富軒

营业中

休息中

姑丈70大壽訂一桌食餐估吾到吾訂位walkin 係會無位🤦🏼‍♀️應該係大家都提早團年飯吧叫左個如意吉祥好豐富鴻運海蜇拌金豬全體乳豬皮脆脆令人食完一塊又一塊上湯焗美國龍蝦（伊麵）好巨型的龍蝦湯汁完全浸透龍蝦肉翡翠花姿黃金蚌上左2個甘油的菜即刻上番個清清地的菜百花炸釀蟹鉗好特別的蟹鉗外層係7彩的粟米片甘竹笙海皇生翅清蒸沙巴虎斑滑溜溜的魚肉發財好事大利當紅脆皮燒雞雞皮脆弱完全做得吾馬虎日本櫻花蝦炒飯完全有點失色上湯水餃皇鴻運年年係紅豆沙黃金萬兩再上番個生果中和油膩另外再加點壽包壽包

服務態度極差叫極都冇人理你，叫成半個鐘先有人理🙄茶都唔同你開，叫咗幾個人開茶都冇杯茶黎上菜又慢又漏單，服務態度差到無人有，好似欠佢錢咁，上一個菜之後等咗成個鍾都冇菜上，期間問咗幾個人，都冇用，最後先話係廚房漏單🙄真係差到無人有

和媽媽到銅鑼灣IKEA買廚具，順便在附近吃午餐，本來想到皇室堡八月花，到店看到有4、5個人，排成１行，貌似排隊入座，但reception沒有服務員，不想等，就轉到樓下富軒。皇室堡６樓，之前是景逸軒，我們經常來的店。變成富軒後第１次來，不用等位，立即安排入座。先說環境：裝修和之前景逸軒差不多，但餐枱排得太擠迫，很嘈雜。再說食物：#普洱茶：有股我不喜歡的味道(近似霉味)，茶葉受潮，就會有這股味道。#燒腩仔飯：燒腩肥瘦適中，皮脆肉香，本餐最好吃的！#鮮蝦菜苗餃：很多菜，感覺健康。#黑椒蒸爽肚：份量足，有５件爽肚和３件墊底的白蘿蔔，可惜不入味，似先煮熟，再加醬伴一伴就上菜。#南瓜煎堆：粘性太强，不好咬，一般。除了定價較平宜，各方面都比景逸軒差！點解景逸軒會執？？

每逢清明節，要到柴灣拜山。事成後，最開心，最重要的環節，就是一家人去飲茶。古詩有云，"借問酒家何處有，牧童遙指杏花村"。我咁樣講，大家都以為我們會去杏花邨飲茶。但我們從來都未試過去杏花邨，反而每次都會去銅鑼灣，而這一次，我們就在皇室堡《富軒》搵到位飲茶。因為疫情，我們只可以兩人一檯，所以，本文所見到的食物都是二人前的份量。得意的一幕，是大家吃到好東西，就會拿著跑去不遠處的檯，交換。當日的其中一個點心是炸雲吞。外層脆卜卜，內心是鮮味彈牙的蝦肉。食用既加上又甜又酸的咕嚕汁，香口惹味。當日不知為什麼，很想吃點辣，所以我點了一份紅油炒手。形似水餃，味似上海的菜肉雲吞。味道OK，但紅油不夠，辣度未夠勁，有少少失望。我們來到的時間，已經是下午茶的時段。在茶樓 / 酒樓飲下午茶，當然要叫返個燒味瀨粉才開心。不過，現在的選擇多了，可以改米粉，檬粉，米線等等。左選右選，的選擇了叉雞檬粉。雞是貴妃雞，味道份外的濃香，叉燒夠腍夠蜜味，不錯。為太太點了一個北菇辦麵。食素，好多人喜歡清淡，有時，也想食返少少濃味的東西，滿足一下味蕾。這一個辦麵，有濃濃的菇香，令間唔中想重口味一下的朋友感開心。環境舒服，在疫情期間

因疫情關係，好耐沒有去酒樓食晚飯；今晚去咗銅鑼灣皇室堡「富軒」，出席一個義工團體嘅慶祝活動，今晚餐單非常豐富 (每席$3,388)，包括：1️⃣ 鴻運金豬全體 (1隻)2️⃣ 上湯焗波士頓龍蝦 2隻 (伊底)3️⃣ 醬爆胭脂蚌花姿片4️⃣ 沙律盞百花球 8件5️⃣ 海皇冬蓉羮6️⃣ 清蒸金花龍躉7️⃣ 金錢扣原隻鮑魚8️⃣ 富軒脆皮燒雞9️⃣ 櫻花蝦炒飯🔟 上湯水餃1️⃣1️⃣ 合時甜品1️⃣2️⃣ 賀壽蟠桃整體來講：食物質素都算唔錯

