寶寶雞煲 (已搬遷) 新店位置

6點半，在金魚街買完龜糧，途經太子，想起同事推介寶寶雞煲，於是入去開餐。店內分上下兩層，環境簡約、不擠迫。牆上掛滿火鍋食材名牌，相當吸引。店內有多款時令湯底選擇，而雞煲更可選擇「冰鮮雞」或「新鮮農場走地雞」。煲底可選唔辣、超微辣、微辣、小辣、中辣及大辣。這裡全日免收加一、開瓶及切餅費，而醬料、辣椒油、麻辣醬則每碟收費。滋補醉雞煲 (半隻冰鮮雞) (HKD138)送來時發出陣陣花雕酒香，內有肥美冰鮮雞、北芪、紅棗、黨參、杞子、龍眼肉等，材料豐富，令湯底芳香濃郁。待醉雞煲滾起之時，正可慢慢挑選心水食材。轉眼間，醉雞煲滾起來，食材亦到齊！黑毛豬(豬面青) (必食) (HKD65)豬頸肉以粗身切條，脂肪分佈均勻，爽滑彈牙有咬口，食完一條接一條。冰豆腐 (HKD12/份)冰豆腐遇熱後變軟身，能吸入大量湯汁，入口爆汁，第一次食感覺不錯。美國桶蠔 (4隻) (HKD76)生蠔大隻又肥美，肉質新鮮美味。台灣貢丸 (HKD20/份)大大粒豬肉丸加入香菇碎粒，肉質紮實飽滿夠彈牙，好味。竹笙(養殖) (HKD16/份)竹笙雪白爽身，可吸入大量湯汁，味道清爽又充滿醉雞味。 爽脆鮮魷 (HKD75)鮮魷新鮮，熟

上次去附近的食肆吃飯時，路過看到原來這裡有間雞煲，而雞煲是我的最愛，今晚便専程來試試。店舖除了地下，還有閣樓，裝修是傳統設計。店內有分新鮮雞和冰鮮雞，難得有新鮮雞，自然點了一隻來吃。麻辣新鮮雞煲一隻$288，這個的雞煲不是乾鍋，而且是一大鍋湯，內有大量辣椒和全隻雞件。雞肉吸收了香辣味之後，加上是新鮮雞，味道鮮美而帶點辣，肉質帶著雞的味道，只有新鮮雞才能俱有的。已經很久沒有吃過，這麼好味的雞肉了。Asahi $35，問店員取了冰桶，就更加可以保持冰凍。洛神花茶$28，是自家製，味道適中，不會過酸過甜，是吃雞煲必備之選。響鈴$35，份量有八件，吸收辣湯後，可以吃到豆味，是必點配料之一。萵筍$48，味道鮮甜，如果份量多一點更好。

朋友食完旺角的寶寶雞煲大讚好味，今日我到專程與先生過來食。餐廳有分上下兩層，今日時間常早，餐廳裏都不是很多人，餐廳裝修整潔企理。寶寶奇味雞煲乾煲半隻$128寶寶奇味雞煲要了乾煲半隻，小辣，其實一入門口已經聞到麻辣雞煲的香味，又是朋友推薦，所以怎少得了麻辣雞煲。奇味雞煲上枱已經煮好，一上枱已經聞到麻香辣味道，可以開小小火熱著雞煲，雞肉件件非常入味，感覺滿口麻香辣及雞的鮮甜味，真是很惹味哦，非常推薦。食完雞煲跟著加湯食火鍋，湯底帶著雞煲的精華，令各種食物更美味。原隻特級魚肚$58原隻特級魚肚，魚肚是經過沙爆處理過，非常吸味，因湯底清甜，所以令入口軟綿麻辣的魚肚，更是非一般的味道。本地新鮮牛肉$108本地新鮮牛肉顏色比較深色，牛味明顯比其他牛肉味道稍濃。黑百葉$55深啡色的牛柏葉，稍為帶少少硬身及爽口，點上醬汁味道不錯。鮮魚卜$75鮮魚卜，原來份量都比較多，魚卜新鮮又美味，見到就我就想起健康必須的骨膠原。當然，火鍋還缺不了蔬菜，要了雜菜皇帝菜及油麥菜$32，還要了對健康也是非常有益脾胃的鮮淮山$35。朋友推薦果然沒錯，我都很久未食過這麼美味的雞煲了，況且火鍋質素也不錯，今晚食得非常美味。

