宏鮨芯日本料理

营业中

休息中

之前聽朋友講話有間日本野係置樂唔錯幾抵食今日休息下午就約左朋友去試下👀👭我喊咗一個北海道魚生丼（$98）魚生飯上面有三文魚🍣帆立貝🍥甜蝦🦐三文魚子🍣十分之吸引👀❤️份量都幾足 唔會話好孤寒 食材都幾新鮮喎 睇Menu仲見到有一個餐係有8件壽司加3個小卷再加個迷你烏冬🍜都只不過係$128👍🏻不過今日都唔係好肚餓所以冇嗌到 下次有機會再去試吓先😋🤩然之後我朋友就嗌咗個霜燒三文魚醬油漬丼🔥($85)佢係一啲搽咗醬油喺上面然後再燒嘅三文魚好香呀 燒完之後三文魚嗰啲油都出晒嚟🤤見到我朋友食得好滋味 搞到我都忍唔住搶咗佢個碗嚟食幾啖🤣上面仲有啲蟹籽點綴下唔錯唔錯🤩👍🏻👍🏻剩低嗰個朋友就嗌咗個和風牛肉丼🥩🍚($68)朋友話牛肉嘅份量都唔會少 洋蔥都好腍好入味😋佢個汁送飯一流！如果唔食洋蔥嘅話可以走洋蔥 同侍應傾偈問咗佢哋如果走洋蔥嘅話仲可以轉金菇俾你 有機會試吓轉金菇先應該都唔錯🤭🤭店入面仲有塊板寫住廚師推介 有個炸豆腐同埋即叫即整嘅玉子我都好想試呀😍可惜我哋三個女仔食唔到咁多嘢 下次一定要再去試吓先另外原來仲有得儲印花 一個餐一個印 10個人就可以換個拉麵同埋嘢飲啦都幾唔錯👍🏻

自從搬左出屯門後好少再黎青善街，今日來屯門探老朋友，順便過來青善街食街揾食，疫情後有幾間食店都轉左，見到街頭有間新開日本餐，就俾佢門面吸引住，好有日本feel，原本以為會好貴，望望佢地餐牌有刺身寿司熟食串燒，有日本豐洲直送飛機魚...另外亦有一人前晚餐，大約七八十蚊，價錢大眾化，因為朋友同我都非常中意食魚生，就試下佢地特上刺身盛合，有幾款飛機魚牡丹蝦同海膽，刺身全部好新鮮有質數，另外再叫牛油果軟殼蟹卷，油甘魚鮫，最後再叫左佢地招牌自家制蟹膏蟹肉玉子，即叫即整，熱辣辣，超正，果然係招牌菜，總括黎講喺屯門好有驚喜，下次入屯門一定會再黎，約多D朋友試下佢地其他野食，期待下一次。

佢嘅壽喜燒湯底好好味，豚肉或安格斯牛肉好好食，冬天黎个日式火暖粒粒唔错！仲有佢樱花虾黄金豆腐，皮脆内软！熱辣辣又香口真係好好食！吾係好飽又有好多配料加，性價比高！佢嘅烏冬好弹牙，可以一試！！食住火煱鐘意又可以叫啲鱼生及生蚝超新鲜，再嘆杯清酒或者嘆杯啤酒，美美的！間嘢話开咗半年倒，第一次食吾錯，我見佢午餐有好多選擇，好平吓！食个安格斯牛扒都係一百多啲啲，性价比超高！其他午餐幾十蚊都有，中午快閃係个吾錯嘅選擇！！係定会再次幫襯試埋其他嘢！

朋友介紹呢間舖今日同老公來吃下 ，環境不錯，天氣凍我叫咗個海膽炒飯櫻花蝦豆腐、 燒三文魚頭 ，老公就食劍魚腩壽司 、油甘魚壽司、 海膽壽司、牡丹蝦壽司， 估唔到有驚喜 價錢相當公道 重點係刺身夠新鮮， 服務員態度招呼都好好，會再來值得推介， 見到佢哋都有出午餐晚餐set價錢都好優惠， 我相信品質有保證， 老實講在屯門區甚少有新鮮的 刺身食， 我同家人都非常之喜愛食日本餐， 朋友試過介紹我來食 ， 我問服務員還有什麼推介 佢話 師傅整招牌玉子非常出色我哋都好想試由於太飽將會留待下次同家人來一起先試

終於比我發掘到隱世性價比超高嘅日式飯堂!可以俾大家參考一下 兩個小女孩食嘅份量😆首先我哋嗌咗小食(揚物): 土佐炸豆腐@$38豆腐真係好滑 好香甜！每人兩舊仔都唔覺得肥膩，再配埋佢哋自家製嘅醬汁，酸酸甜甜，特別開胃！開咗個胃之後，我哋嗌左一個店舖名物:鰻魚鮨心卷@$108呢個真係極力推介！鰻魚入口即溶🙂‍↔️一啖一個 仲有加咗少少醬汁，令到鰻魚嘅香味更加突出，仲要一條卷物有八件，件件都大大舊，佢哋嘅廚師絕對唔吝嗇佢哋嘅配料。食咗個卷物之後就即刻再order左兩個丼飯:•霜燒三文魚醬油漬丼$85 每件嘅三文魚都係大大啖肉，再配埋粒粒嘅珍珠飯，越食越有食慾，再加埋沙律醬同蟹籽，超級餸飯。•三色丼飯$138最愛嘅香蔥吞拿魚蓉再配上海膽同埋帆立貝，呢三種海鮮嘅鮮味簡直係完美嘅配搭，海膽本身都會怕有腥味，點知味道真係好！鮮！甜！聞到隔離枱嗌咗一個芝麻雞翼好香，我哋就忍唔住，又嗌埋一份😂😂 $62@3每一啖肉再夾雜着一啖芝麻香味，仲要隻隻雞翼都係肥美，不過略嫌可能價錢比較少貴，但係我都覺得係超抵食既！

