小明珠 (已搬遷) 新店位置

午餐擔擔麵比較辣，但好味👍🏻小龍包皮簿多湯，夠熱，正👍🏻菜飯需則唔多菜，但飯軟硬度適中，有點似海南雞的雞油飯，都好好味👍🏻鄰座的叫了一大碗水煮田雞，賣相都得吸引，下次會再來一試晚餐😉

午飯時間，勞錄嘅員工們最愛嘅時間，同左同事去左食小明珠。自始有次一位同事帶左我地去試呢間餐廳之後，我地去小明珠嘅次數就開始慢慢上揚。門口有人睇緊menu，為免要掛排隊，拿拿臨搶閘先。呢度嘅款式都幾多選擇，而且價錢都幾實惠！鋪內、傢具都係中式裝飾，店家都有花心思係門面上。我叫左個四川雲吞擔擔麵（$43），轉左做小辣。雖然上檯個樣有點不濟，但食落口係意外地好食，味道非常剛好，少少辣帶小麻小酸，入口非常香口，而且好醒胃。 同事分別叫左紅燒牛肉飯（$49）、麻婆豆腐飯（$43）、酸菜魚片飯（$58）、重慶辣雞扒麵（$46），全部都份量超足！但個個都清空，我估味道點都唔會差得去邊。

叫左一個外賣，等左20分鐘都未有。 但一吹佢就有。 上次買外賣又係咁今次又係所以先打上黎 ，搞到我本身拎住啲刺身暖曬都唔知食唔食得。如果大家趕時間，唔建議你地黎呢度買外賣，完全唔夠人手。

今日lunch 唔想食飯想食麵..所以去左聯安街呢間小明珠叫左個四川擔擔麵。呢間野環境都幾乾淨，坐落幾舒服。好彩lunch time 唔算特別多人～一去到唔駛等就有位坐。我叫左個四川擔擔麵加炸雞排。個四川擔擔麵湯底好濃好厚身，少少辣，食落好惹味。麵系幼身果隻麵，煮得岩岩好，有少少咬口～系我鐘意食嘅質感。至於個雞排炸的好脆，都好食嘅，但唔系咁鐘意個汁。呢個set 仲配埋杯豆漿。lunch 黎講份量岩岩好。整體黎講都幾好味嘅😋

呢日約左朋友喺官塘附近傾嘢順便lunch, 朋友鐘意呢間餐廳嘅裝修又貪佢多客應該無咁易中伏就決定喺度食lunch。朋友order左個陳醋豬軟骨飯($44)，我就點左個紅燒牛肉飯($49)，呢2個餐都會跟碗例湯同一杯凍豆漿。例湯同凍豆漿味道比較淡比較普通，不過我就好欣賞個主菜紅燒牛肉，牛肉炆得好淋夠晒火喉，食落一D都唔靱，牛味濃郁，仲有紅蘿蔔同白蘿蔔做配菜，好味！而朋友亦好欣賞佢叫嘅陳醋豬軟骨飯。總括嚟講呢度食物好味，價錢公道，我會再嚟幫襯！

呢日食晏時間約左朋友喺官塘食lunch，行過見到呢間餐廳裝修得好古色古鄉亦都有好多客人喺入面就決定喺度食lunch。我叫左個陳醋豬軟骨飯($44)跟餐會送一碗例湯同一杯凍豆漿。例湯係青紅蘿蔔豬骨湯，送嘅嗰個例湯同凍豆漿飲落都比較一般，味道比較淡。但個陳醋豬軟骨飯就好掂呀，首先顏色好吸睛，豬軟骨份量足，炆得夠晒火喉，食落好淋身，滿滿的骨膠原加上酸味味的陳醋，再加上津白同少少秀珍菇做配菜，好味又唔覺肥膩，正！

天寒地凍十分求其入左去食個晚餐，出乎意料的好吃，足料有heart的上海餐廳酸辣湯例牌份量好大碗，3個人飲極都仲有，多料夠味，而且唔會好水，濃度剛好芥末蝦球有點普通，芥末味唔出，用的是黃芥末，只能夠說我地期望的是用綠芥末擔擔麵湯底入味，有花生又有辣味，麵底都唔會太快發漲，慢慢食都得超！正！的！紅！油！抄！手！辣味係有層次的，加上蒜蓉同蔥，正。不過醬汁偏咸，重口味之人應該會中意小籠包皮唔是太薄，好多湯，肉都好多，都算好食最好笑係個餐牌，英文名真係改得好好🤣🤣🤣

