尋味

营业中

休息中

📍尋味 (大圍)📍大圍田心村199號地舖🟡老壇酸菜烤魚$288🟡招牌烤羊肉串（2串）$36🟡烤雞中翼（3隻）$26🟡烤滑魚腐$28🟡寬粉$20🟡百香果氣泡水$34🟡提子酸奶冰$38今日出沒喺大圍食嘢，突然想食烤魚，就喺路邊見到一間隱蔽嘅小店，心血來潮試下大圍田心村的尋味。佢有好濃厚的人情味，食物質素都好好，忍唔住上嚟寫食評！食過咁多間烤魚，呢間真係好值得食！魚肉鮮嫩，搭配酸菜的酸香，酸辣適中，每一口都充滿層次感，絕對是主打菜式。食烤魚必須配搭一份寬粉，彈牙的口感吸滿了湯汁，冇誇張，真係食過最好味嘅寬粉！招牌烤羊肉串外酥裡嫩，好香！再來是烤雞中翼，皮脆肉嫩。烤滑魚腐令人驚喜，外皮烤得微焦，入面滑溜細緻，好濃郁的豆香與魚香。飲品方面，叫咗杯百香果氣泡水來解膩，酸甜的百香果味帶著清新的氣泡！提子酸奶冰冇諗過可以咁好飲，係高質嘅酸奶，撈埋一齊飲真係絕配！尋味店內的氛圍好溫暖。每一道菜都係充滿心意的家常菜，食得舒服，好滿足！

大圍朋友帶咗我嚟呢間大圍餐廳食晚餐🤣呢度有烤魚有雞煲有串燒有小菜有好多選擇🤣， 老闆仲招呼好好👍$298「招牌烤魚 - 清江魚」口味揀咗「蒜香烤魚」：「清江魚」大大條好厚肉，應該係炸過之後再煮，魚肉味濃郁，蒜香煮就更加香😋；配菜 包括 蓮藕、金針菇、芽菜、木耳、娃娃菜，咁當然仲有大量蒜頭、芫荽、同埋有好多子薑，呢啲都係我鍾意食嘅🤣$68「酸湯手工水餃（8粒）」：老闆話係餐廳自己包嘅水餃，真材實料，好食👍$48「蒜蓉娃娃菜」：娃娃菜新鮮，蒜蓉煮簡單好食😋$38「招牌鴨屎香檸檬茶」：叫咗少甜，好大杯，有非常清新嘅檸檬味，又有茶香😋

今日同朋友嚟到呢一間大圍田心村非常有人情味嘅餐廳，叫做尋味。我同朋友不嬲都係川味菜嘅愛好者。我哋一嚟就點咗一道酸菜烤清江魚。呢一味酸菜魚做到外脆內軟，魚肉滑嫩。酸菜嘅酸味滲透入魚肉，凸顯出魚肉嘅鮮味。而且仲要大大份、啖啖肉，性價比十分之高。本身酸菜魚已經非常豐富，但我哋都加咗鴨血作為助料。呢碟鴨血入口即化吸收晒湯底，精華豐富咗呢碟酸菜魚嘅層次，而且發現加埋烏冬都好好味，彈牙。我同朋友每人都嗌咗一杯嘢飲。我自己嗌咗蜜桃益力多。蜜桃嘅甜味加埋益力多嘅酸味，飲落口甜而不膩。而我朋友嗌咗杯紅石榴檸檬茶。無論係石榴定係檸檬茶都係酸中帶甜，加上茶底嘅微微甘苦，真係十分開胃！

好耐無去大圍找野食。近排多數係大圍覓食。因老婆想去大圍做美容按摩。所以今晚好理所當然在大圍找吃。糊椒豬肚雞鍋是一道色香味俱全的美食，將豬肚和雞肉的鮮美完美融合。鍋底的糊椒湯底呈現出誘人的色彩，散發著濃郁的香氣，讓人一見傾心。湯底以多種香料熬製而成，辣味適中，既能刺激味蕾，又不會掩蓋食材本身的鮮味。豬肚經過精心處理，口感滑嫩，與雞肉的鮮嫩形成絕妙對比。每一口都能感受到肉質的彈性和湯汁的鮮美，令人回味無窮。鍋中還可加入各種新鮮蔬菜，如紅棗，這些配料不僅增添了色彩，也為整道菜帶來了清新的口感。此外，糊椒的香辣味道與豬肚雞的鮮香相得益彰，讓人忍不住一口接一口。整體而言，這道糊椒豬肚雞鍋不僅在味道上令本人滿意，視覺上也十分吸引。咸檸柒：好少餐廳用話梅兼同咸檸一齊最後老闆有講。星期五六日最好打電話訂位先。因為太多生意。怕招呼不週

