小皇府 (MOKO新世紀廣場)

营业中

休息中

應承左媽咪帶佢去食一盅兩件, 但每朝都唔願早起飲早茶, 記起早前經過MOKO小皇府, 全日都有點心供應, 今晚就同媽咪去嘆返餐。餐廳設大部份卡位, 坐得舒服,除左點心, 仲有多款小炒, 粥粉麵飯都有, 款式多多, 【小皇府鮮蝦餃（2件）】HK$22蝦餃脹卜卜, 皮厚薄剛好, 蝦肉餡料鮮甜彈牙, 足料好味!!【蟹皇滑燒賣（4件）】HK$40皮薄, 蝦肉跟豬肉餡料各佔半, 鮮味juicy, 蝦肉彈牙【台式脆蝦腸粉】HK$38腸粉皮包住脆蝦, 一咬落去, 中層炸皮還是脆脆的, 包住爽口蝦肉, 食落有層次, 點少少甜豉油提升味道。【紅燒BB鴿】HK$68/隻BB鴿雖炸皮不是脆脆的果種, 但肉嫩多汁, 味道唔錯。【海鮮酸辣羹】HK$45有豆腐絲、蝦仔、帶子粒、紅椒絲, 酸酸辣辣, 辣度偏高, 惹味開胃【粟米蟹肉羮】HK$45粟米、蟹肉份量多, 整體鹹左少少【小皇府鮮蝦雲吞麵】HK$52麵質彈牙, 大地魚湯清甜, 有淡淡韮菜香, 雲吞皮薄又足料, 蝦肉餡料鮮甜彈牙, 一碗有5粒, 正!【和牛牛丸麵】HK$56牛丸質地有如牛肉球, 軟腍腍的, 配上清甜大地魚湯底+彈牙麵質, 同樣不錯。

今晚約咗一個就嚟結婚嘅朋友，去到旺角呢一間小皇府食個晚飯，輕鬆吓。我特別鍾意餐廳環境舒服，光線又充足。因為朋友就嚟結婚，所以今晚食嘅嘢都唔會太肥膩，或者係油炸，美顏緊要。見到有啲得意點心，就叫咗個小蜜蜂流沙包，非常可愛。再加一個台式脆蝦腸粉，同埋一碗正雲吞，全部都係蝦，非常足料，但亦係清淡一啲嘅選擇。為咗飲啲湯，朋友要左個海鮮酸辣羹，都幾辣，我就揀咗一個粟米蟹肉羹，有啲湯滋潤吓都係好啲。我依家終於講到主菜，就係松露黑椒煎封門柳，少少辣，味道香濃，所以揀咗一個清清地嘅炒飯，瑤柱蛋白炒飯。好滿意今晚嘅選擇，無論係餐廳，食物，特別係朋友。

同媽媽去完花墟，諗住小皇府有粥粉麵飯、點心、小菜，儼如一間小酒樓，老人家一定啱食。賣相普通，一般雲吞大小，蝦肉彈牙，做餐前小食唔錯。懷舊灌湯餃的外型和餡料，加上原隻爽口花膠浸喺濃濃嘅上湯内，懷舊+新派，有特色。比起坊間的灌湯餃或花膠燉湯更吸引牛柳外面煎得太乾，但裏面好林，黑椒味唔夠，反而松茸同配料吸收了醬汁，好入味。媽媽話好耐冇食過柚皮，所以叫呢個餸。柚皮炆得好林，入口即溶，如果有埋蝦子，可以提升味道，更有懷舊感覺唔太甜，冇乜薑味，只想少少食飯後甜品都可以。

呢間小皇府因為未食過諗住入去試下，叫咗個鹹蛋黃炸九肚魚，但見等咗成半個鐘都未有得食，於是問個侍應係咪漏咗單，佢話冇，話係要耐少少，然後再等，等多10分鐘，又再問，然後佢就話依家整，喂大佬，你話依家先整咁就擺明係漏咗單啦，又死口吾認，以後都吾會再幫襯，火都嚟埋😡😡😡

