富臨皇宮

营业中

休息中

大閘蟹當造季節又到啦，大閘蟹放題就啱晒好鍾意食大閘蟹嘅我！放題時間兩小時，平日$498/位，五、六、日及公眾假期都只係 $528，除咗任叫大閘蟹，仲有多款小菜、主食、甜品、啤酒、汽水，抵食。最大特色係有【清蒸】、【油鹽焗】、【花雕蒸】三款口味嘅大閘蟹可以揀，無咁單調。落完order等蒸蟹嘅時間，店員先送上每位一客嘅【和味鮑魚伴秋葵】、【花膠嚮螺雞湯】。鮑魚用和風磯煮，鮑魚爽彈，醬油亦好入味，再加清爽秋葵，作為開胃菜一流；燉湯足料有花膠，我鍾意飲湯，啱晒~小菜方面，【京式片皮鴨】當然係回本之選，鴨肉肥瘦適中，不過我哋無食太多，留力食蟹。另外仲有【臘味糯米飯】，不過秋風未起，等到下次天氣凍啲再去食先叫。大閘蟹到啦，我哋三款都叫晒嚟試。食大閘蟹最緊要係蟹膏啦，隻隻都算多膏，而且多數係軟膏添，食落更加滋味，蟹肉亦都鮮甜。口味方面，我原本最期待【花雕蒸】，可惜呢次花雕嘅味道比較淡；好在【油鹽焗】有驚喜，焗得幾入味惹味，食完仲吮埋手指添。最後就到甜品，但今日竟然無薑茶蕃薯供應，食大閘蟹飲薑茶驅寒是常識吧……連養顏棗皇糕都冇……最後叫咗個做香芒凍布甸，竟然有好多芒果肉👍🏻

見到廣告$498大閘蟹放題，見到價錢幾吸引，於是搵埋舊同事一齊去試試。當日5點幾去到（訂咗6點），掃咗安心出行，職員就安排入坐。大閘蟹講真幾爆膏，職員態度非常好，但講好的自取片皮鴨就變咗要搵職員落單，但片皮鴨由6點幾等到接近8點才上檯。最後一輪大閘蟹由油鹽變咗清蒸，職員唔係唔老實就係唔熟餐單！點解咁講？因為傳單寫住任飲汽水（自取），問職員職員就話唔包，拎張傳單問才話包。另一方面放題是2小時，但最後坐到9點幾職員都無趕，可能因為無咩客。

燒鵝，皮唔脆，肉質太老。蝦，唔新鮮，肉質梅。龍蝦伊麵，淡茂茂。乳豬勉強，還可以椒絲腐乳菜，唔錯廚房小菜品質尚可，但燒味部出品令人失望以食物質量評估價錢算貴。唯一可取嘅係職員態度很好。

今日去了石門同朋友食飯, 朋友喜歡食中菜，所以我們選了"富臨" 我們是因為見到商場門口有姐姐派傳單,見到幾抵食就去了! 見到門口有大大個魚 內面有種好大的蟹，原來是加拿大的大蟹。 中秋又到了我仲未買月餅！見到這裡都有得買又好多人買就順手買了一盒。都幾大個,好重手。 富臨雙黃白蓮蓉月餅,這個是香港製造， 一盒4個$188 我們一坐下點了芝士加拿大珍寶蟹配烏冬 $398 黑松露炸子雞 $238 芝士加拿大珍寶蟹配烏冬 濃郁的芝士🤤🤤🤤🤤，蟹好大隻好多肉。😝😝😝黑松露炸子雞好香黑松露雞炸得香香脆脆，雞肉好嫩滑。

