客家好廚 (已結業)

平時有係度飲開茶，ｄ樓面阿姐態度ok的。是次首次外賣半隻米鴨回家吃，個收銀阿姐比左兩包酸汁，半隻鴨邊夠？叫佢比多兩包，佢好唔情願甘掉多一包入去，大大聲仲話，入面已經有兩包啦，講到我呢個客好貪心佢兩包酸汁甘，真係好好笑。好員工，恨兩包酸汁，我仲會同你買鴨？唔會囉，無下次。

係雜誌見到介紹，所以黎食母親節飯，由於係母親節前一日，main menu收起左，得餐同少量a la cart，覺得啲餐唔太啱食，所以散叫。我地8：45落單，叫左8個餸，到9：30黎得三個餸，所以開始追佢，佢一路答話追緊，追左佢幾個字，都冇餸黎過，到9：50個經理行埋黎話漏單，會盡快上俾我地（係！8個餸漏左5個！），其間，個樓面仲問我地做咩唔早啲追單，我實在忍唔住反問佢：其實你見到枱客坐左個幾鐘張枱一路都係吉嘅，你唔去問下啲餸到齊未返而話我好唔追你？到10：00開始出其他餸，我問佢幾時出得哂，佢話10：10，結果到左10：10，佢好準時出黎埋最後兩個餸，同時，最經典嘅事亦發生啦，個苦瓜唔熟嘅，勁硬，個豆腐，個心凍嘅，我問經理點食，但話因為我地話要快，怕我地等得耐，佢地想補償漏單，快啲出菜，我想問，唔熟嘅食物係一個咩類別嘅補償？完全冇哂胃口嘅情況下埋單，個經理拎張單埋黎，好似好慷慨咁話waive左我地個兩個餸同汽水，我望一望張單，問佢覺得憑咩收我茶介同加一，佢先至話免埋我，其實，埋單七百幾蚊食一餐背脊骨落嘅飯，我地完全唔知為咩…難得成家人一齊慶祝母親節，掃哂興！

今日係Boxing day, 唔使返工返學當然就瞓晏啲啦. 嚟到11:30, 唔想搭枱所以要等, 等咗15分鐘左右, 就有一張卡位, 因我哋唔係第一次嚟, 得知坐卡位茶錢會貴啲. 老公就問帶位果個西裝友(應該係經理)--坐卡位茶錢會貴幾多, 點知西裝友唔啋佢, 老公再大聲問, 西裝友先勁悔氣話貴$1.00, 咁你坐唔坐吖? 本來多幾蚊唔係問題, 但身為經理, 茶錢唔一樣, 係咪應該主動話比客人知呢, 而家客人問到, 佢仲咋聽唔到又串串貢. 老公火都嚟, 就話-我要坐返普通啲枱. 西裝友竟然唔出聲, 手指向門口, 示意搵門口知客攪. 嘩! 咩態度呀! 勁差囉!叫咗個點心粉麵套餐 $75.00:--一碟炒粉麵飯+兩款點心+一碟菜. 另叫一籠流沙包 (百厭仔至愛) 星洲炒米--炒得夠乾身, 唔係太辣, 正! 焯娃娃菜--OK 燒賣--唔太鬆散, 味道唔錯. 正! 鯪魚球--唔錯 流沙包--包身鬆軟, 一咬就有大量"流沙"湧出, 為免"辣親", 一定要小心慢慢食 茶錢$6.00一位, 連加一. 埋單$112.00

今日襯兩公婆一齊放假, 賣甩百厭仔拍拖去飲茶兼食埋晏. 呢間酒樓開就開咗好耐, 今日係第一次幫襯.10:30去到, 要搭枱但唔使等位. 叫咗:-- 燒肉飯 $15.8--燒肉皮好脆, 嫌比較肥, 多啲瘦肉會好些. 味道唔太鹹, 唔錯! 太歲雞飯(油雞飯) $15.8--油雞嫩滑夠入味, 飯嘅份量都唔弱, 好在有老公埋尾. 雞扎 $11.8--有齊火腿, 冬菇, 魚肚, 雞肉, 味道OK! 鮮蝦水餃 $11.8--一碗有五隻. 餡料入面有薑粒同芫茜蔥, 對於唔食呢啲嘢嘅我, 非常艱難地嚥下一隻. 茶錢$5.00一位. 埋單$72.00

