孖寶車仔麵

营业中

休息中

每次去葵廣都想食車仔麵，今日又食啦三餸車仔麵-好友大推冬菇，雞翼同羅白，配油麵。秘製汁加腩汁。果然，冬菇勁入味，又大隻。滷水雞翼，出色，羅白偏甜，但配上秘製汁又提升味道。不錯魚肉碗仔翅-賣相不錯，魚肉彈牙，碗仔翅再加入紅醋，至愛上韭菜豬大腸蘿蔔淨餸-蘿蔔同車仔麵蘿蔔完全不同，胡椒湯底索入蘿蔔又另一種風味，豬大腸洗得乾淨，咬口好好，韭菜香口，配搭上豬紅，童年回憶。實在不得不每次幫襯。再加2罐忌廉完美總結，一流

孖寶車仔麵❣️每逢黎到葵廣，都必定會去孖寶車仔麵。充滿香港特色嘅車仔麵，大份夾抵食！仲要開到凌晨12點，今次黎到依然都係好多人，等一陣先入去。🌟翅撈公仔麵🍜好新奇的食法，估唔到有驚喜。碗仔翅濃稠度適中，做到完美掛面效果。再加少少紅醋調味，更加凸顯翅的鮮味。仲可以任加辣菜脯，提升質感同惹味度。🌟生菜魚肉湯🥬生菜切得好碎，方便同魚肉一齊入口。魚肉超級彈牙，情湯底加咗麻油同胡椒粉，香氣十足又超級有街頭風味。🌟韭菜大腸豬紅湯🥗大腸洗得頗乾淨，煲到軟熟，容易入口。仲有好多白蘿蔔添，煮到好淋。豬紅口感外面堅實，咬開彈滑。韭菜鮮甜，食極都仲有。🌟滷水雞翼大大隻雞翼，滷得好入味。甜味鹹味控制得啱啱好。有鹹香味得來又有微微的片糖焦糖味。

brought my friend here to try a local cantonese noodles called cart noodles. First of all got a 菜蜜， which is basically a honey drink. I especially like the noodles here as they are very chewy. According to the name, it's hand shredded which gives it a good texture. I also recommend the tofu as it's marinated so that it's very flavourful. I especially like to he special sauce they use on all their noodles. It's a savoury and dense sauce that gives the soup base a very rich and deep flavour.

今日同朋友來到葵涌廣場食嘢，舊地重遊，好懷念以前學生年代成日來呢到搵食，於是我地一收工就過來買嘢，最後決定食返呢間孖寶車仔麵，因為口碑真係太好，個個都話抵食又好味。今日我哋一個叫咗四餸，一個叫咗三餸，全部都真係勁正！腩汁米粉，配豬紅、滷水豆腐、魚片頭，就係我揀嘅。呢度嘅豬紅勁好食，我本身想再加點！另外就係我一定會加呢度嘅菜圃，提升口感。而秘製汁手打麵就配牛腩、五香豬頸肉、滷水豆腐同魚肉春卷就係朋友揀嘅。最鍾意呢度嘅手打麵口感真係好好，煙韌度剛剛好，牛腩亦都好腍，魚肉春卷亦都係啖啖肉，完全冇腥味。見到我哋兩個都有嗌滷水豆腐，就知呢個係必點啦，其實我哋本來都想要蘿蔔，但係剛好已經賣晒，所以下次有機會都一定要早啲嚟。飲品方面我哋就叫咗凍菜蜜同熱菜蜜，去埋車仔麵食，真係好鬼正。

我們分別吃了蘿蔔,牛栢業,沙嗲牛同咖哩魷魚,牛雜,豬大腸醬汁：秘製醬汁味道濃郁且層次豐富，特別是辣汁和腩汁。配料：配料選擇多樣，有二三十款不同的選擇，特別推薦牛雜和沙嗲牛。1.蘿蔔：煮得軟爛，吸收了湯底的精華，入口即化，帶有淡淡的甜味。2.牛栢業：口感彈牙，配上沙嗲的香濃牛沙嗲醬，正。3.咖哩魷魚：魷魚彈牙，咖哩醬汁濃郁。4.牛雜：只要加$5，份量十足。5.豬大腸：處理得非常乾淨，口感彈牙彈，而且十分入味。6.沙嗲牛肉：切片薄而均勻，煮得剛剛好，保持了嫩滑的口感，沙嗲醬香濃，帶有花生的香氣和微微的辣味。價格：價格經濟實惠，三餸麵套餐只需$52，還附送熱飲。環境：雖然店鋪空間較小，但環境乾淨整潔，服務也很迅速。