黎得依度當然要食招牌菜寶寶奇味雞煲啦。因為我地只有2人，點了半隻以為份量已經好多。不過估唔到食完唔夠喉!!走地雞肉雖然唔係啖啖肉，但勝在肉質彈牙而且好濃雞味!配菜顏色非常豐富繽紛，全因配菜十分足料，有燈籠椒、紫洋蔥、紅椒、芫茜等等，簡直色香味俱全奇味醬味道有別於一般雞煲，食吃唔會也太口乾食完唔夠喉就開始加湯做火鍋，火鍋配料選擇好多而且好新鮮。依間小店雖然沒有豪華裝修，但有地道風味。好值得推薦!!！

隨住年紀愈大，約會食飯的地點由最緊要平的劣食放題，都開始講究食物質素同味道。大家對約食飯的要求係唔駛地方好靚，但最少要好食。因為做野已經夠辛苦。呢間除左食雞煲外，叫火鍋料打邊爐一樣高質。本地手切肥牛牛味十足，值得一叫再叫，非一般急凍貨。手打四寶丸更係必叫之選，真材實料，蝦丸勁大粒蝦打落去，每粒都兵兵球咁大粒，足料又好食。所以都忍唔住再跟機要左個蝦滑，啖啖蝦又有彈性。雲吞又係足料手包心機之作，每一啖都食到有誠意。不得不提，最值得欣賞係自家製洛神花茶，少少甜得黎又清熱氣。絕對係良心心機小店。每人埋單都係2百左右，唔貴得黎又盡興而歸。

到了繁榮地方一看，樓上的食肆林立，今次選了一個火鍋店，地方不難去，而且不用等待很久也可以進去。這店由年長一代經營，很值得支持，我見一進去的時侯，看到設計不算華麗呢，很有人情感。一開餐牌，見到有不同種類的食物，有特色小吃，蔬菜，手製食物，肉類，甚至面類亦很多選擇喔。有很多都很想吃，可是點了之後，也怕太多呢。因此，我們也點特別東西試試喔，就好像牛肉，手打肉丸，餃子拼盤和魚皮餃。當中最令我點名表示好吃的是牛柳粒，很有肉質的口感，而且牛味很高的喔重點的火鍋湯底是粥底火鍋，以套餐形式供應，配料以海鮮為主。粥底火鍋及6至8款海鮮及配料，打完邊爐後，最後拌上粥底，邪惡得來，很好吃除此之外，手製肉丸也不錯，我看到門口的宣傳活像吸引。 不可忘記的是今日所吃的湯底是海鮮盛呢，有很多不同的時令食材，很吸引人再加錢吃喔。海鮮有６款每人也有一份，也很有鮮味，加上南瓜底，海鮮味更出。牛肉肉質很好，八成熟便可吃得，牛肉肉味很飽滿，軟腍亦易咬。飲品方面選擇多，不同酒喔～ 食物非常新鮮，令人感到回味是以下：肥牛味道不但有濃濃的牛味，而且肉質棒，用來火鍋，亦有口感。魚皮餃份量多，而且很大粒。炸魚皮這個要一定要叫，因為是即

