小南國 (已結業)

我第一次來這間小南國, 同朋友叫左個晚市套餐十位用(HK$1980), 來左幾樣餸, 我們發覺餸菜有些唔對, 便睇睇menu對一對, 原來d餸唔match但好近似, 於是同waitress講, 當佢check完之後, 佢話唔好意思, order落左午市套餐十位用, 我們立刻變左"o"字咀, 晚市可以叫午市餐, 仲要價錢一樣HK$1980, 你話抵唔抵死....但個waitress猛咁講唔好意思, 我們都原諒佢地講到食物就不大適合我喇...

首先梗要complain訂枱服務，有等於無，一般都等最少半個鐘，唔訂枱更耐。第二要鬧HSBC信用卡優惠，估唔到只有中環店有晚市優惠。D terms & conditions咁細分，咁小心眼，你不如咪做優惠啦。講番食物，同服務，依然水準之上。由於已食過十幾次，都無發現有咩問題，會再幫襯。首推生煎包，炸小黃魚，同東坡肉。

之前都去過幾次,上星期六又去,每次我都會叫蒜容青瓜,糖醋小排骨,海哲頭同埋生煎包,因為我鍾意食而佢又整得好好味,生煎包梗加係必食推介!咁我地仲叫左炒蝦仁,蒜容石頭飯,擔擔麵,蔥油拌麵同埋上湯時菜!我地以為d麵好細碗,所以4個人叫左2個麵同1個飯,點知原來都幾大碗,個擔擔麵同蔥油拌麵都好好味,but太飽lu,所以最後要打包!

2日晚.我地成班人去銅鑼灣玩.到著食反時更搵地方有人堤議去小南國.我地就一齊上著小南國.來著發現地方干凈.寬敞.待應即刻上來招呼.我地第一次來發覺sever好好.轉眼有人上來邦我地介紹.我發覺几特別....特別係炸小魚又香又好味.仲有生煎包...最特別係咩..三色几特別.個晚我地一共食著600蚊左右.走時我地几個朋友話几好以后總可以來得.

樓下的朋友有不快經歷可能只係個別事件, 我想help小南國平反. 上星期同朋友去晚飯, 老實講, service真係好一般但又未至於好差, 都有同我地切好o的同麵, and分好o的湯. 叫擔擔麵, 叉子燒, 獅子頭同埋薺菜豆腐煲, 樣樣都好好味. 佢地o個日sold out菜煨麵. 我o地之前o係TSTo個間食過, 亦很好.以Shanghainese來說, 小南國水準不俗. 大家可以try再comment.

昨晚到小南國同屋企人慶祝生日, 有一個非常差的經歷, 建議大家千萬不要再去.話說我地一星期前已定枱, 點知原黎有間公司訂左攪annual party,所以攪到成場好鬼嘈,係同隔離嗰個講野都聽唔到. 最慘就係仲有唱歌表演, 又打鼓, 又跳舞, 仲要係CHEAP CHEAP嗰度,簡值好似去左平民夜總會FEEL. 之後投訴部長, 問佢點解訂枱時唔講明, 佢地話都唔知呢間公司會咁嘈, 佢地都好唔想, 但係呢樣野唔成立囉, 咪係你地提供, 就算唔唱歌, 有人開咪講野都知會騷擾食客, 好應該之前講好, 如果客人唔介意咪無所謂, 但係依家咁, 完全係一個騙局, 有D客人坐底都走, 但係我地已定好餸, 想走都唔得, 呢間舖值頭誠信有問題.講到食物水準, 相信係全timesquare食通天最差, 由前菜到主菜到甜品, 完全無樣得, 咁既價錢, 咁既食物, 咁既環境, 我老襯了一次就算了, 希望大家不要受騙.

