小草十八怪石鍋米線 (已結業)

之前去旺角行街，見到呢間幾吸引～我哋叫左串燒、即煮米線串燒係即叫即燒，好香入面仲落左孜然粉，超級入味！我哋仲叫左即煮米線，可以試吓自己煮既米線，感覺超級正！下次會再到～

之前係ig 睇到介紹就一直好想試下🤤琴晚終於有機會啦～湯底有7款，而配料足足有46款比我揀，最後叫左9餸香辣金湯米線，其實都幾貴，加埋淨係碗米線都要成$100蚊😣金湯湯底有啲辣，南瓜鹹蛋黃香味都好出，不過食食下會覺得好鹹，返到去夜晚一直都好口乾….仲有叫左燒雞軟骨串燒同燒茄子，雞軟骨燒得好出色，好想再叫多兩串，不過個胃位置有限，要放棄…而個燒茄子就有啲失望，味道唔夠香，燒既時間再長少少可能會更好。

瑤柱蒜蓉海鮮荷葉飯: 選用了新鮮的海鮮，配以瑤柱和蒜蓉等調味，味道鮮美。荷葉飯的口感獨特，米飯被包在荷葉里，讓米飯的香味更加濃郁，同時還帶有一些荷葉的清香味道。整道菜味道非常協調，瑤柱的鮮味與海鮮的鮮美相互融合，蒜蓉的辣味和荷葉的清香也相得益彰，口感獨特讓人回味無窮。份量巨型的檸檬茶！抵飲！

成日搭車經過，見到佢門面幾有趣，今日特登去旺角食佢手機自己落單，但係所有米線都沒有得選擇辣到，店員很好，裝左幾啖沙嗲湯俾我試一試，我問有冇得加辣，佢話只可以自己落枱面的辣椒油。。。😅結果我揀左柴火麻辣湯底，黑毛豬腩肉片，冬菇，支竹，凍檸茶先講個凍檸茶🥤冇茶味，檸檬有超薄四片，加埋只有其他茶記嘅一片，好難篤到😟米線方面配料分量少，黑毛豬腩肉片只有兩小片，冬菇竟然唔係鮮冬菇，而係嗰啲要發水冬菇湯底很淡，沒有層次，只是水溝料🥲對於勁鍾意食米線嘅我呢一間真係幾失望可能佢其他菜式做得會好啲吧我見佢嘅荷葉飯好似都OK嘅🧐

自己都幾鐘意食米線，尋日去左旺角試左既小草十八怪石鍋米線。呢度原來可以DIY 米線，叫好啲餸，將材料鋪落石鍋，再落生滾湯，熟度、米線腍度自己控制，仲有8款湯底揀。但我地叫左先知可以DIY， 所以無玩啦。我叫既係18怪招牌金湯過橋石鍋米線，有封門牛柳、海蝦、花膠、墨魚頭、蟹柳、鯛魚片，超豐富，金湯湯底濃郁少少辣，好正。除左米線都仲有好多野食，串燒、荷葉飯， 我地就試左明爐烤海鱸同蝦膠釀豆卜。烤海鱸，酸菜魚湯底，魚都幾大條，肉質較結實。叫烤魚配一杯特飲，大大杯青檸梳打，夠哂解渴。蝦膠釀豆卜好好食，好酥脆再配彈牙既蝦肉，食唔停。

