尋福記

营业中

休息中

喺黃埔花園附近一條食街，叫民德街，哩度有間小食麵店，叫做尋福記，見佢店名意思咁特別，我就入去尋下福啦。入到去，地方唔算大，但係都有位可以坐低食，有好多特色嘅面食，店員好服務，好好推介我食沙茶麵，我就試左佢嗰招牌沙茶麵 ，即叫即整，一陣就食得。一想碟，就比佢嘅貌相吸引，好多料，有尤魚，螺片，蝦球，豆卜同埋老蛋，辣湯底更加惹味，湯底沙茶醬其實都只係少辣，相信大部人都可以食得到，特別要讚佢尤魚，蝦球整到好鮮甜，而且好有咬口，一啲都唔un.好食。另外仲點左一份小食，叫做香酥茶果，絕對係功夫小菜，價錢先20蚊，好抵食，白蘿蔔煎香左外皮，香脆內嫩，加上佢嘅秘製辣醬，好好食，好惹味，果然好食，真係尋到福啦今次，推介。

平時係黃埔無留意到呢間餐廳，咁岩見到價錢平平地，就入去食個dinner，又幾好食喎！招牌沙茶麵🤤招牌沙茶麵入口滑溜，麵條麵質彈牙😍，亦都煮得恰到好處！每一口食落都有魷魚、蝦球、螺片嘅鮮味同鮮嫩彈牙👍。豆卜同滷蛋夠入味，豆卜吸左沙茶醬嘅惹味！特別要提佢哋嘅沙茶醬，濃郁香辣，令味道更加豐富，鐘意食辣嘅話就岩晒！五香什錦飯 (+油菜同汽水)🤪🤪而五香什錦飯真係好推介！飯粒粒分明，香氣四溢，一入口就能夠食到豐富嘅五香味道。蝦米嘅份量好足，每一顆都鮮脆香口。重要嘅係，呢碗五香什錦飯唔會太油膩，令人食得安心haha 另外，我地加左油菜同汽水，生菜爽口，味道適中，唔會太鹹！滷水牛根🫰滷水牛根煮得軟嫩多汁，滷汁滲透係每一舊牛根到，而且口感彈牙！香酥菜粿😆本身唔知咩係菜粿，問完店員同埋上網睇下先知原來係泉州一款經典嘅小食，以米漿同白蘿蔔為主要原料，蒸製成糕，再經油炸而成。就咁睇外表好似白雪雪嘅蘿蔔糕，食落去有驚喜！佢地整到外皮金黃微焦，有啲酥脆，內裡軟綿，食落口感豐富！呢個小食值得一試！香脆拳頭母🤭拳頭母又係唔知咩黎，但因為未知更要試下！原來都係閩南風味小食，外表似拳頭，加埋閩南語發音類似係拳頭母，所以

紅磡開咗呢間尋福館係食福建菜的，內籠有三張枱，地方細細但幾光猛，乾淨企理👌🏻全家福牛麵（$78）有齊牛肉羹、牛展、牛丸、牛筋同牛肚，好豐富， 所以我嗌咗菜底。 牛肉羹有牛味，好實淨；牛展滷得好淋，牛丸ok彈牙😋個人冇咁鍾意牛筋嘅質地，會有啲邊位較爽，整體會淋啲，同埋食唔慣牛肚嘅內臟味。但so far係Okay的， 而且湯底有淡淡嘅藥材味，飲落唔油膩幾舒服。招牌沙茶麵 （少少辣）（$68） 👍🏻👍🏻好抵食，推介。呢個價錢有晒魷魚、蝦球、螺片、豆卜同滷蛋，而且每款都唔Hea😍!! 三款海鮮竟然都食到好爽彈嘅口感👍🏻好鮮。豆卜索曬 沙茶醬嘅香味，叫咗烏冬都幾掛汁。鍾意佢加炸蒜片令個湯再香口啲😍連滷蛋都滷得好入味，成碗都好滿意香脆五香卷（$25 ）由腐皮、豬肉、馬蹄組成，香口之餘保留到肉汁，馬蹄粒增加爽脆感😇果然係招牌問落知道香脆拳頭母原來即係拳頭size嘅豬肉丸，所以改做嗌香脆墨魚丸（$20）配埋附上嘅辣醬更加惹味 😋最後加（$12）變套餐，有罐無糖可樂同蠔油生菜，都幾抵玩。埋單兩個人二百鬆啲，食得滋味😆會再幫襯啊！

