小南國 (已結業)

好耐無食依間野，以前0係糖街食過，還可以。3月21日晚，有朋友話食小南國，總共6大人2小童，八半左右就座，坐係房入面，點菜。有個女待應落單，開頭一路都無問題，點知唔問野"由自可"，一問就把幾火~小朋友(2-3歲)想食麵，睇見面menu有陽春麵，咁總共就想叫3碗，個女待應就話：要一窩啦，橫掂咁多人！我問一窩有幾多碗"倒"?佢一路令"meh"面答我~咪四碗囉！嘩！我D火即黎，但係有細路仔在場，費事同佢嘈，繼續點。有個朋友問，想食咕嚕肉之類既野，佢答：我地依度無咕嚕肉嫁…，又係一路令"meh"面，跟住再想點個唔記得乜餅，問佢一碟有幾件，佢答：你地加2件啦…，好野，無答過我條問題，我再大聲D問：一碟有幾件先？佢話有2件，每件開2，好粗魯既聲！又聽佢見議加…15-20分鐘左右，D餸一路上，即刻食啦，乜好似唔係好熱嫁，D味道同以前差好遠，有碟叫川椒雞，menu上有2只紅辣椒，但係完全食唔出有川椒既辣香，同埋凍凍地，又算。一邊食，一邊同D朋友傾下，同小朋友玩下，突然間房靜晒，乜事？完來頭先位女待應熄左部冷氣，有無挍錯呀？乜事呀？趕我走呀？又無人等位！而加先10點!就算冬天都要空氣"假"？神經病，唉！

上兩個禮拜朋友啱啱响外國返嚟，想食上海嘢，咪提意去小南國囉！(雖然對門口面青口唇白嗰位姐姐冇咩好感，但係貪佢近我Office，同埋都好耐冇食佢D生煎包！)點知一直都訂唔到位，一係就要晏到死。朋友就嚟走喇，都未食到。前幾日，一早返到公司，諗住打電話去訂位啦，點知打咗好耐都冇人聽，都算啦！可能人哋姐姐真係好繁忙呢！搞到電話都聽唔切呢！橫掂今日晏晝要出去，不如索性上去訂埋位啦！點知上到去就俾我見到奇景：門口嗰兩個姐姐居然Pa咗响張檯仔度瞓覺，店裡面又熄晒燈，「黑Mun Mun」，我發覺好似冇人幫到我咁，算啦就掉頭走，睇嚟今次又要讓友人失望！可能我嚟嘅Timing唔啱啦！我諗就算係伙計食飯或者休息，都冇可能冇人理我掛！佢哋嘅管理層都好有問題，呢一間公司依家俾我嘅Image係：差！差！差！怪唔之得Sogo隔離果間執咗啦！希望佢哋有所改善啦！唔好步Sogo隔離果間嘅後塵，如果唔係我就以後冇生煎包食喇！P.S.同友人最後去了金滿庭，雖然要等位，但唔係等 好耐。

點了小籠包, 生煎包, 蘿蔔絲酥餅, 糯米燒賣, 酸辣湯, 鍋貼, 蟹粉豆腐, 川椒雞, 上海炒年糕. 生煎包ok啦, 若非吃過小楊生煎這應該是很好的. 小籠包, 鍋貼, 蟹粉豆腐都比想像中好吃, though not very much my type. 蘿蔔絲酥餅則內裡很油, 糯米燒賣始終是北萬新(上海)的好, 別家的還是別吃了. 酸辣湯夠酸辣, 但其實我不太喜歡過酸的食物, 而且忘了自己在咳, 邊喝邊咳還是要把它喝完... 川椒雞絲毫不辣, 上海炒年糕, 其實一直覺得煮的年糕很難好吃, 因對我來說始終不夠煙韌, 年糕還是新年的或者日本紅豆年糕那種我比較喜歡. 這碟年糕更是毫無色水, 只有些菜絲一起炒, 白雪雪的.