<網上好hit嘅米線店😝>里個名好特別，有啲難但係令人好深刻！要上層先有得食，不過樓梯入口都有好有型嘅霓虹燈！比起普通連鎖米線舖，價錢屬於中上，不過勝在有其他唔同種類食物，有串燒有冷麵拌麵有荷葉飯😆檸檬炸雞 $20見佢推薦，又唔貴就叫咗黎試下!!入面好多汁，夠哂嫩，而外層超級脆！一黎到勁香，我即刻放入口，結果熱到食唔到🤣見到入面噴哂煙！！海鮮籠仔荷葉飯 $89我哋加咗$14要咗杯又係好多人推嘅芒果烏龍茶🤤超大杯!!可以用巨形去形容!!一杯我無慳住飲，都可以由頭飲到落尾!!不過略略覺得淡咗啲，同埋我叫咗少冰🤣最後變成室溫！海鮮荷葉飯都性價比高!!有魷魚，八爪魚，帆立貝，蟹柳，每樣都打孖上！個飯超香🤤一黎吸哂海鮮精華，荷葉香，二黎上面都放咗啲蒜辟腥，同時令個飯更香更好食😚就咁食飯都唔會覺得齋👍🏼好出色！石窩米線(9個餸) $102一般見其他人係自己落有9格咁，唔知係咪我哋無特別要求就幫我哋煮哂，留番炸醬同魚皮俾我哋自己落🥺湯底都有好多選擇，我哋揀咗比較少食嘅蟹皇湯😝湯底一黎到仲係卜卜卜，熱辣辣，因為佢係用個熱辣辣嘅石窩好似仲煮緊一樣咁！不過神奇地啲米線又無好淋咼好好咬口👍🏼

Let's Go 為你搜羅吃喝玩樂情報〰️自製 DIY 石鍋米線｜ 鮮香荷葉飯-#letsgo香港美食 #letsgo香港美食情報 #letsgo香港好去處 #letsgo旺角美食 #letsgo美食 #石鍋 #米線 #荷葉飯. 「小草十八怪」以石鍋米線作主打，可以自選 9 款配料 DIY 米線，先放配料、米線及湯底入石鍋，再自行煮熟，有得食有得玩仲好岩打卡呃 Like 添！只是配料已經有 46 款，有常見的炸醬、墨魚丸、雞肉，想再特別點還有黑毛豬梅肉片、封門牛柳、蘭王雞蛋等，配料會在一個盤子用九宮格呈上。而湯底則有酸菜魚湯、肉骨茶、香辣金湯、沙嗲湯、等湯底選擇。店鋪除了石鍋米線外，更有瑤柱蒜蓉海鮮荷葉飯及串燒選擇，荷葉飯大份足料，飯底吸了海鮮的鮮味，啖啖鮮香及瑤柱冬菇的香氣。.🏡環境舒適：👍🏻👍🏻👍🏻😋好味指數：😋😋😋🏼親切服務：👍🏻👍🏻👍🏻📸打卡able：📸📸📸-📍小草十八怪火鍋米線地址：旺角亞皆老街36-38號龍飛大廈地下3-4號舖營業時間：11:30-23:30-𝕎𝕙𝕒𝕥𝕤𝕒𝕡𝕡：5715 3205𝔽𝔹：Let's Go Couples Channel𝔻𝕄：_lets.go_co

聽朋友介紹旺角有間好出名嘅米線店,於是就同朋友一齊去試吓🥰去到發現呢度食物種類繁多🤤 有荷葉飯、生滾米線🍲、烤魚🐟、串燒🍢等等真係多不勝數🫣瑤柱蒜蓉海鮮荷葉飯🍱六餸石鍋米線🍲麻辣涼拌雞腎🐥蝦膠釀豆卜🥳原條茄子🍆首先望Menu已經覺得呢度啲嘢食外貌十分吸引👍而且價錢相對便宜🤑海鮮荷葉飯上有各種各樣的海鮮,例如鮮蝦、帆立貝、魷魚圈等等,而且海鮮十分之新鮮肉質彈牙很好吃🥰另外荷葉飯也很香口,回味無窮😙真的十分推介大家試試呢度嘅荷葉飯!平時米線食得多咩生滾米線還是第一次吃很特別🤩而且他還可以選擇自己煮或者店員煮🤣樂趣滿滿的呢😌😌米線湯汁也很濃郁,很好吃另外店舖主打奄仔蟹,可搭配米線、荷葉飯及雞煲,各位朋友仔有興趣可以去試吓呀👐🏻

