家後2.0

营业中

休息中

對呢間舖頭嘅安排真係好失望同唔開心。佢哋排隊嘅方法亂七八糟，冇人睇得清楚邊個係邊個，有啲人仲插隊，店員都唔理。我等咗半個鐘，但係見到有啲人後到先到，仲比我快拎到嘢。咁唔公平我即刻同店員講呢個問題，佢哋就話呢啲係客人之間嘅事，佢哋控制唔到。呢種處理態度咁冷淡同粗魯，完全唔尊重客人。我覺得呢間店嘅服務同安排差到爆，唔值得去，都唔會介紹比任何人。希望佢哋可以改善佢哋嘅服務質素同對待客人嘅態度，唔好再令其他人受到咁嘅對待。

之前幫襯過 家後今日第一次嚟到2.0，環境都好企理乾淨食物味道依然咁好今次叫左：灼餃：芫茜豬肉餃 （$38/8隻）蒸餃：韭菜豬肉餃 （$42/8隻）加杯凍豆漿 （$6/杯）仲送左碗湯😊後來先見到今日特別口味係京蔥豬肉🫣🫣🫣，但食左16隻餃已經好飽了…個個都想嚟食巴斯克蛋糕，真係個個都食到咩😂嚟到嘅時候已經售完了😮‍💨😮‍💨食餃期間，不斷聽到有人問仲有冇蛋糕又有藉口下次再嚟啦，希望下次食到巴斯克啦

手作餃子呈鈎狀的弦月，外皮玲瓏剔透，餡料閃閃發亮。(1)雲耳椰菜豬肉餃雲耳及椰菜變成小顆粒，既有咬勁(Sok Sok聲)，又與緊緻的餡料混合在一 起。椰菜水分多，在成為餃子之前需控制濕度，令其不影響餃子皮。味道方面，整體口感偏向小甜。燉湯送完即止,若不夠裹腹，可加配套餐(是日鹹飯、冷盤小食，以及烏龍茶)。由於日籍老闆娘主理，小食或配料之中，總留有日式定食的蹤影。 除了餃子聞名，巴斯克芝士蛋糕亦是招牌之一。可惜數量及口味屬於限定，無緣品嚐。 月半彎的浪漫，只有雲朵才能知曉。☁️

收藏咗好耐嘅餃子店，終於可以一試除咗餃子出名之外，就係日籍老闆娘自製嘅巴斯克芝士蛋糕🍰可惜近排因為東主有喜而停售呢度嘅餃子口味比較傳統，每日設有一款是日款式，當日係京蔥豬肉餃子餃子一客八件，可選灼或煎可加錢雙拼同轉套餐———————————————————灼餃 ($38+ 2)餃子白灼無湯，是日湯會分開上▶️ 是日湯當日係冬瓜薏米湯，有趣地飲落係另一個味😂變咗赤小豆粉葛湯啲friend個人麻麻哋個味，不過欣賞佢用真材實料煲，無加工、天然味道▶️ 椰菜雲耳豬肉餃 豬肉較粉紅，肉質鮮嫩椰菜帶鮮甜味道，雲耳就唔係太出如果椰菜同雲耳大粒啲爽口啲會更好食▶️ 芫茜豬肉餃 見越嚟越接受到芫荽味道，就挑戰吓芫荽豬肉餃😛食第一粒嘅時候有種難以形容嘅味道，唔係蔬菜味，而係香香地咁不過食第二三粒就真正品嚐到芫荽味，唔算濃烈，正常發揮———————————————————煎餃中式套餐 ($42+2+20)中式套餐包是日住家鹹飯、冷盤小食、烏龍茶▶️ 冷盤小食好日式嘅前菜，係醃咗嘅菠菜味道鹹鹹地，上面灑上芝麻粒▶️ 韮菜豬肉餃 韭菜味道超濃郁，惹味過芫荽餃好多切碎嘅韭菜咬落爽口，似食緊韭菜餅好適合煎嘅製法😋▶️ 小籠包豬

