富怡粉麵專家

营业中

休息中

富怡粉麵專家 地址: 北角書局街18號樂嘉中心1座地舖電話: 23621999粉麵可謂港人由細食到大，平又飽肚，幾十蚊已經有一碗啦。香港式會配不同丸，餃或牛。$38 紫菜四寶，淨食同配麵一樣價。有魚旦，墨丸，豬肉丸，紫菜加個湯度特別好飲架，所以加紫菜係我食法，食紫菜有碘仲可以預防大頸泡架！小食$30 雞翼炸起金黃，細細隻係幾鹹香惹味，如果雞翼大隻肥美d 更對我胃口$10 有一碟油菜，外出食飯維持平均健康有菜有肉，一定要來碟啦！每次食都覺得身為香港人好幸福，香港四圍都有食店=====================

來北角買日用品，回程時路經樂嘉中心，看見這間「富怡粉麵專家」，門面新簇簇，似乎是間新開食店，老公提議試下，我當然無異議。店內面積不大，但裝修簡潔明亮，而且座位好闊落，有卡位，加上衛生情況亦甚理想，俾人一種好乾淨嘅感覺！入座前第一件事就係要量體溫，順帶一提，餐廳每張桌都提供咗消毒搓手液俾人客使用，實在值得一讚。餐牌選擇甚多，除了主打的粉麵外，還有地道潮州泡粥、精美小食、火鍋拼盤、飯餐、炒腸粉等供應，令人眼花撩亂。兩口子都愛吃香口之物，先揀個小食拼盤 ($80)  試下，可於 5 種炸物中自選 3 款，我哋揀咗鮮炸鯪魚球、泰醬炸雲吞同炸韭菜餃。鯪魚球金黃飽滿，入口甘香惹味，配上蜆蚧醬，令味道錦上添花，餘味無窮。炸雲吞金黃酥脆，毫不油膩，內有彈牙蝦肉。炸韭菜餃咬下香氣撲鼻，內裡餡料亦 Juicy 得很，味道調校得恰到好處，勁好吃，絕對是高水準之作。雖然已經食完咁多香口嘢，但仍意猶未盡，決定再來一份鮮炸魚皮 ($15)。魚皮送上來時還附有一小碗蔥花湯，原來是用來蘸點魚皮吃。魚皮分量不多，但炸得透徹酥香，薄薄一片且脆口度十足。主菜點了牛三寶飯 ($58)  同金菇肥牛，三寶有牛腩、牛肚同牛孖筋，

爽腩拼牛肚淨食 $98+$20爽腩連筋帶膜，口感帶膠質之餘有啲煙韌。啖啖無渣，又唔會太肥。.牛肚完整唔散，賣相甚佳。咬落去韌度適中，但都夠晒入味，煮嘅時間掌握得唔錯😋。.雲吞麵$30Size幾靚，有好靚嘅金魚尾。裏頭嘅鮮蝦幾鮮甜，但略嫌唔夠彈牙😖。.油菜$20健康之選，用嚟索滷水汁就有啲邪惡😈。.炸墨魚丸$30炸到表面香脆，內裏爽口彈牙。配埋泰式辣醬超惹味🥰！.富怡粉麵專家北角書局街18號樂嘉中心1座地舖

好多人話到糧尾日子就最鍾意食碗魚丸粉或者雲吞麵，但就算糧尾都要食碗有質素嘅雲吞麵！今日放工之後，我哋去到公司附近，位於北角嘅富怡粉麵專家。小店面積細細，但選擇甚多，而且衛生唔錯！小食拼盤拼盤可以五揀三，我哋揀咗泰醬炸雲吞、黃金炸墨魚丸同蒜香炸雞翼。雲吞炸到脆卜卜，入面嘅蝦肉大大粒；墨魚丸真係炸到金黃色，入面仲有墨魚粒，夠爽口彈牙；而蒜香炸雞翼略嫌細隻咗啲。下次要試埋另外嗰兩款先得：鮮炸鯪魚球、炸韭菜餃。牛三寶河粉三寶係指牛腩、牛肚同牛孖筋，好豐富！牛腩肥瘦度適中，所以夠軟腍，牛肉香味濃郁；而牛肚炆得入味，夠彈牙；至於牛孖筋嘅膠口，骨膠原滿瀉！麻辣金菇肥牛河A姐話想食啲辣嘢，所以就叫咗麻辣金菇肥牛河，河粉索晒辣湯，好好味喎。金菇同肥牛份量唔少，麻香十足。地道潮州蠔仔粥店主極力推介嘅粥，因為用上蝦湯餚製，配埋蠔仔，令湯底更加鮮甜。（記住Like同Share畀朋友）By A姐M佬 玩樂日記 aandmdiary.com

