩齋、鴨腎、縲肉．嗰縲肉嗰樣和食落口的口感都做得好似．以前都去過另外一d齋舖，都無見過這個縲肉，真係做得好特別．嗰粟米粥就一般般，唔係幾夠熱，d生菜唔熟所以有d青味．嗰焗禾蟲真係做得幾像樣，但唔知點解嗰味道偏甜，由於有幾多粉絲，所以食多兩啖就會覺得飽肚．睇見對面枱有人食緊蒸鰻魚，如果唔講真係好似真的鰻魚一樣，下次一定要試吓先．

一定要食合桃露！荷葉飯很香!齋鹵味甜左啲。啲菜名改到唔似食緊齋，如有鷄肉漢堡飽。有啲齋口唔齋心嘅感覺。

初一食齋想起呢間,因為荃灣寶蓮唔好食.叫了好多點心,有些是初一先有的,如:1.小籠包~好好食呀,亦沒有平時酒樓的肥肉.2.牛肉燒賣~都好好食呀,又夠熱3.綾魚球~好有困皮香,而且唔會鬆泡泡,好實好有咬口其他點心有:4.叉燒包~一碟三件,但凍咗,唔好食5.豆沙餅~一碟二件,又係凍的6.香茜粉果~都OK呀7.荷葉飯$45~都OK啦,但無荷葉的香味8.溫公齋保$50~幾好啦,入面有磨菇,草菇,雞脾菇,東菇...菜,粟米心...

兒時己跟靚味媽到這素食舖幫襯,最近再去發覺多左D花款,靚媽都是叫了幾味傳統嘢.齋禾蟲- 都保持水準(記得加多D糊椒粉) 素饅魚烋- ok五柳鮮班- 好食芋頭卷- 須樣子一般, 但食落唔錯

我諗真係要多人食先叫得多野試會試到真啲....今日下午同媽媽走試左....一碟酸齌加鴨腎...仲有一碟羅漢齌炆依麵....味道一般...不過...就無其他既齌鋪咁油...都幾健康! 仲有...好大碟...兩個人叫兩樣都食唔哂!

親戚來港，想食一點特別的食物；想起最近食過這裏都幾特別，便帶他們來試試。我們叫了幾個小菜，但最特別的可以說是這兩味，家鄉砵仔鵝和妙法蒸倉魚。家鄉砵仔鵝- 外皮煎香變脆了，所以眼看已經很像，食落就更加像，如果唔知是齋，分分鐘都會誤會；醬汁很香又好味，送飯一流；底下的芋頭，煮得好腍，又好香芋頭味，但就比較飽肚點。妙法蒸倉魚- 用紫菜包肉，因些有點腥腥的味道，所以感覺就更加像真魚；再用普通蒸魚的方法煮，感覺和味道都好真，而且味道很好，實在不可錯過。看完這兩張相片，相信大家都會感覺幾似真肉吧！

很久之前，朋友介紹來這裏食，一試便喜歡上它了，可惜地點唔多方便，所以都好少來這裏食。今晚因為有事到荃灣，所以便再來食。我們叫了豉油皇煎雪魚、妙法芝麻手撕雞和蝦粒粉絲津白煲。豉油皇煎雪魚- 豉油聽侍應說，是店用特別方法做成的，所以都幾香甜幾好味；雪魚外形做得幾似，雖然味道唔似，但都幾好味，煙煙韌韌，口感極好，送飯食都唔錯。妙法芝麻手撕雞- 手撕雞口感像麵根，外形都幾似，如可以切得再幼細一點就更似了；加上沙薑粉，味道感覺濃了一點，如送飯或粥就幾好，淨食就會過濃味。蝦粒粉絲津白煲- 今晚最清淡的一味，蝦粒看看都幾似，但切得都幾細粒；粉絲津白煮得好入味，又係送飯一流，津白幾新鮮。碟頭都幾大，兩個人食都唔算少；下次找多幾個朋友來，可以試多幾味。

