小南國 (已結業)

2月24日係我同為食海盜既兩年半紀念日,一直想食上海野, 本來想去翡翠, 但因為d位唔好,最後黎左呢度。呢度大部份都係大枱, 佢夾硬加了一張二人枱俾我地,唔係咁掂...而且那裡好嘈, d位好迫......叫了砂煱雲呑雞x2位, 有一小舊雞同兩隻雲吞,雲呑幾好味, 同出面果d有d唔同, 包得好"紥實"!醬鴨幾好味, 我諗會好食過醉雞~蟹粉小籠包- ok, 有蟹粉的味道, 雖然唔係好濃~同埋皮都幾薄!擔擔麵- 唔合格! 勁多花生醬, 但有乜花生碎,個麵唔彈牙, 腍晒, 成pat糊咁......好難食....我諗我都唔會再黎呢間.....因佢冇乜突出的地方,仲有, 如下面果位所講, 佢甜品竟然冇高力豆沙...好失望...............

係3個星期之前去食晚餐...環境極之逼...又好嘈*味道方面...所有野都好一般...最好食既係生煎包...服務都真係麻麻,,,侍應唔係好應人但由於地方方便...所以好多人去食..

可能係呢度菜o既汁濃味左少少..我試過佢地個醬鴨...好味好多呢!

今日New Year's Eve 去完海洋公園, 一行16 人訂0左檯0係度食dinner.好多人, 訂8:30pm 檯, 去到成9:15pm 先有位. 環境好迫, 不過New Year's Eve, 無辦法.叫0左好多0野食, 有普通小籠包(豬肉餡), 炒年糕, 燻魚, 醉雞, 乾扁四季豆, 百葉馬蘭頭卷, 東坡肉, 八寶鴨, 雞油津白, 灌湯生煎包etc.我最鍾意炒年糕, 味道少少清淡, 不過d 菜碎撈埋d 上海年糕炒真係好得, 好清新, 又熱辣辣咁, 好好食!我夾中0個粒小籠包層皮唔掂, 好乾, 又唔夠熱辣. 反而灌湯生煎包好食好多, 好多肉汁, 又唔太油膩. 個人認為四季豆味唔夠濃, 不過都幾爽脆, 幾好食.八寶鴨d 糯米飯好食過d 鴨好多, 唔知點解咁奇怪!?其他overall 味道幾好, 不過全部唔突出. 不過authenticity 真係極度失望... 無賽螃蟹賣, 又無高力豆沙香蕉, 又無豆沙鍋餅, 拔絲蘋果0個d 更加唔洗講; 仲大大隻字0係門口話自己係上海菜館, 都唔知d 上海味去晒邊. 抑或只係小女子孤陋寡聞, 唔知道原來呢間0野係上海-廣東fusion 菜