小王牛肉麵 (已結業)

今晚食小王牛肉麵，試個好勁每日只限10碗的皇膳芙蓉牛肉麵，真心覺得同普通牛肉麵無太大區別，牛肉好韌，好似嚼緊樹皮甘，呢個價錢有D唔抵，不過晚餐都仲可以食到每日只出10碗的牛肉面，好唔好味真係已經好明顯了呢個煎蚵仔好好味而且好脆，炸魷魚鬚，每次黎都必點的，炸粉不多，而且好脆呢個不得了，好好味，細鴨舌不老而且吸曬鹵水汁的味道，好好味，好好味。好難食。D味好似鐵打水味好失望，居然外賣杯上，有無尊重過消費者想唔想架，而且好甜呢個都唔好食，價錢貴從此以後不打算去小王牛肉麵了，覺得已經不是以前的味道，好似快餐店的質素，不喜歡

星期六去到沙田真係好多好多人，好彩沙田新城市廣場都有好多嘢食可以選擇雖然話多選擇，但間間排落都要大半個鐘見openrice小王有咁多讚，最後決定食小王😝我哋兩個人叫左兩碗原汁牛腩麵，香辣牛肚粉皮，鹽酥蚵仔牛肚幾香幾入味，粉皮幾爽唔會黐埋一舊舊，用前菜👍🏻👍🏻👍🏻 牛肉麵的湯底有少少中藥味，有啲似星加坡肉骨茶的感覺，牛肉唔硬唔軟，筋肉分明，肥瘦適中👍🏻👍🏻👍🏻 鹽酥蚵仔唔太油，細細粒，老唔錯但比較普通👍🏻 唯一批評的地方是，座位位置比較窄，枱面比較細，冬天衫比較厚同多野拎會有點不便下次去下其他分店食先😁😁😁😋

一個人食飯的好處，就是看到店外有長長人龍，仍可即時入座感覺就像在主題樂園排單人隊坐過山車一樣爽自助形式點餐，簡單方便是日特飲終於是珍珠奶茶　（因特飲輪流上場，常遇不到珍珠奶茶呢）台式飲品其中一個特色是甜今天叫了少甜就剛好，而且珍珠的口感爽口微彈，一點都不馬虎裡頭的奶香調味得宜, 跟港式奶茶不一樣的是港式奶茶,茶、奶都很濃台式奶茶則比較清淡, 而奶味比茶味較出, 是我的心頭好呢主菜：滷蛋滷肉飯滷蛋夠入味，很香滷肉口味不會太重太咸，有點甜味又香口，鹵得入味，拌飯一流！因為切很細碎，看不出來是否半肥瘦而吃下去有一股肥豬肉獨有的香味，亦不會像只有瘦肉般鞋口所以應該用了點肥肉去混的，好味道～滷肉汁熬得濃濃的，很有台灣自家製風味，如果可以再多一些便更完美現在的量只夠拌一半的飯，另一半只好拌青瓜吃？涼的青瓜有一點酸味，單吃的話不太吃得下，要配點肉汁或飯來吃建議店家可以有「多汁」選項呢！

 放假去沙田log on買禮物比朋友，星期六的新城市廣場真係人山人海，好多操國語人仕出沒……每間野食都爆曬，間間都排長龍，於是我同屋企人就決定買完野先食飯，避左個lunch　hour。 行完買完野連city super都去埋後，大約下午兩點半，應該少人啲喇掛。我地最終去左連城商場上面果堆餐廳街度搵食。最後就揀左小王。呢間野我知道晌讚石山廣場都有，不過一路都未去過，兩點半時仲有幾個人晌度等位，都幾爆下。我地等左10分鐘左右就入得。 我同屋企人兩個叫左個蚵仔煎（蠔餅）、豬扒魯肉飯同埋半牛半筋麵。 個蚵仔煎首先到，煎得好脆，外面脆時裏面就稔，而且好煙un，粉調校得好好。唯一要彈係佢果個類似pizza碟咁既木容器，感覺非常之油，因為佢地無放到吸油紙，睇張相見到佢俾啲油浸到黑曬都知。　豬扒魯肉飯，魯肉唔夠香，豬扒就好硬下，不過調味方面就好好，好入味，連配菜的瓜都係下左功夫，值得一讚。半筋半牛麵，湯底一流無味精，麵有咬感，牛肉非常稔而入味，基本上無批評的地方。　整體黎講，坐得舒服食物質素亦高，難怪成日爆場，不過埋單兩百幾蚊，以一飯一麵一小食的午餐來說，唔算得係好抵，但我都會再來。下次可能試下讚石山