今晚做節, 又來食晚飯,坐的是卡位, 寧靜一點,這間酒樓每次都令人很滿意今晚叫了梅菜扣肉, 太好吃了, 很入味, 又唔算太多肥膏, 很送飯~蒸倉魚, 很大條, 肉質滑, 唔錯!還有竹笙什菌豆腐, 健康之選, 豆腐滑, 份量又多~最後仲送了眉豆糕做甜品, 飽得叫人捧住肚子走~這裡的經理同侍應做嘢都好快手, 又有笑容, 今時今日, 真係唔係度度有咁嘅服務態度呀, 令人食得開心又放心~

當日係星期五，同老公去完蝴蝶灣拜完觀音，跟住就過咗蝴蝶邨商場搵茶樓飲茶食點心，一上電梯就見到呢間酒樓冇人等位，咪行埋去攞位囉，點知門口個姐姐都話要等等，原來唔搭枱就要等一陣，(因為啱啱有張枱埋單。)大約等咗十分鐘咁上下，一行入去就已經聽到好嘈，仲勁過街市，街坊茶樓冇辦法啦，啲師奶可能喺買餸前先約埋飲餐茶、吹吓水咁啦，就當入鄉隨俗啦！唔好計較咁多，其實都算食得過o既。

2011年9月3日，約左D朋友去左蝴蝶邨飲茶，點知揾左半個鐘先揾到間酒樓，一去到竟然見到個著紅色衫乸乸既男士站係酒樓門口，然後問我地幾多位我地一共10人，門口甘多人都以為要等好，點知都係等左二十分鐘，後來先知D人係坐係到傾計，都唔係等位飲茶，入到去需然唔係好大，但係都幾靚，都未坐低，個侍應就係甘問人飲咩茶，我個朋友就話：阿姐，可唔可等我地坐低先呀？妳好趕時間咩？快D叫野食啦！好肚餓呀！嘩！真誇張叫野食既紙，成檯面都係，真係花多眼亂！都係好例牌果D，蝦餃、燒賣、粉果、鳳爪、排骨、小籠包，叫到成檯都係點心！重另外叫多兩個炒粉麫，一個褔建炒飯，一個柱侯牛腩炒河。等左好耐D先有得食，問個高高地著西裝個男士，佢就話：得得得……等左半個鐘終於有得食，但係咸左D啦，個炒飯超咸呀，個廚房師傅都唔知係唔係輸左馬仔，甘重手！個牛腩河個汁好肉酸。食左個半鐘，抱住個肚去啦！

今日去客家好廚飲茶..等左十幾分鐘就有位..比起市中心酒樓都算快..而點心質素都好有驚喜仲有食都一種點心..叫..個皮好脆..入面有蝦..d蝦都好爽..好好食

昨晚入左來屯門親戚度，準備今日一齊出發我們的台灣之旅！！ yeah~~ 去機場前，飲餐茶食個包先。 親戚話屋村樓下有間好抵食既茶樓叫客家好廚喔。 甘就近啦。由於親戚經常來，無book枱都只系等左10分鐘。快。 坐低馬上睇點心紙，喇喇淋叫野。哇，真系好抵食。 仲有特價添。 牛肉腸竟然是$3.8？ 我無眼花嗎？？ 出品還可以啦，d腸粉較厚左d， 少少肉。 不過甘既價錢，甘既享受，我覺得好抵啦。腸粉加多籠蝦餃，蝦餃都唔錯，幾新鮮，早餐甘就搞掂啦。 拉拉淋準備去機場咯！！ 真系好少有吃甘既早餐咯。 平價且ok，一家大小的早餐。

