小皇府 (MOKO新世紀廣場)

营业中

休息中

母親節每年都去明閣飲茶，但點心質素越黎黎差，於是今年改其他地方，最後訂咗母親節正日去小皇府，當時十二點去到full house ，walk in 停到三點😲去到先發現原來小皇府唔係正式酒樓或者中菜廳，佢係似正斗咁有雲吞麵/粥品店又有埋點心食，開頭有啲擔心有冇book 錯，最後發現幾好👍🏽 點心選擇甚至俾一啲酒店中菜廳多，質素亦比一般酒樓好食，值得一試！當中原隻花膠灌湯餃、脆蝦腸粉首選推介🌟$58足料，真係原隻花膠，母親表示滿意😊內層有蝦膠而且仲好脆

今晚同媽咪行旺角，老人家行到攰梗係要搵地方休息下，行MOKO見到有間小皇府，我媽又鐘意食中菜就決定係度食野。入到去餐廳環境寬敞，裝修優雅，光線充足我地兩個人坐卡位夠哂舒服。🥄粟米蟹肉羹 $45相信粟米羹係人見人愛的湯羹，加入半生熟的蛋白絲，令湯羹更滑溜，營養豐富。🥘濃湯花膠雞煲$238先喝碗湯，再品嚐花膠雞湯的原味，原隻雞肉去煮成，質會更加緊緻。湯頭鮮甜，我地每人都飲左有兩碗多，而花膠軟淋，滋補養生。職員亦即場幫我地將雞肉拆件，方便我地食用，好細心。🥢紅燒乳鴿 $68食落表皮香脆，肉質幼嫰，食得滋味。🥢石鍋生菜 $78平時d菜都好快凍，但用石鍋當保溫盛器，呢個方法令菜一直保留溫度，菜加入左蝦醬，蝦干香味撲鼻，令這道菜更加濃香，非常惹味。🥄蛋白杏仁茶 $32杏仁氣味清香，吃下不太甜， 滋潤味美。

今日去小皇府食下午茶，$68都唔錯，包括三件點心，加上油菜，及麵，亦開了一壺茶，茶:非常香濃。點心方面個豬仔包好可愛，估唔到係奶黃夾心，蘿蔔糕煎得好香又脆，燒賣就有一隻蝦同豬肉，不過不失，油菜正常，系油墨菜，估計淥左幾分鐘，時間剛好，麵就唔算太多餸，麵條彈牙，坐得一陣，休息下，都幾舒服 ，涼下冷氣唔錯😌

今日到MOKO行街，又到晚飯時間。呢排食得太多西餐，今晚決定食中餐，就揀了小皇府。選擇都頗多。原汁柱侯牛筋腩 $108牛腩炆至軟嫩入味，一點都不嚡口，牛筋好滑好軟腍，而且份量頗多，好正。小皇店府有米佬炒絲苗 $158個名幾得意，又見係小皇府推介，就一於試下。即叫即炒，有蝦仁，菜心粒，蔥粒，菇粒和瑤柱絲，口感挺豐富。分量都不少，炒飯填滿了整個煲。飯粒粒分明，色澤金黃，又不會太乾身，調味剛好唔太咸，原隻花膠灌湯餃 $58原隻花膠，都算厚身，口感不錯 湯頭清甜不膩，湯餃皮薄餡靚，混埋湯汁一齊吃，仲有一絲絲的素翅鴛鴦大蝦球 $168蝦球比想像細粒，但每粒都酥脆可口，蝦肉爽脆彈牙。一邊炸蝦球的外層沾上咸香的鹹蛋黃，另一邊則沾上千島醬汁，酸酸地又幾好味。今晚食到捧著肚走😆

