寶寶雞煲

营业中

休息中

餐廳雖然並不起眼，但餐廳名好易記‼️多得朋友帶路，今晚去咗間低調又好食嘅雞煲火鍋食完之後已經成為咗「我最愛的雞煲火鍋」本身諗住叫呢度嘅招牌奇味雞煲，係我鍾意嘅干鍋嚟㗎！不過聞到隔離檯嘅「藥膳醉雞煲」好香，即刻轉軚店員一放個鍋落檯，黃酒味非常香，滾起即刻飲碗湯，個湯係甜㗎❤️ 同其他火鍋店嘅藥膳鍋好唔同，呢間係用料上乘，特別有記憶點，連啲杞子都係甜，係用靚杞子 唔係無味的‼️🐔雞係用走地鬍鬚雞，肉質非常嫩滑，無咩皮下脂肪，好好食😋「新鮮雪花牛頸脊」每一塊牛都有一定嘅厚度，並唔係薄切切，雪花分佈好適中，淥20秒就食得❤️肉質軟而帶啲咬口，有彈性的，牛味好濃，呢個雪花牛頸脊真係必叫「台山桶蠔」 好肥美，每隻都有手掌咁大「魚腐大皇」用魚腐包裹住純鯪魚肉，好少人會主打用純鯪魚肉，因為工序好繁複‼️口感係軟、爽、彈，而且完全唔腥，仲有啲芫荽香「龍躉魚尾片」鍾意食魚嘅一定鍾意呢個龍躉尾食得出好新鮮，每一塊魚肉都有厚度～好有口感，魚皮都好乾淨，完全係魚鱗，好有膠質❤️

打邊爐從來不分季節，當戶外仍是30幾度，又如何? 因為新鮮食材再配靚湯底，熱辣辣的美食，絕對是一種享受。今日同友人留港消費，來到寶寶雞煲，不過今次唔食雞煲食火鍋，見到有兩個湯底都想揀，分別是新疆蕃茄濃湯底及上等藥材醉雞鍋，但個人喜歡蕃茄便選擇前者，好味。新彊蕃茄配上牛抗腩，未落配料前先飲湯，茄味好濃，一飲就知連茄膏都沒有，所以未落配料前都飲番兩碗湯先，茄香樸鼻，番茄好清甜，正呀！呢款招牌頂級雪花牛頸脊，店長話是來自貴州的牛頸脊，雪花牛油脂分佈平均，肥瘦適中。就咁灼4下咁上下，就食得，入口時肉味堅濃，肉質仲好彈牙，與新疆蕃茄濃湯超夾。汕頭牛筋丸，一啖咬落去是爆汁，牛肉味很濃，那種彈牙的口感，吃得出是手打才能那麽的出色，真是一試就難以自拔。新鮮鵝腸，入口好爽帶膏更添香，好好味。日本黑豚肉，肉質軟滑又有肉味，薄身一口放入口中剛剛好，完全感受到肉質的嫩滑。即叫即炸魚皮，脆到無得彈，就咁食或灼一灼同樣好味。鮮竹笙經過蕃茄濃湯的洗禮，竹笙吸收晒湯底的精華，爽口又帶有番茄的香甜，好正呀!鮮粉腸，灼一灼就食得，粉腸軟滑，超好味。手打蝦滑，食得出是用新鮮海蝦打成的蝦滑，啖啖蝦肉用作打邊爐絕對是一流。打邊

太子這間寶寶雞煲毋庸置疑,餐廳的招牌菜式雞煲莫屬。走地鬍鬚雞肉肉質細嫩,皮脆爽口,回味悠長。香濃的雞油更是點睛之筆,加埋有點惹味香辣，更有層次。接下來的打邊爐，如手打三寶丸、日本蠔、鮮帶子,以及香嫩的田雞和肥美的海蝦等,每一樣都令人垂涎欲滴。三寶丸Q彈多汁,生蠔肥美鮮甜,帶子更是入口即化。尤其是那片肥美多汁的田雞,簡直是打邊爐的最佳拍檔。當中不得不提當然是牛肉，色澤夠紅潤，入口夠嫩，味濃牛香。最後的小食椒鹽九肚魚更是讓人難忘。酥脆的外皮下,魚肉鮮嫩多汁,配上恰到好處的椒鹽調味,令人欲罷不能。