港島區來講，北角真係好多抵吃美食。今次咁岩經過地鐵站附近一間粉面店就入去試一試。這裏表面看好似一間普通的潮式粉麵店，但卻隱藏了非常美味的小菜，而且價錢非常親民，老闆同夥計都好有禮貌，真係值得一讚👍🏻👍🏻牛三寶 我認為是必吃之選- 牛腩，牛肚，牛筋，這3種不同口感牛肉只能說任誰都無法抵抗，非常鬆軟彈牙又入味，火喉十分夠！南乳豬手，非常入味，好似食緊淡淡骨膠原，正，送飯一流。最後再來個小食拼盤，五款小食，自選三款小食80元。我揀咗呢三款：雞翼，炸水餃和墨魚🦑丸。墨魚丸好彈牙🥰。非常滿足。

富怡粉麵喺正我屋企附近，以喺北角地鐵站附近呢個地段黎講，呢間小店都算已經屹立不倒左好耐。好耐之前已經留意到有呢間小店，不過一路都冇去幫襯，最近好多餐廳都倒閉，又諗吾到食咩，今次真系想去試試。各款雙拼既撈麵都好吸引，如果真系足料，40幾蚊呢個價錢黎講吾算非常貴。港式魚蛋、牛丸既種類喺呢度基本上都有齊曬咁滯，真系會令人有選擇困難症一碗碗既就拼粉麵，淨食既份量應該會多好多。男朋友系一名不折不扣既牛肉控，同牛肉有關係既食物佢都中意，所以淨牛腩對佢黎講系必點既。份牛腩一黎到真系o左咀好鬼大份！而且睇得出仲要系牛坑腩既部分呢，即系好多肉既一個部分。牛肉結實得黎又吾會比人太硬既感覺，牛肉味十分濃郁。底部仲有好多生菜同埋惹味既醬汁，毫不吝嗇。然後叫左份炸魚皮，炸魚皮其實呢家真系愈黎愈多地方有，不過整得好好味既又有幾多間？呢間既炸魚皮單買要$15，都吾算好貴，而且整得十分出色每一塊都好大塊呀，而且脆卜卜既口感好正。首先叫左份魚皮餃+魚片頭+魚蛋，魚皮餃算系一黎既味道，不過入面既豬肉都幾鮮味。魚片頭同埋魚蛋既魚味真系超明顯系呢度真系必食架，跟住魚蛋都系，而且佢既形狀系不規則既，其實真系自家製既魚蛋先會系不

北角書局街新開左間粉麵店，原來依家粉麵店仲可以外賣火鍋拼盤添，咁打邊爐嘅時候就可以食到最靚嘅火鍋配料，唔使淨係幫襯一般嘅凍肉舖，而家錢都只係$108仲有四款湯底選擇，而家仲送埋魚皮添，喺屋企打邊爐就食得安心又健康啦今日就入嚟試吓佢啲粉麵先先叫咗個小食係炸墨魚丸一共有六粒，配埋個酸甜醬墨魚丸係手打嘅，所以食落會比較彈牙之後仲叫咗個撈粗麵配料我就揀咗牛雜，入邊有牛肚、牛腸、牛蒡，仲配埋金菇肥牛添，呢個組合都比較少有另外仲雙拼左個魚角水餃河粉我就最鍾意食呢個牛三寶，因為可以食到最爽脆嘅牛腩，仲有忟到好淋嘅牛筋、牛肚、蘿蔔，下面仲有啲生菜添