其實我都係一個傳統既中女🙋🏻‍♀️ 好鍾意飲茶食點心食中菜😽上星期同朋友去左MOKO一間齊備粥、粉、麵、飯、點心、小菜等既中式食店🤩店面開揚坐位舒適，當日6點半去到唔算好多人。·🔸️古法生扣柚皮  HKD$108依家唔多地方有得食啦🤤 哩款手工菜好花技巧功夫，見到有梗係要order啦😍估唔到都整得唔錯，柚皮蒸煮得軟腍😽 肉同皮都軟綿綿，唔講個口感都分辨唔出係柚皮😋醬汁都好入味，值得一試。·🔹️大良炒鮮奶  HKD$118又係一道顯功架既菜式👏 鮮奶🥛口感軟硬適中，近似8成固體2成半固體狀，覺得還可以的，因個人較喜歡較軟半固體口感~·🔸️頭抽吊龍炒河  HKD$138用上頭抽炒成的“炒牛河”，夠鑊氣加上即炒🔥一夾出煙香噴噴😚河粉每條都上到色，唔碎條條分明，而牛肉食不出是不是吊龍呢😄·🔹️虎松茸魔鬼餃(3件)   HKD$36三角透明餃造型👻 餃上面點左2粒黑點做眼仔👀 來形造小魔鬼造型😜雖然唔算好似，但都花左點心思，加左分啦👏 內餡有菇菌同蝦肉，富有口感。·🔸️小皇府叉燒腸粉  HKD$36腸粉皮做得中規中矩，唔薄亦唔厚(好矛盾咁😂)，叉燒反而不錯👍叉燒切粒都食到厚切口感。

食物冇乜地方好挑剔當日全店得兩三位枱有人啲呀姐企到好開咁serve客又要自己吹水呢個價位黎講我唔expect自己用餐環境咁似街市買送聽你高談闊論希望餐廳之後有改善！

這晚約了朋友去MOKO食飯，朋友想食中餐，我們就去了小皇府試下！地方幾寬闊，坐得舒適！如果不想散叫，酒樓都要套餐，要龍蝦，都幾吸引！打開餐廳，最意想不到晚市都有點心供應，而且不是一般普通點心，都好有特色，所以都點了兩款試試！台式脆蝦腸粉開頭沒為意，以為點了普通的蝦腸，原來入面的蝦是裏了脆粉的，腸粉好滑，裡面又脆，好有層次感！啤梨鵝肝咸水角造型好可愛的咸水角！外脆，咬落裡面qq，還有甘香的鵝肝，好驚喜！粟米蟹肉羹粟米本身好甜，加上鮮味的蟹肉，蟹肉的分量還要有好多，一絲絲的，兩份鮮甜！水煮牛肉朋友鍾意食辣，點了這個，比較重椒麻味，是新鮮牛肉，比較有咬口，不會掩蓋牛肉的鮮味！還有爽口的豆芽和雲耳！蝦膏海鮮炒飯鑊氣夠，炒飯粒粒分明，蝦膏味不算太濃，但可令飯更香，有好多帶子粒！見到有芝麻蛋散超級開心，本身這個食物已經不是很多地方有，因為難整！這裡整得好好，好香蛋味，口感非常鬆，一咬就化開，配合糖醬，好好味！我覺得這晚真的很完滿！

這間餐廳第一次去，食物可以，服務也好。選擇也多款式。我叫了生菜煲，咸蛋黃蝦，牛肉點心，炒鮮奶及薑汁糕。整體食物好味，尤其生菜煲，好野味，夠熱又唔太咸。咸蛋黃蝦也野味，咸蛋黃味夠但不算太咸，好味。薑汁糕甜度適中，正。其餘的食物也不過不失。員工服務也好，整體來講，讓人吃得也舒服，不會好似趕頭趕命，又無限時，這歺廳可藉得再去。價錢方面，兩個人吃了$500。算可以。如你有moko咭，可有85折。如下次再去，試吓其他食物再分享。