成日聽人講黃埔德民街好多嘢食，今日就發掘到呢間小店有正宗嘅沙茶麵。❤️招牌沙茶麵 推介同一般嘅沙茶麵唔同嘅地方係佢嘅配料。有魷魚螺片大蝦之外，聽老闆講全部都用新鮮嘅材料整嘅。 連螺都係新鮮返嚟自己片一塊塊。口感零舍唔同，比較爽脆幾特色。 另外佢話魷魚係原隻有1.5個手掌咁大 ，之後自己切。 所以食落都幾厚身，仲好鮮甜添！ 配合埋辣辣地嘅沙茶湯底，食落啲配料又好鮮甜，中和左湯底嘅濃郁！牛五寶麵呢個都係老闆介紹嘅，佢話佢哋零味精，再用牛骨熬製湯底。食落去個味真係牛骨味比較重，食完都唔會口渴。 裏面比較，特別係佢嘅牛肉羹，咬落去彈牙仲有牛肉嘅鮮甜！ 五香卷外面少少脆口，裏面有豬肉同埋馬蹄。所以咬落去幾有口感。菜粿第一次食，原來呢個係廈門嘅蘿蔔糕。整到好似魚蛋角甘！ 外皮脆口，裏面有啲似糯米煙煙韌韌！ 蘿蔔味道比較重！午市優惠價錢親民，完全啱晒附近理工大學啲同學！而且佢啲材料都真係幾新鮮，湯底又冇味精！性價比高值得encore！ 👍🏻🎉

紅磡一向多小店，行過見到呢間新開，店名幾得意叫「尋福記」見到有全日套餐$64包嘢飲，有「沙茶麵」同「牛肉羹」，覺得幾得意就入去試吓。店仔細細得3張枱，環境乾淨企理。睇睇下餐牌大家都想食豐富啲，所以點了一碗海鮮沙茶麵，一碗全家福牛麵及一款小食香脆五香卷。海鮮沙茶麵，配料有蝦滑，魚滑，墨魚丸，豆卜，湯底望落有點似叻沙，見到有花生醬，食落都幾惹味。蝦滑咬落爽口，食到原隻蝦。魚滑並非用鯪魚，食落軟淋好味。全家福牛麵，好豐富，有齊牛肉滑，牛丸，牛筋，牛肚及牛展。牛丸爽口有肉汁，牛肚滷得好入味，軟淋易咬開。湯頭清徹，有點藥膳味，麵條食落似油麵類，喜歡吃牛的朋友不能錯過呢碗！香脆五香卷，炸到熱辣辣，用腐皮包左豬肉同馬蹄，夠香口。由於五香卷太好食，向店家買2條返去翻熱加餸～

德民街真係禾稈冚珍珠既地方, 除左有壽司店同附近好出名既烏冬店仲有一間值得更多關注既尋福記餐廳主打福建特色, 好似餐牌上既拳頭母香港都比較少見係一款以豬肉為原料, 廣受歡迎既閩南風味小吃餐廳招牌既湯底有兩款,今日一次過就試晒佢!精選沙茶麵, 湯底味道好豐富, 有D似無左奶味既叻沙一碗已經包左肉粿,拳頭母, 醬爆丸,豆卜肉粿& 拳頭母平時比較少食到, 印象特別深刻明明係豬肉做但食出滿口既鮮味套餐64蚊包埋一款小食同飲品非常抵食全家福牛麵包含牛肉羹,牛丸, 牛肚,牛筋, 牛展濃底夠晒濃, 湯底真材實料再加藥材熬煮完全無添加任何師傅湯頭同配料非常夾味, 牛展有做到軟腍黏口香脆五香卷卷皮又薄又酥脆, 餡有好香既蔥味跟餐小食既份量同正常嗌係一樣咁多滷水牛筋滷水味唔算突出既, 如果再重口味D會更加正牛筋大舊啖啖"肉" (算係肉嗎?😂) 有嚼勁食完有骨膠原滿滿既感覺