尋味位於大圍站附近，步行五分鐘內便度，非常方便。它位於一處不起眼的小巷弄之中,「尋味」餐廳以其別具特色的四川、粵式風情。招牌烤魚-清江魚絕對是最大亮點。這道菜采用新鮮的清江魚,經過巧手烹製後呈現出獨特的麻辣風味,肉質鮮嫩多汁而且入口即化,讓人欲罷不能。配以酸甜可口的醬汁,更是增添了不少層次感。另外,精製的煎餃口感扎實,餡料飽滿多汁,也是必點佳品。餐廳的特色小吃同樣精彩絕倫。清新爽口的涼拌蓮藕片，不僅清爽解膩,還能清新提神;提子氣泡水和提子酸奶冰則是酸甜適中,為整頓餐點增添不少驚喜與活力。總而言之,「尋味」以其用心經營的餐飲體驗,成為了大圍這一帶的美食新地標。無論是三五好友聚會還是全家出遊,也是非常好的選擇。

今日去咗大圍行山，夜晚就已經唔想返屋企煮飯，喺附近同朋友搵咗呢一間小店，補充番啲卡路里！由於天氣實在太熱，餐廳隨即送上一個前菜開一開胃口，呢一份涼拌蓮藕白醋同糖嘅比例非常合適，唔會過酸，蓮藕口感爽脆。先叫咗養生煲胡椒豬肚雞，胡椒味都幾重，雞肉尚算嫩，湯底相當濃郁，而且啲料都幾多，當然亦少不免要叫返一碟肉。朋友揀咗安格斯肥牛，嚟到一大份都幾多，肥瘦平均，肉味香濃，碌兩碌就食得～亦都因為行完山嘅關係，特別口渴，所以亦都叫咗一杯招牌鴨屎香檸檬茶，飲落清涼清爽，茶味都幾清。

今天放假，兒子在田心補習，我就去接他放學，順便食飯，看到補習社後面有有一間特別的餐廳便入去看看。坐下就點了我最喜歡的蒜香烤魚，這是江團魚，搭配滑魚腐、鴨血與幼薯粉。蒜香烤江團魚是整個鍋的靈魂。大大條魚，配料超多，魚肉質細嫩，經過烤製後外皮微酥，魚肉卻保持多汁嫩滑。蒜香清除了魚肉可帶的腥味。配料滑魚腐的口感如其名，對比著烤魚非常美味。鴨血軟嫩的口感與魚肉相得益彰。幼薯粉的加入，吸收了各種醬汁，每一口都充滿驚喜。這餐飯我覺得自己選配料揀得天衣無縫。原本烤魚份量多也其實吃不完，在烤魚的湯裏還有大量芽菜、不少蓮藕片，和芫荽。所以兩個配料加粉面是頂標。大大片鴨血的鮮味、魚腐的滑嫩、薯粉的綿密，襯托著大烤魚。唯薯粉的份量太多，22蚊浸好晒一煮就淋冇賺多少，份量多，我沒有食午餐都食不下全部。但如果錯過薯粉又會惋惜。總的來說，魚大條又肉厚，配料份量多，湯汁美味。其實通關後我經常北上食烤魚，在香港很多餐廳都貴夾唔飽，但是這間尋味餐廳實在不應錯過，省得長途跋涉，這裏價錢跟上面也差不多，份量也過之而無不及。尋味新界沙田大圍田心村199號地下招牌鴨屎香檸檬茶$38.0蒜香烤魚（江團魚）價值$298.0加配料滑

