寢宮

营业中

休息中

3.14 白色情人節 亦是一個平常要上班的星期二唯有找一家有特色的餐廳/酒吧下班小小放鬆既是情人節 「寢宮」便十分適合了😏-西施提供的酒類飲品很豐富其中有一個十分獨特的系列 - 「四大美人」以茶杯木盆呈上 打卡一流外古韻味十足西施加入綠茶作底 酒味溫和百香果可隨口味添加加入後酸甜感更強 會更適合女士-黑松露薯條薯條粗身 即炸 上台時仍熱騰騰另配蕃茄醬 黑松露醬兩者與即炸薯條都十分相配-瑪格麗特芝士薄餅薄餅餅底厚薄適中有薄底的脆亦有厚底的口感芝士拉絲 有新鮮蕃茄令味道突出～味道配搭十分平衡-經典卡邦尼意粉意粉沒有澱粉味 醬汁充沛煙肉 蘑菇等配料豐富濃稠適度 味道濃淡得宜-雖然薄餅意粉都是基本款但如何把基本做得出色便考驗真功夫

收工之後同Frd約咗呢間Chill下，嘢食意外地飽肚又好味～ 環境都好舒服～我哋試咗佢個西施，茶味同酒味配搭埋一齊加果香，係驚喜嘅配搭！margherita pizza嘅芝士恰如其分，唔會太漏，好好味啊

約咗朋友喺TST附近食飯，佢話想去個有情調既地方，第一時間諗到寢宮，之前聽到公司同事介紹話唔錯。一於今次試下先～餐廳地方闊落，環境舒適，食物即叫即整，有桌球枱可以撞球，適合一班朋友聚會。<紅菜頭意大利飯配香煎帶子> $228餐湯及前菜+$48|甜品+$20是日餐湯為甘筍湯，前菜有沙律﹑煙三文魚及巴拿馬火腿伴哈密瓜，清爽輕盈。紅菜頭意大利飯配香煎帶子坊間比較少見，或者喺我比較少點黎食。本身紅菜頭纖維豐富可幫助消化，加入意大利飯正好減低一般意大利飯會有的油膩感，香甜既紅菜頭加上粒粒分明既意大利飯，呢個matching都幾好。比利時朱古力蛋糕蛋糕質感軟滑細膩，朱古力甘甜醇厚，蛋糕份量不大但相當滿足。<瑪格麗特芝士薄餅> $108配料有芝士、原片蕃茄和蕃茄醬，芝士味濃郁，具拉絲效果，新鮮蕃茄和蕃茄醬酸甜味正好同鹹芝士相互配合，鐘意番茄唔會太軟爛仍然保留爽脆口感。<避風塘炸魷魚鬚> $138我地都點多款小食分享。魷魚鬚煙韌彈牙，被薄薄炸衣&大量炸蒜包裹，避風塘香濃惹味，可惜冇叫到酒飲，如果唔喺送酒唔錯。

平時去諾士佛台通常都係飲野，估唔到有間樓上酒吧係有得打卡又有得食飯主菜有湯有前菜跟，前菜係煙三文魚同埋parma ham蜜瓜蔥爆牛柳粒（$138）中式煮法既牛柳粒，味道偏濃，落左唔少菇菇一齊炒Pizza Margherita ($108)Pizza有好多芝士，係薄底pizza，個底都焗得幾脆烤豬肋骨配辣燒烤醬（$268）豬肋骨烤得幾惹味，配上我好鐘意食既燒菠蘿，菠蘿燒完之後好甜，呢個配搭一流加$10就有一款甜品都幾抵食，係比利時朱古力蛋糕，$10好抵食

同朋友食完飯，想繼續坐低飲杯野傾下計～去到諾士佛臺，啲酒吧真係多到花多眼亂👀 揀左一陣就決定去一間樓上酒吧～.除左酒其實仲有野食，有啲後悔唔早啲過黎一次過食埋野，咁就唔洗轉場😝 望到餐廳好多酒都好打卡able～最後同朋友一人揀左一杯signature drink～.我揀左Blue Sheet ($108)，由荔枝、Chardonnay、菠蘿汁、藍柑汁、雪碧調配而成，飲品呈現天藍色好靚☺️ 味道清甜，唔算太重酒味～.朋友揀左Earl Grey Remix ($100)，由Gin、Earl Grey Tea、Cointreau、Cranberry Juice調製而成，入口淡淡茶香味又幾唔錯👏🏻 而且呢到cocktail夠晒大杯，可以慢慢傾計一路飲，下次可以再黎encore🫶🏻