收工諗住近近地去沙田行下街不過住新界既朋友都知沙田來來去去都係得果幾間食肆而好食果d多數都排滿人當小公主勁苦惱唔知食咩果時咁岩醒起連城廣場其實有個美食坊就上左去睇下喇行完一圈都係無咩心水見小王牛肉麵又唔多人而且又勾起左我對覓食台北既懷念就入左去喇香辣牛肚粉皮 $29先黎叫D小食先呢個粉皮有驚喜Wor牛肚爽得黎唔會硬同咬唔開而且粉皮一塊塊好分明唔係一餅配埋個有少少麻既辣醬少少刺激但又好開胃鹽酥魷魚鬚 $35另一個小食都唔錯魷魚鬚粉薄，炸得夠乾身食完唔會成咀油不過係略嫌唔係好夠味如果再 ‘鹽’ d就好半筋半肉牛肉麵(粗麵) $55一黎到飲啖湯試下先牛肉既香配上淡淡既藥材味，唔錯飲完都唔覺口乾，應該唔多味精麵條爽滑，牛肉都煮得好腍而且真係半筋半肉，d肉全部都連住d筋雖然呢到既牛肉麵係無帶任何辣味(小公主鍾意食辣，所以就有小小失望)但都已經好好食，正肉燥鹽酥雞扒飯 $56鹽酥雞扒超大件同魷魚一樣炸得咁好而且比魷魚更酥香，正相反肉燥就比得有d小器完全唔夠用黎撈飯小公主認為呢到既服務、環境同食物都中上雖然係連鎖食店，但價錢都好合理各位去開沙田行街但又諗唔到食咩既朋友不妨上黎試下，好過係新城市同人迫

謝謝建議... 但我之前是用非食評方式提交,但不獲批核,亦沒給我原因.我想我的經驗對食店和食客都很有用處...食店肯改故然好,否則食客可兩點二才去,免卻不快.請指示我可怎樣寫才能獲批,謝謝 !雖然不常來,但之前都覺食物質素同價錢還算合理.今天兩點正去到,想著剛好是下午茶時間,叫侍應俾張下午茶落單紙,佢話佢地個鐘未夠. 咁我話俾張紙我睇吓落定先啦.過了兩分鐘無回覆,我頂唔順問個着白衫,狀似經理嘅人 : 點解我想落單都唔得?佢話佢地個鐘未夠,俾張單我即對其他客人唔公平,還以為自己好有道理 show 佢部電腦個鐘我睇...我想大概慢了約九分鐘. 而家電話時間已自動較準,大部份人都知什麼是準確時間. 你唔覺慢九分鐘有問題, 咁幾多分鐘先有呢?如果連時間都有餐廳嘅標準,我相信商品及服務說明條例就無法執行了.結果我沒有等就離開,因不知他們食物又有否特別標準,亦對管理層長期不調較時鐘感失望!

