妹記生滾粥品

营业中

休息中

星期日早起身, 又覺得好肚餓, 忽然好想食粥, 就轉登坐車出旺角諗住食碗粥同食個炸兩先返工, 點知去到見佢冇開門, 再睇下OPENRICE 先知原來佢每星期二都休息!  唉! 又會咁啱撞正佢休息, 咁冇計我已經唔夠時間去第二度食野就返工去了.星期日要出去整野會經旺角, 所以又走左去.見之前有人POST 話冇乜薑蔥, 食魚腩粥又點可以冇薑蔥呢? 所以我落單時問佢有冇, 因為如果冇我會叫其他粥. 佢聽到我咁問就話俾多O的我.另外我再點左炸兩, 多豉油, 多麻醬, 同多SESAME, 走甜醬同走辣醬.  O黎到時唔夠麻醬我叫佢再加, 非常好味!!! 會再返O黎ENCORE!

媽咪由細到大次次出旺角朝早都會黎呢到食碗魚咀肉丸粥當媽咪離開之後我會時不時黎到細個成日同佢成日去既餐廳去回憶一下同媽咪既味道❤️天氣仲凍凍地 係旺角諗都唔諗沖上去妹記🤤去到都幾多人，係疫情個陣差好遠睇黎妹記都成為左旅行熱點坐底叫左碗魚咀魚鮫肉丸粥同油炸鬼油炸鬼黎先，都仲係熱熱地又夠脆口好食，但一個人食哂成碗會有飽粥即叫即煮，當日都多人所以都等左一陣，粥底同之前一樣鮮甜不過魚既份量比之前少，肉丸加左冬菜整體同之前分別不大係個價位好大😬😬😬

如果有人問邊到食地道生滾粥？我會第一時間諗起妹記聞名多年 今日專登黎一試生滾粥通常都會揀魚腩魚片多 取其鮮甜味呢到生滾粥即叫即做在銅煲爆香魚 再加入粥底 聽到都知好食今日特別d 叫左生滾魚咀魚鮫粥無錯 第一啖食到爆香過魚油味粥底煲到開花帶有一絲絲魚味但個人鍾意食杰身d既粥 叫左一個魚粥 緊係要試埋豬豬潤肉丸生滾粥 都係用魚湯粥做底但多埋肉味 豬潤煮得剛好肉丸也是自家手打 口感剛剛好炸両製作需時食到一半時送上 但值得等候油炸鬼非常香脆 而沒帶什麼油出色要注意呢到營業時間除左食一碗花心機煲的生滾粥仲係食一種情懷

想去旺角食粥，上openrice search見到呢間喺花園街街市嘅幾合眼緣，所以就試咗。呢間粥店主打生滾粥，不過由於早餐時段唔好咁重型，所以就叫咗魚片粥，另外再加一碟炸兩。炸兩用嘅油炸鬼微脆，呢個真心堅，不過就好重油，有少少漿着喉嚨嘅感覺。魚片粥中規中矩啦，魚片唔算超級新鮮，還可以啦，肉質有少少散散地，真係同d食評有d落差，始終鯇魚片算係大路嘢，用黎做benchmark最理想，所以只屬於一般水準。埋單$61，有少少貴。

朋友英國返香港, schedule 好爆, 只偷到時間食早餐.話說人日要食粥, 又要就返大家中間o的地點meet, 所以選左九龍區.本身想約另一間, 但10點未開門, 咁我就搵左呢間, 其實都未o黎過, 但見食評都唔錯, 就約左大家去呢間.我叫左及第粥, 另外唔記得朋友們叫左乜粥, 不過就有叫左油炸鬼, 炸両同埋齋腸.好多時炸両都係整定所以我都唔太鍾意食, 但呢度真係即叫即整, 齋腸都係.腸粉滑, 炸面脆卜卜. 實在好讚. 而且可以睇到阿姐係即蒸腸粉.就算肉碎粥, 都見到師傅係放舊肉入機立即打碎, 真係真材實料! 呢間必定會再encore!

魚皮冰凍爽口 加入粥都好食 生滾牛肉粥入面粒丸好食 較為香口實在 又足料 但今次粥水較為稀反而魚粥較為潔身 配料相當多 每塊魚肉 相當大塊多肉 但魚卜放到最後先食 冧左少少🤪🤪 環境嚟講 街市位算乾淨 都幾好

🍽妹記生滾粥品📍旺角街市熟食中心呢一間粥鋪真係由細食到大，對於我嚟講真係好多美好既回憶。由細細個爸爸做完運動買返黎比我食，到而家大大個我食完買返比屋企人食，感覺好得意，佢係一間陪住我成長既粥品店。介紹一下我最喜愛既食物：1. 爽魚皮灼熟左咗嘅爽魚皮上面有勁多薑同蔥，再加上佢哋嘅麻油海鮮豉油，夾埋一齊食，真係不得了。聽落好普通，但呢一種味道充滿着好多香港人嘅回憶。2. 妹記豬肉丸豬潤生滾粥妹記嘅粥底係人都知好出名，佢個豬肉丸都係自己手打㗎，咬落去都幾有口感，有少少豬軟骨夾雜着喺裏面，食落去有少少爽脆。佢嘅豬潤都做得好出色，一啲都唔柴，咬落去好滑好嫩，值得一試。3.凍檸茶佢比新式嘅茶餐廳嘅檸檬茶真係好飲好多，飲得出去自己沖出嚟嘅，而唔係嗰啲人哋一早預備好嘅現成檸檬茶。檸檬茶嘅茶底好香，但佢今次落多咗糖漿俾我，平時唔係咁，不過今次有啲甜。如果有外地既朋友嚟到香港，我會推薦呢一間粥品店比佢哋，呢一間歷史悠久嘅粥品店，真係能夠代表到香港。