上星期一行六人去「小南國」食晚飯，當中有幾位之前已經食過，而我就係第一次黎。可能係平日，所以唔多人，唔洗等位，外面亦都冇人等，就連去到八點幾都仲有五六張空檯。由於我未食過，所以唔係由我點菜，菜名都唔係好記得，大至如下︰1) 酸菜炒魷魚2) 沙窩雲吞雞半隻3) 蝦炒飯4) 小棠菜+腐竹條5) 心太軟6) 酒釀丸子D菜上得好快，係太快，快到食唔切又放唔晒，味道只係「合格」，完全冇任何驚喜，兩款甜品唔係咁o岩我口味。整體黎講都OK，不過就唔會再黎食，因為個個職員都好似趕住收工，未食完主菜，已經遞個菜牌黎叫我地叫甜品，成日兩三個人圍住我地張檯，令人好壓迫。

帶位姐姐黑口黑面，已經要扣分！可幸房內服務好好！時時加茶！小籠飽- 皮勁厚, 肉汁唔甜捧捧雞(雞絲粉皮) - 得D 生菜，雞絲粉皮得個三、四條鍋貼- 叫做食得下咁啦燒麻婆豆腐飯- 全晚哩個最得手！以後都唔會食小南國！！

前二日同班舊同事食,6個人叫幾味.不過唔係我負責叫,我只係負責食,所以無睇餐牌,名就真唔知喇?!小籠飽,無乜特別,我夾2次都穿,平時唔會家嘛,所以我諗係佢個皮唔夠煙韌.有一倏細細的煎魚,乜汁都冇,但肉都幾滑,都唔錯.條好似係黃花魚.叉子燒餅配炸菜肉碎,又係毫無驚喜隻.呢其實唔係話差,普普通通囉.地方都算乾淨,坐就一般囉,迫迫,唔算特別舒服.不過價錢公道,時代都係90蚊一位,但我食唔係多.無特別要再幫襯.

神奇的約會神奇的人腳組合真係諗都無諗過會食一餐咁神奇既飯收唔到工遲到已經成為小弟赴會既一大特色各位日後工作日約我都請見諒叫左唔好等我啦攪到野食都凍晒唔抵嘛小籠飽好多湯不過凍左無計八寶鴨配糯米飯鴨幾好食口感層次豐富相信趁熱食更加開心其實八寶鴨入面已經有飯啦點解仲要加多一個飯呢?飯仲要係偏鹹添圓蹄當然係是晚主角肥膏真係好香好滑可惜瘦肉無follow肉質很鞋很有嚼勁算是美中不足偏鹹既仲有醉雞同時亦偏醉囉酒味太重蓋過雞味食完呢個神奇既菜單只有一個感覺就係好滯但係肚空空同上次達文西密碼一樣點解宜家既大學生連飽與滯都分唔到?喂你仲話係做飲食版既?當然咁高膽固醇的一餐當然要同你地呢班後生仔間唔中食一餐先掂啦講真呢度既侍應都真係幾靚仔幾有型架仲好細心添至於白雪雪既裴勇俊同埋前程似錦既豬潤額你地揀邊種好似未有定案喎過到果邊就兩樣都無得你揀喇點算?綜合讀者評語對丁丁丁既風格睇到厭所以你地以為我會寫既呢篇都無出現到改革指日可待請放心經今天一役大坑vs星街又再次打成平手不過唔訓覺對於已經殘到癲既我黎講真係好奢侈

星期日同女朋友食飯，冇訂位　知客姐姐同我講要等２０分鐘到．．．．咁唯有等啦點知等等下　有個呀嬸大大聲咁罵人．．問個姐姐點解佢等咁耐都冇位　姐姐就同佢講　暫時未有人結帳未有位　要再稍等　點知佢仲聲大夾惡咁罵人．．．罵人冇出色　成世做企門口　冇前途　之後見到知客姐姐眼紅紅唔出聲　咁岩有個著西裝既男人出黎話有位　就帶左個呀嬸入去喇．．之後個姐姐又要再應付其他客人．．．唔好講笑真係好似睇戲咁　哈哈．．其實出黎食飯ｏ者．．．唔洗咁罵人呀．．人地都係打份工ｏ者　比我我一定罵番佢啦唉．．講到有ｄ累　都係講番ｄ野食好過喇小黃魚同小籠飽　好好味　但係ｄ菜就油多左ｄ

星期六晚book左同屋企人食飯,咁我就早左半個鐘去定位啦!去到門口同接侍小姐講我book左幾點,咁佢就o係張book紙度chick左我個名,跟住呆呆咁望住我...(注意:到目前為止,佢都未講過一句說話)。我真係唔知係入得定點?咁咪問佢law,佢真係好似好唔想答咁求其答聲"未"。我真係覺得幾吹脹...咁我o係門口都大約等左半個鐘,其間見呢位接侍小姐個服務態度真係好唔掂。其他客問有位未?要等幾耐?都好似得罪佢咁..."今時今日咁o既服務態度唔得o架喇"其實入到面坐,其他侍應o既服務態度都唔錯。偏偏俾人第一個印象o既帶位小姐就咁!!真係唔休做,想趕咁走d客?食物方面,保持到質素。很喜歡"燒麻婆豆腐飯",好惹味。蟹粉小籠包,好味,但略為厚皮。酸辣湯就覺得麻麻地,唔係好夠料...