又黎左我好鍾意既石門富臨食晚飯~鍾意呢道坐得舒服, 服務又好!!晚市有好多優惠小菜, 超多選擇~~另外又有套餐~~ 價錢算經濟實惠, 都幾抵食黑松露炸子雞 $238炸子雞外皮烤得好透薄, 冇乜油膩感, 雞皮乾爽酥脆雞肉幼嫩多汁, 帶有鹹香甘美配上黑松露味道清新特別! 估唔到黑松露同炸子雞味道又幾夾喎~黑松露味道濃郁但又唔會蓋過雞既味道芝士焗加拿大珍寶蟹 $538加拿大珍寶蟹由於活動量大, 所以肉質會比一般蟹肉細緻結實而且彈牙~~體形上較大隻而且蟹肉豐厚, 連每隻蟹腳都既肉都非常飽滿!仲充滿澎湃鮮甜既蟹膏, 味道鮮甜美味!!!芝士份量蛋到一個點 啖啖都係惹味嘅芝士丫!! 芝士控一定不能錯過 烏冬非常掛汁, 每一條都沾滿芝士汁令人欲罷不能好大隻蟹蓋一梳梳既蟹肉啖啖肉, 口感非常豐富, 超滿足!!!雙黃白蓮蓉月餅 $188見到酒樓門口有月餅賣又幾靚就買埋啦, 唔洗諗中秋買咩月餅咯~~買左呢盒係雙黃白蓮蓉月餅~~一返屋企唔小心開左個黎食~~月餅皮薄餡香, 2粒蛋黃又大又圓, 蛋香味濃!月餅外皮金黃綿軟, 蓮蓉清香又嫩滑, 越食越滋味, 完全冇膩感

我又食蟹啦，今次食呢個係加拿大肉蟹，啲肉更加多😋😋呢隻蟹真係超大隻，望住佢係水打橫行，再拎出嚟好殘忍咁樣俾我食咗佢去環境坐得好舒服而且好大好光 ，同朋友食到捧住肚咁走，啲員工仲好好可能見到我食到好論盡仲幫我搣埋濕紙巾，咁窩心得唔得㗎加拿大肉蟹 $538今次唔清蒸用芝士焗，加咗個烏冬底,朋友同我都表示呢個芝士味香而且唔會好膩，勁中意將啲芝士汁混合埋啲烏冬一齊食超好食😋肉蟹啖啖肉，連啲腳位都係厚肉，最強勁就係個殼上面啲蟹膏，超級多勁邪惡，愛蟹人士要食，多到兩個人食唔曬黑松露炸子雞 $238嚟到嘅時候超級香，勁香嘅黑松露味忍唔住已經好快拎嚟食，勁足料嘅黑松露，只要你拎到少少黑松露，佢成個雞都好入味，絕對邪惡黑松露炸子雞，外皮好脆，唔洗點汁都好夠味就黎中秋，見到佢有月餅就順便買一盒返屋企，我覺得勁貼心既一樣嘢係我發現佢盒裏面有消失咗好耐嘅刀同埋叉，呢個係我細個先會見到盒裏面有，突然童年回憶返晒嚟。

約咗朋友食飯，佢鍾意食中菜，所以同佢一齊去富臨食野，最後係又食又買😂每次去酒樓都覺得好熱鬧，細個同屋企人飲茶既回憶返哂嚟。今次冇食一盅兩件，揀咗食黑松露炸子雞同埋芝士珍寶蟹配烏冬。黑松露炸子雞一上碟已經聞到陣陣黑松露味，隻雞炸到皮脆肉嫩，即使係雞胸肉都唔會嚡口。未蘸醬油嚟食，入口好香黑松露味，但又唔會喧賓奪主，搶去炸子雞既味道。配上特製醬油就增添一份甜味，食落又係另一種風味。我地一見到芝士珍寶蟹配烏冬嘩咗一聲，冇諗到隻蟹咁有份量😂 最貼心既係我地輕輕咬蟹殼已經食到蟹肉，唔需要再用d工具。另外d芝士完全遮蓋咗隻蟹同烏冬，身為芝士控既我表示好滿意😌屋企年年都會買傳統月餅，加上富臨月餅係香港製造既，所以食完野順道買咗一盒雙黃白蓮蓉嚟應節，返到屋企同屋企人開心share~