📍旺角特色蒸荷葉飯! 小草十八怪石鍋米線🥘蒜蓉金菇粉絲奄仔蟹荷葉飯用左瑤柱, 冬菇, 蝦米,粉絲做飯底利用荷葉包住蒸, 飯有淡淡荷葉香味粉絲有好多蒜蓉，而且蒸出黎粉絲又唔會乾基本上蒜蓉粉絲已經好惹味👅味道:❤️❤️❤️❤️🍔賣相:❤️❤️❤️❤️❤️🏝環境:❤️❤️❤️❤️🤵🏻服務:❤️❤️❤️❤️📸打卡:❤️❤️❤️❤️💵價比:❤️❤️❤️❤️💌幾平,賣單$200,而且份量又好多🏠小草十八怪石鍋米線-18 ODDITIES旺角亞皆老街36-38號龍飛大廈地下3-4號舖🕰營業時間：星期一至日 11:30 - 23:30🔖 荷葉飯 | 旺角 | 米線🚇港鐵旺角站 D2 出口, 步行約2分鐘☎️電話: 28112628

🍜身為米線達人既我有朋友介紹我食小草十八怪石窩米線🤩初頭仲心諗個名咁特別 點知內有乾坤😻環境就正正常常 都大既亦唔算坐得好逼而且野食種類多元化 除左米線之外仲有蒸飯、串燒 各式各樣🤤而且價錢係極親民 例如海鮮蒸飯都係$75🌶️手拍紅油青瓜 $18/ 麻辣涼拌海蜇 $32簡左兩個開胃前菜食味道就不過不失😋略嫌青瓜味道唔夠入味海蜇相對就好食多啲👍🏼🍜石鍋米線 (3餸) $52石鍋米線已經夠特別 確保一直都熱辣辣 岩哂而家呢個天氣佢有啲pre set好既小鍋米線 選擇困難既朋友可以簡😗或者亦都可以由個人喜好 配搭自己鍾意食既米線配料係足足有46款 湯底亦有7款可以簡!🫣我地今次都簡啲係出面比較少有既📍好似麻辣小龍蝦 黃金魚皮 而且味道係高質既😋順帶一提見到其他客人係有啲餸、米線分開上先知原來簡6個餸以上就可以自己煮下次一齊會再黎玩下!!🤩🦐 瑤柱蒜蓉海鮮荷葉飯 $75想講呢啲蒸飯唔係好多茶記有仲要係成日好早就會賣哂!😢但呢到有好多唔同款式簡之餘價極比仲要極高首先海鮮係有原隻有殼蝦、帆立貝、墨魚頭、魷魚圈、蟹柳、瑤柱、冬菇粒同蝦米😜蒸出黎仲唔會好濕 飯粒清爽粒粒分明🤩而且有蒜味作搭配 但又唔會搶

叫咗一鍋滷水腩肉，紅燒牛肚木耳米線，配海皇湯底，自助落單好方便，仲可以叫多米線，10分鐘左右就有嘢食，色香味俱全，重點係米線夠冧身，吸收晒湯底嘅精華好入味，超讚！最愛石鍋湯底，因為食到最後一啖個湯都夠熱，最緊要係埋單$52咋，性價比好高，推介俾大家！唔怪得夜晚到9:00都仲有人龍排隊。

之前經過旺角，見到呢間個名好特別一路都好想試，有我最鐘意既石鍋同米線，成日覺得有石鍋啲野食夠熱就好食😋😋今次黎開旺角做野就黎試下18怪奄仔蟹石鍋生滾米線👍👍👍👍👍爆膏一見到有奄仔蟹，賣相好吸引，諗都唔諗就簡左呢個，佢另外有得自選全部配料，但我懶得諗就簡左呢個配好既，湯底係胡椒豬肚湯，湯底好濃好香夠晒味，蟹🦀️超正🥰🥰超爆膏👍👍👍另外仲可以簡自己煮定店員煮埋，枱面有教點煮，都幾得意☺️☺️手拍紅油青瓜(辣）辣度剛好，青瓜好爽脆👍👍👍 麻辣涼拌海蜇海蜇爽口入味蒜蓉燒生蠔🦪開頭我地淨係簡左3隻諗住試下，店員好好提我地簡半打都一樣價錢😛😛仲有超正特大杯檸茶👍👍👍小草十八怪石鍋米線 (旺角)旺角亞皆老街36-38號龍飛大廈地下3-4號舖

