寶琳冰室 (寶林市場)

营业中

休息中

平時好少會去到呢個地方，咁啱今日嚟附近打波，所以去咗呢間寶琳冰室食早餐。呢間嘢位處領展街市入面，環境已經唔乾淨地下又痴立立而且燈光昏暗，佢啲食物同埋伙記態度都係維持喺舊式茶餐廳一般到唔一般質素，個腸仔煎蛋兩樣野都好似完全無煎過咁，但又係油淋淋，好似灼熟咗後放落啲油浸一浸再拎出嚟，麵包亦有啲up味。雖然係咁，但收費又已經係一線有裝修企理冰室水平，一個普通麵餐早餐連凍飲已經收$41蚊，總體評價都係可一不可再。

做嘢前想快手食個早餐，入咗寶琳街市裡面嘅依間冰室～正常冰室格局，無咩特別🙂✴️奶茶✴️奶味較重，茶味唔算濃，凍奶茶飲到最後好淡☹️✴️鮮茄濃湯滑牛通粉✴️依個通粉反而有驚喜wor😯羅宋湯湯底有不少蔬菜，茄味足夠，酸甜味都調得幾好，唔係好hea嘅鮮茄湯👍🏻滑牛份量唔多，無牛味～個人認為通粉煮得淋咗少少，如果硬返啲一定仲好味～✴️煎蛋 火腿 脆朱包✴️套餐可揀2個配菜：腸仔/火腿/煎蛋，依啲配菜就無咩特別，唔會expect 有啲咩唔同🙈

自從好員工調晒去新都城，呢班全體員工包括女店長態度都係極度惡劣，黑面神，本身間店已經係唔多人大把位，2人坐卡位要比佢鬧，入去食野比佢小，以後行遠D都唔會再落唻食

🌜夜晚去到十一點幾，寶琳好多野食都關曬鋪，選擇唔多，見呢間仲開就試下。(佢開到凌晨2點) 主打都係d普通茶餐廳野食，不過好在佢都好多唔同種類，仲有小菜。🍜水煮肉片米線 $52首先係水煮肉片米線，我覺得味道ok，好香。普通冰室唔係主打米線鋪都有呢d水準算係咁，少驚喜。本人中意食辣，但係如果辣d就更好。🍚冬瓜海鮮湯飯 $56不過相對嚟講，我就覺得冬瓜海鮮湯飯就一般啦。味道有啲淡,不過料就好足ge整體黎講，cp值之選、味道正常，多唔同野食選擇。

今日經外賣平台拎外賣，去到櫃位，等咗一輪都冇人應，叫咗三次，終於有個阿姐施施然行過嚟，我講咗自己張單Number，佢就指住我前面嗰份外賣喝我兩次：呢一袋！我就客氣地問：係咪呢一袋？佢就話：係！我臨走送佢一句：我聽到架，阿姐！而家疫情好啲態度就咁差，係咪唔憂做先？聽佢把聲，好似做到唔想撈咁。當時舖頭都唔係話爆籠，咁多個侍應都要客仔喺門口等咁耐，都等到有侍應招呼啦，又要侍應態度咁差，一定唔會再幫襯，貼錢買難受！

星期日6點幾，間舖係街市，無乜人，堂食一半人都無，叫左外賣自取，5個餸，4個飯，4個湯，足足等左40分鐘，堂食都食完走埋，離晒譜。茶餐廳炒果幾個小炒都要等40分鐘。炒比左錢就完全唔理你，態度又差，千祈唔好幫襯，中晒伏。預左人要等咁耐又唔一早出聲，一早講好就你情我願，無人expect等茶餐廳5個餸要等40分鐘，唔好意思都無句。母親節都唔洗等咁耐。味道價錢正常，但如果真係想食要預多好多時間，茶餐廳質素，唔好預茶餐廳時間

完成工作後有點肚餓，去了寶林街市搵食，見到寶琳冰室的下午茶餐牌選擇充足，菠蘿包更自成一系列，就決定外賣一份試試！除了基本常見的菠蘿包與菠蘿油外，還有5款包含不同餡料的菠蘿包，我揀選鹹牛肉炒蛋這一款餡料，估計是穩陣之選～～～鹹牛肉炒蛋焗脆脆菠蘿包，菠蘿包的size都幾大隻，雖然外賣回家吃，菠蘿包的皮還是有點脆脆！中間夾著鹹牛肉炒蛋，鹹牛肉的份量較少，香氣不夠突出～～炒蛋炒至全熟，不帶半點蛋液，但蛋香是有的。味道雖普通，細節位仍值得讚賞，大大份的菠蘿包於入盒前已切半，方便食用。熱華田正正常常，奶味不會太重。

有圖有真相,開左咁耐第一次幫襯,叫左個是日午餐咖喱牛腩。碟野嚟到只見到成碟免治肉醬咁款,撩一撩見有三舊牛腩咁多有d驚喜,原來真係咖喱牛腩,唔係免治肉醬。通常呢d都係整定放喺度有人叫就咁起,咬落去 韌過塊皮,一大半食唔到,真係變左食肉醬飯咁,另外個例湯宿宿地唔敢飲,係杯咖啡還可以。無下次!