無心插柳的川滬菜又給了我一頓合口味的晚餐，內𥚃裝修很有特色，我兩人坐了四人枱，坐得很舒服，不會像一些食店要求客人兩位坐埋一邊。食物就因為人少點不了多，但見到其他桌的食物又很吸引，所以約定下次再來試其他菜式今次就點了以下三款，除了蒜泥白肉之外，其他兩款味道很不錯，一款是麻辣肉排，肉排厚肉軟身，一點也沒有被炸乾，配菜味道濃香，但不會太麻，恰好是南方人口味，清炒萵筍不油，一個輕輕的茨汁就算少油也增添了順滑口感。蒜泥白肉失敗在肉質不夠薄而且偏硬，蒜不夠細膩，沒有蒜泥的口感

觀塘太多西餐廳難得搵到一間食中式野  而且抵食午市四人餐 $268 有好多款餸  跟四個白飯全部菜好辣辣地 鐘意食辣的人岩晒  好野味五香牛展 : 好香辣 牛展好爽酸辣湯 : 鐘意食酸又食辣的人會好鐘意呢個湯回鍋肉: 連埋個菜一齊炒  辣辣地  藕片炒咸肉糖醋魚片: 甜甜地幾開胃干燒四季豆兩客小籠包 $56: 皮薄多汁

一入到來野都未食，就俾人安排坐個近放垃圾既地方，都算，之後有位，我地一共兩個人都調位吾俾，都算，仲想調我地去一個勁勁勁迫坐滿12個人既圓枱當然無就範，當野食來既時候，仲乜都無，無碗無筷子，，其間不斷送錯野食，d位又迫，d人不斷系度行來行去，救命！先吾評論食物，淨系地方，同安排已經好吾掂

小籠包: 一籠4件, $32, 入面都幾多湯汁, D湯幾甜, 唔會太油, 味道幾好, 係D 皮厚左D。酸辣湯麵: 4X 蚊, 好大碗!, 用的是陽春麵, 平時我唔太中意食呢種麵, 因為無香味可言, 不過放在酸辣湯入面一定夠味LA, 酸辣湯叫左少辣, 我唔食辣係覺得少少辣LAW, 中意食辣的人要叫多D 辣。湯唔夠酸, 我中意酸D, 入面有蛋絲, 木耳絲果D, 材料就一般LA。呢度幾好坐GE, 因為無2人台, 點都會俾4人台你, 甚至大台, 又唔使搭台。

店內裝潢古式古香，而菜色都係中菜，每碟菜都係火喉十足嘅小炒，香口吸引，下飯一流。除了飯餐外，麵食也很不錯。朋友點的擔擔麵和鹽酥雞麵都很不錯。擔擔麵味道香濃，而鹽酥雞香脆可口。

幾乎係餐單裡面嘅 我試晒 除咗牛類哩間小館係係官塘區比較有心機煮嘅食店老板我都認識咗 因為中午 晚餐都有幫襯中午就一星期更有兩日食佢 因為雖然食市多 但有幾好食...吐幫襯佢哋中午餐有冬瓜茶或豆漿送 食飯餐仲有例湯佢哋個小龍包 回煱肉 口水雞 喺唔錯嘅選擇不過有一點要食客配合嘅 佢哋啲員工有少少...成日唔睇單 就會大叫 乜乜乜係邊個叫嘅 又真係幾煩㗎

與他部同事相約午餐，相識三年尚屬首次。17日莎莉嘉已三號高懸，18日早上正愁「約人先嚟落雨」。不意同事提議到往日人潮如鯽的小明珠，今(18日)午竟鬆動闊落，二人全程對坐門邊半卡四人座而無擾，莎莉嘉誠功不可沒。回說食物，同事的麻婆豆腐飯配青紅蘿蔔湯一大碗，飯菜大概尚可，湯可留了不少。小弟則點了紅燒牛肉麵，麵可而牛韌，可惜。兩人皆選豆漿，不錯。

Lunch同班同事真係唔知食咩好，見到間上海野就諗住試下，叫咗3碟餸share 食，分別係豬扒擔擔麵、炒四季豆、魚香茄子。呢3碟餸除咗嗰四季豆正常之外，其他兩碟餸真係超難食。擔擔麵同平時食ge好唔到，冇咩花生味，不過味道都接受到，但嗰炸豬扒真係好難食，炸得又好唔脆，仲感覺好多粉🙄。嗰魚香茄子真係我有生之年食得最難食，d味道又甜又酸，有冇搞錯！乜宜家d魚香茄子係咁咩😑😑，好心嗰餐牌改糖醋茄子喇！！