黃埔德民街食肆林立，條街經常人頭湧湧，今日來到一間細細的店舖「尋福記」，嚐到老板用心製作的出品。店舖只有3張枱，在店內用餐的時間，見到職員不停接外賣訂單，真受外賣客歡迎。皇牌餐是牛骨湯麵，還有沙茶麵和一些小食。當晚老板話牛骨湯已售罄，(因下午太好生意啦)湯要淆製好幾個鐘，未趕及晚市供應，唯有改沙茶湯底了。「全家福牛麵」$78 有牛丸、牛肚、牛筋、牛展，沙茶湯底。非常豐富足料的一碗麵，價錢經濟實惠，果然是皇牌，沙茶湯底微辣，配米粉一絕，牛肚和牛筋軟腍入味，手打牛丸彈牙爽口，正。「招牌沙茶麵」$68 有魷魚、蝦球、螺片、豆卜、鹵水蛋一隻咁多海鮮都只是$68，性價比高，樣樣海鮮都很新鮮，豆卜吸收了湯汁，又辣又好味。「香脆五香卷」$25自家製的五香卷，非常惹味，外皮香脆， 餡料豐富，份量還很多呢！

係PolyU附近搵野食，行左去黃埔附近，見到呢間有廈門沙茶麵好似幾吸引，價錢係同區其他野食相比都算唔錯！同朋友叫左兩個麵同啲小食🤤🥢招牌沙茶麵碗麵嘅配料有魷魚、蝦球、螺片、豆卜同滷蛋，豐富又足料！麵條幾彈牙有咬勁👍🏻湯底以特色的沙茶醬為基礎，鮮香濃郁👍🏻魷魚、蝦球、螺片鮮美入味，而滷蛋嘅滷水汁醃製得夠入味👍🏻成碗沙茶麵的口感豐富多層次，每一啖都可以試到唔同嘅配料，怪唔之得Menu特別推介呢個麵，真係好好味🤤🥢海鮮沙茶麵而呢碗沙茶麵有蝦肉羹、魚肉羹、墨魚丸同豆卜，海鮮味十足！蝦肉羹夠鮮味，墨魚丸彈牙香口，豆卜吸咗湯底的精華，好入味🤤 湯底同招牌沙茶麵一樣，有濃郁嘅香氣，亦有少少辣， 惹味👍🏻🥢香脆墨魚丸墨魚丸唔係炸到非常熱氣個種，而係外脆內嫩，又帶有墨魚的鮮味，呢款小食好岩係沙茶麵到加餸食🤤🥢香脆牛丸牛丸同樣都好出色！鮮嫩多汁，口感好滿足🤤🥢滷水牛筋滷水牛筋入味，但唔會過於韌硬，口感彈牙👍🏻同埋滷汁的風味完美融合🤤平時好少機會食到廈門同泉州嘅野食，呢間值得再encore，可以買外賣返學校食tim🥹