之前在openrice就已經被這間餐廳的裝潢吸引到了😍 這裡以華麗睡房為主題，不但有BlingBling漂亮的Bar枱和打卡鞦韆，還有其它玩樂設施例如Beer Pong和桌球枱⛳️ 餐廳內的燈光設計得很好，根本怎麼拍都很好看 📸📸🔹️ 德國腸伴盤 $158 拼盤有三款德國腸，份量頗多，外脆內軟，咬下去肉質很嫩而且充滿肉汁，沾上餐廳提供的芥辣剛好可以中和腸仔的肥膩 👍🏻🔹️ 白酒辣椒蜆肉意粉 $198 意粉軟硬適中，最驚艷是蜆肉比想像中鮮甜也沒沙😍 加了辣椒更能突出白酒香氣，整體酒味香濃，汁也很好地掛在意粉上，我們一口接一口，瞬间就吃光了👍🏻👍🏻👍🏻！餐湯及前菜：惠顧意粉有附甘筍湯和前菜，甘筍湯很足料，每一口都吃得到甘筍，一點也不稀！而前菜有煙三文魚、巴馬火腿和沙律菜，其中最喜歡巴馬風乾火腿帶咸香，甘甜芳香，用來當下酒菜很不錯👍🏻🔹️Dragon Rose $108來這間西式酒吧餐廳的主角當然是喝酒啦🤗 Menu有列出部份飲品的照片，全部都很吸引，很想每款都來一杯🍸🤤 這杯Dragon Rose用了紅龍果搭配Grey Goose Vodka、Tequila Rose、ST Germain Eld

📍#寢宮 (尖沙咀)尖沙咀諾士佛臺10號5樓A-C室♡人均消費: $563 @ 2🔺🔺🔺🔺🔺🔺🔺🔺🔺🔺🔺🔺🔺🔺位於尖沙咀諾士佛台嘅樓上酒吧#寢宮🫶🏻 就咁睇個餐廳覺得幾特別之餘，亦有種舒服relax既感覺😎餐廳環境昏暗，裝修型格，幾有氣氛，亦有幾個打卡位可以瘋狂影相，有桌球之餘亦有飛鏢機、卡拉OK房、beer pong枱及骰盅等等提供～ 食物方面，雖然係酒吧，但仍有不少主食可供選擇👏🏻一次過滿足晒我吃喝玩樂既需要💕❣️#黑松露意大利飯💰$188黑松露味好香～ 每粒飯都有黑松露嘅味道，飯粒外層軟滑但中間仍保留左少許硬度，口感不錯👍🏻❣#瑪格麗特芝士薄餅💰$108Pizza係薄批，口感香脆，配料豐富，芝士足料做到拉絲嘅效果～ ❣# Carnival💰$108不嬲都好鐘意飲Baileys，今次揀呢杯走嘅原因，主要都係因為有佢😆 酒味都算幾濃，不過女仔比較容易入口，裏面仲有Vanilla ice cream，繽紛樂、朱古力條、Oreo，見到都開心😆 ❣️# Mango Pomelo Sago💰$108Drink menu 上寫着楊枝甘露嘅Cocktail，非常特別，決定一試❕❕ 上枱亦用左舊式香

早幾晚去咗諾士佛臺一間酒吧食飯飲野，個feel 好chill~場內有桌球台、beer pong俾人客玩，仲有兩個韆鞦俾大家打卡，好有特色！今次揀咗杯signature cocktails-Dragon Rose用咁新鮮嘅紅肉火龍果、紅莓汁、Tequila rose等混合而成，成杯桃紅色咁好靚，甜甜地咁味道好清新～酒味唔算太重，都幾特別主菜叫咗黑松露意大利飯，係一道好濃郁嘅意大利飯～黑松露味好出，加埋新鮮嘅雜菌，味道好豐富～跟餐嘅忌廉粟米湯飲落好順滑厚身，飲完好舒服同滿足我哋仲叫咗自家製單骨雞翼，好入味而且肉質好鮮嫩多汁，外皮煎得好脆德國腸拼盤有三款唔同嘅德國腸，口感豐富，肉質鮮美，好啱同朋友一齊share 送酒總括而言，如果想搵一間可以食埋飯酒吧，可以一試！！

