安哥火鍋

营业中

休息中

今日同班老友記品嚐安哥火鍋😇食材超新鮮🌟🌟🌟👍🏻尢其個🦐🦀粥冇得輸😋一定要試😎個🐗入口即溶🤤仲有龍躉打邊爐仲有咩要求呀🤗今晚成班食得開心好滿足😎

~是日補生日+朋友聚餐~終於試到呢間蒸海鮮+粥底火鍋啦！真係恨咗好耐，次次想食但因為冇咁多人所以唔過癮😅😅😅😅😅今次試到，真係好正。最重要呢度唔限時，同朋友聚會吹水一流!😎😎😎就咁聽可能覺得冇咩特別，呢啲野周圍都食到。但係佢個重點在於海鮮係新鮮即“湯”，上枱仲係識郁架😶😶😶😶😶個膏蟹真係冇呃你，勁多膏架再加上佢係個蒸籠底有放定粥水，每蒸一次啲海鮮精華就會流曬落去。最後再加啲粥落去，滋味又鮮甜架!😋😋😋😋😋P.S.坐低簽到仲有個新鮮煮蜆送添。

看其他人的食評圖片，以為食材份量會較足，其實不然。龍蝦夠新鮮，唔太大，兩個人先得一只，實在未夠喉；肥牛每人三片，都ok有牛味；豚肉每人兩片，有驚喜，好濃肉香；魚片每人兩片，打邊爐一般般，可能蒸會好食啲；面包蟹兩人一隻，蟹蓋最好食，有膏，厚肉，其餘部份淡茂茂，冇蟹味；蒸聖子好鮮甜，可惜唔太大隻，每人一隻少咗啲；鮑魚每人一隻，普通貨色冇亮點。係Like FB送咗啲蜆，幾鮮味同冇沙。總括嚟講：食物新鮮有餘，份量欠佳。

因為係即叫即割 所以上食物既速度較慢 但都係個好處 等海鮮保持住新鮮 但大家去前一定要book左位先同唔好咁夜去 我諗因為為左保持食材新鮮 所以唔會一日入好多貨 想咩海鮮都試到既吃貨們 記住book早d 我會再去安哥🤓💪🏻

選了這裡食飯慶祝母親節, 座位只有幾十個, 所以已經預先訂好枱火鍋店有2款套餐, 一看價格十分親民! 似乎冇趁假期同母親節加價 ; 我地8 人, 貴同平既餐各叫4 份可以share 食同埋試多幾款海鮮枱上已放了2 個爐, 1 個是蒸海鮮用, 另1 個係火鍋用, 想點食法都任君選擇~有部份海鮮是時令, 唔一定有, 不過缺貨都會用其他海補上先黎既係蜆同生蠔 , 2 款都脹卜卜, 肉厚新鮮 , 海鮮我地全部用蒸爐, 因為真係比火鍋鮮味好多!一般海鮮我地蒸3 分鐘左右就食, 其實蒸真係冇技巧可言, 最緊要係海鮮新鮮, 唔蒸過火就一定好食, 店裡亦貼心地提供埋計時器鮑魚都係新鮮, 上台時仲係郁緊, 咁新鮮好難唔好味!而扇貝都係大大隻, 餐廳有火鍋調味料, 如炸蒜生蒜, 可以自己加入去調味!食左幾款海鮮當然冇乜飽肚感覺, 所以個餐都跟左豬肉同牛肉, 店員都推介我地蒸肉!一於試下~果然一試係返唔到轉頭, 蒸既肉比火鍋更好味, 可能肉汁冇散發咁多, 再加上呢2 款肉都似係比較靚既肉, 口感同肉味都好好! 我地仲加埋炸蒜蒸魚片接住就到份量十足的波士頓龍蝦, 冇唸過係即叫即劏, 龍蝦上台時都仲郁緊! 非常

我地一行八人七點半到店,未見有滿座情況.座位尚算舒服,不算太迫.我地分別叫左一個粥底同一個番茄湯底,因為係即叫即劏,最少等左十幾鐘左右,各類海鮮先開始送上,餓死我地班餓鬼.呢度既海鮮真係用料好新鮮,重點推介麵包蟹,大隻又爆膏!龍蝦,鮑魚爽口彈牙!另外,呢度既炸魚皮極為脆口,忍唔住一叫再叫!粥底清甜,但我地都一致認為番茄湯底同海鮮係絕配,真係鮮甜到不得了!淨係飲湯都飲飽呀!價錢真係非常公道,抵食之選!!Encore

