尋麻記

营业中

休息中

大概甜品係一般女生嘅comfort food但係其實麻辣嘢先係我杯茶烈女是也🌶️難得去開大埔 當然要幫襯下啲街坊小店呢間店所有packing都好有心思手套、紙袋、涼麵個膠桶都好靚麻椒雞係店家嘅招牌當然要點半隻啦～睇住老闆即叫即撕好治癒點咗中辣 雞肉夠晒咸香 又有好多花椒子鍾意刺激嘅我啱晒仲有大量香脆嘅花生🥜另外當然要叫埋原味嘅麻香雞麻香雞就跟咗便當叫原味一樣好味 係兩種食法便當仲可以任配三種涼菜老闆娘話涼菜係每日鮮做㗎可以好放心食樣樣都想食好難簡我就點咗萵筍絲、鮮腐竹同青瓜海蜇🥒萵筍絲好爽口清甜青瓜海蜇好抵食有勁多嚿海蜇 海蜇係一塊上同平時食開一絲絲嘅口感又唔同另外重點咗滕椒鳳爪鳳爪已經去咗骨 食落唔會好辣餸飯一流紅油豬耳可以100g咁買豬耳切咗幼絲 更加多表面積去沾上辣油呢度嘅招牌菜仲有大腸一路等一路勁多人買可惜我唔食內臟就冇買了另外佢地啲涼麵同甜品都好吸引㗎😉

星期五夜晚想買多個餸，加餸，唔需要諗煮咁多樣餸🤣途經大埔墟嘅時候，見到有呢一個雞，就打算試吓。我哋叫咗麻椒雞BB辣，因為想試吓會唔會太過辣。店員喺你面前撕開隻雞，可以要返雞殼，感覺上佢唔會呃秤，因為你真係見到成隻雞。佢有麻辣花生配埋，但係我哋冇要到，因為驚太過辣。下晝買完，夜晚返屋企食嘅時候都冇加熱，都好好味，略嫌太多花椒八角。但係可能因為佢塞喺個雞裏面，所以避免唔到。總括嚟講幾好味，下次可以試吓第二款，會再幫襯。

成日都聽人哋介紹呢間大埔街市附近嘅麻辣小食 雖然鋪面細細 但係都幾多人幫襯㗎💓尋麻記顧名思義就係專門食麻辣野嘅餐廳，啱晒我超鍾意食辣！特色小店好值得支持，價錢亦唔太貴CP值好高！🌟麻椒雞 (一隻) $138麻椒味唔會話太辣，而且店員會撕開晒啲雞肉 返去冇骨食啖啖肉 唔會話太辣 反而麻香好出，啲雞肉都好嫩，超好食！一定超送飯，下次買返去加餸😆🌟金牌肥腸(小份) $28肥腸係好經典嘅小食，細份份量我哋每人試幾舊，唔會太肥又可以過下口癮🌟水果涼粉涼粉好清爽，啱晒夏天食！加入左各種水果，口感豐富，食完辣嘢爽一爽就啱晒

知道家人鍾意食麻辣小食，朋友介紹大埔墟的一間小店，以招牌麻椒雞+肥腸為名，除此之外，仲有多款特色涼菜及新品推薦等等推介，樣樣都想試吓，就買咗幾款同屋企人分享。在購買期間已經人頭湧湧，個個都話要買招牌麻椒雞，即刻買咗隻返去媽咪度，媽咪都大贊雞肉好入味，原來裏面有滿滿的麻辣配料，反饋一拆開雞肉已經辣味四溢。檸檬雞爪也是我的最愛，裏面有辣椒及大大塊檸檬，味道酸酸辣辣好開胃，你係鍾意雞腳係無骨，就算幾大膽幾用力食都唔怕有骨整親。藤椒鳳爪就係媽咪鍾意食嘅口味，佢都大贊味道獨特，而且每一件都係大大隻好肥美，味道更形容為彷彿食到四川菜風味。麻辣香腸好少會食到，即管睇吓佢醃製得有幾好味，先說口感半肥瘦有咬口，估唔到一條香腸入面麻辣味都可以咁濃郁，識得辣好食呀。雞汁麻辣豆干係新品推薦食品，即管試一試，我鍾意佢嘅豆干長長又切得幼幼的，一邊食一邊送酒一流。下次要再試吓其他，外賣返去同朋友們一齊食出滋味。外賣店尋麻記 (大埔)大埔寶鄉街35-39號寶康大廈地下C號舖#大埔四川菜#大埔川菜外賣#大埔尋麻記 #麻辣控必食