說真的，我是被那小蜜蜂流沙包吸引而去的，當然，我也覺得餐廳坐得舒服，又有懷舊點心都很有賣點，喝夜茶都不錯！地點就在旺角新世紀廣場，交通都很方便。*茗茶 (每位) $10*雖然**外賣八折**，但我們還是選擇堂食。環境乾唔乾淨，座位闊落舒適。時令燉湯 (每位) $48 -《姬松茸燉花膠》，原味香濃無味精，湯料亦足，這個價錢沒有比出面昂貴。先來幾個點心：《原隻花膠灌湯餃 $58》- 花膠大條吸睛，湯底清甜，灌湯餃皮薄餡多，有蝦、冬菇等等，都不錯。《小皇府叉燒腸粉 $36》- 皮薄煙韌，是我喜歡的口感，有驚喜！《小蜜蜂流沙包(2件) $30》好可愛！熱烘烘送上，咬開有流沙奶黃，甜度剛好。《剁椒蒸大魚頭 $148》可選不辣，所以我這款就少了正常有的辣椒，但味道亦好，魚頭的肉很嫩滑，骨位的皮肉好吃。《古法生扣柚皮 $108》必點這款柚皮，坊間很少餐廳有的呢，而且一大碟，全部都炆得很夠稔又入味，完全無澀味，吸汁好味！這環境跟朋友邊吃邊啖，很不錯。吃嫌西餐和cafe，中餐亦是一個好選擇！

今日懶洋洋的我決定與相公一起出外晚飯，天氣陰暗想下雨，所以決定沿東鐵綫往旺角一級商埸晚膳，入了一間茶餐廳，坐下便點了南乳豬手，特大的豬手有拳頭這麼大，爽滑得來又彈牙丶夠爽口，這碟頭頗大丶超值; 再點了一碟鳳城鮮蝦水餃撈粗麵，水餃內的蝦非常大而且爽口，咬一口已吃出蝦子味卻不奪取鮮蝦味～正！我們還點了松茸黑椒煎封門柳，牛柳肉較軟，黑椒汁不算辣，松茸菇爽滑不油膩，這碟封門柳大人小朋友也適合。

為公事忙碌了一整天，終於可以休息下，靜下來和家人晚餐。環境寬敞，裝修亮麗，光線充足，卡位舒適。胡椒蔥爆海蝦石鍋上台，格外有氣派，一直聽到啫啫作響聲音叫喊。中蝦🦐爆炒得鑊氣十足，蝦肉爽脆，甚具鮮味。蝦拖過油，每口都佈滿著微微刺激的胡椒味，滋味無窮，雖然件數不多，但令人欲罷不能。唯我們均為重口味人士，略嫌不夠濃。但不得不讚的是，吃到最後一件，蝦還是熱辣辣的👏🏻金沙百花九肚魚炸得金黃香脆，炸粉好薄，魚肉外脆內軟，本身味淡，沾了鹹香四溢的咸旦黃粒生色不少，食味立刻提升加分。咸旦份量不少，做得乾身，完全沒半點油光。九肚魚有充足調味，肉質嫩無比，整體毫不油膩，全晚最出色。小皇府鮮蝦餃餃皮不痴筷，蝦肉很多，澄粉的比例不錯，褶位蒸得夠熟，選用的蝦大大件，彈牙美味。小妹我忍不住加了辣椒油去沾吃，去酒家必定要試的辣油，這兒亦夠辣。蟹皇滑燒賣對燒賣不陌生，燒賣大大粒，有冬菇香，吃起來不帶豬肉腥，每顆也有兩隻蝦，而且吃上去沒有肥肉，質感爽口。羊肚菌上湯牛肉球比平常小的牛肉球，手打打得有空氣感，有咬口並且蠻彈牙，入面的芫茜也增加幾分口感，一爽一軟的。牛肉球吸收了湯頭，味道清新，菇菌味芬芳，減低了肉食的飽濟。鮮味

#fafafoodblog旺角 #fafafoodblog中菜 🍴滑蛋蝦仁帶子煎米粉 148 蚊🍜🔥,煎米粉比較扁身 食落米味香好香脆 上面帶有滑蛋蝦仁既茨汁 比較濃 同脆米粉好 match 蛋花 幾香滑🥚加上彈牙既蝦仁🦐同帶子 十分唔錯 👍🏻 🍴水煮牛肉148 蚊🌶️🐮有爽口既木耳 大葱 芽菜 盡吸辣汁 水煮汁 唔算辣 帶 d麻子既麻味 如果鍾意辣既朋友要點辣 d . 👍🏻 牛肉係肥牛黎 都幾足料 而且牛肉薄身 好入味 煮又唔會太熟 🐂唔錯 🍴大澳蝦膏爽肉蒸豆腐 98 蚊🦐蝦膏醬好夠香咸 爽肉估計應該係豬頸肉嗰 d位 所以真係好爽下 🐽而且切成長絲狀口感更好 豆腐係蒸得超滑 連埋蝦醬汁一定要撈飯 🍴小蜜蜂流沙包 2 件 30 蚊🐝外表好得意既蜜蜂流沙包 入面流沙好香 咸蛋皇味濃 甜度適中 十分唔錯既點心#點心 #流沙包 #咸蛋 #蝦醬 #豬肉 #水煮牛肉 #麻辣 #米粉 #蝦仁 #滑蛋 Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比