前兩晚同朋友去左間超高質既火鍋店，食左餐好正既邊爐！！！我地見天氣漸熱，所以決定要返個蕃茄牛坑腩做湯底～店員介紹呢到既蕃茄湯係用上新鮮嘅新疆紅番茄，加上其他疏菜提升味道，仲無落茄膏添蕃茄湯頭的確非常足料，味道酸甜開胃，仲有唔少牛腩添呢度火鍋料既選擇都有好多，相中亦有啲平時無咁常見既食材同店員推介既時令食材添就好似呢份牛頸脊咁，係店員推既，黎自貴州既手切牛，食落肉香滿滿又軟嫩仲有走地雞可以揀，店員話平日呢度既走地雞係用上鬍鬚雞，但呢日有養殖超過200日既鮮雞，我哋當然有興趣啦食落真係有分別，有雞味之餘仲係皮爽肉厚，就連雞胸部分都唔會梅！！我同朋友都好鍾意食牛，所以仲叫咗一份牛魔王拼盤，可以一次過食到不同口感嘅牛牛呢度豬雜嘅質素亦相當出色，內臟處理得好乾淨，食落一啲異味都冇，特別推薦厚切嘅豬潤，既爽又嫩，仲有淡淡嘅酒香添呢度仲有魚卜添，若曬平日最鍾意食魚卜既我呢度仲有好特別既限量豬腳筋，店員教我地湯鍋到就放落去，去到最尾先食，不但可以吸曬湯底嘅味道，而且一啲都唔韌，仲食到膠質滿滿嘅筋位手打蝦滑亦都好有質素，相當彈牙～呢度仲有巨無霸裝嘅可樂同凍飲，絕配

今晚約左個朋友食晚飯，大家想打邊爐吹下水，網上搵到一間*寶寶雞煲*評價不錯，咁我地決定試下。店鋪環境清潔，很好食物種類選擇多，又有多種湯底你揀我地太肚餓，揀左椒鹽九肚魚小食，熱辣辣夠香口我地揀左滋補醉雞煲，係依度既主打湯底，雞湯夠香，湯底清甜，醉雞味道清香夠滑我地叫左2杯飲品，大檸樂+大檸賓，大大杯好抵飲！牛頸脊脂肪比例均勻，有肉味夠嫩滑又有咬口桶蠔夠晒大隻又新鮮，肥美鮮味夠。手打丸入口彈牙，雲吞水餃夠晒爆滿，口感十足蔬菜拼盤新鮮，份量多，夠爽甜抵食，另外再食多個薯仔麵，咁就完美啦。今次2個人食埋單大約700元，價錢合理，因為唔收加一，又冇限時（唔會好似其他夠鐘趕你走），值得再來。

呢排身體有啲虛弱，想補下身，(其實搵個藉口打邊爐就真🤪)，就嚟到太子呢間寶寶雞煲。一入門口，已經聞到濃濃藥材香味，原來有幾枱都食緊呢個滋補醉雞煲。二話不說，立即叫店員上煲，經理話湯底裡面全用正宗藥材熬製，連隻活雞都係直送自內地。佢嘅雞皮薄脂肪少， 肉質亦非常嫩滑，浸泡住藥材後好入味，飲落肯定好滋補。除咗呢個招牌醉雞煲之外,我哋仲叫咗好多其他嘢，貴州牛頸脊，牛肉冇太多雪花，吃落嘴唔會好膩滯，反而好夠味。海鮮方面～就有上乘刺身級嘅帶子，仲有爽脆的大白鱔,以及頂級的桂花蚌，全部好新鮮，超高水準。 自家製水餃和韭菜餃，餡料茂盛,包餃手藝都很了得。鯪魚丸、牛肉丸同埋墨魚丸，各有特色，口感都好正。仲有煲咗超過45分鐘嘅豬腳根，食落煙煙韌韌，充滿骨膠原，唔係度度都有得食。總括嚟講：呢間港式火鍋店，款式好多，諗得出嘅都有得食，喜愛食火鍋嘅朋友，一定要嚟試吓 ！

