影片
港铁土瓜湾站D1出口, 步行约8分钟
继续阅读
电话号码
59311590
开饭介绍
港式小厨提供地道粤菜，餐厅环境温馨，菜品丰富，人气菜式包括招牌碌鹅、蜜椒鳝球、椒盐鲜鱿等，均以新鲜食材制作，价格也相对亲民。
继续阅读
营业时间
今日营业
11:00 - 15:00
17:00 - 22:00
星期一至六
11:00 - 15:00
17:00 - 22:00
星期日
全日休息
以上资料只供参考，请与餐厅确认详情
有关奖赏计划
2024年9月11日 星期三今晚同老婆嘗試咗呢一間紅磡小店，位置喺崇潔街裏面，雖然唔太顯眼，但係一去到都即刻見到店舖入到去坐低發現餐廳主打係海鮮，可以預訂海鮮盤，就咁睇相片都覺得幾震撼，期待下次可以同多啲人一齊嚟試下餐廳都有提供一般中餐食，而且更有人氣菜式蒸肉餅，簡直中晒我既心水，價錢都幾貼地，可能主要係做街坊生意，於是我哋就點左幾個小菜同肉餅試下一點完餐店員就即刻送上中湯，係花生雞腳湯，一搵就搵到成隻雞腳，夠晒足料，而且雞腳煮到好腍，證明個湯應該煮左好多個鐘，好夠味又唔會太鹹之後有馬蹄土魷蒸肉餅，一黎到已經聞到好香既土魷味，肉餅裡面肥瘦豬肉既比例一半半，食落去好香口，送飯食直頭係一流，加上馬蹄又再增加口感，所以好快我哋就清晒成碟跟住有招牌碌鵝，果然係餐廳招牌菜，整得好入味又夠腍，脂肪唔算太多，個汁又唔會太鹹，同鵝肉好夾，加上唔算太多骨，食落去啖啖肉呢個係醬香炆大鵝，同碌鵝又有另一種風味，炆到啲肉好腍又夠惹味，份量足夠兩個人食最後仲有椒鹽鮮魷，冇諗過成碟嘅份量都幾多，每條魷魚都好大，炸漿唔算太厚，咬落去外皮鬆脆，裏面嘅魷魚幾煙靭，屋企完全整唔到呢一個質素，真係得餐廳先食到期待下一次嚟可以嘗試吓餐廳嘅海鮮拼盤！！
继续阅读
土瓜灣崇潔街素有食街之稱, 食友報料有一家庭式手工菜館插旗, 一行數人速速到來探店👏住家式佈置, 實而不華, 人在門外已見女話事人殷勤開門接待, 服務態度高階👍撚手菜式都掛在店中牆上, 客人一目了然👏先來餐飲：凍檸檬茶及自家製五花茶好茶食友評檸檬茶是用多種茶葉混製, 非一般用茶精平凡之作, 有水平心機茶水出品, 值得品嘗, 言談間得知是女主事人親手炮製😋無糖五花茶清涼解熱, 大餐前的好飲品👏人人有份的免費例湯, 粉葛排骨湯, 冇用味精, 口味清新😋繼而點了幾道巧手手工菜:椒鹽魷魚鬚, 熱氣騰騰, 外脆內爽, 烹炸火候到位😋土魷蒸肉餅, 又一驚喜, 用上新鮮豬肉, 聽說日銷二十斤, 口感造工果然非凡😋招牌碌鵝， 鵝肉入味軟硬適中， 拌飯佳品😋新上榜菜式 :福建紅燒豬手， 又是另一種口味，味道更勝南乳炆😋酸菜炆鵝， 平凡住家菜口味 變不平凡😋辣子雞， 雞肉內脆外軟， 麻而不辣， 送啤酒佳選😋啤酒紫蘇炆鴨， 鴨亦都是好 材料， 紫蘇味香，鴨肉鮮美，佐米麵主食正😋蕎麥麵作主食， 配料清新爽快😋忽見鄰枱來了一大盤壯觀的 鮮蝦鮑魚海鮮盤， 借位拍下一張相， 今次冇食等下次食👏坊間小店果然高手在民間😗😗