📍尋味 (大圍)大圍田心村199號地舖去完圍方行街，不想食商場連鎖野，搵到隔離田心村呢間尋味餐廳。餐廳溫馨舒適，充滿濃厚的家庭氛圍，食品類別有串燒、煲雞、烤魚，餐廳提供寬敞的用餐空間，木質裝潢、柔和的燈光和舒適的座椅讓客人感受到放鬆愉悅的用餐環境。👉 招牌鴨屎香檸檬茶(走甜)💰$38😋😋😋😋.7/5這家餐廳的招牌鴨屎香檸檬茶絕對是一個令人驚艷的飲品。它帶有濃郁的檸檬香氣，加上微妙的鴨屎香味，讓人一飲難忘。喜歡茶底可以走甜，而且口感十分順滑。這杯鴨屎香檸檬茶是一個獨特而美味的選擇，絕對值得一試。👉 麻辣口水雞💰$48😋😋😋😋.5/5這道麻辣口水雞絕對是辣味愛好者的天堂。雞肉鮮嫩多汁，配上辣椒和各種香料的組合，讓每一口都充滿了辣味和麻感。它的味道非常濃烈，能夠讓你的味蕾完全被刺激。如果你喜歡吃辣，這道麻辣口水雞絕對會讓你回味無窮。👉 藤椒魚皮例牌💰$78😋😋😋😋.9/5藤椒魚皮例牌是一道非常獨特的菜品。魚皮經過特殊的處理，變得爽脆可口，並且與藤椒的香氣完美結合。這道菜的味道麻辣中帶有微妙的鮮香，每一口都能感受到藤椒的風味。如果你喜歡辣味和脆口的食物，這道藤椒魚皮例牌絕對會成為你的最愛。👉

今日又去剪頭髮，發現呢度新開左間食烤魚、雞煲同串燒等餐廳，咁就不如順便食埋飯。餐廳有室內同室外，同家人或朋友聚會，坐室外幾有氣氛。烤魚：有幾款烤魚揀，我哋叫左海鱸魚，蒜香味道，小辣。魚肉光滑，鮮甜，口感幾堅韌。裡面仲有蓮藕、金菇、木耳同芽菜等配菜，另外我哋再加左唐生菜，入味爽口。烤魚蒜香味濃，越食越辣，好惹味。再叫個飯，送飯一流！串燒：燒雞中翼好香口，出左少少油，幾好味。烤年榚口感幾好，估唔到幾好食，辣辣地。烤日本一口牛又唔會燒到太乾，牛味重帶少少肉汁，唔錯。飲品：食咁多辣嘢同香口嘢，老公話要飲啤酒清吓熱氣。我就叫左杯百香果茶，大大杯，夠冰凍，甜甜地幾好飲。

今日收工約咗朋友去圍方行街，新商場果然又大又好行😃😃行到攰攰哋搵嘢食，不過圍方真係太多人排隊食飯，所以出咗去附近覓食！呢間位於田心村嘅烤魚店好近圍方，行過去都係幾分鐘路程，鋪頭座位舒適，抽氣系統都好好食完個身都無味👍🏻我哋叫咗海鱸魚試吓，上到檯真係嚇親，條魚好大條好厚肉，外皮仲要炸過，超惹味🤤🤤海鱸魚唔算好多骨，有啲位嘅肉仲要好厚，啖啖肉好正！調味揀咗麻辣中辣，麻香重唔會死咸加埋個爐一路熱住真係好好食，食食吓都不知不覺食晒成條魚🤭配菜仲有蓮藕、金針菇、芽菜同埋木耳，呢啲索晒湯又係好好味😋麻辣口水雞係我私心推介，好多肉，性價比一流，食熱辣辣嘅烤魚再配返個冷盤是必須的🤭呢間鋪頭嘅串燒都係店主推介，我哋叫左烤羊肉串，唔會好油膩夠羶味好正🤪🤪烤肥腸一定係重口味人士必叫，洗得好乾淨一啖咬落去爆晒啲油出嚟😍燒年糕就係煙煙韌韌，鍾意食呢隻質地一定要叫🥰🥰店主仲推薦我哋食佢自家製嘅酸湯水餃，但我哋真係太飽食唔落啦，唯有下次啦😎飲品就叫咗百香果益力多，酸酸甜甜好解油膩，啱晒食辣嘢嘅時候飲，超清爽🥸📍 尋味 (大圍)大圍田心村199號地舖

