將軍會館

营业中

休息中

晚上跟家人到了#將軍會館 食番個中式晚餐，價錢親民味道亦不錯。嘉士伯啤酒，配2個小食,擂椒茄子🍆，是用蒸的方式，保留茄子原有的香嫩，搭配香辣的辣椒，開胃健康。沙薑豬蹄粒，蹄筋軟韌，口感清爽，有一點薑的香味，作為下酒菜很不错哦。做緊特價只需$18/條的清蒸蝴蝶，龍躉斑～1斤/條，超級鮮甜嫩滑，肉質咬落煙韌，非常之抵食。麻婆豆腐海參煲，豆腐很嫩滑，加入海參煮燉得很淋又入味，麻辣道亦很夠的，味道惹味。西蘭花炒帶子珊瑚蚌，呢個餸好大碟，帶子底面都煎香了的，珊瑚蚌爽脆可口，西蘭花🥦熟度剛好，整體很唔錯。

朋友推介去咗將軍澳的一間中式酒家食晚飯。內裏裝修別緻，空間寬敞，唔會迫，多卡位，坐得舒服。雞絲粉皮賣相唔錯，顏色分明，麻醬份量足夠唔會乾噌噌，粉皮也好軟滑。玉桂乳鴿看似平平無奇，乳鴿size適中唔會太大或細，都算多肉，食落去肉汁豐富，唔會乾身，肉質嫩滑。值得推介。上湯開邊西澳洲龍蝦（一斤）跟伊麵底特價238 ，一斤龍蝦的份量加伊麵底，性價比甚高。龍蝦肉質尚算新鮮，彈牙，伊麵的份量可以再增量就更好了。燕窩燉蛋白凍上，有燕窩鋪喺面，感覺矜貴，燉蛋白滑溜，不過不失，養顏之選。

一家三口諗緊食咩好，經過呢間見到門面推介年年有魚就比佢吸引咗入去$18就有條清蒸蝴蝶龍躉斑🐟不過我哋夜咗已經買晒🫣下次要再早啲去食先😬ღ菜心炒安格斯牛肉 $138份量十足！菜同牛肉都好多，炒得夠鑊氣，安格斯牛肉肉質軟嫩，食落唔韌唔柴，而且菜心顏色鮮艷翠綠ღ蒜香茄子 $108蒜香味香濃，茄子入口軟綿綿，微辣惹味，送飯一流！ღ鮮果咕嚕黑豚肉 $128咕嚕肉酸酸甜甜好開胃呀🤤加上用黑豚肉外酥內嫩，一啖咬落去更滿滿肉汁，配上青椒、紅椒、洋蔥🧅同菠蘿，酸甜爽口！ღ豉椒排骨煲仔飯 $78呢個要等耐少少時間，所以一坐低就叫定🤭即叫即煲熱辣辣🔥 一打開蓋即刻倒豉油落去撈勻，香噴噴😍排骨好有咬口，而且肉味甘香，而鍋底嘅靈魂飯焦更係香脆無比🤤ღ茶位 $14@

要係將軍澳區搵食，寶琳站可算為代表，接駁住嘅大商場內有多種唔同種類嘅餐廳，總會搵到岩食嘅。想食中菜咩? 可以黎呢間。多款餐前小食中，睇中呢客沙薑豬手粒 ($68)斬至一口份量容易食，甜酸醬汁加埋沙薑香味好惹人胃口，入口爽脆，正。出街食飯能夠有啖燉湯飲下都幾好，見到呢盅花膠螺頭爵士湯都只係$48，材料豐富。入口熱度十足，有齊花膠，螺頭及鷄腳，味道鮮甜，飲完都無口渴。要選最家常菜式，菜芯炒牛肉絶對係頭幾位，但呢度嘅係選用安格斯牛肉 ($138)。以菜芯做底，入口無渣同唔苦; 牛肉夠大塊，鬆軟得黎又帶點嚼口，用黎送飯好岩數。呢客熟成脆皮燒鷄 (半隻/$118)，出鏡率都幾高，半隻份量相當有睇頭。有埋個燒鷄汁點食，鷄皮下無咩脂肪，炸至金黃色又香脆，就算係鷄胸位，肉質都唔會嚡乾，連皮食會食到鷄油嘅香味。係門口望到呢個”年年有魚”牌，大大隻字寫住每條$18，無睇錯，真係$18。由於只限晚市供應，每晚數量有限，落單時問仲有無，幸運地仲有，即刻落一條啦。原條清蒸蝴蝶龍躉斑，約1斤重 ($18)，賣相絶不將貨就價。大量蔥絲配上蒸魚豉油，魚肉輕易骨肉分離，嫩滑程度可接受，咁嘅價錢絶對超值。呢度出品味道唔錯