继续阅读
土瓜灣附近一間不太起眼的小店，店面擺放有很多餐牌，望落都幾吸引。裡面環境類似茶餐廳，乾淨企理，店員好熱情過黎招呼我地坐低，跟住就介紹呢度的特色菜。主要以家常菜式為主，價格都唔貴。開波先黎一碗老火湯，住家飯的必定流程肯定唔少得，今日係紅蘿蔔豬骨湯，湯料足，夠火候，同其他快手湯唔同，直頭係阿媽只味，天氣甘熱黎碗靚湯真係好正，老細都好好人，飲完仲繼續幫我加左一晚，靚湯真係飲多幾碗都得。跟住梗係試下招牌碌鵝啦，肉質好有鵝味，新鮮，染曬焦糖色，好入味，聞落仲有淡淡醬香，油脂分佈均勻，口感滑順、皮薄肉嫩，啲鵝汁用黎撈飯都好正。椒鹽鮮魷就一定要夠爽口，唔可以太老會韌，這個就做得岩岩好，望落金黃色，又脆口，而且冇腥味，魷魚肉夠厚，口感超好，有大排檔個只味！脆皮炸大腸賣相好吸引，外面的皮脆脆的，一口咬下去都可以聽到那種喀啦喀啦的脆聲，入口香脆，随后油脂四溢，唇齿留香！可以食到脆口的炸大腸實在難得！肉食完當然要黎個青菜啦，百合炒西兰花清淡还不失美味，在百合配合下略帶青菜的清甜味，西蘭花又多汁脆嫩，食完一堆肉之後食呢個就岩好啦。總體黎講，容記小廚主打住家菜味道，食材新鮮足料，菜式都帶有溫暖親切的家庭風味，味精之類調味料又唔多，養生又健康，掛住阿媽住的飯黎呢度就岩了！
继续阅读
在土瓜灣附近工作後，經過見到有間新開嘅小店，於是決定跟同事去試吓。呢晚叫咗以下菜式:紅蘿蔔薏米冬瓜湯- 坐低店員就送上免費老火湯，飲落足料又消暑，很有誠意。鹹蛋蒸肉餅 - 肉餅多汁彈牙，食落一啲都唔會肥膩，加上咸香嘅鹹蛋黃，好餸飯。招牌碌鵝庄 - 呢碟餸果然係招牌，鵝肉炆得鮮嫩入味，食到陣陣鵝油香，仲有爽脆嘅鵝腎，炆得入味嘅鵝掌鵝翼，個汁似甜甜哋嘅豉油雞汁，食到停唔到口。椒鹽豬扒 - 椒鹽豬扒很惹味，一啲都唔柴，唔錯。菠蘿生炒骨 - 生炒骨外層炸粉上得唔厚，但做到薄脆掛汁，再加埋三色椒同菠蘿，味道酸酸甜甜，好開胃。蜜椒鱔球 - 鱔球炸得香脆，魚肉爽脆鮮味，完全無腥味，配上香甜嘅蜜汁，食完一件又一件。凍檸茶 - 有幾片厚切檸檬，加上香濃嘅茶底，而家真係唔多餐廳提供呢類高質檸檬茶。綠豆沙 - 味道少甜又足料，清熱之選。餐廳雖然係街坊小店，但所有出品都好有誠意，食材新鮮，味道很不錯，加上店員有禮殷勤，絕對是encore之選。
继续阅读
位於紅磡❣︎容記小廚❣︎係一間平民街坊茶餐廳，惠顧午市有啤酒/汽水送，晚市惠顧任何小菜/煲類火鍋➕$1就有白灼基圍蝦🦐真係抵食👍🏻呢度款式都好多選擇😋羊腩煲，小菜，海鮮拼盤應有盡有，值得一試。❣︎黃金蝦球❣︎蝦球份量相當多☺️炸得大大舊，蝦球炸得好香口彈牙😋香濃嘅咸蛋黃味，非常香酥。❣︎金銀蒜蒸肉餅❣︎呢個超有驚喜😋👍🏻肉餅嫩滑多汁，蒜茸炸左再鋪面，增加口感，令肉餅更提鮮，超好送飯。❣︎豉椒炒蜆❣︎超大碟炒蜆😋鑊氣夠，鮮甜美味，吐沙都好乾淨。
继续阅读