兩個人飲下午茶，1:50拎飛，2:30入座，都幾多人等下午茶。下午茶價錢合理（二人$177)，坐座寬敞，點心ok，服務ok，下次想食飲茶食點心會再去。落一層係稻香 ，我哋都去過，食物水準無富軒咁好，個次去稻香佢地間左場俾人開party，唱歌音量之大令人飲食不安，唔會再去稻香，平平地飲茶食下點心會揀番富軒。 

星期六早上，哥哥提議同父母一齊去飲茶，我當然贊成，最後我們一行4人去咗銅鑼灣皇室堡6樓「富軒」飲啖茶 食個包，我們叫了：《晨光第一線優惠》1️⃣ 富軒蝦餃皇 $26.82️⃣ 瑤柱珍珠雞 $26.8選二款，每份 $32.83️⃣ 翡翠鮮蝦腸 + 春蛋燒賣 $32.84️⃣ 潮州蒸粉果 + 上湯鮮蝦水餃四隻 $32.8《點心紙》5️⃣ 京式叉燒包 (中點)埋單💰：$215注意⚠️：《晨光第一線優惠》星期六, 日及公眾假期每款另加 $2

今天和家人要到銅鑼灣辦點事，之後去皇室堡飲茶。這間酒樓都幾大10分旺長原來星期一至五的早茶至11:50，以早茶來說都幾遲特價早茶點心款式很多，見五福拼盤有𧎚餃皇，鷄包仔、潮州粉果、燒賣，薑汁千層糕，只售$36，價錢不貴又可試到多種款式。蝦餃王皮薄蝦大，雞包仔的味道也不錯，千層糕薑味龍不算太甜，好久未吃過。蛋散幾大碟，如果熱些會更好。煎腸粉普通，無乜蝦米。鳯爪排骨飯以孖寶點心來說，份量算幾大。鵪鶉蛋燒賣這款懷舊點心好久未見過味道不錯鵪鶉蛋大大粒！

今日下晝去咗飲下午茶，原本心情都好愉快嘅。點知去到食燒賣嘅時候，嚟咗蟲蟲燒賣。個部長仲要話睇唔到，唯有影張相俾佢睇啦。以銅鑼灣來講， $40內有兩個孖寶，價錢十分經濟。只求注意衛生，減少昆蟲。其他食物，都還可以，最可惜嘅地方係，地下比較污糟，枱布亦都有污跡。可取嘅地方係，下午茶都唔算要等好耐，大約20分鐘就可以入。價錢都好合理，所以服務態度唔好要求咁多就OK。總括而言，希望可以保持衛生，以免細菌散播。

屋企人最鍾意飲茶，因為可以食唔同點心，飲杯茶傾下計，享受慢活的餐聚。富軒已經唔係第一次光顧。而令我地會間中重訪、甚至成為首選幾間酒樓飲茶的吸引之處就係烏龍茶！富軒烏龍茶飲落有回甘的味道，的確係外面少有。我地嘗試係訪間買唔同的烏龍茶都飲不到這種味其點心就不過不失，價錢相宜。我最喜歡係雪山叉燒包（不過是次無點）。可惜是酒樓可能太受歡迎關係顧客好多，感覺員工不夠，偶然出現態度不好的情況。因為有經驗，我地試過下午1點15分拎定下午茶飛，平均要下午2點30分才能入席。若要到此飲茶可能要預留輪候時間了。

好耐冇飲茶所以就黎飲下 叫左六樣野✨脆皮燒腩仔 $78呢個幾好食 啲皮好夠脆 大部分嘅肉都唔係話好肥 係食到臨尾有兩舊差唔多成舊都肥肉 我即刻lur 左出黎🤢✨咖哩蒸土魷 $23.8咖哩唔算話好香濃 啲土魷都唔係好入味 不過都好爽口嘅✨鮮蝦菜苗餃 $23.8個皮都幾薄 餡都幾多同好食 蝦新鮮 同菜嘅比例都適合 ✨煎釀虎皮椒 $20.8有三條椒 釀左滿滿嘅魚肉😋😋 虎皮椒有好微嘅辣 夾埋魚肉一齊好食✨金銀蝦多士 $32個多士都脆嘅不過好似索左比較多油 上面pat 蝦味道就一般✨懷舊麻蓉包 $26我從來都未食過麻蓉包 食落淡淡地嘅芝麻香味 個包都軟熟同好熱辣辣🫖假日茶 $13*2我地叫左一壺香片 都幾香 總括黎講所有野都係正常水準 冇話好好食 其中個麻蓉包仲唔知係漏左單定點 等左半個鐘催完佢之後都等多成10~15分鐘 唔特別推薦黎食 ❌再幫襯午餐人均～$125味道❤️❤️❤️價錢❤️❤️❤️服務❤️❤️環境❤️❤️❤️