卸貨之前去屋企附近食飯，呢間中菜間中都有食，兩個人食三個餸剛剛好👍🏻🥦西蘭花帶子珊瑚蚌💰$188三樣食材都鐘意食，西蘭花爽脆、帶子鮮甜、珊瑚蚌爽口，整體夠味又好食🌸櫻花蝦椰菜炒粉絲💰$108炒得有鑊氣夠乾身，有櫻花蝦所以好香，加埋椰菜有啲爽脆口感😋🥢農家小炒黑豚肉💰$128有豬肉片、三色椒等，個味幾夾，送飯幾好🚩將軍會館 (將軍澳) @admirals.hk 📍將軍澳貿業路8號新都城中心3期1樓137號

星期日中午同屋企去左新都城3期會館飲茶，都唔算太多人等位，等左20分鐘就有位。服務都係咁上下，我地叫左海鮮炒飯，麻醬粉皮，蝦膠讓魚肚，酸菜魚腸粉，牛肉腸，紅油抄手，生煎包，一個拼盤，牛肉球。最特別係酸菜魚腸粉，出面好少見，味道酸酸地，好少好少辣，魚就唔係好食得出。另外就係個蝦膠讓魚肚，都幾好食。海鮮炒飯都炒得乾身，味道唔錯。紅油抄手唔夠辣。蝦餃足料大粒多蝦，但蝦餃皮太厚。其它就普普通通，整體都唔錯，價錢就唔算平

服務態度極差，非常無禮。預訂了二張枱及預先說明想要訂點心午餐，她們說不需minimum ，但必須親自前來支付才能保留預約。親人去付款後，他們又聲稱必須點set餐。我致電提出是否可以設定最低消費，因為想吃點心，但他們直接拒絕，並說：「如果你不想來，那就不要來。即使你預訂了，也得等位。不要以為預訂了就有位子，到了也要等。」那我預訂來做什麼？態度極其無禮。這簡直就是以欺騙的方式收取定金。最後他們還掛斷了我的電話！

芊芊呢排好鍾意食燒雞🤣我之前食過一次覺得唔錯，今次帶佢試下先！餐廳環境真係唔錯，裝修好高級坐得舒服，而家仲有機器人送餐㖭，真係越黎越先進！將軍熟成燒雞，佢啲皮燒得金黃香脆，咬落去好Juicy，芊芊好鍾意❤️真係一啖接一啖食唔停🤣🤤肉桂乳鴿都好出色！鴿肉鮮嫩多汁，味道濃郁，真係口感一流！海鮮蛋白炒飯menu上係冇，要主動搵職員落單，炒飯一粒一粒分明，海鮮鮮甜食落好香。🍳 花膠煲螺頭湯係呢度嘅招牌湯品之一，湯底濃郁滋味，螺頭肉質鮮甜，加埋花膠更加滑嫩，一啖湯一啖螺頭，真係必食😋 最後嚟緊嘅拍青瓜海蜇花，清爽又開胃！青瓜脆口，海蜇花爽滑鮮嫩，真係好解膩！🥒有時食得多西餐再食中餐真係別有一番風味，食完好滿足😌