和朋友一行八人吃飯,叫了以下菜:四喜烤夫-味道剛剛好.醉雞半隻-有酒味,不太濃,雞很滑,但有三分之一比較生.雞絲粉皮-很正,花生醬適中,雞絲也出奇地很滑,粉皮也很晶瑩通透,是咁耐食過最好味的雞絲粉皮.小黃魚-皮很脆,肉很鮮,正.香酥鵝-很脆,肉好味,不油.小籠包-饀很結實,很有口感.生煎包-很多汁,皮做得很靚,好好味.松子魚-一貫水準.野菌清湯-雖然例牌的,只能分得四碗,但菇很鮮,湯很清,調味料不是太多,不咸.雨後春荀-賣相很靚.但由於本人不吃荀,所以不能評論.酒釀丸子-相對比較失色,很淡,沒有酒味.桂花糕-痴住個碟,好難先夾得起.整體上,除了甜品外,前菜及主菜真的做得很不錯,值得再去.不過,斟茶時就要小心,如果斜得濟,個蓋會跌出嚟,但係個蓋竟然唔爛,神奇!

已來過這兒晚飯多次，來得多反而沒有動力寫些甚麼，上星期契媽穿針引線益我們一位男性“好姊妹”以筍價買了架型仔二手戰車，“好姊妹”便以“食”相許，又一次在此開飯。心水必食推介有:-* 外婆紅燒肉--- 第一眼望見d肥騰騰的五花腩肥肉確實有少許驚嚇，但食落只覺甘香鬆化，瘦的部份亦好腍好入味，而最好的是層皮，軟熟之餘帶點煙韌；墊底的有很多形狀和味道似茶樹菇的野菌，吸收了充滿油香的肉汁和濃郁的醬汁，十分惹味可口，縱使一邊廂天使叫住唔好食咁多，無奈另一邊的魔鬼控制了我的手夾完一件又一件；* 蔬菜沙律--- 第一次友人介紹時，當時心想“吓?!上海菜館食沙律?!”但試過之後只覺驚為天人，新鮮爽脆的生菜加上秘製的salad dressing，麻油味很香但沒有蓋過蔬菜的清甜，是一道十分清新開胃的appetizer；* 小黃魚--- 約大半支筷子長度的黃魚，外表煎得金黃香脆，魚肉仍保持鮮甜嫩滑，簡簡單單但色香味全。另外，花雕醉雞、蟹粉豆腐、蔥油拌麵、麻婆豆腐鍋飯、生煎包、小籠包等等，都做得不錯，相信我是會繼續捧場的!

星期日晚﹐五個人來呢度食﹐叫左半隻醉雞﹐素鵝﹐叉子鬆﹐小籠飽﹐生煎飽﹐雪菜毛豆百葉﹐外婆紅燒肉+4舊荷葉餅,上海炒麵&酒懹丸子。醉雞﹐小籠飽&生煎飽好食﹐醉雞夠花雕味﹐d雞亦好入味。飽點亦做得好好﹐好juicy, 唔乾。毛豆百葉就普通貨色。但係相信佢地每樣o野都係整定﹐因為如其它食評所講﹐佢地所有o野都係4至5分鐘內上灑台。可想而知﹐佢地所有d食物都唔係好熱﹐由其係個d叉子鬆﹐d肉係凍既。外婆肉比較鹹同油左d ﹐同埋亦都唔係好熱。上海炒麵更加係失敗之作。得少少白菜絲﹐一條肉絲都冇﹐唔凍唔熱﹐有d係硬身(如果大家試過番炒或番叮d油面﹐就知道係咁既情況下﹐d油麵會一節節變硬) ﹐當晚正係咁樣。千其千其唔好叫。一向都覺得呢間o野唔係話特別好味﹐只係食個樣同排場﹐d碟同載食物果d瓷器整到’懶’靚’懶’特別﹐靠賣相。以呢個價錢可以係其它上海餐廳食到更好質素或更多既菜式。