葵廣出名多野食，車仔麵食慣近門口嗰間！車仔麵餸選擇種類多，另外仲有各款飯類、魚肉翅、燒賣等港式小食！今日食車仔麵，3餸都只係$52 重包熱飲！一於叫夠四餸！！分別有雞翼尖、雞中翼、魚肉春卷、菜肉雲吞，今日有少少飽，麵底叫左小油麵🍜車仔麵湯底有分清湯、秘製汁、秘製汁，沙嗲汁、辣汁以供選擇～二小姐唔食辣，最愛腩汁❗️等一陣好快有得食😍車仔麵賣相吸引，夠晒豐富😋春卷魚肉煙韌彈牙入口軟糯🐔雞中翼大隻，隻隻都好飽滿👍雞翼尖滷水汁夠入味，有小小肉～菜肉雲吞🥟雲吞皮薄，餡料豐富，味道唔錯😋推介+$3 可以飲埋杯凍檸賓🍷貼地大滿足😎

由中學開始已經去葵芳剪髮，每次經過都會食一碗車仔麵。今次專登帶個外國朋友嚟一齊食，水準依舊，好食。私心推介！秘製汁加手打麵！手打麵，其實應該就係上海粗麵，唔係周圍有得食，再加上佢嘅秘製汁，簡直係絕配！不過食咗咁多年，都食唔出秘製汁係咩味，總之就係好味。呢間車仔麵最特別係可以任加菜甫，有辣有唔辣任君選擇！我就建議加辣菜脯，再好食多一個層次。（掛住食，唔記得影加咗辣菜脯之後個樣）另外一個私心推介就係雞翼尖！佢嘅雞翼尖好入味，煮到好腍！不過一定要趁熱食！見好多客人都有叫滷水雞髀同腸粉，我今次都試一試。滷水雞髀屬於偏甜，但佢又未去到瑞士汁咁甜，好食。腸粉正常發揮，大家都可以試吓。

👍🏻 三餸車仔麵今次要咗個三餸車仔麵 三餸揀咗咖喱魷魚、魚肉春卷以及花枝丸！而麵底就揀左油麵 湯底就店員推介左佢哋餐廳嘅秘製汁 成個車仔麵嘅配搭好正 秘製汁味道濃郁 右面吸收咗秘製汁嘅味道 啖啖都好好味🤤 店舖非常貼心 怕咖喱魷魚有少少辣就分開上 口感非常爽脆 而且調味好足 呢個推介魚肉春卷同埋花枝丸都好有鮮味 花枝丸 食到粒粒花枝 口感十足！成個面真係大滿足👍🏻凍奶茶奶茶茶底非常濃郁 而且飲到奶香味 沖得好好飲 係經典嘅港式奶茶

車仔麵係香港特色，呢間老店車仔麵檔人流多，裝修都好懷舊風味，鋪面大又內有乾坤，入到入面有好多位置坐，可以選擇自己喜好的餸菜，如果有選擇困難症可以揀招牌車仔麵，仲有多款香港經典小食可以選擇。招牌孖寶車仔麵用懷舊雞公碗可米粉多，餸又多，有魚蛋、豬皮、雞翼、豬紅、蘿蔔、豬大腸。有免費提供菜脯，有辣同唔辣，加幾多都得，香辣菜脯我覺得辣度可以接受，加係麵度更加惹味，而辣椒醬都係香而少辣。燒賣有彈性，唔係麵粉口感，有魚肉味。腸粉好滑，而且係多醬料仲有芝麻。臨尾仲叫咗個腐竹雞蛋糖水，勁甜勁好味。

孖寶車仔麵 @ 葵涌廣場今日黎葵廣買零食齋雞粒…魷魚同芒果乾。黎到葵廣點可以唔順便掃下街…黎呢度成日見到地下呢間車仔麵長期多人…再 而且仲有好多係街坊look…應該唔錯。所以今次就將車仔麵放係尾站今日接緊9pm都坐滿人…不過呢度店員好好…會幫你搵下位…望下張點餐紙…全部都係好傳統既餸…我點左車仔麵必叫既雞翼，沙嗲牛肉，炸菜肉絲同牛腩配手打麵。朋友仔點左豬紅，蘿蔔，面根同滷水豆腐配米粉。蘿蔔好清甜無渣…雞翼滷得入味肉質仲好嫩滑…滷水豆腐好似上海豆干咁唔錯。沙嗲好貼心分開上…沙嗲汁帶甜…微微花生醬味…牛肉都可以。手打麵就好似粗身上海麵…麵質都唔錯行開葵廣唔掃街又想食下車仔麵…呢間都係唔錯既選擇