自從領匯大裝修這個商場, 多了好多新食肆,也多了一個飲茶唔洗等位的地方, 每次去新星都大排長龍,真係唔想再去, 呢度等 10 分鐘就有位了, 太好喇點心說不上是什麼超水準, 但有好多都係好簡單又好令人愛不釋手的點心, 喺美心/新星偏偏已經絕跡大致上點心的用料十足, 叉燒包、咸水角、蝦腸都令人滿意,蝦餃的皮很滑, 蝦多又爽,海鮮沙律卷唔錯, 睇個名都估唔到原來佢用越式春卷皮喎, 仲有紫菜喺入面, 呢個配搭又幾 match 幾得意!仲有呢間酒樓我必點的桂花紅豆糕, 一次過滿足晒兩個願意, 太好的配搭了!喜歡坐卡位, 靜一點又唔洗咁多人喺你前前後後行嚟行去,又有電視睇, good! 不過留意茶錢又加一蚊~待應服務都好ok, 做嘢快手, 上菜都算快, 未試過漏單,會定期幫襯!

本來都不想寫這餐的,因為都是飲早茶吧了.但今次發生了不思議事件.真的要發佈下…慣例出門口後有時間就去客家飲個茶,未夠八點都超級多人呀~在酒樓轉了一圈只有門口旁邊的一號檯有個位咋@@看看點心紙…不是我眼花嘛…好得人驚~~~~因為..因為~~~百合素粉果回巢呀~~~點心紙上再度出現我喜愛吃的百合素粉果一欄,呵呵好開心…另一邊箱…好離奇…很難吃的西菜粟米丸被飛OUT了.(點心紙上無呢樣野)定一定格諗:唔通客家好廚高層會走黎開飯睇食評?呵呵,很開心.雖然素粉果榮升$6.8系列,無所謂無所謂,只要好吃便可.再加點一個$3.8系的牛肉腸,剛好來之前突然想食腸粉素粉果水準依舊不變,材料一樣咁豐盛,草菇,西芹,荀,紅蘿蔔,爽脆有汁.塊皮厚度剛好,有點點透出餡內顏色,回想起雪菜餃那種厚得吃不消的皮,真印象深刻 XD而牛肉腸每條只有頭尾有一劈牛肉,雖然這個是$3.8的質量,不過反而岩哂不想吃得太多肉的我,其實牛肉腸只有少少牛肉餡就夠味了,太多會吃到很膩呢~腸粉層皮比前幾次進步左,起碼吃入口不再糊淋淋,現在的夠滑溜和軟熟,配埋豉油甜甜地,好味,我還以為三條會吃不哂架,點知….全清碟了~HEY~~~記住要保住

剛剛好一個月無來飲早茶4月27日趁得閒就過去了.坐下後發現店方將點心紙全面換樣.內容都更改了不少.1)刪除了上次我提到的人少少都食到的方式,即是某幾種點心(如蝦餃,叉燒酥,珍珠雞)可以選2粒/3件的,現在全部點心均一返要點完整一籠/一碟.失好了該店特別的彈性~2)加了一些新款式的點心之同時,亦刪除了某些點心,當中有我至愛但真是好好味的'百合素粉果'Orz...(晴天霹靂)食物方面,連續兩星期都到一次,特價點心都是那堆~~@@$3.8點心有牛肉球和粥.兩樣都不想食(立即回憶$3.8百合素粉果>.<)....前次點了均是$6.8雪菜水晶餃和雞包仔.上星期那次就試了值成$9.8的西菜粟米丸和又是雪菜水晶餃.水晶餃的皮厚到O咀囉黏黏韌韌的.有點怪的口感.而雪菜外,仲有蝦粒和蘿蔔粒.前次吃覺得這個配搭又幾好,爽爽的.但第二吃的雪菜就咸得多了.有點難入口.而雞包仔就是平時吃到的質素,包身鬆軟啦,雞肉餡有蝦粒.無什麼大特別,這個價錢已經有三大個,還想點呢?最可悲的是特價點中最貴的粟米丸.我已經在點之前問定服務員粟米丸是什麼?確認是蝦膠制成的丸,就覺得十蚊梗係抵食啦.點知...領野..

