姚姚酸菜魚 (希慎廣場)

营业中

休息中

一直人氣高企的姚姚酸菜魚，正式進駐銅鑼灣希慎商場，可能新開的關係未算好多人知，6點來到，好彩唔駛等便可以歎得到。姚姚酸菜魚 $288/2位份 / $398/3-4位份特別挑選肉多刺少的鮮鱸魚，配搭了採用經過90天醃製的水東新酸菜，入口酸香帶辣又啖啖肉，口感酸爽的非常惹味，魚肉細嫩且滑，由於那湯底實在太濃郁，因此必定要加料來滿足食慾，個人加了鱸魚片、嫩牛肉、午餐肉及鮮豆皮，每款配料吸引了湯底的精華，好味到無得彈。姚姚水煮牛肉 $384 /2人份超足料的姚姚水煮牛肉，以新鮮牛肉做主角，牛肉有厚度，肉質細嫩，內裏的寬粉及芽菜完全吸收了湯底的精華，麻辣鮮香好過癮。麻辣香鍋 $267在麻辣的鍋底內是自家選擇喜愛的配料，要配最少5款配料，每款價錢各不同，今次就加了個人至愛的午餐肉、重慶酥肉、花菜、蓮藕片及牛肉，在海量的辣椒浸淫下，每款配料都沾上了香濃的麻辣味，完全攻陷了味蕾，在口腔內迴盪，久久不散。椒麻皮蛋$68小食的椒麻皮蛋，皮蛋晶瑩剔透，人口少辣充滿麻香，皮蛋流心的湧出來，質感滑不溜口，配上開胃的醋汁，蛋香椒麻好好味。涼拌萵筍絲$58每條萵筍絲都沾上了自家製的醬汁，清清地好爽口，好味到要再來多

之前有留意到好多人都去咗食呢間酸菜魚，又經過見到另一間分店大排長龍，小編一直都心郁郁想試架啦，今次朋友仔講起係銅鑼灣有分店新開，二話不說，即刻走去試❕入咗去先發現餐廳係以Tiffany Blue 為主調，近門口仲擺咗個signature熊頭魚身公仔。望落餐廳嘅裝潢，真係估佢唔到係食川菜，食辣嘢架😆😆∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 姚姚酸菜魚 (2人份) $288無論係酸菜定魚，份量都有好多。酸菜爽脆，夾埋大大塊魚片一齊食，魚肉唔腥、冇骨又嫩滑，味道仲慢慢滲出陣陣嘅辣味，酸辣開胃🤤🚨要留意本身唔加配菜，就只有酸菜同魚。❥ 麻辣香鍋 $254麻辣嘅鍋底，要配最少5款配料，而且每款嘅價錢唔同。今次小編揀咗：牛百葉、重慶酥肉、花菜、蓮藕片、魔芋結係大量辣椒海下，都有唔少配料。每款配料都充分沾有麻辣香濃嘅味道，就連魔芋結都入晒味❕而且仲保留到每款配料原本嘅口感👍🏻❥ 紅糖糯米茲粑 $68 送到嚟仲係好熱辣辣，淋滿紅糖汁、外脆內軟糯嘅茲粑，味道甜蜜蜜。相比出面食過嘅，口感較為軟糯中帶點煙韌😋∴∵୨୧ ∴∵∴ ୨୧ ∴∵∴ ୨୧ ∴∵∴

麻辣香鍋- 自選餸菜：嫰牛，牛舌，芝士豆腐，魷魚鬚，鮮蝦，腩肉黃金脆炸小酥肉酸辣土豆絲鮮奶紅菜凍 沙棘原汁 ——嚟到超火紅嘅網紅店姚姚酸菜魚竟然無食到酸菜魚？由於近排食太多酸菜魚嘅關係,今次叫咗同樣吸引嘅麻辣香鍋，可以自己任選加餸，辣度，麻度，油度都可以自選，砌出你最鍾意嘅一個乾鍋！今次試咗嘅餸入面，最正係嫰牛，魷魚鬚同芝士豆腐，三款都係同麻辣本身好夾，推介大家可以用佢地做個Base！而鮮蝦同牛舌係正路發揮，相反腩肉就有少少唔夾黃金脆炸小酥肉啲粉唔厚，食得到肉嘅質感；酸辣土豆絲開胃首選。另外都要讚下佢啲飲品，沙棘係超高營養嘅植物，好少地方有得飲；而鮮奶紅菜凍水準仲好過好多手搖店，同樣值得一試