喺葵涌廣場真係超多好嘢食，但係位於地下嘅呢間孖寶車仔麵，霸佔咗好多個舖位，可見人氣極高，呢度更加有下午茶時段，所以都相當抵食！我第一次來，然後見到呢度竟然有得嗌車仔麵配腸粉，超特別，所以我要咗魚片頭、滷水豆腐、齋麵筋同埋雞腎。我覺得個滷水豆腐一定係必點，超級入味之餘，口感都勁好食！是朋友就叫咗秘製汁手打面加魚肉春卷，蘿蔔同滷水豆腐。朋友嘅手彈面真係好有口感，超彈牙！至於飲品方面，我哋兩個都係叫咗凍豆漿，超級濃嘅豆味，配車仔麵食真係一流！

今日去左葵芳做嘢，出面落好大雨，就留左係葵廣食午餐，今日嘅口味係港式車仔麵，就揀左揀裝修非常港式嘅餐廳食！我叫左個三餸車仔麵，分別係冬菇、咖喱魷魚以及魚皮餃，麵底當然係揀油麵😎 加左腩汁嘅車仔麵非常好味🤤 係我今日想食嘅味道👅而且車仔麵嘅三餸都好好味！餐廳非常貼心，怕客人唔食得辣，就將咖喱魷魚分開上👍🏻飲品就叫左凍檸茶，茶底非常濃，加埋檸檬香味，好正🙌🏻我仲叫左串唔辣嘅魚蛋，呢餐非常豐富💁🏻‍♀️

🍜三餸車仔麵餐（$52）$52就可以叫一個有三個餸嘅車仔麵再加杯熱飲；粉麵同餸都有好多唔同選擇今次我揀左五香豬頸肉、麻吉燒，魚肉條秘製汁撈手打麵；豬頸肉好入味好腍；麻吉燒原來係豆腐包住大大嚿煙韌嘅麻薯，食落去幾特別；秘製汁好似沙茶醬咁，香而不辣；大家食麵時可以加埋佢地嘅辣菜脯一齊食，辣菜脯辣得嚟好惹味，而且任加唔嬲野飲方面，本身包左一杯熱飲，但而家天口咁熱，我加左$3轉凍飲🍠蕃薯糖水（$22）一上枱就聞到好香嘅姜味，蕃薯份量好足；蕃薯用左黃心番薯，食落去口感鬆軟同甜度十足；糖水偏向姜嘅辣味比較多，飲落去好暖胃

細個都係鍾意食車仔麵咁啱呢間車仔麵開喺公司附近呢間之前返工嘅時候食過下午茶嘅抵食最好食嘅一定係蘿蔔糕加豬頸肉！仲有個好香既特製湯底🥰仲有加埋雞腎三餸車仔麵都係$46包野飲！估唔到呢度仲有豆漿可以嗌只係需要加$4就可以飲到，仲要係獨立包裝飲唔晒都可以拎返屋企慢慢飲最後加$20 仲有大大碟生菜🥬仲有可以揀走油會比較健康，下午茶仲要包熱嘅飲品好抵玩呀葵廣嚟講覺得算坐幾舒服平時樓上多數都冇位坐喺度堂食，但係呢間喺地舖嘅車仔麵後面仲新開嘅舖位堂食乾淨企理

葵芳地鐵站附近有葵涌廣場類似旺角中心既美食雲集既地方係地下個層有間叫孖寶車仔麵的店舖店舖有堂食同外賣上菜非常快手店舖以車仔麵，碗仔翅，腸粉等香港美食為招牌桌上仲有一本叫秘笈的菜單腸粉$12腸粉米味濃郁而且彈牙配上花生醬，甜醬，芝麻足料碗仔翅$22熱辣辣一大碗麻油味非常香濃每一啖都食到冬菇，雞蛋絲招牌車仔麵$54 3送一麵加熱飲凍飲加$3河粉非常淋魚蛋好彈牙，辣味夠菜肉雲吞餡料多豆腐入晒味牛腩大大塊，炆得好淋豬腸入晒味夠新鮮，有彈性凍檸檬茶茶味夠濃又夠凍姐姐招呼好，排隊有序區內朋友都推薦