今次食家後嘅新店家後2.0，同舊鋪最唔同嘅地方係，2.0格局好似一間cafe。至於食物方面，煎餃🥟水準依然好好，今次試埋都係受好多人推薦嘅飯團，不過感覺普通🤪味道(8/10) 環境(7.5/10) 服務(7/10) 抵食(7.5/10)咁多款餃子中最鍾意洋蔥🧅豬肉餃，洋蔥新鮮又甜，而且同豬肉好夾。加上佢嘅煎餃技術同舊鋪一樣咁掂，煎洋蔥🧅豬肉餃簡直係無敵😂好似前面咁講，飯團🍙普普通通，我覺得唔試無蝕。家後係一間好特別嘅餃子店，無論係新店定舊鋪都會提供埋飯團、各種口味嘅cheese cakes，新店americano, expresso 同latte都有。應該真係想行餃子cafe路線 哈哈 好搞笑📜🥢🥟煎洋蔥豬肉餃 $42🍙日式住家飯團 $16

今日去深水埗食餃子，家後2.0，佢第一間總店就開左喺附近，之前經過大排長龍，今次一早去新開分店，好好彩唔使排隊有得食。-韭菜豬肉餃餃子夠飽滿，皮夠薄，韭菜味道十分突出，餃子係依然充滿肉汁。-雲耳椰菜豬肉餃雲耳椰菜一向都係最佳餃子組合之一，雲耳爽脆，椰菜清甜，加上豬肉相互調和，味道調味剛剛好。-小籠包豬肉煎餃非常有創意的餃子款式，利用小籠包的做法，用於傳統餃子上，餃子咬開，充滿肉汁，味道同正宗小籠包有9成相似，值得一試。-評分 : 6.5/10

家後2.0 既裝修更有溫馨小店既感覺，而且仲有洗手間~ 今次主要食灼餃! 叫左韭菜豬肉餃拚雲耳椰菜豬肉餃。餃子大大粒，好足料，咬入去都係餡料，仲要好juciy，要小心爆汁! 韭菜豬肉好重韭菜味，肉既比例剛好，唔會搞到太油膩。芹菜豬肉餃食落感覺比較清新D。個人都幾推介菠菜豬肉餃，呢款又係爆汁，入面菠菜唔會煮到淋曬。食灼餃一定要叫埋佢既豬骨湯上海面，湯底清淡但夠曬味道，唔會過咸搞到好口乾。另外，仲有跟埋是日燉湯，都係好足料，好有呀媽煲住家湯水咁，冇味精既感覺! 食餃子就想配熱豆漿，甜甜地，好飲!有趣既係食餃子既地方，係有得飲咖啡，鐘意既朋友唔好錯過啦! 今日遲左黎，馳名既cheesecake已經賣曬! 希望下次食到啦!

依間想試好耐，但總店成日好多人排，今日經過2.0見無乜人就試下啦。但發現真係名過其實。叫咗灼餃八隻，味道可以，但問題係細隻、餡料少。平日八隻我都夠飽，今日食完要再叫小食。而且分湯上，啲餃再浸湯都係唔夠熱。小食叫咗沙薑雞翼，大隻，但淋得濟，似煮咗好耐。芝士蛋糕味道正常，未到要專登嚟食佢，而且又係太細舊。啲枱亦唔太好坐，本身店員叫我坐四人枱，枱太矮凳太高。後來有其他食客，我搬咗去bar枱，張櫈同枱都唔多穩陣，而且近門口都好熱下。店員唔夠，成日想搵人時都發現樓面無人。