上星期到旺角moko添置嬰兒用品，晚飯時間看看商場內有什麼餐廳可以吃個簡單晚飯，看到這一間中式點心餐廳，看過餐牌後覺得可以一試他們的點心選擇不算多但也不算少，台式脆蝦腸粉值得推薦，腸粉皮綿滑透薄，炸蝦香脆，一脆一軟的口感非常驚喜，另外臘味煎蘿蔔糕同樣驚喜，臘味數量不少，每一口亦能嘗到肉香口感肉丸粥，粥底不錯，香滑有米香 ，配搭半肥瘦參半的肉丸，入口非常舒適他們除了點心之外更提供不少小菜，當中炸乳鴿非常驚喜，可媲美專做乳鴿的中菜廳，肉質重南乳味，而且香炸過程不會過久，肉質充滿肉汁總括來說他們的點心和小菜質素亦屬於中上水準，在商場店內來說性價比的確不錯，值得推薦

晚上和太座路經這大型商埸見到這食店，食物甚多元化，由粥粉麵小菜廣東點心至甜品一應俱全。太座點的南乳豬手皮滑肉嫩件件體積大如餐碟般，南乳汁味濃滲透豬手肉層，今晚首選。😋👍🏼我選的松茸黑椒煎封門柳牛柳肉有咬口，松茸菇爽脆，黑椒汁可口而不辣。😋紅燒乳鴿開邊上碟，鴿肉醃得入味，红燒後更感吸引。主食棄飯類試鳳城鮮蝦水餃撈粗麵，水餃餡料隻隻大蝦，美味爽口，粗麵捨蠔油 而混上豬手鹵水汁更令口味昇華。😋甜品是蛋白杏仁茶甜度適中入口清潤。👍

去開MOKO想食中菜，見到小皇府諗住試吓新野，見佢裝修都好舒服，餐牌就非常之吸引啦！叫咗清炒芥蘭、剁椒蒸大魚頭、金沙百花九肚魚、同埋煎蘿蔔糕！首先上碟蘿蔔糕就煎得非常之美味，可惜就冇醬跟，但係都係好食！最失望嘅就係呢碟清炒芥蘭！居然清炒菜都係黄錦錦！而且煮得太諗囉！而且鹹到飛起⋯⋯從來未食過清炒芥蘭咁難食！本來對九肚魚好有期望，餐牌圖片就非常之靚呀！但係發覺上嚟同圖片實在差得太遠！九肚魚除咗槳粉太厚而且金沙太少！最後剁椒蒸大魚頭睇個樣亦都同圖片差好遠，但好在都有驚喜，個剁椒係好好味！嘅，魚頭亦都非常之滑，呢個攞返分！總結來講都係比較一般如果中菜連個炒菜都咁差就真係失望啦！

晚飯時間去覓食，經過這裡記得吃過午餐，食物質素不錯，所以就決定去吃晚餐吧🙈。在平日晚市來，不用等位可直接入座，週末來就要等位了🤣。晚市有多款小炒供應，還有套餐可以選擇。💥小蜜蜂流沙包 HKD$30，之前吃過覺得好吃，所以就再點來吃💕。這個造型賣相吸引，味道甜而不膩🤤，熱辣辣吃味道更佳。吃的時候還要小心點，以免奶黃弄髒手🙈。💥東湖陳醋肉排 HKD$128，這道菜的色澤不錯，醬汁味道濃郁很香，酸酸的味道很開胃又惹味🤩。肉排肉質煙韌，這個是半肥瘦的口感挻喜歡吃的🙈，用來拌飯確實不錯。💥羊肚菌蘭度炒帶子 HKD$158，這道菜色彩繽紛，另外用了紅/黃椒絲作為點綴。帶子大隻肉質鮮甜，芥蘭用了最鮮嫰的部分做菜，所以咬起上來口感很好🙈 。這個雖然是簡單的調味，但覺得挻好的，而且不會太油膩。💥福建炒飯 HKD$88，用蝦仁/雞肉/雞蛋/菜心等製成，份量挻多的，可以跟朋友分享來吃😆。這個口感豐富，一次過可以吃到多款材料🤤。醬汁濃郁不咸，飯質粒粒分明口感煙韌。我們吃到棒著肚子走😆，晚市的食物質素也不錯，而且份量挻多的。