晚餐時段誤打誤撞見到呢間鋪頭幾多人，就試下。點左兩個晚市套餐，一個壽司餐，有五件壽司、烏冬、玉子燒同麵豉湯。另一份要咗刺身丼，刺身算多，配有玉子燒、中華海草同埋麵豉湯。賣相很不錯，食完，再睇下個價錢，性價比好高～同朋友約好左會再光顧～

昨晚終於去左呢到食飯，好彩今晚都有位，同老婆仔試下。 首先就嗌咗一個吉列豬扒拉麵 個吉列豬扒真係做得幾好出面好多食嗰啲呢都會喺乾曬但係佢呢度呢個唔會同埋知道係啱啱整出嚟雖然畀出面嗰啲耐咗少少咁都 可以接受嘅大概等咗十分鐘啦，跟住 老婆 再嗌咗一個 女士禦膳呢都幾特別㗎喎真係啱曬女士去食佢有一個 魚生飯有啲壽司有啲三文魚跟住有個沙律 如果男士食呢就可能真係未必夠食啦。之後 嗌咗份生蠔價錢都唔算太平啦68蚊(2隻)不過嚟咗之後呢就覺得係物有所值喇，嚟到之後呢真係好大隻好新鮮 雖然等得耐咗少少啦 跟住我追生蠔 然後有個服務員就同我解釋返因為呢佢哋啲生蠔唔係好似出面有啲已經 開曬 整好曬佢哋係你要嗌嗰時佢哋即時幫你去整 所以先可以保持到咁新鮮 兩個人去食嗌埋嘢飲加埋都係二百零蚊即係120蚊左右一位 本人就覺得好經濟實惠 會繼續幫襯

之前裝修期間已經見呢一間商舖有派發食物比長者💖，所以都支持好奇一試. 星期六下午茶時間一個人到達，但係自己就冇選擇任何午餐或下午茶餐，反而對佢投下信心一票豪叫咗刺身拼盤及散叫壽司. 要試就要試啲高檔啲嘅魚類, 仲叫咗清酒，不過因為冇預冷，所以改咗叫一支啤酒!等待時間雖然較耐，但係當食物到達嘅時間就完全明白，因為食材係中上級數，魚片切割厚薄適中，壽司飯亦都做得合個人口味，雖然未能夠與市區高檔廚師發辦等類餐廳比較(個人亦都覺得唔公平出作此比較)，但絕對比同區其他所有壽司店及連鎖壽司店出色!! 短暫嘅等待非常值得!點餐時有小插曲，掃QR code點餐嘅三文魚子壽司同餐廳系統三魚子壽司件數有出入，當作出溫馨查詢嘅時候，我聴到店員向師傅轉達話”客人有爭拗”，經了解之後，雙方亦都斷定系統出錯. 壽司師傅就親自同我解釋. 可能就係嗰句”客人有爭拗”令到當時師傅神情少許敏感，但佢都免費再造多一件. 想澄清，本人只係作出有禮貌嘅查詢，絕對唔係爭拗🥹，請唔好誤會😉.就算有小插曲嘅發生，本人都好期待下次再光臨，因為魚生及刺身質素真係比同區其他出色好多！ 冇影到亦都冇上載到任何相片，因為本人唔寫食評. 今次只

喺屯門置樂區一直都冇一間好食嘅日本餐廳最近開咗間新嘅望吓啲餐單又唔算貴佢最好就係除咗午餐有set之外連晚餐都有set 咁啱今日唔使煮飯就過去試😂入到去舖頭細細尚算光猛但係位置都有啲迫我哋今次嗌咗個吉列豬扒拉麵跟餃子同埋燒三文魚丼飯配玉子另外加配一份蟹籽沙律，芝麻雞翼仲嗌咗份牛油果軟殼蟹卷物試試Kelly豬扒炸得幾香口，但略嫌乾咗少少豬骨湯底濃，麵質彈牙三文魚丼飯就正常發揮不過好在份量好足夠軟殼蟹卷麥等得比較耐味道都係正正常常個人覺得佢嘅晚餐set好出色份量夠價錢又唔貴基本上最貴都係$100頭午餐就係$6, 70就有啦😋

以前係何福堂就食過好多次，而家搬左過黎置樂我當然要幫襯，雖然新開張呢幾日未有得食玉子燒同天婦羅（以前食過超正），其他好多我都order左，刺身熟食都好好味下次過黎食玉子燒同南瓜番薯天婦羅 新鋪環境唔錯 廁所都好乾淨 戴眼鏡既waitress好有禮貌！！！其實我好surprised一直無乜點加過價 我覺得好抵食 人均200-300食到好飽

晚市時段，可能係試業階段，餐牌入面好多野都冇得食，又無雞蛋，所以無玉子壽司食，全店得3枱客，坐得鬆動，新裝修環境唔錯，我同太太order 左枝豆，腐皮壽司，原條穴子壽司，青瓜小卷，加州卷，及特選刺身盛盒，頭5樣等左10至20分鐘，時間合理，但係個刺身盛盒等左40分鐘都仲未有，期間追左幾次都係無回音，反而另一枱客遲過我嚟一坐低就有，真係無嘢好講，只好再追多次，留意到原來師傅仲未整，一路只係優先招呼緊第二枱熟客，只好cancel order走人, 失望，唔會再去