我見朋友都好多次同我提起呢間餐廳，話佢哋嘅辣豬肉煎餃實在好正。我都係食餃子愛好者，聽到好嘅評價之後，我就決定親自試下啦。講返啲煎餃啦！首先，啲餃子上嚟嗰刻，個香氣真係好香好誘人。佢哋係鐵鍋度煎嘅，所以底部好脆，一摸就知道。啲皮薄薄地，唔會太厚，好食唔會過酥。而啲豬肉餡，呢個係焦點啦！餡料入面包咗啲香料，令味道好濃郁。而啲肉質鮮嫩多汁，一咬落去真係有啲辣，但唔係咁刺激嘅辣，啱啱好啲。加埋啲蔥花，令味道更加豐富，同埋啲口感更加出色。配上啲醬汁，真係更加完美。餃子已經好好食，加咗啲醬汁令味道更加層次豐富。啲醬汁有啲微辣，又有啲酸酸嘅味道，同啲煎餃嘅香味好match。總括而言，我揀呢間餐廳嘅辣豬肉煎餃係因為啲朋友嘅推薦同埋我對呢間餐廳嘅印象都唔錯。而食過之後，我可以話我絕對冇後悔。

位於深水埗的「家後」出名食無味精湯餃子及日籍老闆娘自家製的巴斯克芝士蛋糕，今日帶同媽媽潮聖新店「家後2.0」雖位處深水埗區，裝修卻一點也不「地茂」，簡約雅緻的裝修衛生舒適，有咖啡室的感覺，更裱上駐店畫家的畫作桌上提供菜脯、辣椒油及醋等調味料，菜脯及辣椒油辣度高==========🔹手工水餃：灼餃 $38 (雙拼+$2)送是日燉湯，加豬骨湯上海麵$16點選韭菜豬肉拼芫茜豬肉，共8隻燉湯為螺頭燉野山菌，清甜沒味精又毫無膩感餃子皮厚度適中夠滑身，韭菜及芫茜皆新鮮香口，豬肉鮮味富肉汁又有彈性，肥肉不多配上少量生菜；上海麵口感細滑帶點煙韌，湯底同樣清甜不膩推介指數：9/10==========🔹手工水餃：煎餃 $42 (雙拼+$2)點選芹菜豬肉拼是日新款餃子，共8隻餃子煎得非常香脆芹菜爽口鮮嫩；是日新款餃子京蔥豬肉餃，咬開時有爆汁感覺，京蔥跟豬肉配搭得宜，非常滿足推介指數：9/10==========🔹沙薑雞中翼 $304隻雞翼皆飽滿厚肉，外皮充滿沙薑味道；雞肉雪白入味推介指數：8/10==========🔹是日其他口味芝士蛋糕 $33有抹茶、焙茶、咖啡、開心果、Oreo朱古力、冧酒提子等，當天

之前聽朋友講一個星期食三四次覺得好好味嘅餃子店，今日終於來拜訪到，晚市時間非常旺場，平時餃子店嘅設計多數懷舊啲，但呢間新開分店裝修精緻新潮，牆壁掛咗幾封彩畫，客人坐得好舒服，食物我哋點咗麻辣豬肉煎餃，非常喜歡佢煎餃個皮底厚身香脆，係餐廳新品餃子，店員特意大力推薦，餡料非常豐富，咬落有明顯清清麻辣香，十分惹味，絕不嗆口，啱曬中意食辣過口癮既客，另外菠菜豬肉灼餃，蟲草湯底好香，菠菜豬肉餡料搓得平均，小食我哋點左沙薑雞翼，好出色，濃郁沙薑香，雞翼煮得夠稔，啖啖肉吸收曬湯汁，飲品則推介豆漿，甜度恰好，消暑一流🥟