放工約左好友去 Moko 拎野順便晚餐， 由於拎得太重野了，所以唔想周圍走找野食，決定係 Moko 到覓食算，由於時間尚早我見到小皇府唔太多人，就即入去了，座低舒舒服服同好友食下點心小菜。呢到的點心全都即叫即蒸，所以新鮮熱辣，我地就叫左以下幾款 ：⚛ 小皇府鮮蝦餃 4粒 ~ 包左大大粒蝦幾爽脆彈牙。⚛ 蟹皇滑燒賣 4粒 ～ 蝦同豬肉比例剛好咬落扎實唔會過腍。⚛ 蟲草棉花雞 ～ 最愛夠棉花吸收哂d 雞汁精華，雞件滑溜。⚛ 海鮮酸辣羹 ～ 材料充足，酸得來比較辣。⚛ 蒜片和牛粒 ～ 和牛粒肉質入口軟腍，加左蒜片帶出肉味香濃。⚛ 避風塘軟殼蟹 ～ 好多炸蒜辣椒， 味道一流炸到軟殼蟹超酥脆， 食到我舐舐脷。⚛ 瑤柱蛋白炒飯 ～ 食炒飯最鍾意就係佢炒得粒粒分明夠乾身呢到就做得唔錯。⚛ 綠豆茸焗西米布甸 ～ 普通左dd。⚛ 薑汁千層糕 ～ 一層層好吸引，入口薑味夠濃很滋味。

在疫情下， 很多商場在平日都水靜河飛， 更不要提當中食肆的情況。 今日來到旺角新世紀吃晚飯， 商場人流真的少得誇張， 但有一間食肆依然能夠將僅餘的人流也吸引了一定的部分過來， 他是二樓的小皇府。小皇府主打粵菜， 賣點是晚市點心， 而且同時加了不少創新菜式， 吸引年輕一輩 ……如我。年輕的我今次想試松茸黑椒煎封門柳， 柱侯牛筋腩麵， 芝士焗釀蟹蓋， 小蜜蜂流沙包， 啤梨鵝肝鹹水角和蔥花炸兩腸粉。松茸黑椒煎封門柳封門柳是牛的其中一個部分， 特別的鮮甜，特別的軟淋。 黑椒汁非常惹味而且夠辣，有趣的是配搭上本身濃味的松茸菇又出奇的搭。柱侯牛筋腩麵先喝一口深色的湯頭都知道用料充足。 牛筋和牛腩都炆得非常軟身入味， 部分帶有少少肥膏， 甘香鮮甜。 麵身亦都非常彈牙。芝士釀焗蟹蓋帶點西式做法的異國菜。 焗芝士下面充斥著豐富的蟹肉絲， 配上一點煙肉碎的鹹香， 完全突顯蟹肉的鮮味。小蜜蜂流沙包在可愛的造型包裝下， 內心卻依然是一個高質素的流沙包， 麵包鬆軟， 流沙汁調配得鹹甜適中， 上枱時的熱辣辣更加是加分位。啤梨鵝肝鹹水角最驚喜菜式。 傳統的鹹水角配上西式烹調比較常出現的鵝肝， 外脆內軟加上鵝肝的獨特

今天來的『小皇府』， 除了廣東小菜， 晚飯時間也有粥粉麵飯和中式點心 ～ 選擇非常多！餐廳在新世紀廣場2樓， 裝修型格，西化， 坐得幾舒服唔侷促。💕今次真係可以食夜粥， 飲夜茶😋 難得夜晚都有即叫即蒸點心👍推介『小皇府叉燒腸粉』， 半透明嘅腸粉皮， 切得工整，每件都包住適量嘅叉燒， 叉燒肉質彈牙 有肉香，切條夠厚真材實料！小王府鮮蝦餃(四件) 蝦餃皮做得唔錯， 唔容易爛亦唔會韌。 餡料紮實 鮮蝦和豬肉比例啱啱好。😋羊肚菌上湯牛肉球牛肉球點心新食法～ 用了羊肚菌熬成嘅上湯放上牛肉球， 可以飲到羊肚菌清甜上湯又不失牛肉嘅鮮味。 牛肉球也渗出淡淡嘅陳皮香～鳳城鮮蝦水餃麵麵質非常爽口， 鹼水味道可接受。 竟然有金華火腿絲～ 非常落本！ 水餃超大隻， 餡料豐富， 原隻大蝦啖啖肉， 十分滿足！狀元及第粥即叫即滾， 熱辣辣上枱。 粥底好綿， 夠晒味道。也是用料十足， 豬心豬潤爽口， 豬粉腸好爽好腍冇怪味～👍👍羊肚菌紅燒豆腐$108羊肚菌味道獨特芳香， 配什麼食材都是非常出色。 紅燒豆腐夠鑊氣， 豆腐入口又香又嫩～海鮮酸辣羹$45味道好酸好辣， 刺激醒胃，加入海鮮，有蝦，蟹柳。綠豆蓉西米焗布甸～熱辣辣