今日去左旺角花園街市政大廈，食返以前成日同媽媽去食既妹記生滾粥品☺️☺️因為得自己一個食，所以只係食左一碗粥，無加爽魚皮魚片肉丸粥 （$44)粥既面頭有生菜絲，撈埋入粥，好爽口！粥係用魚湯熬製，又綿又鮮甜～入面有蔥段同薑絲，一啲都唔會腥，魚片大大片，鮮味十足又無魚骨，肉丸就夠晒爽口彈牙，感覺好鮮味應該係加左魚肉材料新鮮，粥底好味，雖然未算好平，但真係好好食~ 不過佢3點就閂門，要食趁早！一定會再回頭既粥鋪~

一早起身（其實都成一點先起Lol）想食生滾粥，random search 到呢間旺角妹記，一於去試試佢。老實講我本人唔係好識食魚頭魚胶個啲位，因為成日形住會腥，平時食蒸魚都係交返比啲識欣賞嘅人，但係今次，見到個個都讚佢個魚胶粥，就拎起勇氣叫。無厄你！！！好有驚喜！佢個啲魚係用生鐵鑊煎香左，再放落去個粥底度煲，一啲腥味都無，仲要係好香好有鑊氣，個粥底食得出係有濃味嘅魚湯，同檯的老公叫左肉圓粥，個粥底味明顯唔同，一向唔食魚胶嘅我食哂成碗！

心血來潮想食生滾粥，上網爬文搵到呢一個好多blogger推介嘅一間熟食市場老店。見到大家都推介嘅魚鮫生滾粥，諗都唔諗就叫咗啦。唔知猶自可，一試就返唔到轉頭。有魚嘅生滾粥，原本諗住多多少少都有腥味，要靠啲蔥啊蒜啊胡椒粉啊，咁樣去辟未，點知佢呢一種生滾粥一啲腥味都冇！！非常之鮮味！而且啲魚鮫係好滑，好好食！應該係超新鮮嘅魚先至可以做到呢一個效果。另外，不得不提嘅就係佢用來做生滾嘅鍋。唔知係邊一種金屬啦，佢嘅味道係令到你覺得好有鑊氣咁樣！簡直係食過返尋味😋另外叫咗碗肉丸粥，相比之下就失色好多啦。雖然肉丸都唔錯嘅，但係如果兩者選其一，必然係揀魚鮫粥。至於炸兩腸粉就正正常常啦，一試無妨

Tried it after seeing a recommendation.Taste is good, I like the taste of the soup/congee base. And the fish tasted great as well. First time to order Fish belly instead of sliced fish at a congee shop. I read about wok hei in their congee, and I could really tasted it.If you're willing to pay extra, then come here, cause price is higher than normal congee shop. But for me, other congee shop will suffice.One thing to point out, I don't like the excessive use of plastic here, even the need to lin

一間旺角街市熟食檔能夠提供中英日韓餐牌、新加坡有分店，絕非等閑之輩，雖然妹記仍然營業由太子接手、質素比較飄忽、所以我10分懷念以前老闆坐鎮的日子，絕對可以與上環生記匹敵，甚至乎比他更好味。薑蔥魚皮：正常不過不失，始終彌敦粥麵才是第一名，可惜已經結業每一碗魚粥，放落粥鍋前都會輕輕用薑蔥煎煎辟除腥味，足底食到尾不會瀉水、100分的粥店名物：大尾魷，太子新鮮手釣，輕輕灼灼，配上薑蔥及豉油，爽脆、鮮味無窮，一樂也肉丸：堅持自家製作、每粒大小不一，咬落去10分大牙，而且仲有啲豬軟骨係入邊卜卜脆，個人必食之餘也會買半斤返去打邊爐也滑牛粥可見師傅功力，佢應該係香港唯一一間煮滑牛粥出嚟嘅滑牛係半熟狀態，少少粉紅色，10分軟滑，有牛肉味，唔會淨係食到成口鬆肉粉

是日的久違而久午餐🌞.位於旺角花園街市政大廈3樓熟食中心的老香港味道🇭🇰 - 妹記生滾粥品.已經講咗好耐，小弟終於都嚟到喇😍.雖然老闆今日比較忙，但係佢個人應該都唔錯的😂今次品嚐有《生滾及弟粥》粥品方面採用銅鍋煮的勁有火喉之餘，味道仲好足料好有明火的味道.除此之外，見到《炸兩》及《爽魚皮》都好似好吸引，於是就叫埋一起品嚐了.不過炸兩還可以接受，而爽魚皮配埋薑蔥就Bery Good.配埋冰鎮可樂，呢個Lunch真係爽😊

相隔廿年，感覺依舊；魚咀魚卜粥，魚卜煮得較老有點硬身，粥底入口帶一股焦燶味，可能個煲經常用來爆炒食物所致，粥味好甜不過這種甜好唔自然堆砌出來嘅。爽魚皮新鮮爽脆不過如果有幾粒花生更加正。食完兩個鐘喉嚨依然覺得好乾估唔到師傅竟然咁勁

今日天氣有啲凍，下午去左旺角熟食中心食妹記生滾粥。地方都算大，不過唔好預好乾淨企理，有時要食地道好野，就要有啲取捨。白焯墨魚👍🏻，新鮮好食，加左姜同蔥，仲有豉油麻油，已經足夠帶出鮮味。及弟粥加魚腩👍🏻，生滾出嚟既粥底係真係食得出有分別，非常有鑊氣，香濃。魚腩粥加肉丸👍🏻，呢個粥底係非常鮮甜，肉丸食到好豐富既味道。******************************👍🏻好食 | 👌🏻可以 | 😔 難食評分 : 8/10簡評 : 地道有鑊氣既生滾粥