今晚和朋友剛巧要去紅磡, 順道去了這間餐廳吃晚餐.香脆墨魚丸 ($20) : 脆脆地幾香口, 墨魚丸又好彈牙, 幾好食.招牌沙茶麵 (魷魚, 蝦球, 螺片, 豆卜, 滷蛋) $68沙茶麵的湯底幾香濃, 個味好特別, 幾香, 有少少似喇沙, 但佢又同喇沙不同, 個味是很特別, 幾好食.而且配料都非常豐富, 有魷魚, 蝦球, 螺片, 豆卜和滷蛋, 非常足料.魷魚爽滑, 幾彈牙, 不錯.蝦球都好彈牙, 蝦肉好滑, 幾好食.豆卜索哂d湯汁, 真係好正.而螺片和滷蛋本身同沙茶個味本身又幾夾, 不錯.跟餐+$12可轉套餐, 配油菜和飲品, 我選了蠔油唐生菜+蘇打水. 都幾抵.食面配蠔油唐生菜真的是最夾, 有碟菜食下又唔洗只是食肉咁dry.香脆醬爆丸 ($20) :醬爆丸好多汁, 好juicy, 有少少辣的, 幾香口, 點埋醬就更惹味.全家福牛麵 ($78) : 非常足料, 有牛肉羹, 牛丸, 牛肚, 牛筋, 牛展等等, 真的是滿足了喜歡吃牛的朋友.牛肉羹好香滑, 一點都不會韌. 牛丸好又有牛味, 牛肚爽滑, 牛筋好有彈性, 質感好好, 牛展都好香滑, 好好食.個湯底更是精華所在, 非常香濃的牛味,

喺紅磡德民大廈嗰度一家小食店叫尋福記，其實係喺黃埔花園附近，所以近地鐵站都好方便。舖頭吾算大，但食物水準高，有幾張枱，可堂食或外賣，今次我食左全家福牛麵同小食香脆五香卷，即叫即整，唔使好耐就有得食。全家福牛面好大碗，用料10足，有牛肉羹，牛丸，牛肚，牛筋，牛展，包食得飽，而且湯底清甜，冇半點味道，又很有牛味。而香脆五香卷都好好食，即叫即整，整到皮好香脆，而肉又保留肉汁，一啲都唔肥膩，另外特別喜歡佢嘅辣醬，少少甜咁，更加惹味好味，店員服務好，招呼周到，會再來光顧。

今日同老公支持小店 - 尋福記，主打閩南沙茶麵幾特別，店舖以綠色為主，舖內滿綠色方塊磚，座位數目不多只有三張二人枱😎💫招牌沙茶麵有好多食材好足料，魷魚🦑彈牙爽滑，蝦球🍤大大隻新鮮突出，螺片夠薄身吸收沙茶精華好好味，湯底沙茶味濃都幾特別😋👍🏿💫海鮮沙茶麵有多款海鮮🦞面有炸蒜好香口，蝦肉羮同魚肉羹都充滿鮮味，沾滿沙茶醬味，墨魚丸味濃質感軟身，口感彈牙，最值得一讚豆卜超級入味，好正😊💫蠔油唐生菜🥬加$12蚊就可以跟餐，有蠔油唐生菜及飲品🥤，麵食加碟菜確是健康之選😆

行經黃埔，有間新開小店，係賣特色中式菜，見價錢實惠就入黎試下！入到去坐得寬敞，特別係新裝修，而且有綠色做主題，眼球都幾舒服！不過要留意座位唔多，只有大概8個座位，所以食飯時間要早d黎～但都正正因為座位唔多，老闆好肯招呼每一台客人，介紹食物！今次叫左：招牌沙茶麵 $68大推，完全係5粒星🌟🌟🌟🌟🌟評價，湯味濃而不渴口，有少少馬拉味道但又有獨自特色，食材完全係應有盡有，種類多既同時份量都係舖滿曬個碗，呢個湯標配油麵已經係好好食，而且豆卜吸曬湯汁絕對係食到佢既原汁原味！成個賣相、香味、食落去味道都絕無欺場！全家福牛麵 $78同樣係做得出色，雖然味道唔會係好鹹味重有濃度果種，但從湯面既油度同飲落去就知道老細講話無落添加同埋味精係真既！全靠牛骨湯同埋滷水牛既唔同部份提出黎既味道，清得黎有種淡淡藥材既香味，係另一種風格同樣唔渴口既選擇！我驚每個部份都煮得淋但唔會散，讚！五香什錦飯 $38整體感覺有少少似臘味飯但係唔會好油，配料係花生同瑤柱，平價飽肚之選！香脆五香卷 $25小食來講份量都算中上，味道配埋雞醬好好味！性質係鹹香酥脆唔辣帶點豬肉汁！香酥菜粿 $20老細話係好似蘿蔔糕，食落去我同意呢個講法