如果打邊爐想食海鮮, 每人花費應該唔少, 但今次呢間有個海鮮套餐, 唔會將貨就價, 新鮮好味又份量適中, 每人叫一份, 連我的男性友人都話飽, 絶對抵食.我地揀咗個套餐B, 用咗沙爹湯底, 味道濃, 唔係咁適合海鮮, 所以我第二次食就叫清湯就好D, 唔會蓋咗海鮮o既鮮味.波士頓龍蝦好多膏, 元貝鮑魚都好大隻. 如果海鮮嗰日無貨, 店主就會用其他代替, 所以面包蟹就用咗羔蟹, 其實我仲鍾意, 一樣大隻多羔; 而唯一失望就係無蟶子, 就用咗大蜆代替. 感覺就好似無咁抵喇.  而所有海鮮都係即開, 上枱時仲郁緊, 所有野洗得亦好乾淨, 味道當然鮮甜.龍躉片, 黑豚肉同肥牛質數都中上, 食埋盤菜藍真係飽晒.飲埋几支啤酒都係每人300蚊鬆d埋單仲唔抵.

“抵打”海鮮邊爐套餐睇食評仍未有太多comment， 天氣咋暖還寒，唔凍要食凍更加要食。海鮮套餐極其吸引，簡單直接唔係A就係B，對一眾選擇恐懼症者更真是一大喜訊 。其實“精”已經是一大賣點吧！最後還是選擇食豪dd pack B : 主要梗係為隻波士頓龍蝦啦。出奇地原來海鮮（包括龍蝦，麵包蟹同鮑魚）都係放養係魚缸。平時只食到冰鮮麵包蟹既我地，都不期然大讚鮮甜好味，蟹膏同大閘蟹有得比美。除主打海鮮外，牛肉都比想像中更為甘香油潤，但個人可能比較少食豬（不嬲唔多鍾愛食），鹿兒島黑豚肉都無法令我改觀。開初以為二人前餐對我地黎講一定唔夠食，點知食下食下只加嚮鈴已夠我地飽足度提升到85%。大胃王可以加麵/烏冬結尾一定夠哂飽。最遺憾無叫粥湯底，叫左蕃茄薯仔湯底， 或者海鮮餐真的應該叫粥底，吸收海鮮精華更為適當，唯有下次anchor再試。真心推介

同朋友一齊去試新野，見到招牌海鮮火鍋，當然要試下！ 2款套餐，兩個都試試， share來吃！ 海鮮整體都非常新鮮，十分滿意。 套餐B ($268) 波士頓龍蝦 即叫即劏，肉質肥厚鮮甜，好吃！ 法國面包蟹 肉質鮮甜蟹膏爆多，好新鮮！ 花甲 日本大元貝 套餐A ($198) 生猛海蝦 肥美肉蟹 貴妃蚌 黃沙大蜆 以上套餐還包括以下配料： 生劏沙巴龍躉片骨腩 韓國鮮鮑魚 鹿皃島黒豚肉 手切本地肥牛 農埸蔬菜籃 另外和朋友再額外點了幾碟配料！ 魚皮餃（ $38） 炸魚皮（$28） 炸支竹（$28） 黃沙大蜆（$58） 最後當然要吃個窩巴飯，窩巴炸到脆卜卜，配在鮮味美味的湯底上又香口又好吃，一口氣吃了兩大碗呢！ 整體來說，食物真的不錯，但上菜速度可改善一下。不過，慢工出細貨啊！而且這裡的海鮮是即叫即劏的，想吃好的當然要耐心等候一下啦！ 

同朋友一齊去左試火鍋，好新鮮！套餐B ($268)招牌波士頓龍蝦一定要試！法國面包蟹蘇格蘭蟶子日本大元貝生劏沙巴龍躉片骨腩韓國鮮鮑魚看！大隻又新鮮，而且非常厚肉呢！鹿皃島黒豚肉手切本地肥牛農埸蔬菜籃魚皮餃（ $38）炸魚皮（$28）卜卜脆的炸魚皮是火鍋必備的！炸支竹（$28）黃沙大蜆（$58）大大粒又沒有沙粒，肉質肥大鮮甜。最後當然不少得吃個窩巴飯，窩巴炸到卜卜脆，配在湯底上味道一流呀，又香口又夠飽肚！