10月20日星期六晚上9時，本著食大閩蟹的心情來到小南國，於是訂了時代小南國，入到去就二話不說叫了一個大閩蟹二人餐。但不知是否去錯了茶餐廳定是他們太有效率，不用三分鐘百頁卷、糖醋排骨(冰的)和上湯豆苗(暖的)便送到檯上，前二者味道不知所謂，百頁卷更甚，超級難食，有想吐的感覺。只有上湯豆苗味道可接受。之後送上清炒河蝦仁，是凍的，味道不值一提，試了兩口已無再食，跟住到雲吞雞湯(熱的)，終於可以食番d新鮮熱辣的野，味道都唔太差。到了壓軸出埸的清蒸大閩蟹(四隻)，本意為會有人service我地，幫我們拆蟹，怎知放下了就好爽快地走了，變左要我services，手套要問先比。d姜茶又淡又唔熱，唔掂！花生及合桃酥- 麻麻地，用東亞卡送的，無所謂喇。酒釀小丸子(曖的) - 普普通通，沒什大特別。蟹粉小籠包(熱的) - 麻麻地，等了很久也不來, 於是便追order喇，小南國職員話，乜你地未食咩？過了一陣，我怎也想不到蟹粉小籠包出場次序會係甜品之後(追order前五分鐘也未出甜品的)，我諗小南國d職員好有問題，連上菜也不懂，應該要再接受訓練。另外一題就是d員工態度極度差，佢送錯了大size的上湯豆苗給我，

星期五晚, 等位等左好耐. 好彩都值得!醉雞:肉夠滑, 但嫌酒味唔夠.蒜香骨: 麻麻. 蒜味夠. 但係d肉好肥~ 仲要係炸的.蘿蔔絲酥餅: 內裏有荵同肉. 幾好食. 不過冇晒蘿蔔味. 好似食緊第二樣野甘...蟹粉豆腐: 經理介紹. 真係好正!!平時唔食豆腐既我都食到唔停得口! 落醋食好食好多.抄菜飯: 幾好. 稍嫌較油.酒釀丸子: 勁正! 係我食過甘多酒釀丸子中, 最正的!桂花味好香!服務亦好好. 好有禮貌. 環境普通, 裝修好, 但較嘈.

又係食大閘蟹的時候，男朋友睇完雜誌已經話要去食今次我地食呢個係$550的二人餐。頭盤有個薺菜xx卷同糖醋小排骨。兩個都係上海的小食，味道唔錯，esp後者酸味剛剛好，做冷的頭盤，唔錯~之後就係我地既大閘蟹。一共有4隻，因為落左d葉去整，好香。蟹的質素都算係咁啦，但又唔係特別好囉~ 4隻裡面，係一隻真係比較正既。食完之後有龍井河蝦，簡單但好味，尤其有d醋吊一吊味。再黎個雲吞雞。可惜是一人一碗，如果係細細個鍋，感覺會更好。味道唔錯，一人有一隻雞翼，兩個雲吞同兩條菜。接住仲有蟹粉小籠包。蟹粉的感覺不太重，不過個包的汁本身做得好，好多汁，皮薄又唔容易穿。我地見個set冇飯，就叫左一客生煎包($5/個，一客有5個)。據0係上海住過一排，日日食生煎包的男朋友所講，呢家的生煎包都算唔錯。不過我地都有理由相信，d包應該係番叮，因為有dd"林"左。最後有酒釀丸子。嘩，佢「杰」到不得了，落粉唔洗咁重手嘛。味道都可以啦，不過桂花味唔夠。總括而言，食物的味道都係above average，只係又唔算得上好驚喜。

昨晚和大學朋友一行十人到此吃飯叫左好多野喎小籠包--不錯..好多汁，皮薄生煎包--呢個麻麻..太大..同埋可能我左先食..叉子鬆--呢個都一般..好似有少少乾松子魚--好味呀..不過酸左少少雲吞雞--呢個都好味..雲吞好清..d雞仲有味菜沙律--不錯津白--清清地不錯外婆肉--呢個其實係冬坡肉..唔夠熱..但d菇好味仲有一個唔記得係乜

