富東閣海鮮酒家

营业中

休息中

一直聽人講呢間好食，昨天6點多終於駕車去買晚飯外賣，原來旁邊就係巴士站非常方便。查OPEN RICE仲話可能已結業，實情係其門如市，好多人排隊買外賣，片皮鴨，團年飯圍餐，龍蝦。。。晚市餸菜: ＄80／款，買3送1；買6送2。我買了黑椒牛仔骨，菠蘿咕嚕肉，龍躉兩食（＄190），共＄270。除黑椒汁一般，其他都非常好食，自己炒碟菜，煮白飯已經夠4個大餸嘅人食。在等嘅時候，知道有生料點心賣，於是再加買，每款＄22，買6送2，＄150好平。今朝就蒸左22分鐘，沖茶，睇住電視，唔使隔板食，好寫意。

唔知大家有冇呢種感覺，香港人其中一樣獨有既文化就係，唔知食咩好就會食燒味飯哈哈哈😆😆😆今日就係咁，突然好想食下燒味，去左富東閣買個超抵Dee既燒味飯，叉燒燒肉同油雞。沙田市中心呢頭$32有埋紙包飲品算抵到爛。燒肉係腩仔👍🏻👍🏻開心左雖然唔記得問佢拎芥辣，不過就咁食都好味叉燒今日較瘦，上次早啲去買係半肥瘦，早到有著數呀^^另外比左好多薑蓉，撈飯食🔥以前細個屋企係過時過節或者有咩開心野先有燒味，而家已經變左冇飯食先食既野哈哈

喺而家晚市禁堂食令下, 唯有晏晝食飽啲, 所以就飲茶食包包食飽啦! 指定動作之後, 職員安排入座, 職員隨即喺煲緊嘅滾水入面拎啲熱辣辣嘅碗碟奉上,  唔會將啲碗碟放晒喺枱面, 咁樣比較衛生。我同 P san 兩個人, 點咗 6 個點心, 包括有我哋都鐘意食嘅馬拉糕同叉燒包, 另外, 仲有咸水角、菜苗餃、鳳爪同埋藥膳鳳爪 (因為太餓, 一上枱就食, 唔記得影相 😅) 馬拉糕好鬆軟, 而且又有少少奶香, 好味;  叉燒包偏甜咗少少, 不過有叉燒香味, 係唔錯嘅; 菜苗餃入面隻蝦爽脆, 而且有些少蝦嘅鮮味, 估佢唔到; 鳳爪方面就唔算太腍, 但都入味, 唔錯; 最後係個藥膳鳳爪, 喱個有少少驚喜, 有香濃嘅藥材味, 最突出係當歸味, 而鳳爪又腍又入味, 值得一讚 👍富東閣嘢食嘅味道唔錯, 而且啲枱隔得開, 唔會坐得迫同唔舒服, 可以 hea 下, 係食 tea 嘅一個唔錯嘅選擇。

Thanks God It’s Friday😊😊又係時候食番餐好既，偷懶煮少餐飯獎勵下自己嘻嘻🥶🥶而家去富東閣買小菜好抵食，$60一大碟小菜，買生料番去自己整番熟再平多廿蚊碟，仲要係茶樓份量既小菜，大兜過茶記份量1.5-2倍👍🏻👍🏻👍🏻買左四碟小菜再加個燒味飯連紙包飲品，埋單$272，咁就總共有五個餸，自己煮都冇咁平，睇得出疫情下餐飲業有幾難做，要撐住呀😭😭最讚係藕片爽口👍🏻叉燒超靚仲好有誠意，所有小菜都係即叫即落鑊，拎到番去食仲係熱辣辣有啲鑊氣💪