聽朋友講咗呢間餃子店好耐，終於有時間嚟試吓人氣cheesecake。家後2.0新分店裝修係文青cafe風，環境靚、幾好坐。手工餃子套餐 （灼） $40雲耳椰菜豬肉餃有8隻，灼餃皮夠薄、雲耳有口感。套餐仲有是日燉湯，十分抵食。是日燉湯係螺肉海底椰，湯頭鮮甜無味精。朋友叫咗個（煎）手工餃子套餐 $44分別揀咗4隻洋蔥豬肉餃同小籠包豬肉餃。煎餃香脆，一人份量啱啱好。小籠包餃仲有肉汁流出，口感更過癮。芝士蛋糕🍰分別點咗原味（$28）同是日其他味（$33）因為晏晝嚟得早，見到cheesecake兩隻味都仲有，即刻點晒兩款。原味cheesecake香濃軟滑，朋友encore了多件。我食限定開心果口味，都好有驚喜。開心果味濃稠，落足料依然保持到軟滑度

之前食過家後嘅第一間舖頭，雖然佢係一間餃子店，但就已經俾佢個巴斯克燒焦蛋糕深深吸引。見佢開咗一間分店，所以就黎試下佢分店嘅質素。舖頭應該啱啱開咗冇幾耐，所以裝修都好新淨，裝修風格係小清新。主食方便叫咗八隻湯餅同埋八隻煎餃，我有椰菜雲耳豬肉餃，菠菜豬肉餃，同埋韭菜豬肉餃。呢三款餃子個人最推薦菠菜豬肉，菠菜唔會好老，口感同香味最好。另外湯餅嘅老火湯都非常之足料入味。然後仲嗌咗滷水豬手，同埋一個青菜。滷水豬手炆得好淋最後壓軸出場，就係佢哋主打嘅巴斯克燒焦蛋糕，同之前食嘅一樣，中間軟心，口感棉密，蛋味非常之香濃。食完一件仲想encore第二件。

本身已經係家後嘅超級fans，喺我心目中係全香港最好食嘅餃子❤️‍🔥知道佢最近開分店即刻衝過去試吓！去到鋪面同以前好唔同，新店行文青風格，仲賣埋咖啡，啱晒平時喺度chill一chill。嗰日仲見到有藝人嚟買外賣😍朋友第一次嚟食，所以我叫佢咩都試吓。灼餃子我哋揀咗韭菜豬肉餃、菠菜豬肉餃。至於煎餃子我哋就揀咗小籠包豬肉餃、雲耳椰菜豬肉餃。餃子一如既往地多汁多料爆好食，我就最鍾意煎小籠包豬肉餃，真係好似食緊一個小籠包咁樣，超級Juicy。點埋喼汁就真係可以一個人食20件。灼餃子個湯底係精粹，嗰日係螺頭燉野生菌，超級入味，我同朋友完全將佢飲晒，無得頂。另外仲叫咗個沙薑雞中翼、日式住家飯糰，當然唔少得最出名嘅開心果芝士蛋糕！好彩我哋去到仲有貨，強烈勸喻大家一定要早啲去😆飯糰同出邊食嗰啲好唔同，相對上健康，同埋有好多料。至於芝士蛋糕真係用好食都唔足夠形容，一入口就好似溶咗咁樣，質地好似Movie，食極都唔停，好想買晒成底返去😭

剛剛行完汝州街買布料同珠仔，經過呢一間餃子店，諗住試吓。佢除咗有烚餃子，煎餃子之外，仲有飯，小食，上海麵，甜品等等。不過今日因為蛋糕師傅不在，所以沒有蛋糕。灼餃子非常健康，食落去沒有任何味精味， 10分像媽媽在屋企整的餃子一樣，吃得多也不會油膩。煎餃子比較香口，粒粒飽滿，點埋醋，有豐富口感。沙薑雞翼10分夜魅，我們叫埋上海麵，即刻變咗沙薑雞翼麵，像車仔麵咁，非常過癮。上海麵麵條比較粗，所以食落去會有彈牙的感覺，口感豐富。滷水豬手非常之入味，可能因為炆得比較耐，豬手的筋也10分淋，超級好食。叫一碟兩個人share都10分足夠。今天的住家湯是牛肉湯，非常補。豆漿在這裏是必要的，無論凍定熱，黃豆味10分香濃。