今次同偏心哥哥行到間街邊小店，門口擺嘅就係一盤盤色香味俱全嘅小食，真係叫人走唔甩腳👣！一坐低，就被一陣陣蒜香撲鼻嘅香味吸引住啦，頭盤嘅蒜蓉肉末四季豆啊，啲豆炒得口感啱啱好，又脆又入味，一啖一啖食到停唔到口。正！餸菜之中，海鮮泡飯最出彩，幾掛滑溜溜嘅帶子同扎實爽口嘅青口，魚湯底入面掉下去，嗰個鮮甜，搶鏡到一個唔得喇！再講講嗰碟炸雞，聽落普通，但係炸到外皮金黄鬆脆，雞肉仲保持得水嫩多汁，話你知呢個店嘅師傅真係識得整餸。食咗幾樣小菜之後，唔覺意發現一款香濃奶茶，真係正到飛起嚟嘅，滑溜香甜，一啖下去喉嚨暖笠笠。咁實惠嘅美味，真係令人感到親切又滿足，唔洗飛到天邊去尋寶，這裡嘅食物就已經係個寶貝！喂，偏心哥哥，下次記住帶埋老豆來，叫多幾份來嘆！🍢🍲🥢

已經去過多次，坐大堂不加一都幾好 😅地方、食物都算乾淨，伙記有禮貌 👍🏽手切牛肉(即係封門牛)有肉味有口感、手打牛丸、韮菜餃、響玲即炸都係必吃普遍食物都好新鮮價錢合理，餐前小食冰鎭水魷魚(帶點辣)、炸釀百花油條、椒鹽九肚魚、沙薑雞翼都很好，就是百花油條有點貴 😉平時脆脘腩很好味不過昨晚不彈牙 👎🏽 有點失望😪如果有 8-9人以上不防預訂條章紅刺身(非常新鮮美味）加$100兩食-椒鹽頭腩送啤酒一流🍺🍻😋美中不足就是啤酒沒優惠，希望老板唸唸 4送1、6送1都好 😂

好耐冇喺外邊食個雞煲，有朋友話喺太子呢間寶寶雞煲好精彩，特別推介多種唔同嘅豬什，咁重口味，就約一班愛重口味嘅朋友試下。開頭我以為呢個係連鎖店，但呢度嘅員工話呢度只係得一間分店，唔知大家有冇印象之前其實都有間差唔多名嘅打邊爐呢，定係我記錯。 招牌豬什同特級魚肚香辣雞煲外，呢度正宗椰子雞煲，酸菜鯛魚腩湯、日本番茄牛柳邊濃湯都係重點推薦，可惜當日lunch好遲先至食，我哋四個人都食唔到太多。一入到餐廳你就feel到勁強嘅鑊氣，好少會有呢個感覺，呢度嘅員工都好細心咁推介，服務都真係幾好，唔怪得網上好多人評論佢哋都係服務最多人讚。叫左個特級魚肚香辣雞煲，由於個個都唔係好食得辣，我哋叫咗小辣，上枱嗰種香同辣味，一聞到就好肚餓。雞件雖然唔算太多，但係都算嫩滑，不過重點係個魚肚，好大件，配合佢個醬，非常精彩，絕對想encore，如果食大辣，應該更精彩。由於佢哋嘅炒工實在出色，我點多個澳門好流行嘅椒鹽粟米，呢個又係食到佢嘅鑊氣。豬什出名就叫咗個招牌豬什四式大拼盤，有豬肺、豬肚、豬粉腸、豬膶，好大份，而且洗得好乾淨，我個人喜歡豬肚同豬肺，後者好爽，前者夠厚。呢度嘅手打墨魚丸同馬尾粉絲都係好出名，粉絲全部