前晚同朋友兩人去小南國食飯，星期三晚９點門口也有人等位，可能有兩間酒樓做酒席。我們二人好彩有位，於是快點了雲吞雞，皮蛋豆腐等。雲吞雞半份１１０元，一只雞十二粒雲吞，侍應不停話份量很多，叫我地點２８元一人份，但我們堅持要半份。結果果然份量幾大，但出奇的（其實我沒有對雲吞雞有多大的興趣，因總覺得外面一般都湯太淡，雞太老，而雲吞也沒什麼）但那天的雲吞雞，湯十分清香不會太濃味，雲吞非常非常好味，雞十分新鮮有走地雞的味道。我們一口氣把所以雲吞都吃干了，只剩下小許雞。一向比較多去中環店，但今次時代店真的水準不錯！

10時多才到, 比左一張4人枱我地坐兩個人先黎返杯雪梨水, 連木瓜一起煲, 味道一般. 由於menu好多都想食, 價錢又平, 花左好多時間睇, 之後重點菜點到個manager話夠架啦...冷盤:糖醋小排骨(熱食可能好d...下次唔好食)皮蛋豆腐(做到傘形咁好靚!熱食就更好下飯!)小食:蛋黃香煎蝦(太多蛋黃了!幾特別)罐湯生煎飽(個底幾厚但好crispy!多湯夠熱)主菜:外婆紅燒肉(夠晒味, ok淋啦! 咸菜香口!而且都幾多架!)豆乾小棠菜(同雞湯同煮, 清清地)葱油拌麵(真係唔食唔得, 咸左少少, 但豉油同葱好香好好味!!)甜點:桂花糕(件糕真係唔知佢點做! 可能係好多糯米, 十分十分sticky! 而且好濃米味, 上邊加桂花dressing)佢茶介中重有一碟仔炒蘿蔔仔都好好味重新開工諗住食豪d, 食得就幾開心, 不過同日有些事令今天變得失色

上星期六晏晝第一次黎時代廣場小南國，以往多數去鑽石大廈果間，發覺呢間寬敞好多，價錢一樣，食物水準又一樣咁好，所以下次都會再去呢間。今次係同外父預祝父親節，所以與老婆同外父外母黎試下，點左生煎包、砂鍋雲吞雞(半份有一隻雞及12粒雲吞)、紅燒外婆肉(另加餅4片)、海哲金瓜絲、菜煨麵同油拌麵，除左海哲金瓜絲較失望之外，其他樣樣都唔錯，好好味，但係眼闊肚窄，所以食剩外婆肉同拌麵打包夜晚食。

剛過去0既母親節﹐去食媽味至愛0既上海菜！去過上海0既小南國，覺得一般，反而第一次黎棃港小南國，有D驚喜！要推介的菜式有：1/外婆紅燒肉(記住要配類似曼頭0既餅)：肉少少肥但好香，仲有好多茶樹菇，汁好香，用一個好特別的「壼」裝住，賣相亦好！2/大元蹄配小棠菜，好「林」好大個！3/葱油撈面：必食！真係超香，面質又夠彈牙，就算叫白飯都要叫多個哩個面試下！環境同味道都好好，唯一係侍應樣樣都SELL你「加大」，一個湯加大左就成200蚊！

星期日夜晚8:30,成個銅鑼灣都係人,周圍d食店全滿,係成個食通天都冇一間較為少人,搞左一輪,終於成8:50pm到有得坐$298二人餐如意卷--唔太arm食,用百頁包住雪菜,凍的唐醋小排骨--暖的,份量唔太少,個汁較得幾好石頭飯--幾辣,冇料,每人有兩碗獅子頭--太淋,冇咬口,每人半個,個湯好香,好好飲浸莧菜--個蛋白獻好正, 菜亦唔老蝦--好大隻,但冇鮮味,個蝦頭反而幾好食,有糕綠豆沙--有海帶,幾稀,少甜埋單好似37x