農曆新年期間同婆婆食個晚飯，新正頭當然要食中菜，呢度價錢難得好親民，決定試試。老壇酸菜魚龍躉 $188我哋都鍾意魚，龍躉食落又鮮又爽滑，酸菜令魚味更出，湯好鮮甜，裏面有大量酸菜，大豆芽菜，萵筍，雲耳等等。寬粉吸入湯汁非常出色。鮑魚滑雞煲仔飯$78鮑魚唔算大隻不過口感爽腍，滑雞咬落好嫩，個煲仔飯夠哂熱又多飯焦。柚子蜜蝦球$148個脆蛋漿好鬆脆，裏面隻蝦都幾大，肉質OK，柚子蜜汁調味適中，甜甜的好清爽。

這天晚上我約了朋友去寶琳吃晚飯，經過網上的推薦，我們便決定來到這間中菜館試一試，環境寬敞明和清潔衛生，店內客人很多，證明食物質素應該非常不錯，餐廳位置十分方便，非常鄰近地鐵站雞絲粉皮($48)用麻醬調味，十分黏口，味道微酸中帶一點甜，令人非常開胃，青瓜絲十分爽口，晶瑩剔透的粉皮十分軟身，雞肉嫩滑細密，非常新鮮玉桂乳鴿($58)乳鴿用炸的方式烹調，皮非常脆肉非常嫩，非常新鮮，餐廳十分細心，會提供一次性手套上湯焗蝦球麵($168)上湯利用食材和調味料經過長時間熬製，非常入味，蝦球爽彈鮮美，十分大隻，萊茵衣藻麵十分軟身，感覺比較健康，份量十分多鮑魚一品窩($188)淮山十分爽口，十分健康，非常健康，鵝掌煮得非常淋，非常入味，非常新鮮，花菇爽彈鮮美，鮑魚軟彈煙韌，份量非常多，十分抵食普洱茶夠濃水夠熱，十分健康，十分解膩消滯整體來說，食物的質素非常高，食物的份量非常多，食物的選擇足夠多，食物的用料非常新鮮，食物的賣相非常吸引，價錢相對合理，而店員亦有良好的服務態度和積極，所以我認為這間餐廳是值得再去惠顧

入到將軍澳逛街，當然食埋晚飯先走喇，响附近搵到一間中菜館，佢嘅裝潢都幾特別，座位寬敞，唔似一般中式酒樓，座位密密的；每檯坐位有個距離，仲係獨立卡位，環境非常舒適！💥冰鎮南非鮑魚💥鮑魚鮮甜味美，肉質彈牙爽口，好味道😋💥杏汁花膠濃鷄湯💥湯裡面有花膠、排骨、雞腳加埋杏汁和濃雞湯一齊燉，非常鮮甜可口，仲好滋潤✌️💥豉汁白鱔煲仔飯💥白鱔和豉汁己經係一個好配搭，加上做煲仔飯，簡直一流，彈牙嘅白鱔配上有飯焦香嘅白飯，好快已經吃光喇😆💥柚子蜜蝦球💥蝦球皮脆肉鮮味，再配以柚子蜜，酸酸甜甜，非常醒胃，唔錯👍💥燕窩燉蛋白💥蛋白嫩滑，味道唔錯，混和燕窩一齊食，覺得好滋潤養顏🥰