一班良朋，當然食雞煲打邊爐最適合講明有新鮮雞同冰鮮雞之分，任君選擇雞煲唔食辣有何意思，辣味既刺激，更加提昇食慾惹味既雞件，咸咸香香，脆身既雞皮，索足香辣既味道而雞肉仍然保持嫩滑，因為已經炒熟，上枱食完先加湯做火鍋，所以唔怕雞肉會變老第一次咁食豬肝有煙燻既味道慢慢由口腔蔓延到喉嚨，粉嫩既質感之中外皮不失咬口，口感獨特，煙燻既味道更引人入勝唔會一夾就散，咬落彈牙既鴨血，表面滑溜但仍然將湯底既味道盡數吸收，每口都有豐富既味道每條爽脆既鵝腸都依附著油膏，甘香既油脂愈咬愈散開，由於呢份甘香，會令人不覺滿足咁咬落去M9和牛中充滿油香，少少筋更加帶走牛肉既質感，愈嚼愈有油香，慢慢會比呢種質感吸引著當然食左唔只咁少，但係美食當前，已經忘記影相

又到打邊爐時間了。朋友好鍾意食海鮮 上網見到呢間有海鮮拼盤好似好豐富 即刻去試吓先呢間舖頭係有雞煲食㗎 唔係淨係得打邊爐.呢個海鮮拼盤每人200蚊咁上下如果2人食仲可以揀多6款打邊爐配料我哋揀左美國牛肉 自製墨魚丸 娃娃菜 魚腐大皇等等墨魚丸食得出好新鮮彈牙！自家製果然唔同啲牛肉不過不失 都重牛味 配呢個鰹魚昆布湯底都ok海鮮控表示佢呢度嘅海鮮拼盤好多料有蝦有生蠔有蟶子大蜆仲有大元貝添就算落呢款唔重口味嘅湯都掂可以帶出鮮味。.不過有啲可惜嘅係呢度嘅粥底原來要訂先有得食如果想食嘅朋友記得訂座嘅時候講埋啊！

同朋友食飯我就中意揀打邊爐因為可以慢慢食 恰恰下咁 傾下計又食下黎到太子呢間寶寶雞煲我地揀左打邊爐 先唔食佢個雞煲住.湯底要左日式鰹魚昆布湯配海鮮盤好正啊！位位198好可惜原來粥底要預早book的當日就食唔到了 如果想食既朋友記得要book !!!.海鮮盤有鮮蝦 蟶子 大蜆 魚片 生蠔 元貝 魷魚等等2-3位係跟6款火鍋配料的當日魚蛋賣曬 轉左魚皮餃 不過不失牛肉都大片 但顏色睇起上黎唔係太新鮮店員表示顏色係咁的 正常日本黑豚肉好食啲 都香 手打牛肉丸彈牙呢個我中意食 清湯更顯牛香.呢餐都唔錯既 中意海鮮既話不妨試下！

打邊爐最緊要既野除左個爐就係食材要新鮮! 今次黎到寶寶雞煲就好感覺到食材新鮮真係差好遠。我地叫左本地新鮮牛肉同手切雪花肥牛, 兩款都有牛味各有捧場客, 而我就鍾意食手切多少少, 因為牛味濃D。之後不得不提手打蝦滑, 大大粒蝦肉係入面, 未落個煲已經估到係正野, 熟左再食不得了! 又爽又彈牙! 點解可以咁好食架!!!其次鍾意食佢既雲吞同九菜餃, 仲有稻庭烏冬! 雲吞同餃覺得係佢地自己整既, 食落好新鮮, 唔似出面街市買果D雪左幾個星期既雪藏餃。烏冬依度雖然雪到硬冰冰, 但淥完出黎好滑, 唔係粗身果隻烏冬, 超好食!最後值得一講既係桂花蚌, 雖然我唔係好食海鮮, 但都食得出好新鮮, 咬落好爽! 朋友們一路食一路讚。