星期日同屋企人食lunch，諗住好耐都無食過小王就去食啦。去到要排隊...好彩15分鐘到就可以入座白切牛肉－連埋個醬汁先有味，味道一般。好似叫麻醬XX(唔記得左) －依個好食！麻醬撈埋青瓜同生菜，好鮮甜好夾～半筋半腩粗麵－果然係招牌菜！d湯好入味，牛肉有肥有瘦，好食！手抓餅兩塊－熱辣辣上抬，香口一口鹽酥雞－熱辣辣脆卜卜，炸粉厚度適中，肉質鬆軟，正！台南麻油炒米粉－＄60一碟份量稍嫌不足，個人覺得有點太乾身，但味道都OK的！黑糖牛奶－幾好飲，黑糖味同3.6牛奶既味都好出，唔太甜，Good！

唔係第一次嚟小王食，之前晚飯感覺麻麻，但今次同同事兩個嚟食個lunch又另眼相看～12點9度去到，拎咗飛仔，預咗等好耐，點知兩、三張枱就到我哋，坐咗喺面壁位，但又幾好喎，仲清幽啲添。 一人梗係叫碗牛麵先，見到每日特飲，天氣熱辣辣又叫咗杯凍珍珠奶茶！畏食嘅我哋不滿足於此，仲嗌咗個一口鹽酥雞～ 我嘅牛腩粗麵腩肉鬆軟，肉味濃，啖啖藥膳湯底，每一口都感動味蕾～鹽酥雞更是不得了！$28竟有8雞件，乾身脆口不油膩，一個字「抵」！整體感覺良好，會再嚟！

佢地系台灣本身就已經系小有名氣，來香港開拓新市場，拎過台北國際牛肉麵節雙料冠軍既真係唔系假。今次食肉燥滷蛋拌麵。由於系拌麵既緣故，所以味道比較重。但好難得系拌麵但係又唔dry，不過預左油。但係d油系食得出源自滷肉而唔系其他肥油，因為有滷肉味。滷蛋都好正，d滷汁入曬蛋白度，蛋白都好食。肉燥更加係無得彈，比茶木好好多，同埋分量都多，一定夠送面食。另外，鹽酥雞扒飯都唔錯。鹽酥真係酥，咬落去好似有層炸完既粉系上面咁樣，配合d椒鹽，同埋處理得好好既雞肉（鮮嫩，多汁），真係再多都會覺得唔夠。想再試真d d 味，d粉狀同椒鹽都已經融化系口度，搵唔到lu~

唔記得佐叫咩名 不過呢個好清甜 似屋企既味道 配上豬腳 真係好夾 唔會太肥牛雜面 好香 好濃 牛雜唔會好軟 有口感炸菜唔錯 不過個人唔太喜歡面條好好食 軟硬適中價錢都唔貴 低食

琴日同朋友去咗沙田連城食小王牛肉麵，個環境都幾迫，但幾有Feel。一坐低就有點菜紙比你，我地簡咗半筋半肉嘅牛肉麵。記得要簡粗麵，因為粗麵個質感好彈牙，有D似刀削麵。而半筋半肉就可以食哂兩種，D筋都幾滑，而牛肉都幾嫩。杯珍珠奶茶真係好好飲，個味道唔會太甜，個茶味好香好出，D珍珠亦都幾彈牙，只係加＄8就有一杯，真係幾抵飲。我地仲叫咗個鹽酥雞，好香好脆，但入面嘅雞肉都好滑好多肉汁，只係$28就有大概7舊，其實都幾。

同屋企人去食午餐，單點：手抓餅，澎湖羹，牛肉粗面，滷水豬手。手抓餅係最好食，外脆內煙韌，非常好味。澎湖羹內主要是菇菌類，適合口味清淡的嘅人，味道帶酸，應該下了少許醋。牛肉粗面，湯底較濃類似八角等香料味，面質硬身，有咬感，牛肉不會太韌也不不太軟，無「痴」牙，煮得岩岩好。滷水豬手滷得入味，豬手膠質多，彈牙。餐廳服務快，食物質素唔錯，值得推介