今日有野做來左北角，係我搵晚飯食既時候就俾呢間富怡粉麵專家門外的招牌吸引咗入去🤩👍。叫咗：牛三寶（牛腩，牛肚，牛孖筋）✨好大碟份量十足，三樣都又林又入味😋小食拼盆✨炸韭菜餃/蒜香炸雞翼/鮮炸鯪魚球，個韭菜餃炸得好脆，入面的韭菜好新鮮，鯪魚球都好好食好彈牙✌️三絲銀牙炒腸粉✨好多配料，腸粉炒完都仲係好滑柱候牛孖筋拼金菇肥牛撈麵✨啲麵勁彈牙爽口每樣野都好啱我口味，下次有機會一定會再幫襯😄👍

今日同囡囡去咗北角匯影櫻花，行下商場，玩完準備搭地鐵返屋企嘅時候，見到地鐵站附近開咗間新嘅粉麵店，叫富怡粉麵專家，決定叫外賣返屋企食。店員阿姐好友善，有禮地介紹餐牌上嘅食物。最後我叫咗南乳豬手肥牛雙拼飯，跟一碗紫菜湯，仲有淨韭菜餃同油菜。肥牛分量不少，肉質嫩滑，富牛肉香味。豬手炆得夠諗，送飯好正。韮菜餃都好好食，韭菜夠爽口，好足料。油菜揀咗菜心，菜心淋甜新鮮。見到餐廳裏面裝修得好舒適，卡位闊落，下次可以嚟再試下堂食先。💯

每日收工總有吃鈑的時候，今日想食下粉面，北角地鐵站旁邊食肆多不勝數，點解揀呢間食，因為有個住港島區的朋友好鍾意食牛腩麵之類食物，話係到食過既嘢唔錯，所以就去呢間食的而且確食物唔錯，老闆用心又客氣，伙記又有禮貌，需然伙記人不多，就只有兩個人，但睇得出好用心做食物👍👍😋😋，而且仲非常有禮貌😊😊食物選擇多，價錢合理，😊牛三寶麵——-牛腩、牛肚、牛筋，炇得又腍又入味，靚材料，湯底鮮甜，必吃的牛三寶⋯⋯魚片頭配豬🐷手麵———大大件又彈牙的魚片頭，食落爽口無比，魚牛頭魚味重。抵食夾大件。豬手——南乳味道，又入味又夠腍⋯⋯五款小食，自選三款小食80元。我揀咗呢三款：韮菜餃、蜆芥鯪魚球，墨魚🦑丸👍👍👍😋😋韮菜餃子🥟——大大碟，又抵食，炸得脆口又出色，自家新鮮包的自製韮菜餃，皮薄足料韮菜多，炸得香口脆卜卜⋯⋯蜆芥鯪魚球——大大粒的鯪魚球，又脆又香魚味重，點埋蜆芥配合，惹味香口😋墨魚🦑丸——-爽口墨魚，彈牙好味道⋯⋯每樣食物都足料大碟又好味道值得支持的一間小鋪

工作關係剛好到北角食晏，熱熱地不如食碗粉，咁多款式應該不錯！北角地鐵站（B1或B4都可以）一出嚟行幾步就到好就腳👍🏼疫情關係連粉麵店都乖乖守規矩，食客之間保持距離，舖頭姐姐超有禮貌同我同事量體溫，食食下大家嗲兩句都幾放鬆啊！☺️今時今日體溫計、酒精搓手液同「溫暖的人情味」真係唔少得！人情味小店就係有商有量💞原本個餐只有牛腩豬手，但我心血來潮想食牛筋牛肚，姐姐話加啲錢都可以做到（希望佢無好覺得我好麻煩啦哈哈），重點係個面十分但我唔會夾口，亦無鹼水味，豬手非常入味軟糯，牛腩都係入口即溶，果然係鎮店菜式！到咗牆上推介炸鯪魚球（$30）一共6粒，還不錯吧！可以炸得更脆身。同事就食墨魚頭雲吞米粉。份量好足，搭埋墨魚鬚同嘴，雲吞好足料（見下圖）鮮蝦好大隻！墨魚食得出好彈牙，正！炸魚皮，厚薄均勻無「油益」味，香港買少見少了。好驚訝連羊腩煲都有哈哈！不過太飽了，好像下次黎試下個羊腩粉。其實香港真係仲有好多小店值得幫襯，唔好理咩顏色，大家環環相扣，自己經濟自己救，希望大家都健健康康，百業興旺啦。