首先講下金牌肥腸，佢哋嘅做法真係好獨特，唔似其他地方嘅四川菜館。啲肥腸唔會太油膩，又帶微微辣味，同埋肥腸切得唔算太厚，所以食落去唔會覺得太膩口。而麻椒雞同埋麻香雞就更加出色，啲雞肉鮮嫩多汁，香辣味好香好醒神。呢兩道菜都夠辣，唔過唔會太辣，啲麻味同埋辣味都好平衡。最後講下無骨鴨掌，個份量非常豐富，啲鴨掌煮得好熟好滑嫩，配埋麻辣醬同埋醋，味道更佳鮮美。

麻香雞(一隻) $138香料味紛陳層次豐富，而直調味亦恰到好處，麻及辣兼備，味道鹹甜得宜，仲帶隱約的酸香，並且互不搶味，最抵讚是惹味，吃晒完竟也不口渴。 雞肉一夾起，便無死角盡沾，唔駛吐骨啖啖肉咁幾方便青瓜海蜇頭 $20/100g海蜇頭比切成條狀的海蜇皮肉厚，用來做涼拌菜式口感更爽脆可口，以鎮江醋為主的調味醬汁醒胃惹味，放在雪櫃冷藏更入味紅油豬耳 $28/100g食落口裡是又柔軟又脆，味道鲜香不腻，且富含膠質，豬耳朵的軟骨還能夠補充鈣質，比軟容易被吸收，吃起来更弹牙，麻辣鲜香特別特出

🎈尋麻記麻椒雞專門店🌶招牌菜分別有又麻又辣的麻椒雞及麻香十足的麻香雞🥢落單後即場手撕拆肉，保持雞肉品質，可見小店製作用心❤️🎈招牌麻香雞（一隻）$138以花椒麻香為主調的麻香雞✨雞入面放滿原粒花椒，裡裡外外都散發花椒的麻香😚雞皮口感爽彈，特別食到麻椒香味雞肉部分結實有嚼勁，連骨頭都入晒味❣️果然係心機之作👍🏽🎈金牌肥腸（小）$28肥腸以辣椒、香料滷煮，辣味屬於小辣雖然叫做肥腸，其實係零肥膏，食得放心另外有營養豐富嘅白豆做配料，口感唔錯🎈麻辣香腸 麻辣香腸係店主自家製，配方經過改良，比四川版本的鹹度大大減少，但辣度十足🌶️🌶️可以炒菜、配湯麵或者直接食，係食過最正嘅麻辣香腸😍

尋麻記-------------------------招牌麻椒雞 (壹隻) $138平時都鍾意食麻辣，但又好矛盾地食唔得辣所以今次揀咗bb辣完全唔食辣嘅朋友可以揀麻香雞𠻹店員會即場手撕雞雞肚入面塞滿咗花椒八角等醃料即刻瀉出，好足料！雞肉醃得好入味，食落發現雞皮都係精髓雞皮爽脆惹味，送飯一流涼拌小菜 $20/100g麻辣豆干、香辣海帶絲、青瓜海蜇頭辣度適中，惹味香濃，海帶絲夠爽口青瓜拼海蜇好清新爽脆，佐酒都唔錯-------------------------如果想買麻椒/麻香雞，可以提早半個鐘打電話預訂，因為會即場手撕雞，咁就可以慳返啲時間啦！店員話假日仲有麻椒/麻香乳鴿選擇呢尋麻記地址🎈大埔寶鄉街35-39號寶康大廈地下C號舖