每隔一段時間就想到小王牛肉麵吃牛肉麵的，特別迷上了店家獨有的牛肉湯底，很喜歡中藥味濃的湯底，以及有咬口的麵條.這次選了原汁牛肚麵 $43 配蜂蜜冰茶. 另收加一.原汁牛肚麵牛肚麵湯底濃郁，配上大量酸菜同吃，即使吃淨麵我也覺得好吃. 牛肚在我眼中只算配菜，牛肚質地軟淋，味道正常，但不夠原汁牛肉麵的牛肉好吃，我想是牛肉來貨價實太貴了，現在下午茶餐都沒有原汁牛肉麵了，其實單點都只是$46，比起牛肚麵好吃得多.蜂蜜冰茶冰凍不過甜的蜂蜜茶幾好喝的，有點似菊花茶的味道.小王牛肉麵的湯底個人幾喜歡，即使與元朗出名的士林台灣麵相比，個人還是偏好藥材味重的湯底. 

今日同屋企人番屋企,去完759經過連城嘅小王牛肉麵,咁岩又係晚飯時間,就即興入左黎食。一入到去好好彩有張4人台,就迫不及待tick紙叫野食。Waiter服務好好,有禮貌嘅,一黎到就叫佢比左4杯水同2套碗筷…食野中途又叫佢比TISSUE..哈,我地呢圍都幾多要求xdd有得簡粗幼麵同加唔加酸菜….個人唔太中意加酸菜,麵就中意粗麵,有o趙頭….同埋咁先食到原汁原味嘅牛肉。啲麵湯真係唔係普通街邊果啲,係好鮮甜,一啲都唔俗,好味到唔識形容肉燥飯$3x事關行完街好肚餓,呀妹已經忍唔住叫左個肉燥飯…唔知點解覺得瓜同肉燥飯唔係幾夾,所以唔中意….唔好睇佢細細碗,可以分到3-4個人食。 肉同飯都好好味,飯帶少少肉汁咁,我好中意。但係屋企人話冇咩特別,唔太中意喎原汁牛筋麵$50叫左個招牌菜原汁牛筋麵呢碗麵一黎到心諗:得幾條麵,一定唔夠飽啦嘩點知食完飽到行唔郁…真係唔簡單另外,啲筋好有彈性,唔係林BATBAT果啲,啲湯真係好清甜,值得飲埋佢之後再叫左個招牌菜原汁牛肉麵,太心急食唔記得手機食先> <牛肉好彈牙,其他方面同牛筋麵一樣…正最後仲有潤唇膏送TIM…

星期五很多人排隊，友人排了一個鐘左右，但因為我未到達，所以不可以入座，要齊人才可以入座的。店門面有燒台灣香腸，好像很吸引，於是入內都叫了一碟。我們兩人叫了一碗牛根麵，一碗三寶麵，五香牛𦟌，台式燒香腸和一杯加$8的薑母茶。首先來了的是台式燒香腸，沒有等到相機先吃，所以吃了才記得影相。  燒香腸不覺是燒出來，不熱，只是暖的，有很多生蒜頭拌在一起，香腸很硬，完全不像台灣熱乎乎香噴噴的味道，只覺又凍又硬又無味，像微波爐叮熱放涼左....  五香牛𦟌上菜時覺得好多，但其實下面是用豆腐粒和豆放碟底，增加豐滿感，牛𦟌充滿鹵水味，厚薄剛好，軟淋淋之餘亦不失口感，十分好吃。  牛根麵，看到還附送一粒八角，果真係真材實料.....牛根都是軟淋淋，入口就溶，不像香港吃開的又大又爽滑但又有少少淋的那種，這種完全是軟淋淋的，份量不算太多，麵身吸了鹵水味，都很好吃 三寶麵，這個有加配菜，即酸菜，有一點點少辣，三寶有牛根，牛肚，還有只有一件「入口即溶」的牛腩，本身鍾意食軟麵，選的細麵剛好軟軟的，加上湯汁，絕配，而家湯汁味精不多，因本人本身裝有味精測試器，吃到有很多的味精的話，就會即時口乾口渴，混身不舒服，這個湯應該