一個人去酒樓飲茶對自己來說已經不是什麼新鮮事,除左家人不知外.不過今早去客家好廚就是頭一次了,始終近自己住的地頭,見到街坊機會率相對提高(怕佢地吹水吹到去我阿媽度=.=")自上次2月和家人試過閒日飲茶後,那早茶優惠真是平到笑.點心$3.8起.今日都是繼續重溫我至愛"百合素粉果",呵~正好做緊優惠,$3.8!另外客家釀豆腐都想試很耐.(晚市菜式都有佢),都是特價$6.8.一少片彈牙鯪魚肉釀在金黃色的磚型豆腐件上,豆腐四邊煎得過火左,較韌,好在裡頭滑溜溜.不過麵豉醬汁太多油,要用茶清一清走些,才敢吃入肚.今天這兩位服務生態度好,又有禮貌.歡迎前,多謝後.加水又快手,閒時仲落力幫大家找位子.可能是新請回來吧?呵~最後兩個點心加茶錢$17.食到飽,平到咁,邊度搵.梗會翻炒,不過大前提要我早出到門口才有機會了~~~.

得知客家好廚的名物有-冬瓜封和蘿蔔蒸肉丸,一直想試想試,但懶得出去天水圍吃.好啦,估不到領匯招到客家入來屯門開分店,還要開正我家附近個商場.城隍廟近在咫尺,可惜時機未到喔,個多月了還未試到名物,反而在近期於早茶和晚市淺嚐了其他出品,值得記錄一下早茶2010.2.9素粉果：皮子軟淋煙韌,餡子勁多菇菇,清得來好鮮味.連媽媽讚好味道.素腸粉：腸粉皮不會糊到劈劈野,餡子都是以菇菇為主,很清新,媽媽又讚!叉燒酥：叉燒的蜜味香,肉質軟淋,唯獨是份量得一點點,酥皮鬆化,牛油香.媽媽再讚.ps:我媽好少可讚街外既食物架 XD煎蘿蔔糕：蘿蔔糕足料,糕身不會死實又不會淋劈劈,剛剛好.而且煎得香口.三色米珍珠雞：糯米加入紅米,多一份口感,但妹妹就不喜歡紅米的粗糙一隻珍珠雞的大小約兩隻手指咁闊,而餡料佔了一隻手指位.算充足了.部份點心是可以點2件/3件的,我和媽媽都很鐘意這個做法,因為方便到人少少的飲茶人士.不過服務就差很多少,大部份服務員都慢動作似的,而茶壺要開蓋一陣才有人加水.有位阿姐好似不休做,全程黑面不在講,叫她加水幾回,她都當聽不到走左去了.晚飯2010.2.17年初四與親友們吃晚飯,等家人親友期間

諗住新開張，所以團年飯去試下....點知未食就已經一肚氣book咗位晚上9點7個人，屋企人係8點幾已經去等，原本已經等到話有檯俾，點知突然有酒樓職員朋友到酒樓，打個招呼就將張檯俾咗人，跟住等到9點三都未有檯....其實當時已經冇咩人等位，好聲氣問個知客小姐幾時先有檯，個位小姐已經十問九唔應，忍唔住問多佢一次，個位小姐就極度悔氣話"下張咪到你囉，如果有檯嘅話"最後俾我地發現有張檯冇人坐，問個位小姐個張檯有冇人，又悔悔氣氣問返我地轉頭，個張檯執咗未.......最後驚動酒樓經理先安排入座坐低點菜，要乜都冇，勉強點咗十樣菜....食物份量極少，最後要加到十二個先勉強夠食......待應入單，有2個菜重覆入單，菜嚟到之後仲話係我地自己點多咗......總之以後都唔會再幫襯。