終於迎來唔使戴口罩嘅日子都，大家係咪好想同三五知己一齊去吧，飲嘢食嘢chill一chill 呢？反正我就等唔切了，今日就帶大家嚟到其中一間我最鍾意嘅樓上bar 細細聲話俾你聽，呢間酒吧除咗Cocktail同埋酒類飲品，做得好之外，大家都可以放心食呢度嘅主菜同埋小食，真係高水準過其他吧好多，我直頭係唔食飯咁出現㗎😂。前菜今日我哋嘅前菜係蘑菇忌廉湯同埋煙三文魚Parma Ham沙律。真係好抵讚！冇諗過呢個價錢可以食到咁多靚嘢。忌廉蘑菇湯超出咗我嘅預期，粒粒蘑菇增加咗忌廉湯嘅口感，令到順滑之外仲有豐富嘅層次。Parma Ham同煙三文魚就唔需要我更多嘅潤飾，非常新鮮，配上沙律都好清新！。黑松露意大利飯$188咁邪惡嘅飯，梗係要留返同朋友一齊品嚐，creamy嘅忌廉醬汁，細細品味，仲可以食到黑松露嘅回甘，真係好有水準！意大利飯嘅口感同意大利餐廳比都唔輸蝕，真正咁做到正宗意大利飯應有嘅質素。。烤豬肋骨配辣燒烤醬$268呢個烤豬肋骨真係超大碟，啱晒同朋友開心share！醬汁非常之嘢味，輕微嘅辛辣好刺激！再加上烤豬肋骨焦脆嘅外皮，同埋juicy嘅肉汁，口感簡直一流！唔使驚食太多肉會覺得好掣，呢度仲有

在諾士佛臺的寢宮是一家格調高雅的酒吧，提供了一個舒適的聚會場所。所有的食物都是即叫即整，地點亦非常方便。在這裡，我嚐到了兩道食物，分別是瑪格麗特芝士薄餅和火焰烤雞。瑪格麗特芝士薄餅是一道讓人垂涎欲滴的Pizza，因為芝士很拉絲，薄餅底夠薄，也保持了它的香脆咬口。上面放有豐富的Mozzarella芝士和cheddar芝士，並且搭配了蕃茄原塊厚切，味道非常美味。另外一道菜是火焰烤雞，這是稍大的燒春雞，而且在來枱時是十分吸引眼球的火焰表演。配在雞的的燒汁香口，雞肉因為慢煮，所以肉質香滑及鮮嫩，口感好。整道菜非常有誠意，打卡必備。此外，寢宮還提供了一系列美味的飲品，其中我點了Gingle Ale和Dragon Rose。Dragon Rose是一種非常特別的飲品，使用火龍果配搭grey goose vodka，tequila rose，ST Germain elder flower和cranberry fruit，這種飲品火龍果味入口甜，酒味最後散出，中間有沙冰，整體感覺舒服及清新，口感非常好，是一個非常適合搭配餐點的飲品

放工想搵個地方同朋友食吓嘢飲吓嘢吹吓水，又唔想太嘈，今次搵咗一間喺諾士佛台嘅樓上酒吧，裝修華麗，入面有美式桌球同beer pong 玩。嘢食嘅選擇都算多，今次叫咗雙層芝士薯條、白酒辣椒蜆肉意粉、瑪格麗特芝士薄餅，最最最特別係飲品 - 用咗古代四大美人做主題，揀咗貂蟬。雙層芝士薯條上面芝士溶份量足，粗身薯條炸至非常香脆，配搭好夾。白酒辣椒蜆肉意粉蜆肉好大隻，完全冇沙，有新嘅意粉吸收咗蜆肉嘅鮮味，微辣。瑪格麗特芝士薄餅即叫即焗，上枱熱辣辣，薄餅面既馬蘇里拉芝士份量好夠，拉絲煙煙韌韌，薄餅好脆。貂蟬用咗古代主題酒瓶，配埋古代酒杯，夠哂睇頭，調酒用左Bailey、Grey Goose Vodka with Muscovado milk tea，好似飲緊朱古力奶，甜甜地好易入口，旁邊仲有黑糖味Mochi，口感煙韌。