之前係尖沙咀見到呢間酸菜魚店好想試 不過好長龍🥹 銅鑼灣店新開終於有機會試啦👍🏻 由裝修去到餐具都充滿滿滿既Tiffany Blue做主調 💙裝修好光猛舒服 仲有服務好主動好親切💕 同一班酸菜魚店好唔同😛 今日想食辣試其他菜色 質素都好唔錯🤩⭐️ 麻辣香鍋 🥘濃濃既麻辣味好地道🌶 食得返川菜調味濃郁既感覺 雖然見到辣椒好多 🫠但唔係得單調既辣味 有芝麻花生荽茜既點綴🥬 配料選擇左嫩牛肉同雞翼調味得好入味🐮 蓮藕木耳同土豆既口感各有各豐富🥔⭐️ 宮爆蝦球 🦐油爆過既蝦球好有鑊氣好考功夫💪🏻睇落精緻但係蝦球份量好豐富🧡 偏酸甜既口味可以中和返辣度🍍⭐️ 紅糖糯糍粑 🍭每次食川菜都必點‼️外面好酥脆 但係黏黏既Mochi感配上紅糖好有日式丸子嘅感覺🍡 一定要趁熱食🔥⭐️ 彩虹烏龍冰粉 🍧冰粉有種愛玉滑溜既口感🍮 特別在本身甜度唔高仲帶點茶味🍵 紅豆 提子乾 芝麻各種配料混在一齊🫘口味好Exotic😋⭐️ 新鮮水果烏龍茶 🍉茶底清新唔會太甜☕️ 配上粒粒新鮮生果好有夏日感覺 🥭⭐️ 多多桃膠鮮奶 🍼有啲似好多配料嘅珍珠鮮奶🧋 有紅豆丸子等等😋特別在桃膠口感QQ地 感覺比較健康

之前行過海港城見到姚姚酸菜魚成日都好多人，我都未試過，見到佢係銅鑼灣開左分店，地點仲近我，今日放工就去食！環境寬敞，以湖水綠同白色做主色，令人覺得好舒服。麻辣香鍋我地揀左魷魚鬚，脆皮肥腸，炸豆皮，萵荀片，芋絲，一上到枱好大盤，碟下面有個爉燭著住，慢慢食都唔會凍哂，香料味道濃郁，又麻又香，魷魚鬚爽口彈牙，肥腸炸到外脆內軟，好邪惡，炸豆皮同芋絲索哂醬汁，正！藤椒無骨鳳爪鳳爪口感爽脆，藤椒麻香味辣，酸酸辣辣都幾開胃。紅糖糯米糍粑糯米糍粑炸到外脆內軟，煙煙韌韌，我地加多左紅糖，味道更香甜。紅豆烏龍冰粉食完辣野緊係叫番個冰粉，涼浸浸，仲帶有烏龍香味，加左紅豆，提子乾，花生增加口感。

Fried rice with pickled vegetables and eggs 酸菜雞蛋炒飯 🍛🍳 $88酸菜雞蛋炒飯嘅性價比好高，好啱幾個人share 一齊食，用酸菜、雞蛋🥚、蔥炒埋一齊，簡單又飽肚Cold mung bean noodles and shredded chicken with sesame sauce 麻醬雞絲粉皮 🍗 $68呢個麻醬雞絲粉皮面頭有大量鹹鹹地嘅芝麻醬，味道比較濃郁，撈埋雞胸肉同口感彈牙嘅一齊食啱啱好Asparagus lettuce salad 涼拌萵筍絲 $58爽口健康嘅萵筍絲係款食得推介嘅小食，萵筍絲新鮮清甜，味道又唔會太濃，幾好食呀😍Sea buckthorn original juice 沙棘原汁🍹 $38沙棘原汁原來係橙汁🍊，味道比普通橙汁甜少少，用嚟配麻辣嘅四川菜好啱呀Spicy pot 麻辣香鍋 $238呢款麻辣香鍋可以揀自己鍾意嘅配料👍🏻，今次叫咗鮮茶樹菇🍄、萵筍片、土豆絲🥔、黑木耳同埋蓮藕片，加埋大量嘅辣椒🌶️、炸花生🥜、芫荽，每一站都好刺激！