上星期去咗朋友介紹位於太子砵蘭街的［寶寶雞煲］，之前已book位一行三人6點半鐘準時到達，店員即刻安排入坐，環境唔算好大係典型地道火鍋店嘅格局，食物方面一心原本諗住食雞煲但因當日小小唔舒服喉嚨有啲痛而且食雞煲食唔辣真係冇咁過癮，最後放棄左至愛嘅雞煲就嗌咗一個(時令)瑤柱冬瓜湯底，食物方面叫咗個牛魔王拼盤，椒鹽脆鯇片，爽脆白鱔片，姬松茸， 鮮魚卜，台山桶蠔，魚肚同豬仔生腸頭等，點完食物隔咗一陣先送上湯底，個瑤柱冬瓜湯底表面上平平無奇但落埋姬松茸滾起之後這個湯底係出乎意料之外地香濃，湯底裏面大量的瑤柱同姬松茸出哂味，所以梗係要飲返碗湯先至開始打邊爐la，食物特別推介牛魔王拼盤裏面嘅封門柳配搭牛峰一齊食(係店長教既食法)， 封門柳肉味香濃牛峰就煙煙靭靭，兩樣夾埋一齊食，原來係咁夾口感亦幾特別，和牛肉同牛肉粒同樣高質，個魚卜新鮮唔會腥大大件夾抵食， 豬仔生腸頭味道亦唔錯，而且唔係間間舖頭都有得食最緊要係啲內臟清理得乾乾淨淨食得放心，鱔片同佢個名一樣非常爽脆亦好大塊，台山桶蠔滾完一樣大大隻唔會縮水，蠔味比平時啲美國桶蠔更勝一籌更加鮮味，魚肚吸哂湯既精華好食，開胃小食椒鹽脆鯇片都唔係度度有得食，非

今次不選麻辣雞，因為朋友唔食得辣，所以揀左姬蟲茸翅瓜雞窩半隻，但有驚喜，因為是呢度食材都幾新鮮，所以整體來講，唔錯呀！最值一提是這裏的老闆，招呼一流，知朋友不吃辣便推薦我們試姬蟲茸翅瓜雞窩，結果真是無介紹錯，好滿意。姬蟲茸翅瓜雞窩半隻$188／全隻$370呢個湯底真是無敵，水一滾起姬蟲茸香味樸鼻而來，未打邊爐飲啖湯先，香濃味美，滋陰養顏。那素翅吸收了湯頭的精華，正呀!牛魔皇拼盤大四喜一碟內便有齊四款，包括澳洲M9和牛、潮汕牛肉(吊龍)、潮汕牛肉(雪花)及手切新鮮牛肉，睇番張點餐紙，單點半碟都要$168，依家4款加埋都是$398，仲可以試足4 款，真心好抵食，M9和牛肉嫩滑無比，吊龍肉味香濃有口感，雪花牛油脂分佈平均，手切鮮牛，好有肉味滑溜好正，配上點選了的姬蟲茸湯底，與牛真是超夾。老闆推介，滾牛肉時記住連牛脂一同滾，及送進口中，牛脂香牛肉嫩，簡直是天生一對，都是首次試呢種新食法，真是一試就難以自拔。自製鯪魚球$28/4粒食得出是自家製，鯪魚球不是彈牙那種，是有鯪魚的軟腍口感，鮮甜味。招牌潮州魚蛋$28/4粒潮州魚蛋都幾爽甜，就真是幾彈牙呀！汕頭牛筋丸$48/4粒一啖咬落去是爆汁，牛肉味

踏入中秋季節，天氣開始轉涼，又係打邊爐嘅好時節呀！去開寶寶雞煲食雞煲，之後再邊爐🫕！雞煲主打濕煲，雞肉特別嫩滑，仲可以揀走地雞，肉質特別有彈性，魅力沒法擋㗎！加上食材特別新鮮，私心推介！生劏田雞👉🏻 每次嚟都要必叫田雞，上枱時還腳撐撐，肉射又夠肥大，新鮮自然食落特別甜啦！爽脆白鱔片👉🏻呢度嘅鱔片每塊都手長掌大塊，肉質厚實唔再講，一過水一收緊，真係爽膽過脆肉鯇，厚厚的魚皮還夾雜着煙煙銀銀嘅口感，佢係食過最好味嘅🩷另一必點hot item！手打蝦丸👉🏻巨彈牙嘅蝦丸，味道比起蝦餃更香甜，每一啖都可以feel到蝦肉在嘴裏彈跳，超正口感！韭菜餃👉🏻包得好靚仔，又夠大隻，一啖咬落去韭菜味爆發。汕頭牛筋丸➕ 潮汕牛肉吊龍👉🏻香港都食到😍潮汕牛肉出名肉味香濃，雪藏肉真係冇得比！尤其是牛丸，鮮甜嘅程度好似食緊牛肉刺身一樣，第二度食唔番咁好味！豬展筋👉🏻比起牛孖筋，豬展筋更為好食！一來容易煮到淋身，通常一開始就抌晒落去煮，留返最尾先食，食嘅時候漿住啲牙，勁軟綿綿，正！