黃店就食得多，但係黃既酒樓就真係唔易揾架(係酒樓，唔係點心鋪)，因為好多時都係集團式經營😔沙田既富東閣就係一個富人情味的黃酒樓啦🤩其實佢係一間位於瀝源邨既街坊酒樓，裝修環境都好街坊，比較簡樸，不過都衛生乾淨的☺️同其他連鎖酒樓唔同，佢電視播緊VIUTV，坐得都開心啲🥳1. 片皮鴨 ($168)(假期+$20) 🌟3.5/5分黎到富東閣就梗係要食佢出名既片皮鴨，二百蚊樓下就可以食到成隻片皮鴨，呢個價錢真係相當抵食啊! 👍🏻🥰一隻鴨大約片到廿幾舊肉出黎，可以3-4人share食，我地2個人食就有少少滯啦哈哈🤪~ 鴨肉尚算有油香，個皮可能係即刻蒸熱既，都等左一陣，來到熱辣辣，大大舊食落好滿足啊😍不過略嫌個皮厚左少少，而且配菜(青瓜、京蔥)唔夠新鮮🥺2. 七彩炒鴨絲 (二食+$30) 🌟3.5/5分一鴨二食+$30，可選七彩炒鴨絲、涼瓜炆鴨件或醬爆鴨件。七彩炒鴨絲好大碟，以鴨絲、韭黃、豆芽、三色椒為主，鴨絲份量多👍🏻加埋唔同種類的蔬菜，有鑊氣且爽甜，唔錯!😋兩個人其實食到呢度都相當足夠啦😂不過我地眼寬肚窄，又忍唔住叫多個小食😛3. 椒鹽鮮魷 (~$70) 🌟3/5分一樣係大份夾抵食既👍🏻食落似章

至從疫症之後，無去過傳統酒樓飲茶，因為怕人多聚集，覺得好高危。蘊讓左好耐既飲茶癮終於要爆喇，好想食傳統既點心，行完山之後就去咗瀝源呢間酒樓飲下午茶！ 去到好多人等緊位，可能因為二人一枱，座位少左，不過始終坐疏落啲感覺都好啲既叫左五樣點心，一個鳳爪排骨飯同埋一碗油雞檬粉排骨飯$18一盅，真係好抵食，味道同正時食既差不多，無咩特別。油雞檬粉幾出色，雞夠滑，薑蓉亦好味👍🏻👍🏻點心就中規中矩，叉燒包同燒賣比較好👍🏻👍🏻👍🏻埋單$168，抵到唔識形容！

一日一黃店-可能係全港唯一良心茶樓 之前連登都有告急 網上都有講唔小良心行為 都有登記做飲食選民（可睇圖）但時至今日門口就咩都冇貼啦 都明既 （今日捉人封網 難保日後封舖禁言 我盡力記低發生過既事啦）.呢日去飲早茶 傳統老區嘅茶樓通常早茶店員都好忙 十問九唔應邊叫邊慢慢等左10分鐘先開到台 服務扣分但呢間防疫有特別位 竟然用煲煮餐具（可睇圖）滾完水先拎比你 可以話做得安心過其他店 加分（餐牌睇圖）⭐️$29 有2個點心 算幾平👍🏻叉燒包 做到爆餡不漏餡 多叉燒粒👌🏻牛肉球 正常 係有芫荽嘅👍🏻鵪鶉蛋燒賣 幾特別唔多地方有得食👌🏻羅漢齋腸 偏厚身 但幾滑 幾軟熟既👍🏻鳳爪排骨飯$14 多料 好滿 夠平 夠飽👎🏻香噴噴臘味飯$22 相比之下小料 比較貴.整體早茶唔錯既 係黃點都要去支持下聽朋友仔講 晚市小菜好多人都好評下次再去試.#富東閣海鮮酒家 (沙田)地址：沙田瀝源街6號瀝源廣場1樓5號舖.⭐️評分：味道：3.5/5環境：2/5 老區舊茶樓環境服務：3.5/5抵食：3.5/5

好凍#唔想出街淨係想喺張床到啪啪啪 好想食點心搵間平靚正黃店點心食先！差唔多1:30pm去到，以為睇錯點解門口咁多後生仔女。諗深一層其實好事嚟，個個支持係開心嘅！好快有位等咗三四個字就入到去。燒賣有驚喜，個味好食裏面有好大隻蝦! 正呀，個燒賣分分鐘好食過平時賣到貴一貴酒樓！鮮竹卷三條勁大條，好多汁唔乾係油咗少少，$18呢個價錢都足料。奶皇包黎到係超熱 #凍得滯無奶流 雖然唔係流心中間有大大個鹹蛋黃，好有以前嘅味道。菜苗餃超推介，隻隻都好大，每啖都食到菜苗同鮮味嘅蝦，唔係無味！真係唔好意思#食埋人地條菜食曬三隻 臘味糯米飯唔知點解有咁多蛋同花生，臘味就唔多。成個飯唔重臘味味，個飯係多嘅，呢個就麻麻啦。做緊午市優惠點心要四款送一款！酒樓姐姐好有心話多謝我哋啲後生，如果無人支持佢哋冇得做，人情味濃，男人老狗聽完有啲想流馬尿...平心而論質素一般，下午茶真係抵食兩條友食咗$120 咋！呢個價錢真係平靚正 #平時叫隻雞都唔得啦