大圍地鐵穿過 圍方 行5分鐘就到！好方便！唔需要特別刻意去搵 喺路邊好容易見到餐廳户外環境有柔和燈色做裝飾 好有氣氛 三五知己吹水食飯一流店內嘅面積唔大 但都乾淨企理 感覺到係一間好用心經營嘅小店服務員又好有禮貌！餐牌選擇好多 價錢亦都好合理如果嫌食商場嘅連鎖店鋪太單調 不如行多幾步路 當散下步 有另外一片廣闊嘅天空 🤍招牌肥腸雞煲 麻辣味 一隻$298好大煲，勁抵食！份量好足 足夠四人食冇油膩感之餘 又好入味 朋友本身鍾意食肥腸 食一件之後食唔停口果然係呢度嘅必點菜式🤍酸菜魚$198 有木耳，娃娃菜，芽菜，薯粉份量好足，好多配菜🤍滿滿百香果茶 $32本身好鍾意百香果嘅我 呢一杯混合香水檸檬 超好飲仲要係勁大杯 又有椰果 多重口感必飲推介！🤍小院桃桃水果茶 $32 好香果味 加埋香水檸檬茶底 都係見着職員親手打香水檸檬 呢杯都好好飲

今朝朋友來電，話佢附近開咗間＂尋味＂係食雞煲+烤魚+燒烤+串燒+打邊爐店，約我去傾偈食個晏晝。餐廳環境幾好，有室內同室外，夜晚坐室外應該機寫意。今次叫咗條龍躉魚，廚師予先在廚房幫我們考熟，再用烤盤送上，店員欏上嚟，一睇好大盤賣相唔錯，面頭鋪滿了很多芫荽芹菜，同時聞到烤魚嘅獨特烤香味，裏面仲附送好多配菜：大量蒜頭、蓮藕、大豆芽、金針菇、木耳、柴洋蔥等，炸黃豆，湯底蒜味濃郁，魚肉新鮮漱滑，食到獨特嘅烤香味，店員服務態度非常之好，唔使叫，自動幫我們開爐好窩心。值得推薦。另外叫咗一杯招牌鴨屎香檸檬茶，一杯滿杯百香果茶，食啖烤魚飲啖茶超舒服。

朋友推介喺大圍田心村有一間隱世小店，主打雞煲、烤魚同串燒！作為川菜lover當然要去探店喇！串燒種類繁多，價錢合理！肥腸雞煲（半隻）～肥腸要處理得乾淨先至唔會有異味，呢度可以講係完美演繹！加上四川香料，麻辣嘅味道別具一番風味！而且雞肉算係厚肉！非常足料👍🏻雜丸拼盤、蓮藕片、唐生菜、米線～食哂雞煲就可以加湯，用作打邊爐！當中與牛丸最令我心動，竟然非常彈牙兼爆汁😍米線，亦都非常軟滑，吸哂湯！非常入味！😋涼拌皮蛋～皮蛋非常軟糯，配上四川獨有醬汁，完全係開胃之選！燒司華力腸～啖啖肉！而且𠝹滿花紋，燒烤香料可以滲透內部，非常夠味！外脆內軟！腸味香濃😍烤雪花牛肉串～燒烤香料絕對冇掩蓋到牛肉香濃嘅牛味!一口一粒！非常滋味！串燒雖然要慢慢等，但絕對食得出燒烤師傅慢工出細貨！完全值得！係必食推介！金桔檸檬～食辣嘢最緊要有一杯凍冰冰嘅特飲，而呢度嘅飲品非常特別。用上香水檸檬，帶有獨特香味，不太酸同時帶有微微甜味。

睇到咁多食評 都係好評 諗住去試吓 叫左個雞煲外賣返屋企 嗱首先個外賣盒都要收$8, 話可以下次重用喎🤣去攞外賣嗰陣收銀個服務員都已經好無態度 全程目口目面，講多兩句又黑面又啪收銀機咁返去一打開個盒，嘩真係搞唔掂 D雞係得碎骨架 無肉架 仲要份量超少 又黑又霉咁 真係睇到都唔開胃，半份雞煲數埋都唔知有冇十舊 唔講真係唔知自己食緊雞煲 勁似食剩D餸頭餸尾諗住雞煲邊度食都差唔多啦 見到咁多好評 又近屋企就試下 但估唔到真係會差到咁 真係請都唔食

第一間要上網打食評既餐廳 大圍食開間雞煲執左 又好想食雞煲 食左今次之後真係無下次 雞煲D雞真係唔得囉 得嗰10舊都冇 半隻雞煲每舊雞肉仲係皮包骨，完全食唔飽 連男朋友食咩都得既人都話blacklist唔會再食