收工返到嚟都21:30🤦🏻‍♀️費事自己煮即刻買個宵夜食先😋叫咗星洲炒米$48 +凍檸茶（凍飲加$3）都好大份又抵食👍🏻快捷之選同埋好足料同埋值得一讚啲姐姐服務好好

將軍澳寶琳街市裝修已經一段時間，自己覺得真係比之前好好多，不但乾淨左，食物選擇亦多左好多，有好多小食店都好似好吸引咁，今日就試左寶琳冰室。如果以街市既環境，呢間冰室真係算大同埋都多卡位，不過當然喺街市入面一定會有少少街市味，衛生都屬於正常，一般冰室既環境，可以接受。午餐都幾多選擇，同埋真係好抵食，叫左一個自選雙拼扒飯，都係$42 ，飲埋凍飲都係 $45，依家真係無咩地方咁平。不過平還平，最緊要係好唔好味，今日食黑椒雞扒腸仔飯 (多汁，因為自己鍾意用汁撈飯) ，個黑椒汁好濃，有少少黑椒既辛辣感，好惹味，撈飯一流。雞扒煎到個皮好香脆， 都好食嘅，不過略嫌細件咗啲。 腸仔就正常， 咁嘅價錢有兩條腸 ，真係好抵。仲有個例湯， 都好好飲， 感覺唔似味精湯， 似煲出嚟嘅。整體真係又平又抵食，應該可以成為飯堂

🌟咖哩雞扒飯 $68呢間既咖哩係用砂煲上既, 打開個蓋, 熱氣騰騰, D咖哩味仲好香😍 小編一開始以為咖哩應該都係唔會好辣個種,點知食完第一啖, 哇！都真係幾辣窩！😂仲要越食越辣, 不過係好食既, 雞扒都幾厚, 份量都多, 而且呢間既咖哩仲有好多肉碎同薯仔, 雖然辣但辣得過癮, 鐘意食辣既朋友仔可以挑戰下😏🌟水煮魚片上海麵 $48魚片肉質鮮嫩, 都幾大舊, 上海麵軟硬度適中,唔會好淋, 口感都幾煙韌, 夠彈牙, 份量都幾多下👍🏻至於個湯既辣度小編就叫左少辣, 不過對小編黎講少辣其實好似都唔辣🤔 下次可以中辣起跳, 另外呢款係佢個日既精選午餐之一, 配埋湯同野飲, 湯又有三款可以選擇, 整體黎講都幾抵食😬

8點做完事，有D 肚餓，想搵食但又唔想幫襯連鎖市，所以博一博走去新開的街市睇下入面D 仲有冇野食。原來，街市入面D食店都開到好夜，我就俾門口的廣告牌吸引--農夫包配咖哩牛腩。立即走入去 寶琳人的冰室，二話不說點了平時 只有高級餐廳先食到的 食品。等待的時候其實都有D十五十六，怕會中服。但一送上枱我就放心哂，因為它真係有心機的準備。農夫包係用2層石紙包住來焗，入有牛腩，另有一碗煲到滾的咖哩汁。一來到以為D 牛腩好少，但打開個農夫包先見到佢係有2層牛腩的，食到最後我都有D 食唔哂。咖哩係一般的茶記咖哩，帶點辣(辣油)，但很香。農夫包就好大個，外脆內軟，而且再焗熱出返來，熱辣辣的面包是最好食的。今次食物有驚喜，價錢合理(因為搞花款自然要貴少少)，下次有機會會再來試其他食物。

搬屋後很少到寶林，今天工作關係經過寶林街市，發現它已經大裝修成為有冷氣的街市，非常乾淨，入面有間新開張不久的冰室 ─ 寶琳冰室，它的餐牌很多選擇，價錢合理，職員有禮和善。我點了茶餐沙嗲牛肉通粉，配火腿奄列及芝士火腿牛角包，通粉份量剛好，牛肉爽滑，沙嗲湯底很香值得一試！火腿奄列蛋味濃，不會太乾，保留了蛋汁的水份，更香滑！芝士火腿牛角包吸引，迷你的一件，芝士受熱溶化了，令香脆可口的牛角包上帶另一種口感！飲品凍檸檬茶的檸檬厚薄適中，不會有坊間的苦澀味！總括來說餐廳性價比高，味道好，可以一試！

今日放假送女返學順便行吓，搵吓早餐食，行到街市先知原來依度有間茶餐廳落單果陣好欣賞個阿姐提左我兩次轉牛角包要加6蚊食左個早餐D加6蚊轉左個芝士火腿牛角包芝士牛角包個樣同張相差好遠，食落係有少少脆口，我鍾意依個口感炒滑蛋又係！同張相差好遠，望落去似好乾、似炒碎蛋多啲，但食落口又OK喎唔係話好食，只不過唔係想像中咁「鞋」囉比較有得讚係個五香肉丁腸仔通粉，肉丁份量剛剛好，唔多油又有肉丁既小小辣味熱檸茶有三片厚薄適中檸檬，望落去好似又苦又澀，飲落口又得喎起碼唔苦澀囉總括嚟講，依間野食得落口，唔差努力賣相執下都好好多加油

上個月出左去寶琳，係街市買完餸，見到街市入面有間新冰室就入左去食。兩個人都點左自選雙拼扒飯($42)。牛扒+蛋 (黑椒汁)魚柳+蛋 (洋蔥汁)套餐有埋湯同飲品，都算抵食!牛扒唔錯，夠大塊，黑椒汁夠味唔係好辣。第1次食晒配菜，因為佢係配翠玉瓜唔係青豆。魚柳件香脆可口，意粉腍左少許，但撈埋汁食都無太大影響。喜歡佢個杯係黑白淡奶，好靚哈哈，阿華田沖得幾好，有奶味滑滑的，但又唔會蓋過阿華田味，望到隻色都知夠濃阿華田味。湯都算清甜既，我諗味精點都有d, 但每次到茶餐廳我都偏好老火湯多過西湯。基本上餐廳都客似雲來，一家大細又有，一兩個黎快食又有。餐牌亦應有盡有好多選擇。