富東閣海鮮酒家 收茶位費,收加一,都埋單都係平講左成年,終於有時間夾到下午茶過黎食飯係2020年最後一日既下午茶時間黎飲茶下午2點半到步,仍要等位大約10-15分鐘入座限2人一台,人多要分台下午茶點心$10起,非常抵食,即點即蒸$10款式有粥兩款,2款甜品,一款蔥油餅其他就$13起,數埋都有30款左右另外仲有燒味粉麵選擇~下午茶炒麵炒飯$45起~常見既星州米,雪菜米牛河肉片河等等~整體環境比想像中乾淨,收碟快,上菜快先黎一碗皮蛋肉絲粥質感杰身,入口綿香,每一口食到皮蛋碎同肉絲$10超值,好食暖胃鮮蝦菜苗餃,蛋黃奶皇包,鮮竹卷鮮蝦餃,皮做得幾薄身亦通透,有彈性細碎既菜苗加上蝦肉,夠香味唔夠味調味略為輕手,可能因為客路主要老人家奶皇亦係偏清新路線,唔會好膩,甜味亦輕鮮竹卷就比較普通,味道偏淡,要靠個汁補返牛肉球同燒賣係最出色都係同價位$18一碟燒肉夠挺身飽滿,啖啖肉,似鮮肉燒賣比較多味道就唔錯既牛肉球應該係咁多款之中最好食肉既比例岩岩好,有彈性,食到蔥同其他配料仲係沿用舊時用卡仔吸印既點心紙

最近沙田的疫情相當嚴重，而這間位於沙田的黃店茶樓也首當其衝受影響告急。難得茶樓也有黃店，就去嚐了嚐它的食物。食客真的不算多，可能是受疫情影響吧。裝修有點偏舊但是坐得舒服的，環境也少了些平日茶樓的喧鬧。阿姐的服務是不錯的，沖茶加水點菜的速度很快而且禮貌很好，值得一讚。是日吃的菜品有點多，就不多花筆墨寫些三四五的，直接進主題吧。生菜魚肉湯是清甜的，鯪魚肉也沒有太多腥味，挺好吃的。藥膳雞腳當歸味不會太重，藥材味道很平衡。雞腳也是挺入味的，但湯底味精真的加太多，連接受程度很高的我也覺得味精太重，有點可惜。鮮蝦牛肉腸雙併腸粉很滑皮不會太厚，牛肉鮮蝦都足料且食材味道突出，很好吃。黑椒金錢肚很好吃，牛肚給的很慷慨，醬汁辛辣惹味且不會勾芡勾得太濃，牛肚也很有咬口。鮮蝦菜苗餃平日不太愛吃蒸餃，但這個真的不錯，蝦很足料，與菜苗的味道也出乎意料的配合，皮也處理得剛剛好，軟而不爛，可以一試。XO醬鳳爪吃不出XO醬的味道，鳳爪本身煮得夠稔，不過醬汁略嫌太甜，合格的。棉花雞雞肉不會乾而且足夠入味，底下的魚肚膠質豐富，帶鮮味且吸滿了湯汁，非常好吃，必點之選。灌湯餃很可惜又是浸湯餃，內裡的配料吃不太出鮮味，湯也沒有甚

在富東閣堂食過，都覺得很好味，最愛鑊氣小炒，全部中菜都很有水準。 現在晚上沒有堂食，唯有叫外賣，特價小菜 $80每款，買三送一，即是$240有四個小菜，價錢超值，同大家分享下這晚點了的四個小菜。龍躉兩味最抵食，每個小菜計一款，$80一味龍躉，實在是在哪裏也吃不到。蒜蓉雲耳蒸龍躉， 一打開味道超香，蒜蓉多，雲耳滑，龍躉新鮮多肉，皮有骨膠原滑嘟嘟，好好味！西芹炒龍躉球， 啖啖肉又唔會靭， 份量也不少，煮埋俾你食，好過自己買餸煮。金菇肥牛煲， 攞到返嚟仲熱辣辣，份量都唔少，肥牛勁多， 金菇和粉絲吸收沙嗲醬汁味道，好好味！俾足料你，鹹淡適中，又濕潤，在冬天吃一流。蔥爆生蠔，估唔到有咁多隻蠔，炸完再葱爆，超香！外賣攞到返嚟淋咗少少，但食落味道超好，不會太厚粉，如果屋企路程近啲，攞到返去食更好味。支持有良心的餐廳，何況這是好味又有人情味的中菜，有特價小菜更加要來幫襯！