估唔到香港都食到咁正宗閩南菜，雖然只係第一次食😆唔好睇間店細細又得3張枱，佢都好受街坊歡迎！坐咗喺度一個零鐘，已經不停有人入有人出，仲要多外賣單😎好多都熟客仔，一坐底就叫！見好多人食全家福牛麵，今晚點咗！上嘅時候店員話好值得一提個湯，絕無添加，好清！我本身好鍾意食湯麵，所以第一啖就試咗個湯，好正，好重菇味又唔算好騷味🫶🏻好豐富！入面有牛丸，牛筋，牛肚，牛肉羹，牛展，每樣大概4舊左右，所以都幾大碗！其中我覺得牛筋最正，好香好入味又唔會好硬😍😍而牛肉羹，亦都好少喺出面有得食，感覺似牛肉條，不過有咬口啲！！香脆五香卷里個超有特色呀！炸到好香，入面係肉同小小菜🤓有小小似肉卷，係外面無得食！香酥菜粿里個又係第一次食！店員介紹話係蘿蔔糕黎，不過再炸咗外皮，好香口，而且比較軟綿綿，好有趣㗎👍🏼👍🏼五香雜錦飯相對冇咁深刻，飯係硬個類，有蝦米，瑤柱，肥肉，冬菇！我會想留肚食多啲小食😆😆

今天在紅磡附近做完野順便搵食。想食麵既時候剛巧經過呢間「尋福記」便隨意去一試！我點了招牌沙茶麵(魷魚、蝦球、螺片豆卜、滷蛋) ($68)沙茶湯底濃郁恰到好處，不會太厚重，我選了微辣，辣度剛好。d豆卜同麵吸收晒沙茶湯精華好惹味！油麵煮得剛剛好，有著適中的彈性，十分掛湯。蝦球好大隻仲超爽彈，有驚喜。魷魚和螺片份量都非常多，彈牙好味。特別值得一提的是滷蛋，煮得超入味！整體呢個價錢來說份量十分多，每款食材都有驚艷到我，是一碗誠意滿滿的麵，讓我吃得非常滿足。

尋福記係一間位於黃埔嘅特色小店，以閩南菜為主。雖然店舖細細間，但個裝潢非常有風格，彷彿帶有香港懷舊情懷🎑🎑仲有一樣絕對抵讚既係老闆好好客，服務一流，唔似香港一眾餐廳👍🏻👍🏻招牌沙茶麵🍜🍜尋福記嘅招牌沙茶麵絕對值得一試。麵條彈牙有嚼勁，配上魷魚🦑🦑、蝦球🍤🍤同螺片，令整個菜式更加豐富多樣。香脆五香卷🍘🍘卷皮酥脆，內裡包著香氣四溢嘅五香肉餡，唔怪得老闆大力推薦。五香什錦炒飯🍚🍚絕對是尋福記既招牌菜。炒飯香氣撲鼻，加入了瑤柱、蝦米🦐🦐和香菇等多種食材，又係心機之作。什錦炒麵🍝🍝麵條彈牙有嚼勁，配上肉粿、瑤柱和蝦米等多種配料，跟足曬閩南既做法，非常地道。尋福記以閩南菜為主，無論係招牌沙茶麵、香脆五香卷，定係五香什錦炒飯同什錦炒麵，都展現了閩南菜的獨特風味，絕對係正宗閩南餐廳😋😋