去過不同既齋舖食野~始終都係覺得這一間最好食!!款式多不再話下~傳統既菜式水準更比其他既出色就好似鐵板素鰻魚,炸禾虫,福建炒飯...好好味!!!特別推介係酸辣魚翅~真係超正!!值得一試!!!食過一定想再食!!而早市既蒸排骨飯,素雞飯,好好食~味道夠~!!仲好早就賣完tim~要試就要早d去到價錢方面大眾化~抵食呀!!本人除了去過荃灣店,還有到過土瓜灣店,水準一流~

今日中午路過想起有食家讚過呢度d齋品即管買盒雜齋試下行到門口問阿姐一盒細既幾多錢阿姐話十蚊可以要三樣咁唯有選其中三樣啦要左素叉燒,甜酸齋同咖哩齋全部味道較天寶清但又算夠味咖哩齋有咖哩味但唔會太重素叉燒同甜酸齋正常味道無話特別好或者差但講真句口感都係天寶好食d

週日兩老到新界參與浴佛節活動後，給我帶回來三枚「欒樨餅」（又稱「蒝荽餅」）。十蚊三枚，只於佛誕節前和當日發售。造形猶如一般齋舖出售水晶餅一樣，以澄粉混入欒樨作麵糰，裹以蓮蓉或豆沙，蒸之，掃油，滑不溜手！（見圖）水晶皮因混入欒樨，帶甘味，略澀。幸而，餡料香滑甜美，真的甘甜共存。每年吃一回，習慣習俗。體積頗細，兩啖吃罷，每枚平均三塊三，偏貴。沒法子，節慶禮儀食品嘛！

『妙法齋』環境雖然普通,樓上有閣樓雅座, 環境雖不大但亦不錯.至於味道方面, 可以說是一流, 長期吃素食的我, 差不多吃過港九新界多間素食餐廳, 妙法齋的齋菜款式很多及味道肯定是No.1, 絕不虛言, 值得一試, 再跟其他素食餐廳齋菜的味道比較一下, 就會完全明白！而且"價錢"亦很公道. 推薦【啫啫雞煲】、【妙法荷葉飯】、【素食乳豬】, 【迷你盤菜】等.而且, 還有早市約6:00am 開始, 有各式腸粉、珍珠雞、盅飯..............等等, 素食來說, 妙法齋的味道絕對一流, 吃過一定回味無窮, 絕不虛言。結后語：有比較才有好貨！

下午茶有混醬西多士餐，連一柸飲品，$15。西多士即叫即製，最初以為齋鋪做的西多士好極有限，但出來的味道又不錯!

8月16日一行六人去食晏. 叫左一個盤菜一鍋水餃. 總括黎講味道唔錯, 分量又夠, 又唔會太油. 最後送合桃露做甜品, 幾香有合桃味, 食得出係自己磨. 朋友話佢地每日都會炒合桃跟住自己磨, 夠新鮮又夠香. 服務幾好(唔知係咪因為朋友係熟客), 加水要乜都好快手.美中不足係枱與枱之間比較迫, 而且一路播粵曲有d嘈.

食齋的人或愛素食的人一定要去試下，款式多，份量大，味道真係好好！唔似其他的齋鋪冇特別的新意。尤其係鐵板什扒、鐵板龍鳳球，砵仔鵝、咖哩海鮮炒飯、福建燴飯，紅燒大鮑翅，咕嚕肉，一定要試試哦！多d人去食可以試多d款。自選即叫即煮菜，好好味，價錢合理。口感真係好好，食落都唔似係齋架！又有營養，因為大部份素肉都係黃豆做。

呢間齋舖都有好多款式的齋菜, 又有點心食, 味道都幾好, (不過個人覺得比土瓜灣分店差)而且份量都幾大下, 福建炒飯值得一試, 粥品就比較差, 因為好稀, 不過最好一大班人去食好d, 因為可以試多d款式, 環境比較迫, 只擺了約六張大木台, 而且又要搭木台, 服務小妹覺得較差, 因為有時d侍應好似唔係好想理人, 要改善