自疫情以來，都沒有好好跟母親大人一起吃點心，加上難得我們二人都有空，所以我便決定帶母親大人到「小皇府」盡興一番。小皇府內裏的光線充足，設計上又帶點時尚感，卡座又相當多，座位又舒適，我們都相當滿意。這裏除了有點心外，還有小菜和粥粉麵飯，選擇相當多，而饞嘴的我們頓時也變得有選擇困難症。雖然如此，我們還是點了好幾款食物來品嚐，先上的就是蝦餃。小皇府鮮蝦餃小皇府鮮蝦餃可選兩件或四件，我們為了可以品嚐更加多的食物，所以選擇了兩件。蝦餃皮薄餡靚，而且相當大粒，鮮味十足之餘，又爽口彈牙，我們都非常滿意！小蜜蜂流沙包一向愛吃流沙包的我，在餐牌上看到流沙包當然忍不住要把它點下來。雖然流沙包外層不算是十分薄，但流沙餡料絕不馬虎。鹹蛋黃味相當濃郁，吃得到鹹蛋黃的鹹香之餘，又帶有絲絲的甜味，作為流沙包控的我都感到非常滿足！原隻花膠灌湯餃想不到這個原隻花膠灌湯餃只是$58，但它那原隻花膠比想像中還要大，帶有滿滿的膠質感外，鮮味又十足，配上灌湯餃和鮮甜的湯一起吃，實在是美味！台式脆蝦腸粉嫩粉的腸粉包着香脆可口又彈牙的蝦，已經不錯，加上腸粉的米香味和蝦的鮮甜在一起就更為美味！啤梨鵝肝咸水角咸水角外層香脆可口又不油膩

小皇府進駐MOKO，介於酒家與餐館之間，除了全天候供應港式地道粥麵、手作點心、中式菜餚，更設有貴賓房提供私人聚會。菜牌粥粉麵類齊全，點心蝦餃、燒賣、飽類應有盡有，菜餚亦多樣選擇。小皇府鮮蝦餃蝦餃餃皮晶瑩剔透、蝦餃蝦汁豐富、蝦仁爽口彈牙、蝦鮮味甜。鴛鴦大蝦球蝦球整隻大小適中，炸皮薄而香脆，蝦肉鮮嫩爽口多汁。咸蛋黃醬汁豐富，蝦球咸香帶鮮，味道更富層次。千島汁可說是百搭醬汁，蝦球鮮香帶甜，冷熱口感。乾鍋肉末福建菜花菜花干鍋爆炒是最合適的煮法，肉末爆香後混在清甜軟腍的菜花里，入口微辣香口。頭抽吊龍炒河炒河濕度適中，河粉條條分明不粘糊，碟面亦甚乾爽不油。味道咸度適中，對比大排檔重味風格，會顯得清淡健康，本人較喜歡。蛋白杏仁茶較為平凡的甜品，相較下可以留肚吃其他。整體來說，平民價錢在乾淨舒服的酒館吃上一頓順心豐富的晚餐，是不錯選擇。

約了幾位同學聚舊，要找一家寬敞舒適，交通便利，食物款式多而且好味的食肆，我立即想起曾到過飲早茶的「小皇府」，它具備以上所有要求。「小皇府」在旺角東站的商場內，除了四八達外，下雨天也不怕淋濕。餐廳地方整潔，坐位也很舒適。看過餐牌後，我們點了幾個小菜。“松茸黑椒封門柳”，牛肉鬆軟可口，肉味十足，松茸滲著黑椒汁的香味，是非常好的配搭。“香杧西檸雞”，雞肉鮮嫩，厚切大塊，外皮鬆脆，淋上酸酸甜甜的檸檬汁，更併有片片新鮮香杧，入口混集著雞肉與果香，十分可口。“宮保雞丁”，爆香的朱古力辣椒（不是朱古力糖，而是有名的勁辣辣椒）和雞肉，入口非常刺激，喜歡吃辣的朋友千萬不要錯過。“福建炒飯”，多隻鮮蝦，爽口的芥蘭，還有雞肉粒、蛋花、甘筍......等，再配上惹味芡汁，令人食慾大增。“小蜜蜂流沙包”，鎮店之寶，必食之選。外形趣緻的小蜜蜂，真不忍一口咬下去，雖然牠是一個美味的流沙飽。邊吃邊談下，很快又渡過了一個愉快又滿足的晚上。

