小鍋米線

营业中

休息中

🥰元朗覓食米線篇➖小鍋米線🍜好多元朗街坊幫襯嘅小鍋米線 聽講已經開左好多年 都吸引左唔少人特登入元朗試下👏🏻係米線群組都幾出名 小編都算係半個米線fans hehe☺️〰️招牌小鍋米線 自選一餸 $47本身已經配有 雞肉 鮮菌 酸辣肉碎 炸醬 腐皮 芽菜 秘制甜酸菜😋米線份量好大碗 配菜都好夾 甜酸菜好開胃😙湯底辣度♨️小編揀左小辣 湯底帶有少少酸味 唔算太辣🌶平時譚仔食開五小辣 聽到好多人落單都叫中辣 下次有機會翻兜小編都想試下挑戰😳米線一啲紅色嘅辣油都無 感覺好似健康左 搞到好想飲曬佢嘅湯底😝仲有隱藏版嘅超小辣 食唔到辣嘅朋友仔都可以一試🤣〰️自選米線 自選一餸 $42呢款米線就無左招牌嘅配料 但都有甜酸菜 呢碗米線小編揀左走辣 湯底都好清 唔會太鹹得味精味👍🏻叫左紅腸做餸 都不過不失 幾好香口好食米線口感👅✨米線偏幼 入口好滑 但唔會太淋同淡茂茂 推介餸菜👅✨蒜香雞扒 雞肉好嫩滑同多汁 每啖都有蒜香味 脆卜卜新鮮無翻炸 份量都好多🥰✨南乳雞件 好少見到有南乳雞件做餸 超濃南乳味加埋新鮮熱辣辣炸出嚟 真係超香！😚💰$98(2人)✨每個米線餐價錢包埋豆漿/熱飲 凍飲加$2食物質數 💛💛💛💛環

作為元朗人又鍾情於米線❤️嘅我絕對唔會錯過位於千色旁巷中嘅小鍋米線~相對於湯底，更有名氣嘅莫過於南乳雞件同埋份量十足嘅小鍋米線。始終係小店，店內空間有限，環境相對上一般，但可接受。今次除左叫左一直食開嘅小鍋米線，男朋友就叫左蕃茄湯底。🍜招牌小鍋米線（竹笙＋南乳雞件+可樂 ）$57評分：★★★★☆Menu都寫左係(小麻辣湯底)，對於平時譚仔食開三小辣，叫小辣真係冇咩感覺，平時出面食開小辣，係呢到真係需要叫中辣！招牌小鍋米線湯底偏向普通單一嘅麻辣味道，但佢嘅靈魂之處在於所有配料，令到食嘅時候好豐富。Ｄ配料絕對唔孤寒，有雞肉、冬菇、杏鮑菇絲、酸辣肉碎、炸醬、腐皮、芽菜、生菜、秘制甜酸菜、木耳！米線唔會太淋太硬，剛剛好！而每一啖米線都可以加埋D配料，令成個口感層次提昇！雞肉唔會好鞋口、木耳十分脆口，不講以為加左錢加餸～南乳雞件即叫即炸，上菜時仲係熱辣辣！雞件其實係雞翼切半炸，以南乳醬調味冇加炸粉，Total有6件，但今次食冇以前食咁驚艷，南乳味唔夠出。竹笙份量相比較小，一條竹笙切開左幾折，但都爽脆吸湯汁。🍜農鄉蕃茄米線 (豬肉+豬潤) $49 + 凍檸茶走甜 $51評分：★★☆☆☆男朋友唔想食辣

呢間米線店係元朗已經開左好耐，中午時間去食有時都要排隊。🔎招牌小鍋米線+南乳雞件（$46）招牌小鍋米線本身已經有唔少配料，包括：雞肉、鮮菌、酸辣肉碎、炸醬、腐皮、芽菜、菜同秘制甜酸菜。佢既米線偏幼身，口感幾滑。另外，招牌小鍋米線仲可以自選一個餸，我就揀左南乳雞件，南乳雞件係一開二既雞中翼，有5件，份量唔算多。雞件炸得好脆，有南乳味，調味唔會太鹹。👍🏻👍🏻👍🏻餐飲我就揀左豆漿，味道正常。