🍲🐟🍛今日係太子試左一間相當高質素既粥底火鍋！$268 set入面絕冇欺場！波士頓龍蝦-比相象中大隻好多每人半邊大大隻～勁新鮮肉質鮮甜，滾一陣已經食得重有龍蝦膏👍🏻😍鹿兒島黑䐁肉&手切肥牛脂肪分佈平均，味道濃郁😝法國麵包蟹都係每人半隻，勁多蟹膏。蘇格蘭蟶子，沙巴龍躉骨腩日本大元貝都好新鮮😍d海鮮份量真係令人食得好滿足。蔬菜籃入面既芋頭（未食完咁好芋頭）好有驚喜，入口即溶又唔係太粉！好好食😌呢間新開張既＂安哥火鍋＂真係冬天必食推介，最中意佢套餐冇＂丸＂之餘，d野真材實料份量岩岩好😎不過建議大家食湯底唔好揀番茄，因為偏淡

受惠於日圓下跌, 家人紛紛於聖誕節前後到日本旅遊, 而聖誕節前的傳統冬至飯亦因而要提早。冬至飯地點今趟選擇了不久前去過的 - 安哥火鍋, 與家人商討地點時, 原來家姐之前也有光顧過安哥數次, 對小店的海鮮也讚不絕口, 於是一行12人星期五晚前往。 由於火鍋店面積不大, 只有2張大檯, 所以預早訂定位, 店方安排我們坐靠邊的大檯。 今回人多, 可以分別叫上兩款不同的套餐, 可以嘗到更多不同的海鮮, 而兩個套餐不同之處在於, 套餐A (每位$198)有: 海蝦、 肉蟹、 貴妃蚌和大蜆, 套餐B (每位$268)有: 波士頓龍蝦、 法國麵包蟹、 蘇格蘭蟶子和日本元貝, 其餘的: 沙巴龍躉片骨腩、 韓國鮮鮑魚、鹿兒島黑豚肉、 本地手切肥牛和蔬菜籃兩個套餐都已包括。 而湯底方面, 因為人數多, 提供了兩個鍋, 我們選擇了芫荽湯底和粥底。 食海鮮當然要配上白酒, 我們自行攜帶了2支白酒, 而店方沒有收取開瓶費之餘, 還提供冰粒, 不錯的服務呢! 海鮮食材於門口的玻璃魚缸撈起後直接送到半開放廚房, 斬斬砍砍, 不一會火鍋食料很快已鋪滿整個檯面。 日本元貝肥大肉厚的元貝, 清洗得乾淨, 滾過後肉質

朋友推介海鮮火鍋。太子站已經係最近，行行下原來近大角咀。舖頭細細，只有五、六張枱。雖然個頭比較靜，但都建議訂位穩陣Ｄ。有兩個海鮮 set，一個 HKD$198，另一個 HKD$268，差別係麵包蟹 / 肉蟹、蝦同龍蝦、蟶子同蚌。我地六個，點左四個 $268，兩個$198。我地要左皮蛋芫茜同沙嗲湯底，沙嗲好香，食完唔太口渴，不過食到尾尾有點鹹。食海鮮，湯底都係淡Ｄ好。下次一定要試粥底，應該勁鮮甜。成餐既亮點係蟶子同麵包蟹，好新鮮，蟹起多膏同肉，好好味。反而龍蝦無乜驚喜，波士頓都係無乜肉食。初初諗住唔夠食，再點多碟牛肉、墨丸同響鈴，不過原來都夠食，少少過飽。已經即刻諗定約另一班朋友再食多餐。掛住食咩相都無影。

全家人都很喜歡吃海鮮，聽住在附近的朋友說，這裡的海鮮火鍋很不錯，便來試試看！我們選擇了$268一位的套餐B，包括了多款海鮮和火鍋食材！先點了Jar竹庶矛根，是用上新鮮材料製作的，糖份不會像現成的那麼高，又能解除火鍋的熱氣！湯底選擇了粥底和皮蛋芫茜個人喜歡清淡的湯底，不影響食物味道。跟餐的本地手切肥牛份量不多，但牛味很濃郁。韓國鮮鮑魚上桌時鮑魚還在抖動，非常新鮮！蘇格蘭蟶子留意到蟶子也是非常生猛的，味道很鮮甜，口感彈牙。日本大元貝帶子肉肥大飽滿，啖啖肉，很滿足！法國麵包蟹非常多膏！蟹膏細滑香濃，第一次打邊爐吃麵包蟹，波士頓龍蝦蝦肉彈牙，新鮮味美！體型也不小。農埸蔬菜盤最後單點了一碟本地手切肥牛和跟餐的一樣牛味充足，油份不會過高！吃多碟也不覺得油膩。整體來說，樣樣海鮮都非常新鮮！喜歡吃生猛海鮮的朋友，絕對值得來一試！