男朋友同我都鐘意食中菜/點心，但兩個人選擇又叫得唔多野食呢間小皇府唔單止有點心、仲有好多粉麵粥品同小菜選擇，價錢亦唔貴😼最令我地期待一定係呢個小蜜蜂流沙包($30)，好可愛，仲要唔係得個樣，裡面夠流夠熱！造型點心仲有虎松茸魔鬼魚餃($36)，清清地但亦夠juicy~我都幾鐘意啤梨鵝肝咸水角 ($32)，比普通咸水角多咗啲好香嘅鵝肝脂香味😗男朋友就較鐘意台式脆蝦腸粉（$38），滑溜腸粉皮包住炸腐皮，唔會好似炸両咁，令入面個皮淋哂蟹皇滑燒賣（$40）就算係不過不失～另外叫咗兩款小菜，都幾岀色濃湯海鮮脆米泡飯($148），佢用石鍋上，keep住熱辣辣，而且個湯真係好濃! 加埋脆米，口感好豐富上湯海味雜菜煲($108)亦好足料，大大條蝦干，食完唔會好口渴仲一定要讚呢到嘅職員好好服務，又有禮貌

旺角優質中菜看到這裏的menu，除了小菜之外，也可以吃點心。因為想吃點心，所以進來一試，有臥虎藏龍的感覺！我們點了：原隻花膠灌湯餃：湯底清甜，味道濃郁。花膠有一整條，而且是厚身大條的花膠，熬得柔軟。這麼真材實料的灌湯餃才$58，CP值非常高。滑蛋炒蝦仁：蛋漿非常香滑，炒得半熟不過火。蝦仁大顆又新鮮。份量很多。調味偏淡，很突出食材的鮮味。小蜜蜂流沙包：新鮮蒸熟的流沙包。裏面的流沙醬甜味和鹹蛋黃味也很突出，不會過甜，味道又有層次。非常推薦。這裏雖然裝修得像一般茶餐廳，但是味道和食材也很優質，有機會會再來。

陪媽咪食最愛既粥，這間媽咪曾經食過一次，今次話要再食，做乖乖女既我當然奉陪啦內裡裝修是我喜歡的藍色，坐位闊落乾淨Menu 十分多選擇，有粥/粉/麵/飯，還有點心和小菜，總有一款合你心意一坐低先點杯檸檬薏米水，清爽透心涼鮮滾豬心粥媽咪最愛食粥，鮮滾熱辣，新鮮豬心，爽脆，粥底夠幼滑，媽咪食得滋味，我見到都開心原隻花膠灌湯餃湯底熱辣辣，原隻花膠很驚喜，灌湯餃十分內足料，超好味石鍋生菜上菜時服務員即場係你面前炒熟生菜，因為石鍋熱力，令生菜很快煮熟，內裡鹹肉碎撈勻生菜，十分惹味豉汁帶子蒸豆腐豆腐十分嫩滑，新鮮帶子配上碎豆豉，餸飯一流見到媽咪食得開心，我就心滿意足

今日在MOKO睇完電影係時候晚餐，第一次試小皇府。呢個粵菜非大排檔或者酒樓風味。环境：冷色調的裝潢提高左層次感，感覺黎左西餐餐廳。服务：樓面幾個服務生執碟上菜擺位都有講究，我地張檯比較細，但食品就好多。因此每次上餸服務生服侍周到。原只花胶灌汤饺^令我想試一試噶系，呢種上湯同點心類搭配的菜式，既有中湯風味，又可以試一試浸左上湯噶點心。花膠灌湯餃清淡，裡面有什菌。羊肚菌湯牛肉球^呢個對比花膠湯就相對系藥材類味道，陪襯牛肉球剛剛好。宮保雞丁^辣椒有類似燈籠椒仔，擺盤好靚，甜味適中，菜肴精緻。|石鍋生菜^熱辣辣生菜同蝦醬混搭一起，可以加埋之前宮保雞丁噶辣椒，遇熱會加辣，生菜都好惹味。鮮蝦雲吞撈麵^主食我地無叫白飯，因為想試一試招牌雲吞。因為之前有兩款上湯，因此叫鮮蝦雲吞撈麵，雲吞裡面蝦肉大大舊。實淨厚身。對比其他酒樓點心來講，別出心裁有不同口味體驗。粵式川菜例如宮保雞丁，春捲之類恍如小食精緻而開胃。甜品最後叫薑汁千層糕熱騰騰蒸籠上，柔軟不黏。價錢相對環境黎講物有所值。