好耐之前都食過佢既石鍋米線系旺角又算易揾到咁岩見佢地有新餐牌好特別就一於又試下有幾個主題第一就梗係米線，三餸,六餸,九餸，依家有成只奄仔蟹揀第二系荷葉飯，常見既滑雞之外，都有用奄仔蟹黎蒸第三有烤魚，雞煲，重有好多火鍋配料第四系串燒，有雜錦，又有海鮮真系午餐，晚餐，宵夜都有唔同選擇我先叫左啲串燒開下個胃一串牛舌同一只蠔一只扇貝唔錯，有水準的重頭就系九餸石鍋米線成只奄仔蟹，雖然唔系話好大只不過又鮮甜又有膏，高質嫁特別啲有香辣龍蝦仔同封門牛肉其他多到忘記左🤣

不嬲都好鍾意食米線，之前喺旺角已經食過一次，見呢排幾多人，反正出開旺角，決定再戰石鍋米線~🍜 六餸石鍋米線 $72材料總共有48款可以選擇，三餸$52，六餸$72，九餸$92，其中一款叫咗火腿瑤柱肉骨湯，湯底比較重瑤柱味，清甜又惹味，材料包括美國肥牛+$2、豬皮、金菇、生菜、貢丸同豆卜。豬皮煮得好稔好入味，貢丸爽口彈牙，餐廳亦細心將貢丸切半方便食。另一款叫咗極品蟹黃湯，同樣六餸米線，材料包括墨魚丸、蟹柳、美國肥牛、貢丸、牛丸同蘿蔔，湯底偏好濃郁，重蟹黃味，而且米線爽身，特別欣賞丸類口感爽口彈牙，蘿蔔入味、成功吸收蟹黃湯底精華。🐔 雞肉串 $22雞肉串面層灑滿椒鹽同七味粉，食落辣辣地幾吸引，肉質都結實唔鬆散。🦐 椒鹽蝦膠腐皮脆卷 $38腐皮脆卷炸得香脆可口，蝦膠爽口彈牙，個人覺得如果加多啲椒鹽會更入味。🐙 燒墨魚餅 $22同樣加咗滿滿嘅椒鹽同七味粉，食落偏硬少少但都算爽口，味道比雞肉串辣啲，但都幾惹味好食。

鍾意食米線嘅朋友仔要留意啦！呢間位於旺角嘅石鍋米線店舖面好大 見到六餸既石鍋米線都只係70幾蚊 真係好抵 可以放心，叫多啲自己鍾意食嘅配料🔸 奄仔蟹+6款自選配料石鍋米線雖然好想叫菜單推薦嘅石鍋米線，但係某啲配料自己又唔係太鍾意 所以就選擇咗自選配料，價錢真係好抵食，可以唔洗擔心價錢就可隨心叫自己鍾意食嘅配料😘叫曬自己鍾意食嘅配料後（炸醬，翡翠苗，五香辣豬軟骨，響鈴，肥牛），我就加咗錢要佢哋出名嘅奄仔蟹😋石鍋米線熱辣辣上枱 感覺上好似自己食緊一個迷你一人火鍋 仲可以碌吓響鈴食 好特別😆奄仔蟹嘅蟹膏浸晒喺碗湯度 飲湯嗰陣每啖都充滿蟹膏嘅味道 超正🤣米線嘅硬度控制得好好 唔會太淋又唔會太硬🫣🔸涼拌皮蛋辣辣地幾好味🔸飲品青檸梳打🍀總結平靚正石鍋米線，性價比高，值得一試，早少少黎唔洗排隊