其實應該食完即刻寫，不過，呢間d野食好食，所以仲好記得食過d咩同埋味道如何，記憶猶新。所以想讚一讚佢。o個排因為arm arm 食完蓮香﹝當時以JC非會員為蓮香留過言﹞，好味o既八寶鴨拿左返屋企都仲未食完，所以雖然知道小南國o既八寶鴨水平都唔錯，但真係唔敢試了。老爸最愛吃小南國，所以銅鑼灣另外一間小南國我都去過。今次黎呢間食，感覺上比起o個間，呢間印象深好多。上次佢地大讚，我食完又無咩感覺，今次就好唔同啦！o個晚叫左：醉雞、蟹粉小籠包、灌湯生煎包、叉子菘、砂煱雲呑雞、上湯百葉小棠菜、松子桂魚同糖蓮藕。首先黎o既醉雞，去過另一間小南國o既食評都應該見過醉雞幅相，係用好細o既碗仔裝住。所以顯得份量好少。但食落其實又夠，因為佢分開兩三層，各層都有三四舊，總共我估十舊倒掛，其實同平時用碟serve o既份量差唔多，但係因為d雞塞埋一齊，所以顯得好少。應該係因為佢想將d雞浸o係d酒度等佢唔會乾身，上台o既時候大家夾落o個碗度仍然係有好多酒o係面o既雞，咁隻雞先至夠「醉」掛？我就好欣賞啦，d雞又滑又有酒味。正。之後係小蘢包。我覺得都幾好啦。比著我以前一定大讚，但可能因為近來想食清淡d，所以佢裡面d

同bf屋企人在此吃晚飯, 之前試過另一分店, 那時感覺麻麻, 可能那時剛剛開張, 食物叫乜無乜, service又差, 今次試times sq改觀左.叫左:1. 醉雞- 幾滑, 又夠入味2. 小籠包- 皮較厚, 肉汁唔算香3. 麵筋小棠菜煲- ok lar, but quite oily, 唔夠清淡4. 皮蛋豆腐- 豆腐滑溜溜的5. 蒜香骨- 即炸排骨, 肉鬆化, 唔油, 香口6. 生煎包- 底煎得脆脆的, 好飽滿, 入面藏着香濃既肉汁, 全晚最好食, 正!7. 冷麵- 伴上麻油, 花生醬, 可随意加豆干粒及辣油, 幾油但每人細細碗也可一試

3月15日, 在男朋友的提議下, 我們去了在時代廣場裡面的小南國。由於只有我和我男朋友兩個人吃, 我們被侍應安排坐在一個很小的正方形枱, 我男朋友坐下來就覺得好唔舒服, 因為枱與枱之間根本沒有空間, 如果要出去的話, 要打橫出先至得。我們曾經要求換枱, 但侍應以其他枱都被別人訂咗的原因而拒絶。我們也看到有其他人也要求換枱, 但也是同樣理由而拒絶。當我們點菜的時候, 有一個侍應以流利的普通話和我們點菜, 我都有點兒奇怪, 以為她是不懂廣東話, 就同她講普通話。不久, 這位侍應原來是懂得廣東話, 講得唔鹹唔淡, 但都聽得明的, 我們就有一種不快的感覺, 為何她以普通話和我們點菜, 這裡是香港, 應該用廣東話比較好。由於枱太細了, 我們叫了五碟菜都放得很迫, 我男朋友還倒瀉自己杯茶, 結果將自己茶放在屏風上面。我們食到中途, 越來越多人在等食, 侍應們加開了幾張細枱, 我們覺得好驚奇, 因為屏風與房之間的空間好少, 再加枱的話, 所有人都要打側行才可以走過, 攪到成個街市禁, 完全破壞了小南國高級的裝修。好在我們吃得七七八八, 本來打算吃埋甜品才走, 我們也頂不順禁窄的空間, 決定早d走。