呢間其實我好耐之前就想試，今次終於有機會拉埋朋友一齊去食啦😊佢食物嘅質素真係幾唔錯，我哋都覺得遲啲要再encore麻辣香鍋($264)麻辣香鍋係我今次黎最想試嘅嘢🤤果然佢冇令我失望，真係好好味啊😋我哋嘅配料就揀左午餐肉、雞翼、芝士豆腐、蓮藕片同炸豆皮😜佢哋份量都幾足下，淨係食呢個麻辣香鍋都已經好飽😊而佢哋嘅味道都好夠㗎，樣樣都有足夠嘅香味同辣味，所以食落都超級惹味😋尤其係蓮藕片，因為佢哋切得夠薄，所以索曬啲麻辣味，勁香口幹煸四季豆($88)呢個都係必推👍🏻佢嘅四季豆好新鮮，又唔會炒得過老😋加上佢炒得幾有鑊氣同佢鹹香鹹香嘅調味，所以食落又香又餸飯，真係食到有啲停唔到口姚姚脆奶($58)脆奶都好正㗎😋佢嘅炸皮唔算厚，所以食落好酥脆，加上佢入面暖暖地嘅奶凍，又香又甜😝係一個唔錯嘅甜品酸辣士豆絲($58)呢個係朋友嘅大推，佢嘅土豆絲夠爽脆，唔會係軟淋淋咁，所以好有口感😋加上因為我哋走辣嘅原因，佢嘅蒜味尤其突出，所以食落更香更開胃多多桃膠椰奶($48)佢嘅桃膠椰奶都唔錯，椰汁味濃，桃膠爽身，仲有啲紅豆😋真係幾好飲㗎

近幾年唔知點解特別興食酸菜魚🐟我係無辣不歡，至愛麻辣🌶🌶🌶早就聽朋友介紹過YAO YAO酸菜魚，見佢殺到入銅鑼灣，點都要試下😎二人份都超！大！份！食得酸菜魚加薯粉係常識吧。我覺得姚姚其中一大優點係有新新鮮水果茶飲，辣到㷫㷫地點返杯果茶的確爽🤭口水雞同四季豆都好食呀🤩份量都好足兩個人食堅係飽😌點埋甜品我直頭飽到上心口。甜品賣相靚但不是我杯茶，埋單兩個人八百幾夠係希慎泊車有突。評分✴️(五分滿分）環境:✴️✴️✴️食物:✴️✴️✴️✴️性價比:✴️✴️✴️✴️回頭率:✴️✴️✴️

懷著很期待的心情來打卡新開的酸菜魚店～點了招牌酸菜魚、炸鮮奶、花椰菜🥦、蝦球、飲品。口感：魚肉偏硬，感覺煮過了頭。總之沒有想像中嫩滑。炸酸奶在餐前和主菜一起上了，結果等我們把酸菜魚食完再去品嚐，已經冷卻，回味只有油油的口感。花椰菜和蝦球比想像中好吃，也是今晚比較出乎意料的菜。性價比：一般。2人吃了900 HKD。環境：相比海港城大許多，入口有一隻很可愛的小熊。總評：沒有來過可以一試，但應該不會再打卡。

今晚8:30黎食，但係門口都係好多人等位。1)麻辣香鍋（麻辣鍋底）$264少辣/魷魚鬚/牛百葉/蓮藕片/萵筍片/豬耳我已經叫小辣，但都要衝一衝滾水先食到，莫非年紀大🙄⋯⋯2) 椒麻皮蛋$68呢個我都食到，佢哋嘅皮蛋黃色嘅，味道同我哋街市買開嘅，佢皮蛋味冇咁濃烈。3) 麻醬雞絲粉皮$68呢款好食，都唔細碟，麻醬夠多。4) 幹煸四季豆(走辣)$88四季豆唔老，炒得好香。5) 彩虹烏龍冰粉$68凍冰冰涼浸浸，芝麻、花生碎、提子乾又有咬口，好正。飲品茉莉香橙$38新鮮水果烏龍茶$48兩杯飲料都唔係好甜。

排号系统突然变回十个以前菜单点菜倒茶水都是自己来，就这还要收服务费 态度差的一批没有高级餐厅的命还想来圈钱求求看见评论的内地人别再赶着趟来送钱了球球了香港好吃的酸菜鱼那么多 花大钱买速冻 我真的会谢