今天長者們一起去飲茶，70歲的媽媽拖着90歲的婆婆去埋單，用信用卡，收銀大嬸沒有給予信用卡付費收據給媽媽，當媽媽問他拿的時候，大嬸竟然罵她，說她麻煩。最後竟然也沒有給予信用卡電子收據，只給了茶樓收據。這大嬸也有用唔係太好的語氣話之前的客戶：「乜你自己食乜嘢自己都唔知咩？」飲茶吃飯，注重的不只是味道，也着重一個安舒的感覺，雖然食物不過不失，酒樓縱容某些員工的態度實在不可取。為什麼大嬸要鬧老人家？信用卡收據是食客不需要問也應份可以得到的。為什麼沒有？因這商場（皇室堡）有儲分制度，如果有信用卡單就可以儲分，我們因得不到單據，今天也不能儲分。問過媽媽，原來這個大嬸已經不是第一次這樣。之前也是不給信用卡單，並且很兇惡。這令我懷疑大嬸是否自己拿晒所有收埋唔俾人拎的單據去儲分？儲分事少，惡人先告狀，老人家俾人鬧就事大。食物：*點心拼盤—有馬拉糕，叉燒包，蝦餃，燒賣，潮州粉果。*魚滑及菜—味道不錯。味道不是頂尖，就算是，這些惡劣員工態度也影響飲食心情，幾好食，對着這個收銀員，進餐經歷也變得甚差。不建議此茶樓。

6.40齊人等食，一係唔黎，一黎就乜都上晒，亂咁黎，一黎就黎3樣嘢，呢個價錢已經唔要求d乜嘢啦，上完個3樣嘢等成個鐘先上湯喎，期間不停係咁吹喇，上完湯又再等一個鐘無啦啦上左碟飯上黎喎，真係呆左。再上條魚先好笑，同隔離枱一齊上，一齊唔熟都真係搞笑，俾翻佢叫佢唔好翻蒸俾我，我地講明唔要，仲好意思蒸翻出黎，點知會唔會拎錯人地個碟俾我地，佢講就話有認，點知真假，話左唔要翻蒸，仲死口話絕對冇可能翻蒸俾你，係淋油落去姐，過唔到三句又話係蒸翻熟左，真係黎搞笑。食左3個幾鐘食左餐笑話同d西北風落肚。後面別一個樓面經理話蒸翻條新嘅俾我地同道左歉，心諗會好翻d，黎到又一個笑話，食到成口魚鱗？？？？🤣呢餐真係好難忍到唔講d失禮說話🤷🏻‍♀️

星期六來到這間酒樓飲下午茶，兩點入座的下午茶要提早半小時取票。接待處前面排了一條等候的人龍，夠兩點了仍要等15分鐘才有檯。酒樓內擺檯都很密，以四人檯較多，開茶後就點選點心吃。優閒下午茶的點心紙也有很多款式可選。除了點心，炒粉麵、飯，燒味、生滾粥都有。所有食品每款另加2元，現在很多酒樓都是假日賣貴些。我們就點了一些點心和麵食。花旗參蝦餃皇，每茶位限叫壹盅。7.8一份，加2元及加一後，10多元一盅。蝦餃皇浸在花旗参湯內，做法像灌湯餃。說是花旗參但一點花旗參的味道也沒有，是一碗普通清湯。湯是夠熱的，蝦餃皇也對眼，蝦肉滿滿又爽口，餃皮厚度適中。生菜鯪魚滑，一大碗鯪魚滑，份量很多，下層有生菜鋪底，魚滑厚實沒細骨，帶有芫茜清香。鮮蝦炸雲吞，正常形狀，雲吞餡料不多，皮炸得香脆，配酸甜汁吃好味。中山甜薄罉，金黃色長長一條像班戟的外型，切了六件，面層灑上椰絲和花生碎，內層一樣有不少椰絲和糖粉、花生碎，薄罉皮做得軟糯煙韌，不會太甜。櫻花蝦煎薄罉，薄罉皮同樣是軟糯煙韌，皮內混合了不少櫻花蝦和蔥花，餅皮煎得剛好帶微焦，油份不多，口感不錯。金磚脆豆腐，一碟八件，每件都外脆內滑，面層的淮鹽令豆腐帶著鹹味，炸得不過

其實我真係是但上網搵架咋！阿仔百日宴要搵個地方同啲屋企人食反餐飯，上網睇就見到富軒。食飯之前嗰日都仲係好忐忑，唔知啲野好冇食又唔知啲野打點成點！去到我就放心曬喇，兩個部長好幫到手。野食方面，好足料訂圍半我諗細食啲嘅話兩圍都夠食。套餐入面兩條沙巴躉又肥又新鮮，我最鍾意就係個彩盞燕麥百花球，唔會食到一口肥豬肉，外面彩色片令到個百花球更加脆。唯獨係個紅豆沙怪怪地，唔知係咪太多果皮，但無傷大雅。