呢日去朋友屋企玩，玩到唔知時日，九點幾都未食晚飯，就落街睇下有乜好食。由於唔想食連鎖店，又見到呢間粉麵店未關門，就一於幫襯下😉。我哋睇緊餐牌之際，店員就好熱情行埋嚟介紹，比張傳單我哋。佢仲同我哋講餐廳係新開㗎，買滿$150就送外賣等等。我哋只係諗住買外賣，但佢都好好招呼我哋入去坐住慢慢揀食乜（當然都有做足量體溫嘅動作）。麵店環境似茶記多啲，枱櫈比起一般麵舖好坐👍。老闆都行埋出嚟傾計，話當呢到係屋企就得😍，唔使客氣。佢推介我哋可以試下牛三寶；另外，仲有啲炸小食。除咗一般粉麵外，餐廳仲有唔少花臣菜式，包括羊腩煲同泡飯等等；佢叫我哋下次可以堂食試下👌！ 等嘅期間，有唔少人同我哋一樣都係買外賣，仲有個外國人嚟買雲吞牛腩粗添，你真識食🤣。牛三寶麵($48)，價錢比平日稍貴，但啲餸多到一個點！由於我哋Share食，所以分開咗啲麵同餸，啲餸多到可以鋪滿哂成個碗蓋。🐮牛三寶包括牛腩、牛肚同孖筋，味道唔錯，我最鍾意牛腩，肥瘦剛好。紫菜四寶撈麵($38+$7轉撈麵)，四寶包括魚皮餃、魚片頭、貢丸同墨丸。🍢魚片頭同墨丸都幾正，而個紫菜湯亦幾好、夠多紫菜。原來真係撈麵先會將個湯分開上，撈麵嘅麵量好似比起湯麵多

今日放工，行過見到有間麵館，門面雖然係麵館，但細睇原來咩都有得食，上至蠔仔粥，近到親民雲吞麵都有，我就揀左一個出名魚蛋加魚皮餃黎食，外加一碟魚皮，先講魚蛋，味道好鮮，更好爽滑同彈牙，無出邊街外現成果種臘味，另外魚皮餃都好出色，皮身都夠薄，足料呀，另外仲有碟浸滿魚蛋既湯黎併撈麵黎食，可以食得重味，又可以食得淡小小，仲有炸魚皮，唔會好淋身，夠晒炸，又我落下到上麵既速度都好快，值得一讚，加上又近地下鐵，果到食家都可以食下，雖然今次食唔到其他餸，太飽，可以下次再黎食其他

今日嚟到北角書局街見到依間粉麵專家，所以就試吓。由於疫症期間，都係打包返屋企，同家人慢慢嘆❤️今次叫咗🌟招牌魚蛋粗麵，爽口彈牙🌟五香牛雜粗麵，牛味十足🌟爽滑黑魚丸米線，米線滑嘟嘟，有粒粒墨丸🌟炸魚皮，好大包脆卜卜🌟地道潮州泡粥，好鮮甜嘅蠔仔喔🌟淨南乳豬手，味道剛剛好，豬手好入味

家住北角，發現最近新開的這間粉面店，一路都沒有試，上openrice也找不到評論，今晚經過，終於忍不住要一試。老闆非常有熱誠介紹店內招牌，事事親力親為，可以從他的工作態度中看到他對小店的用心和熱誠，一定要試店內招牌牛三寶，墨魚丸，豬手等，準備明天再來試其他招牌推介。難得的是感受到小店的人情味，好開心揾到一間甘好吃，又近，價錢又親民的街坊小店