今日終於唔使加班，收工嚟到銅鑼灣行街，我特別鍾意嚟銅鑼灣希慎廣場，除咗下邊有好多商店之外我仲可以上去睇吓書📖，再上仲會咗好多唔同嘅好嘢食添😋。上到嚟上邊嗰幾層搵嘢食，見到原來姚姚酸菜魚呢度都有一間新分店🤩，呢間餐廳之前想食好耐，估唔到咁有緣份今日比我見到，就決定入去食佢啦😂。。黃金脆炸小酥肉鐘意佢冇乜炸粉，肉質炸得啱啱好，外脆內軟，金黃色表面加上辣粉，個賣相已經好吸引☺️。。傳統擔擔拌麵好好食，好有地道風味，份量一啲都唔少，而且辣味十足，食得好嘢味😋。。上湯菜心喲咗咁多重味嘅嘢，當然要做返個清清地嘅菜平衡下，菜心非常之新鮮，即使係上湯，依然食到菜心嘅鮮甜味👍🏻。另外見到佢嘅手撕包菜好似都幾唔錯，下次一定要試吓🙈。。麻辣香鍋今日嘅重頭戲，太大個鍋咁樣上嚟，第一眼見到嘅就係滿滿嘅紅辣椒，望到都已經流晒口水🤤。麻辣香鍋有好多種唔同嘅配料可以選擇，自由搭配👍🏻，我今次就叫咗牛柏葉、嫩牛肉、脆皮肥腸、茶樹菇、魔芋結、豬耳🙈。除此之外作為辣控嘅我當然要求加麻加辣😂。味道方面我好滿意，無論係麻定係辣嘅程度都啱啱好，唔會太over😆。而配料我特別鍾意肥腸同埋豬耳，呢兩款嘅爽脆口感配合麻辣味，別有另一種享

第一次係尖沙咀食已經覺得好好食！銅鑼灣新店都keep到水準😍今次仲食埋甜品！超滿足🥰食酸菜魚都唔一定要食辣嘅🤣食唔到辣嘅朋友極力推薦 姚姚番茄魚😍$288/兩人份 真係超足料🤩魚肉好嫩滑 而且超貼心已經去晒骨💕上面大量新鮮炸蒜勁正😍仲有番茄湯底真材實料！番茄愛好者係會忍唔住一啖啖咁飲😂底下有粉絲索湯✨保證滿足😆我仲加左$58要一份巴掌肥牛🙈好食😁佢個爐係用燭火保溫 唔會太高溫！牛肉魚肉都唔怕煮老曬👍🏻呢個溫度一上枱即刻食得😜涼拌萵筍絲 $58萵筍絲好爽口！撈左麻油、蒜蓉等 清新開胃😍紅糖糯米茲粑 $68好好食啊！勁推薦🤩即點即炸嘅麻薯 配黑糖+黄豆粉 熱食涼左食都咁煙韌 真係好正!!!彩虹烏龍冰粉 $68烏龍凍淋上椰汁估唔到咁夾😝配料豐富 口感十足 最愛大西米、紅豆、酒釀米🙈芝麻、花生、提子乾食完番茄魚唔會覺得口渴😎👍🏻感覺好好 應該無用味精✨

慕名而來，十分失望。在外宣傳的開業半價魚必須在外部網站購買(第三方網站需要填寫信用卡信息，并不安全），店裡完全沒有明確指引。還是我們反覆詢問經理後才告知。如果沒有誠意做活動，其實也沒有必要投放這樣的廣告吸引顧客來，只會讓來的顧客大失所望留下很壞的印象店裡提供的商務午餐無法像正常份量酸菜魚加配菜，但訂單系統可選，也沒有任何提示，送上來配菜和酸菜魚分開，酸菜魚盤很小，根本無法放入配菜，服務員和經理提供的解決方案不是提供一個更大的碗，而是讓我們吃完魚再放？是要我們吃酸菜魚湯泡菜嗎？態度也很不耐煩，用餐體驗很差。不會再有下一次光顧，不推荐

Didn’t expect a Chinese sour & spicy fish restaurant to be decorated in such a modern and cartoon way! Very nice atmosphere. The spacing between tables is great too, not too crowded like a lot of other restaurants.Food is delicious! Price is very reasonable. As a spice lover I would probably say that the default spice level is too mild.Will come back again!