朋友生日想搵個地方傾吓計飲杯嘢諾士佛臺係一個唔錯嘅選擇😎黎到諾士佛臺除左可以飲番杯🍻其實都仲有好多好嘢食😋今次揀咗樓上鋪嚟到呢度之前要過五關斬六將中間要經過好多好熱情餐廳員工一個唔小心可能會入咗另外一間😂===================== 呢間餐廳地方比較闊落熱鬧得來又可以搵到個地方靜靜地傾吓計飲吓嘢上網search嘅時候已經俾佢嘅酒瓶吸引到就係衝着佢而黎餐廳嘅中間係一個調酒嘅吧枱酒嘅種類好多應該點都有款滿足到你😝一行二人叫左兩杯特調酒🍹1️⃣四大美人之一🤪王昭君 $148—> 四大美人系列嘅調酒值得一試，容易入口，我哋揀咗王昭君，佢果味比較重，飲飲吓有陣淡淡既綠茶味，幾得意，而且佢嘅酒樽係裝滿晒，到出嚟飲到四五杯，好抵飲，亦係打卡必點😙2️⃣Earl grey remix $100—> 呢個嘅賣相同王昭君比就普通少少，一上嚟會以為佢係凍檸茶🤣飲落去佢嘅伯爵茶味好出，酒既份量亦唔係揸流攤，出奇地夾，不過觀賞性唔高，但性價比不錯！亦都易入口😎呢間餐廳除咗酒類，嘢食都不錯！雖然一行二人，但我哋乜都想試🤣叫咗四樣嘢1️⃣黑松露意大利飯$188- 呢個意大利飯內藏大量蘑菇，醬汁香濃

環境裝修得好靚，乾淨舒適，有千秋比客人玩同打卡，仲有beer pong同桌球。食物都好高質！西班牙海鮮拼盤 $148拼盤有煙三文魚、鯷魚、魚子醬搭配蒜香多士同阿根廷黃金螺。擺盤好靚好精緻，食物好鮮味，鹹香十足，用黎送酒一流🥂經典卡邦尼意大利粉 $168意粉醬汁好濃稠，軟硬適中，煙肉、蘑菇等等既配料份量都好多，十分出色👍🏻👍🏻推介💕香烤深海比目魚 $268 比目魚好嫩滑，唔腥，醬汁十分出色！好香濃，配埋魚肉食好夾，正！另外仲有前菜同甜品，前菜方面有煙三文魚同巴馬火腿配哈蜜瓜，仲有蘑菇湯，入面飲得出有蘑菇粒，好creamy蘑菇味好出😚是日甜品係比利時朱古力蛋糕🍰唔會甜到好膩，餅底係脆脆，食落口感好豐富

呢間諾士佛臺樓上酒吧岩嗮約朋友飲嘢吹水，環境寬敞，中間仲有一個撞球臺可以玩。我地嗌左佢間signature drink“四大美女”中既西施，呢款cocktail以馬提尼同龍舌蘭為base，加入綠茶百香果調味，口味清清地，容易入口，中意果香既可以load多D百香果，非常清新。佐酒少不了薯條，我地嗌左一碟黑松露薯條，真係量超多，同埋炸既都好酥脆，點上黑松露醬，味道一流。Maincourse我地嗌左黑松露義大利飯，黑松露好香，飯粒都燉煮入味，非常creamy。我最中意既係西班牙海鮮拼盤，有煙三文魚、沙甸魚、魚子醬配搭蒜香多士。多士真係好脆口啊！鹹鹹地，送酒一流。仲有新鮮既翡翠螺，好新鮮！因為我地都好飽，所以都冇嗌其他主食。見到隔離枱有嗌火焰燒雞，絕對是打卡之選，下次可以再嘗試。

今晚想食餐飯飲下酒，所以就特登揀Bar and Restaurant，依間樓上餐廳幾正，有桌球枱同Beer Pong玩野食選擇都ok，首先揀咗個德國腸拼盤($158)，一共有四款唔同嘅腸仔全部都係煎嘅，香得黎又煎得唔太油，幾款個鹹香味都好食。如果有埋德國嘅酸菜，就更加配合！之後叫咗個燒豬肋骨配辣燒烤醬（ $268 ）仲有埋湯同前菜。個湯係蘑菇湯，幾滑同有蘑菇碎，口感幾好。前菜就係煙三文魚同巴馬火腿個豬肋骨顏色靚之餘，保持到肉質嫩滑，配埋個濃味嘅燒烤醬好好食！想讚一讚個燒菠蘿真係好多汁，夠清甜可以中和肉嘅油膩最後仲加咗個是日甜品$10，係比利時朱古力蛋糕，好抵食，味道香濃但唔會好甜當然唔少得要飲下酒！依間餐廳幾舒服，可以飲吓嘢之餘食物又唔差環境都好好！