今日同男神都好想食火鍋，經過這條街好多間之中俾我搵到佢「寶寶」😚而且它不是只有雞煲，今日我地揀左「番茄牛坑腩」,好足料的湯底🤩 全煲材料，椰菜，番茄，薯仔，什菌，仲有主打牛坑腩😌「手切新鮮牛肉」肉質鮮嫩，有牛肉味，配上番茄湯底，正！「炸魚皮，響鈴」是即炸的😍 魚皮熱辣辣炸出來爽脆喔👍🏻「菜肉雲吞」是自家制的，味道唔錯😌「鯛魚下巴」好少地方有這款，鯛魚有著牠的艷麗顏色，估唔到魚質也滑😉「竹笙」如果再大條一點會更好😂🤣「海生蝦」好新鮮的大蝦，因為煮後蝦肉好爽😄「墨魚滑」份量大份也是不錯之選😙「龍鳳可樂，雙檸七喜」是巨型大杯裝，面且夠味！解喝呀👍🏻備註：🔺服務唔錯，主動換碟👍🏻🔺下次再來食雞煲先，因為是主打😚🔺豉油先店內自家調教的😌

這間火鍋店之前來過，朋友話酸菜魚湯底唔錯，今次專門來試吓 ！結果出乎意料，湯底酸酸地，原來可以提鮮魚嘅鮮味，完全唔辣，真係唔錯 !餐前小食～椒鹽九肚魚和炸魚皮，新鮮炸出嚟，熱辣辣，好香脆，配啤酒一流。跟住係火鍋主角～本地新鮮牛肉，牛肉唔係太肥，食落好嫩滑，有咬口，唔同一般嘅肥牛食到成口油。白鱔片～要掌握的好時間，唔可以碌得太耐，咁就可以食到又煙靭又爽口嘅感覺。汕頭牛丸～另一道亮點，彈牙爽口。鳳城水餃～水餃皮薄，內餡飽滿。我們仲叫左，午餐肉、冰豆腐，都是不錯嘅選擇。雜菜拼盤，食咗咁多肉類，要來平衡下都唔錯。總括嚟講：這間港式火鍋店，仲有好多唔同嘅牛肉和刁鑽部位，有興趣可以去試吓😄

鍾意打邊爐嘅我哋, 開心放假 又黎個慢活晚飯 -打邊邊喇~開心心 除咗啱口味, 可以多元化嘅同時份量恰好~ 湯底我哋揀咗雞煲~ \(*3*)/ \(^0^)v其實佢好鐘意食雞煲, 但因為我好怕辣 幾乎少少剌都食唔到, 所以佢因為就我 好少機會有得食~ 老闆親切真摯 話可以同我地較到最小辣, 所以 我地就食雞煲底喇~ 雞件唔肥膩 香口入味, 個調味啱啱好 唔會過咸過濃~ 我哋個雞煲加咗砂爆魚肚, 嗯, 平時驚魚肚油膩 patpat口感嘅我絕少會食, 今次寶寶呢個魚肚 望落質感好好 煲雞煲又香 XD 所以我就忍唔住試下, 一試 就一舊接一舊了, 幾乎都係我食曬… q 彈入味 唔膩 無腥味, 我鐘意啊! 我下次都會再食! G　日本黑豚肉 唔錯嘅 唔肥無羶味ok r;反而估吾到 我地叫咗個羊肉幾 outstanding, 無擔嘅羶味之餘 食落爽口~ (oops 我掛住食, 忘了影熟咗嘅樣)澳洲 M9 和牛我哋嘅日味有啲吾同, 佢鐘意食呢個 香林啲; 而我就鐘意手切牛多啲, 味濃吾肥 有口感~ 手切新鮮牛肉手打鮮牛丸丸類都係店家自製~ 牛丸帶着淡淡陳皮香~ 韭菜餃店家自己包的, 濃香濃香 我地