鳳爪、排骨陳村粉、鵪鶉蛋燒賣、叉燒包、鮮蝦菜苗餃、鹹水角加茶位 $180好耐好耐真係好耐冇飲過茶，搵一間良心茶樓真係唔易，好彩沙田都有一間！今朝早嚟到富東閣飲茶，叫咗啲點心，佢俾啲碗碟係”辣”手，因為佢啲碗碟筷子🥢係用明火煲緊，抗疫意識一流👍🏻嘢食叫左鳳爪，鵪鶉蛋燒賣同排骨陳村粉，一食喺懷舊嘅味道，童年回憶返晒嚟，我諗可能係其中一部分屬於香港人嘅味道☺️陳村粉係用碗仔裝都有粉量㗎！至於叉燒包，菜苗餃同鹹水角就不過不失啦！佢仲有啲抵食羊腩煲同雞煲外賣，下次要試試🤤

前排疫情下區區外賣團購片皮鴨大賽，今日終於可以來到堂食試吓富東閣係傳統屋邨酒樓，就喺嗰種細個過節時阿爸阿媽帶你去食好d嘅酒樓，一入去就有種老街坊酒樓好有人情味嘅感覺。一坐低姐姐就比左剛剛熱水消毒過的餐具，等大家食得安心💛一場來到，當然要食名物片皮鴨，另外叫左冰鎮咕嚕肉和時菜。片皮鴨比之前外賣好食，係包鴨既皮比較厚，食兩塊就好快飽，絕對對得住$168價錢。冰鎮咕嚕肉上菜好有驚喜一大盤冰上面放著出熱的咕嚕肉，令到外面又脆又涼，但裡面又熱又軟，口感非常特別，好彩今次嚟堂食先試到

限聚令終於可以比六個人坐埋食飯，終於可以約埋奶奶一齊食啦。佢鍾意食中菜，今晚就嚟試吓富東閣嘅晚市。我哋未夠7:00去到，好彩唔使等位可以直入，遲半個鐘外面已經排晒隊等緊位。建議大家唔想等位可以電話預約。我哋被安排咗坐喺房，同一間房有三張枱，都有足夠距離，唔會太侷促。我哋見好多檯都有叫冰鎮咕嚕肉，好大碟好有看頭，所以我都試咗。非常推薦，首先賣相已經好吸引，打卡一流，熱辣辣炸到脆卜卜嘅咕嚕肉鋪喺大堆冰上邊，冷熱交替，入口口感非常有趣。建議要趁熱食，凍咗咕嚕肉就會冇咁趣㗎啦。而且咕嚕肉汁跳得好好味，酸甜到剛剛好，送飯一流！蝦醬蚌片炒翡翠湯片數量有好多，配合蒜蓉蝦醬炒，非常香口惹味，花枝片入口爽口彈牙，一啲都唔會軔。翡翠即係翠玉瓜，炒得非常脆口！健康得來唔會過分淡味，好食！是日例湯係西洋菜湯，細細煲湯但係非常足料，淨係豬骨都有兩三嚿，齋湯了已經可以當一碟餸。湯骨味濃郁，鹹度亦都適中，唔需要再另外落鹽，飲完一大煲，一啲都唔會口乾，冇味精！片皮鴨（唔記得咗影相🙈）每舊片皮鴨肉同埋肥膏都相當均勻，夠晒又香之餘亦都有啲肉食下，味道相當香口，油香味十足！不過包住片皮鴨嘅包皮就唔算好博新，但係熱辣辣上枱，

琴晚同同事四人聚餐👯‍♀️👯‍♀️特登訂左黃店支持😚我地叫左個晚市套餐，$538包栗米魚羹、叉燒燒肉、粉絲海鮮雜菜煲、清蒸沙巴、菠蘿咕嚕肉，再另外叫左個椒鹽豆腐！😍栗米魚羹🌽超大兜，每人飲到兩碗咁多，姐姐仲會幫我地倒埋，super nice!清蒸沙巴十分嫩滑；燒肉個塊皮脆口但唔會太乾😍😍椒鹽豆腐外脆內軟，加埋d辣醬🌶食，yummy!!粉絲海鮮雜菜煲🍲勁足料，唔係得菜，食完超滿足！最後仲叫姐姐幫手揸機影相，笑容可掬，仲同我地有講有笑👍🏻👍🏻👍🏻服務態度一流！