平時飲茶食飯都鍾意黎石門富臨皇宮，我諗大慨是情意結吧❣️！店員大力sell月餅，臨走買咗盒雙黃白蓮蓉月餅🥮支持下！黑松露炸子雞🐔炸子雞皮脆肉滑！灑上大量黑松露!黑松露香氣慢慢滲透口腔，真係啖啖松露滋味😮‍💨！芝士焗珍寶蟹配烏冬🦀️用上加拿大肉蟹，大大隻肉好厚身！蟹蓋仲有蟹膏，烏冬索晒芝士汁，芝士控🐽🐽大叫呆E思😋！份量非常慷慨。我哋兩個大食友share都食唔晒😝😝Hahahahaha！

富臨皇宮嘅晚飯小菜款式多份量又足～而依間喺石門嘅分店面積很大～裝潢舒適華麗，好有空間感，嚟食晚餐坐得好舒服。今次食咗2樣好正嘅小菜🤤 超級滿足！🔶芝士珍寶蟹配烏冬 $398蟹控必點🦀份量多～足足有一整隻巨型珍寶蟹，每一件都沾滿芝士汁，濃郁嘅芝士與蟹嘅鮮香完美結合～蟹肉十分鮮甜～仲有好多蟹膏🤤而汁嘅濃稠恰好～底下仲有好多沾晒汁嘅烏冬，入口軟滑又惹味！🔶黑松露炸子雞 $238香噴噴嘅炸子雞！呢個仲特別加咗黑松露作調味💗入口一陣松露濃香，又唔會掩蓋咗雞嘅鮮味，味道層次豐富，外皮超級輕脆～雞嫩多汁，正！🔶富臨雙黃白蓮蓉月$188現場仲可以入手埋中秋月餅🥳見到包裝古色古香，送禮自用都啱👍🏼香港製造，4個裝價格好抵喎，食完晚飯梗係帶返盒返屋企啦。

今日同屋企人落附近酒樓食飯，意想不到地叫左2樣好好味既野食🤣好特別又幾好食。.🍴芝士珍寶蟹配烏冬 $398上碟已經覺得勁吸引🤣炸過既巨型珍寶蟹加埋芝士，烏冬撈埋個汁簡直一絕。最正係珍寶蟹夠晒大份量，啖啖都係肉，鮮味又爽口。.🍴黑松露炸子雞 $238炸子雞就食得多，加左黑松露真係第一次食，炸得香脆嘅雞皮仲有香味四溢嘅黑松露香氣，肉質做得又滑又嫩👍🏼.🥮雙黃白蓮蓉月餅$188叫啲姐姐狂sell月餅，我呀媽俾面買左一盒😅香港製造，一盒4個裝，個樣都幾靚仔既，呀媽話年年都會買一盒食，覺得佢個黃幾油wor 😅🤣

平時都會去唔同既酒樓飲下茶食下飯, 石門間富臨俾我既印象就特別深刻~~事關呢道既店員姐姐好多都好好禮貌, 服務非常好!!今期見到富臨做晚市優惠, 於是又去幫襯喇~~佢地做緊好多超值優惠, 例如孖寶, 超值3選1, 套餐等等….多不勝數!!😃即燒BB豬🐷BB豬可選1/4隻, 半隻 or 1隻~我地2個人食, 叫左1/4隻, 份量剛剛好!BB豬好新鮮, 上枱仲係熱架~~外皮非常鬆脆, 咬落去卜卜脆😋….外脆內軟既肉質幼嫩, 又唔會太多肥膏, 食完都唔會覺得膩🤩用電子優惠卷⭐CODE: G423⭐ 仲有超值優惠呢~~時令冬瓜盅冬瓜盅份量都幾多, 4-6人食都冇問題~~冬瓜盅餡料豐富, 有海鮮, 肉絲等~湯底味道鮮甜, 又多冬瓜肉, 絕對係解暑之選!!😋用電子優惠卷⭐CODE: G407⭐都有超值優惠$48盅呢~~美國波士頓龍蝦芝士伊麵🧀🦞一上枱超吸睛喔!!! 芝士好澎湃! 龍蝦件又夠多~~~龍蝦大大隻, 肉質爽口彈牙, 鮮味十足!伊麵完美掛汁, 啖啖都係芝士汁!😋