HAPPY 星期四~因為聽日放假 所以又同朋友去食飯啦~ 呢間係朋友話要去食~ 因為價錢抵 ~ 性價比高~ 環境都不錯架~ 睇下有咩食先~ 我地叫左個::-招牌雞煲走辣~ 味道唔錯~ 雞嘅份量都好多~ -必點炸響鈴 ~ 非法新鮮薄脆~ -手打墨魚滑~ 好有墨魚味~ 而且新鮮彈牙~ -之後叫左個黑豚肉~ 賣相唔算吸引~ 但咬落竟然有驚喜~ 無咩肥膏 好味道呀~ -另外要讚嘅係羔蟹仔~ 鮮甜肉厚~ 而且價錢抵食~ ~ 原本諗住每人一隻象拔蚌仔~ 可惜只淨下最後1隻~ 會再食~ 希望下次可以點到~  真心覺得不錯~

約左朋友仔食dinner, 朋友仔唔食辣，但又好鍾意食雞煲😂😂所以就揀左寶寶雞煲...好彩我地未夠7點就黎到，唔洗等位其實我都係第1次食唔辣嘅雞煲，見到嘅時候，覺得個樣有少少似醉雞鍋雖然話半隻雞，但好似食極都有，雞肉幾滑2個人打邊爐係要好有節制，好彩呢度好多野食都可以揀半份，我地2個女人仔就可以嗌多幾樣野炸魚皮好脆口，自家製水餃好味，皮薄餡靚大大粒竹笙索哂d雞湯，好好味喔不得不提係杏汁豬肺，好飽滿同洗得好乾淨下次我要約多幾個朋友黎先😎😎

去開太子站附近的寶寶雞煲食晚飯。店員好熱心地介紹不同的菜式。我們選擇了寶寶奇味雞煲（乾煲），煲底選了微辣。雞煲熱辣辣香噴噴地上枱，師傅用了新鮮走地雞，雞件醃得惹味可口，食雞有濃濃的雞味，比冰鮮雞好食，令人食指大動。半隻雞2人吃，份量剛好。食完雞之後，店員放湯入煲內，待湯滾起後放入必食的本地新鮮牛肉，牛味香濃，肉質嫩滑，入口即溶。另外還有手打陳皮牛滑，肉質又軟又爽口彈牙。至於手打三寶丸亦各有特色，鯪魚丸魚味重，墨魚丸彈牙，雖然陳皮牛肉丸有點重複，但個人認為丸的口感比滑更好，只是丸的份量較少。我們還點了炸響鈴和酥炸魚皮，雖然是夏天，配上冰凍烏龍茶食雞煲也不錯。

之前見過旺角有間寶寶雞煲，原來太子都有分店！入咗左先知原來除咗奇味雞煲係乾撈，其他雞煲都係有湯的！今次叫咗半隻奇味雞煲，有好多配料，洋蔥、芫荽、辣椒等等，越食越香，而且辣味夠，越食越開胃！食完雞煲後，係時候叫侍應加湯落火鍋料！墨魚滑圓轆轆大大嚿，彈牙新鮮，必叫！美國桶蠔，上枱已經好香蠔味，夠大隻！雜菇有香菇、金菇同雞髀菇，菇類吸唒啲湯汁，非常滑口好味！馬尾粉絲第一次試，份量好多，粉絲條條分明，彈牙有咬口！新腐竹，唔會太韌咬唔開，滾一陣就食得！大檸樂超級大杯， $32差不多！

易找係太子 地鐵站附近$198 就可以打邊邊好吸引😃本想想食粥底為佢話要預訂！火煱控的我今次去左食寶寶雞煲食材新鮮好味，仲有好多種湯底可以揀 我地擇左芫荽皮蛋湯加海鮮打邊爐！😍😍😍海鮮盤份量頗大！你看相片就知道😍肉蟹、海蝦、大蜆、魚片，樣樣都好新鮮！😋炸魚皮同響鈴都係即炸仲係熱熱地真係好好食呀😍還有日本黑豚肉、特級美國肥牛、都好好味！蝦餅都好好食好少鋪頭會有熱炸嘅魚皮同埋響鈴！依間有得食真係覺得有啲特別啊唔錯！娃娃菜 枝竹 凍豆腐 鴨血都唔錯！下次一定要試埋雞煲先得😝