接近農曆新年就當然要選擇中菜慶祝一下，今晚跟友人到將軍會館，中菜廳環境已經換上新年佈置，非常有賀年氣氛，又點選幾款餐前小食及主菜，希望新一年龍年工作順利，身體健康笑口常開，食極唔肥🙏🏻💙沙薑豬手豬手切成小件方便進食，調味方面加上甜豉油及炸蒜，味道香口又帶點微微甜味。至於豬手肉質就非常有彈性，爽口彈牙， 多食亦不覺油膩。💙拍青瓜海蜇花份量非常多的一款小食，青瓜切成細件，一口一啖方便進食，青瓜爽口清甜，另外海蜇花口感同樣爽口，兩種口感幾為匹配。另外調味方面亦較簡單，加上少許醬油，食到食材原味道之餘亦把味道提升。💙水晶肴肉把薑絲放入黑醋作為肴肉的醬汁，把肴肉本身鹹香味道更加提鮮。希肉煮熟後放入冰水令到肉質結實，而肥肉位置就彈牙爽口，加上黑醋，微微酸味有助開胃。💙脆皮燒雞水準很不錯的燒雞，生熟程度掌握得不錯，若果過熟肉質就會較為鞋口，而外皮亦都容易焦燶；但過生的話外皮雖然脆，但裏面肉質就未必熟透。而將軍會館的燒雞就做得剛剛好，外皮炸得呈現橙紅色，皮脆肉嫩，雞肉仍然保留肉汁，肉質亦都非常滑嫩，而調味料的鹹香亦都令燒雞味道更加惹味。💙椒鹽火箭魷炸魷魚外皮香脆，炸漿薄身，食得到魷魚本身彈牙質地。在加

大時大節上菜慢 可以理解但不接受 明白大時大節客多 但你地係一間餐廳 上菜嘅flow 係你地責任限時1個半小時內交枱 我地等到臨尾15分鐘先有齊所有菜 致命點係 叫左8道菜將近一半都係凍嘅 同你地反映左個問題 你地聲稱會再整過熱嘅捭我地 但最後我地得到嘅係一個熱嘅碟凍嘅菜。。。一間餐廳 提供熱嘅菜色 唔係本應嘅咩？作為客人唔通要要求道菜係熱嘅先有得食熱嘅菜色嗎？之前團年飯食過 都還可以 但對今次嘅體驗 我地一家都感到非常不滿 對你地餐廳好失望！

呢間餐廳大大話話都幫襯左1-2年，每年都食下團年飯，得閒飲下茶，食物一向都唔錯，所以都冇咩特別，最近幾次真係忍無可忍，入面門口接待處既姐姐，態度差到無可接受，打電話嚟問嘢，直程會cut你線，不停同你講話好忙，訂完枱嚟到又係要排隊，早知就早啲嚟排隊啦，成家人有老有嫩喺門口等，入去行過，明明見到人哋有前菜食，到你想點嘅時候就同你講冇係得呢張紙既野食，最後要問咗幾個唔同嘅人先至攞到正常嘅Menu睇一睇，總之就唔想服侍你，三隻套餐是但揀隻唔食你就走咁嘅態度，揀完個套餐又會同你講冇哂，其實入嚟食嘢根本就冇得揀啦，你哋自己安排俾我哋食咩咪食咩囉，冇生意嘅時候，唔好怪人，有客嘅時候係態度咁差，開口埋口都話冇唔得閒好忙，真係忍夠呢間嘢，以後唔會再幫襯。

對於喜歡飲茶的人來說，這家餐廳絕對是一個不容錯過的好去處。這裡提供多款抵食的點心，有傳統的港式點心或創新的創意點心。香滑叉燒腸，腸粉夠滑嫩，滿滿叉燒餡。香煎蘿蔔糕煎得唔錯，有蘿蔔絲口感。豉汁煎釀虎皮尖椒有著酥脆的虎皮尖椒和豉汁的香氣，不會油膩。龍蝦湯原隻鮑魚灌湯餃，有原隻鮑魚，湯汁鮮美豐富，餃子皮薄而有彈性，每一口都能感受到海鮮的鮮味。臘味煲仔飯也是這家餐廳的招牌菜之一。這道菜以香濃的臘味和米飯煲煮而成，每一口都帶來濃郁的香氣和豐富的口感。另外叫了白灼菜心苗。最後，濃雞湯煲花膠是一道滋補的湯品，花膠軟嫩，湯汁濃郁，好滋潤。