每次去元朗都想吃米線,試咗幾間終於揾到間味道唔錯嘅叫招牌小鍋米線已包一款餸試咗南乳雞件、香炸豬扒同腩肉南乳雞件炸得好乾身、好脆口香炸豬扒炸得都好乾身又夠味腩肉就一般般,不過只係加5蚊雞有個餸已經好好了唯一嫌啲米線冧得滯如果硬身少少就perfect 喇😆

今日去完行山. 下白泥出返黎. 專登過黎試下呢間 (話說FB關注組極力推薦).個人意見如下:南乳雞件, 其實係雞翼. 味道係OK, 只係乾身左少少 (過火了). 我估換做雞脾肉會好食好多!海帶, 淋左D鮮雲耳, OK既. 算爽口.懶肉, 薄片, 味道夠, 四樣野中, 最好食.湯底酸大辣, 辣度其實只有三哥中小辣咁上下. 但係湯底夠濃, 湯底入面既配菜都好好食. 酸菜偏甜反而幾突出. 山長水遠入黎食. 大大碗, 算OK抵食啦. 但又未至於一定要黎食囉. 

呢間係由中學已經食開，係元朗係好出名，我身邊既朋友都鍾意食呢間。間舖係條小巷入邊，位置完全唔起眼，不過就成日滿座要等位，而且亦多外賣。店內空間都唔大、比較狹窄，得十零張細枱，難得今日平日下晝13：00去到唔洗等，直入有位。四個人，大家嗌唔同既餸同米線。招牌米線+南乳雞件應該係最受歡迎既組合，$47，跟杯熱飲。個湯底小辣，微酸，有好多配料，有雞肉、菇、生菜、甜酸菜.......，真係好正！同出邊既米線湯完全唔同，好好食~~蒜香雞扒，南乳雞件都新鮮炸起，好熱好脆。雞肉嫩滑有汁，不會太老、鞋。呢個價錢，咁大碗多料，算係抵。

我地公司一向有同事叫開呢間鋪頭，佢地係幾抵食既，但極度無禮貌！曾有一次11:30打去叫1:00送到公司，事頭婆勁不滿要我早啲落單，於是我今朝早問定同事落單，11:00就打去比定準備呢間咁「出名」既鋪頭！點知事頭婆發爛渣話兩個餐太少，我公司又太遠唔肯送，態度極差！佢迫我叫多個小食，否則唔肯送🤬🤬🤬我斷然拒絕，講左聲唔該哂就收聲，點知佢打返轉頭仲問我係咪打錯電話，惡到不得了！我再次表示唔會幫襯！極嬲🤬🤬🤬

一個星期食足5日都無問題既豆腐妹最近參加左米線關注組🤩仲試左稱為元朗頭3位好味既米線✨即刻同大家介紹！味道未去到好正但堅係超抵食又大碗💥其實叫一個餸已經夠晒食只不過我哋想試埋關注組極力推介嘅南乳雞件同蒜香雞扒🤣❐ 招牌小鍋米線中麻辣🌶加黑椒牛丸同蒜香雞扒 $55評分 ▮ ▮ ▮ ▮ ▮ ▮ ▮ ▯ ▯ ▯⟰配料有雞肉、鮮菌、酸辣肉碎、炸醬、腐皮、芽菜、菜、秘製甜酸菜每款配料份量勁多無叫餸都已經夠哂大碗成個譚仔套餐咁🍜⟰米線偏幼身口感吾錯份量超多💥⟰第一次見無辣油既麻辣湯食落完全吾油膩麻辣味吾太重反而我覺得酸味都幾濃好開胃👀無雲川個d咁惹味係另一種雲南風味好少見可以試❗️⟰所有配料都煮到好淋好入味💦特別讚秘製甜酸菜甜酸度岩岩好勁開胃同成碗有好多菜好健康🥬⟰黑椒牛丸🍡較普通無咩汁亦不太彈牙不過都有黑椒味⟰🥩蒜香雞扒超讚！炸到好鬆化外脆內軟又多汁而且大大份，食落好香蒜🔥醃得超正💁🏻‍♀️推介❗ ❐ 招牌小鍋米線中麻辣🌶加芋絲同粟米雲吞同南乳雞件 $60評分 ▮ ▮ ▮ ▮ ▮ ▮ ▮ ▯ ▯ ▯⟰ 配料湯底同上唔多講，好少有芋絲呢個選擇煮到好入味🌽粟米雲吞反而無咩特別⟰即炸南乳雞件超鬆化同好香南