今次點左幸運乳豬1/4隻、海皇冬瓜盅 及上湯波士頓龍蝦伊麵 。😍 幸運乳豬入口即融，適齡乳豬吾會太老有肥脂肪出現，又吾會太幼所以吾夠肉質，絕對稱得上外脆內軟，點埋乳豬醬/砂糖食超完美。😋海皇冬瓜盅份量十足，半個冬瓜加入冬菇、豬肉粒、蝦、蟹肉、瑤柱等材料長時間煲製而成，個湯水火喉十足，配上軟綿綿冬瓜肉及配料，鮮甜可口。😋上湯波士頓龍蝦伊麵賣相好靚，龍蝦肉超新鮮彈牙，上湯嘅鮮甜配上伊麵，食到停唔到口。😋

而家好多酒樓都做緊優惠，分分鐘仲平過去茶記或小菜館食添！【時令冬瓜盅】並唔係一般袖珍迷你版，而係湯底份量十足嘅巨型冬瓜盅。 有冬菇、鮮蝦、蟹柳、乾瑤柱、瘦肉、蓮子、夜香花...等等。 湯底可以講清新鮮甜，冬瓜亦爽滑香口，算得上物超所值呀！【即燒BB豬】乳豬係用BB豬，外皮好薄，極之酥脆；肉質鮮嫩、多汁好味； 底層嘅排骨微鹹惹味！【上湯澳洲龍蝦伊麵】可以揀上湯或者芝士。 龍蝦非常新鮮，加上濃厚芝士，好入味，將澳龍嘅鮮同香味帶出。 龍蝦唔算係好大隻，但墊底嘅伊麵好多，嗦咗龍蝦汁同芝士醬之後，極之惹味，好飽肚！仲平過自己買料煮，性價比極高，唔想煮飯嘅時候可以再嚟食過！

富臨皇宮 同屋企人食晚餐小菜☺️☺️海皇冬瓜盅$68好大份，夠哂一家人飲🥰🥰入面好多料，有海鮮、蝦肉同埋冬瓜肉😋😋即燒BB豬1/4隻$68🥩🥩BB豬個皮整到好香脆，肉質嫩滑😆😆脂肪肥美😙😙芝士波士頓龍蝦伊麵$268好多芝士🤩🤩芝士控一定要試👍龍蝦肉鮮甜， 伊麵份量都好多，好夠食😁😁地址：沙田石門安群街1號京瑞廣場二期2樓201號舗整體評分：4/5味道：4/5環境：4/5抵食：4/5

知道富臨最近又有抵食優惠，今晚放工專登嚟用咗呢兩張Coupon就嘆到。實情係為咗想食"波士頓龍蝦"「上湯龍蝦伊麵」平時去飲宴先有得食，今晚同好友一行二人，一樣享受到，仲要超抵食，大大隻新鮮龍蝦，啖啖肉好飽滿，連蝦頭都係肉，肉質好嫩，食得出好新鮮。湯汁完全溶入在伊麵，勁Juicy...超好味「海皇冬瓜盅」原個冬瓜盅，好有份量，佈滿蟹肉．蝦肉．蟹柳，加入蓮子，豐富了味道同口感。停唔到口...一口氣飲咗4碗「即燒BB豬」乳豬嘅精髓在於佢嘅外皮，口感超脆，即燒確係最好食嘅。