𝐼𝐺@62.𝑙𝑜𝑦𝑎 ❣︎ 即叫即撕招牌麻椒雞😗😗會附有手套同餐具以外賣為主的小店係鋪頭外已經聞到陣香味☺️因店主的親切服務除左香味仲感受到滿滿的親切感🥰♡⋯⋯食評⋯⋯♡ ☻ 4.6/5 🐓招牌麻椒雞有大中小辣可供選擇😉即叫即撕手撕雞會分開肉同骨，相當貼心🥰同時亦有雞汁附送，可以增加雞肉濕潤度入口麻香並重，雞肉份量多而惹味🌊 涼菜(可雙拼) $20/100g麻辣豆乾·青瓜海蜇頭·涼拌海帶絲涼菜係新出的系列要幾多稱幾多，雙拼亦可👍🏻海蜇頭口感彈爽好特別3款涼菜我都好鐘意❤️

餐廳位於大埔，主打的就是麻辣食品，這天我也需要好好品嚐一番。多種不同的涼菜選擇，更有時令的涼菜。麻椒雞，絕對是餐廳的招牌可以挑選不同的辣度，人手製作，手撕雞的感覺，麻和辣的比例剛剛好，更喜愛冇人工色素，無味精的製作方式。半隻剛剛好買回家加餸，和家人一同分享。肥腸，也是一份驚喜的作品，不帶肥膏的豬大腸，令人又愛又恨，內臟總是不健康的，但他卻是零肥膏，令我吃完一口再一口。海帶絲，時令作品，價錢合理大眾化，味道也不錯，爽口又彈牙。

主打麻椒雞，用心製作的小店，專門做外賣麻辣菜式，環境乾淨企理，位於大埔墟的大街道，人流多，好受街坊歡迎，食物每日新鮮製造👍🏻 晚餐加餸一流！ 經店主介紹今次試咗幾款食物~ 招牌麻椒雞 ($138/隻)麻香氣撲鼻，見到都流口水！🤤 一隻雞份量好多，絕對夠一家人食，用大量香料醃製，味道濃郁 好入味，肉質結實 ，小辣的辣味都好夠，骨肉分離 食得好方便，值得一讚金牌肥腸 ($38 中份量)推薦，重口味之選😛！去油去脂好乾淨，好煙韌有咬口，秘製醬汁味道調味一流，好香濃惹味，食唔停口😍 底下配有白雲豆 口感軟腍手工傷心涼粉 ($20/100g)店主推介新產品，涼粉口感爽滑彈牙，配上秘製辣醬好惹味海帶絲 ($20/100g)不會令人失望的口感🥰 好味！配白飯食一流

[ 尋麻記 ]上次食過呢間四川麻辣小菜幾正，主打外賣，鐘意食辣嘅我，梗喺要再訪啦😋✿ 招牌麻椒雞🐔 半隻$78辣度有小、中、大辣🌶 麻椒雞好吃嘅秘訣就在於雞肉同靈魂香料&醬汁，醃料充足。起肉後嘅麻椒雞沾滿著麻椒香味，一口咬雞肉，嘴裡融合出鹹香&麻辣味🤤✿ 金牌肥腸 $48/大份上次食過呢款金牌肥腸，肥腸完全無臭腥味，可見豬腸洗得好乾淨👍🏻口感軟彈，非常入味，麻麻辣辣嘅感覺刺激著味蕾，食完一嚿接一嚿🤤✿ 香辣雞腎 🐥 $48/份雞腎爽口有嚼勁，開胃又美味！呢個要黎做前菜、派對/佐酒小食都非常吸引！總結🫦估唔到外賣店嘅四川麻辣小菜都做得出色，重點推介個肥腸，相信一試難忘😎✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿尋麻記地址：大埔寶鄉街35-39號寶康大廈地下C號舖電話：6905 9060✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