开左好耐既元朗小店，我们点了：1.南乳鸡件（自选米线）唔辣配菜有芽菜，生菜，甜酸菜，还有一些肉碎，个甜酸菜好好食啊，汤底都好饮（唔辣）个鸡件炸得很脆，很入味2.猪扒（自选米线）bb辣配菜同上，不过甜酸菜系有小小辣既，个猪扒个人认为一般，不过份量都算可以

今晚去女神屋企BBQ.. 要係元朗買食材 北角友人同我喺元朗諗住食碗小窩米線先～問我有咩推介 經過喺OpenRice search同埋問過朋友～佢哋就推介呢一間！ ✨咁所以就決定試一試！第一次去 地方都好易搵嘅！以為細細間 原來入面都仲有位 環境裝修比較old school 抬頭望一望 友人同我都係揀同一款招牌米線 再配炸雞扒 同南乳雞件（炸雞翼 一分為二）雞扒ok 但相反多人推介既炸雞翼我就覺得普通呢... 有點硬兩個都係中辣 一嚟到喇⋯⋯好大碟喎！但係望一望明明叫咗中辣 點解一啲紅色都冇嘅？（因為大部分以往嘅都係紅色😂）麻辣小鍋米線裏面嘅配菜同米線份量都好多！我特別鍾意食佢嘅酸菜！🥰酸酸甜甜好開胃！友人表示好好食 叫住佢唔好食晒～點知佢成碗食晒😂（留肚夜晚BBQ)友人食得開心我就開心！仲加咗杯凍檸茶 每位$49！真係好平呀！友人生日 我請佢食哈哈哈哈😄重點之後冇乜口渴👍🏼👍🏼下次會再嚟食～

 🍜 招牌小鍋米線配南乳雞件 $47幾耐無見過南乳炸雞，所以南乳炸雞就豪不猶豫一定要叫啦，而事實的確無令人失望。雞件選用雞翼斬件，所以雞肉好嫩，雞皮仲滲出雞油添，同時亦因為斬件嘅關係，雞件可以好好咁吸收南乳味，令每一啖都充滿南乳香。米線亦都非常足料，有滿滿嘅酸菜豆芽，我今次揀左小辣所以湯底更變成酸辣湯，不過辣度稍微不夠，若果叫中辣的話酸辣比例將會更加平衡。 📍小鍋米線 (元朗)元朗西裕街金福閣 7 號及 10 號 @ 小鍋米線108觸及人數7互動次數6你和其他5人

終於捱到中午又係時間食飯，日日都食飯，食到有啲悶悶地，今日朋友仔話不如去食小鍋米線，都好喎！好，坐低睇吓有咩好食先。成都酸辣米線，好多配菜，一定要講呢個酸菜，食落又爽脆，帶酸酸甜甜，好好食，平時出面食嘅酸菜又鹹又酸，呢個係我食過最好食嘅酸菜。叫咗豬軟骨同雲吞做餸，雲吞皮薄餡料多，豬軟骨炆得夠腍。農鄉蕃茄米線，蕃茄湯好濃郁仲有薯仔，碗米線係好大碗，大食都一定夠食。雞絲粉皮，佢個麻辣味真係好香，粉皮又夠爽彈。飲品就叫咗凍奶茶同熱金桔蜜。