之前同朋友聚會食過尋麻記隻麻椒雞真係一試難忘😍今日經過即刻買反隻返屋企加餸🤭椒麻雞有大/中/小辣選擇同店員傾開計先知原來佢地三種唔同嘅辣度係用左唔同辣椒配方去烹調😮搞到我有啲心郁郁想試曬三種辣度睇下有咩分別😋不過自己食唔到太辣都係叫返小辣穩陣啲😂同場仲有好多香辣小菜全部都勁吸引🤤🤤最後買左一隻麻椒雞、一盒雞腎同一盒鳳爪隻雞巳經手撕好好似平時食白切雞、燒肉咁即開即食唔需要加熱唔洗等👍🏼一打開勁大陣麻辣味湧出嚟超香啊！一隻雞同分到兩大碟入面除左雞，仲有三款辣椒、花椒同花生配料雞肉肉質結實皮就爽彈雞味濃郁加埋又香又麻嘅調味刺激又過癮🤩酸辣鳳爪同香辣雞腎分量都好足辣度無麻椒雞咁重相對比較容易食鳳爪調味好清爽而且酸酸辣辣勁開胃！雞腎質感爽脆辣得嚟又有少少甜味一口一粒完全停唔到😂呢啲小食送酒送飯一流😋

喺大埔經過呢一間小店見到有人龍，我當然唔會錯過😝食物種類都算幾多，當中都以辣為主，每一款都極具吸引力，所以決定咗買幾款😆店員會帶起手套乾淨衛生地喺你面前手撕雞配埋獨特嘅香料，真係令人垂涎欲滴😋先來張大合照😂每一款食物都包裝得乾淨衛生企企理理👍🏻麻辣毛豆～毛豆最滋味嘅方法就係用口啜出嚟，毛豆非常爽脆，加上本身香香麻麻微辣嘅醬汁越啜越精彩🤩香椒黃金皮蛋～黃金皮蛋口感較為軟糯，配上香菜及醬汁更加特別，蛋黃呈流心狀態，齒頰留香😋麻辣香腸～ 自製既香腸，成份就係單純嘅豬肉同埋醃料，店員可以幫忙切片，白鑊微微香煎一下，已經有脆邊效果，非常惹味！金牌肥腸～豬腸清洗得好乾淨，完全冇異味，口感爽口彈牙，另外，會有健康嘅白雲豆墊底，白雲豆已經煮到非常淋，可以用入口即溶嚟形容，非常好食！十粒星推介！招牌麻椒雞～香料非常惹味，配埋香脆花生零舍有口感，雞絲份量頗多，重點係雞皮清爽，一啲油膩感都冇👍🏻

每日放工都吾知煮乜好，又唔想出街食，想在家hea下，近期搵到呢間川味外賣店。川味固之然以辣為主導，菜式方面有麻椒雞，麻香雞，乳鴿，肥腸，蝦尾，雞/鴨腳，雞腎，皮蛋，毛豆等。都係非常惹味的系列。麻椒雞有大、中、小辣，由於近日有少少熱氣所以我揀的是小辣，辣度比想像中低，正常情況揀中或大辣會更惹味更香口。值得一提的是雞肉都係現場斬開拆肉手撕然後打包好，保持一定水準。雖然係半隻雞，但份量真係吾少，足夠一家四口份量，雞肉其實好入味，辣辣的口感令人胃口大開，回家之後再烚碟碟青菜、配碗白飯，簡單而美味的一餐，樂也融融。同樣係辣辣地嘅蕂椒鳳爪，比麻椒雞少左麻味，多左酸味，酸酸辣辣非常開胃，作為餐前小食最是適合，或者作為飯後小食都會令人念念不忘的。香辣雞腎，顧其名係香加辣為主，沒有酸也沒有麻，回家直接凍食已經好好味，忍唔住要配上一杯小酒，更加完美，正是人生一樂事。燒椒黃金皮蛋，一份有3隻蛋，開邊後更6份，份量對於一家人或小倆口都適合，我對蛋敏感，沒有試，見到屋企人都食得津津有味。聽聞肥腸係店長推介系列，下次有機會買㴝孝敬下屋企人先。