今日星期6 確診數字少咗 咁叫埋個朋友去食米線 咁就去咗元朗 金福閣 嘅小鍋米線 平時都知佢多人 專登選擇2點去 點知都勁多人 排隊 冇計啦鬼叫佢好食咩 我地都等左30分鐘 先有位 因為佢 舖頭唔係大 所以都得好小位 等果時 通常都會 睇定食啲乜嘢 叫號碼臨到自己號碼之前嗰一兩張枱 個靚仔哥哥就會 問你食d咩 幫你洛定單先 等一陣有枱就可以食 唔洗在等叫咗個涼拌皮蛋佢個皮蛋心仲係流流哋心唔會實曬嗰隻個皮蛋外皮 食落去好彈牙唔會黐牙 佢個辣度啱啱好 唔會話辣到要即刻飲嘢點解咁多人幫襯佢嘅原因係因為佢啲米線真係好大碗又平又多餸 好抵食 夠貼地我地叫咗兩個米線 招牌小鍋米線:雞肉 鮮菌 酸辣肉碎 炸醬 腐皮 芽菜 秘製甜酸菜昭通米線:肥牛 芋絲 腐皮 鮮雲耳 韭菜 炸醬 芽菜 金華火腿 香辣黃金豆 秘製甜酸菜今日挑戰咗大辣 味道又酸又辣刺激又開胃我地叫左2個 自選餸菜 蒜香豬扒同 南乳雞件 蒜香豬扒外脆內熱 d肉多汁得嚟唔會咬洛 成口都係油 南乳雞件細細粒 容易入口 啲雞皮炸到脆卜卜

在元朗逛街買完懷舊餅店手信，逛到西裕街那邊覓食，原來在橫巷裏，都有很多食肆，見到小鍋米線價錢比一般米線店便宜，就來光顧吧！這裏門面雖小，但內裏座位卻很多，因為內在環境是L 型，拐個彎又有很多張枱，而且座位算闊落的，我們在傍晚入座，也有很多街坊光顧。由於見餐牌有很多款米線選擇，味道多之餘，還以中國地方名命名，實在很特別。選擇困難症之下，職員介紹了招牌小鍋米線，如果不吃辣的話，也可試試蕃茄湯米線，就這樣吧！招牌小鍋米線$46,份量超大碗，湯底真的很好味，選了小麻辣，味道很易入口，不會太辣，卻有很正宗的麻辣味道，帶麻香也夠咸味，但湯底很清，不是滿碗紅油的麻辣，真的可以連湯底都喝光！和著米線一起吃，米線煙韌有口感，浸在湯裏也沒有變軟，質感不錯，朋友都大讚！喜歡小鍋米線的配料超多，包括嫩滑的雞肉、酸辣肉碎、鮮菌、炸醬、腐皮、芽菜、秘製甜酸菜，還可自選一款餸，朋友選了菜肉水餃，另加雲南野菜$5。特別說說水餃，全部都是自家製的，新鮮而且餡料豐富，人手包得夠結實，裏面的豬肉很鮮甜多汁又有彈性，值得一試！雲南野菜很特別，原來是醃製過的乾身蔬菜，不是白灼蔬菜，味道很不錯啊！微微鹹香的野菜與米線食很夾呢！在

元朗有好多好西食，今次媽媽帶我嚟到呢間佢平時都食開嘅小鍋米線🍜 抵食又足料 ♪昆明米線 $45大大碗嘅米線好足料，入面有豬肉、豬潤、木耳、金菇、金華火腿等等，望見都豐富😛食落湯底濃郁，食完都唔會口渴(˶‾᷄ ⁻̫ ‾᷅˵)+$4有多份蓮藕片，好爽口，整體嚟講性價比高，可以一試👾昭通米線 $45配料有肥牛、芋絲、腐皮、鮮雲耳、香辣黃金豆等，最鍾意食係佢嘅香辣黃金豆，即係炸黃豆，好香脆❤️仲+$8有份南乳雞件，雞件炸得酥脆，南乳味十足😍ฺ👾味道：6/10🔙回頭率：6/10（10分最高）