少爺泰 (已結業)

食物質素叫左個set dinner蝦餅唔夠爽，有點死實，味道一般生菜包唔可以選擇辣度，肉質有點‘鞋’，冇乜味。炒飯都係冇乜味道炒菜唔錯 味道幾好串燒都幾好 沙嗲汁好食飲品正常服務態度幾好 好有禮貌環境乾淨

我專登黎渣車黎買外賣，以為佢好正。點知伙記態度極差，黑口黑面。佢出面只有一個堂食餐牌，咁咪揀野食囉。點知入到去才知外賣餐牌唔同，佢貼在我膝頭既位置，點睇呀。我地睇左好耐 唔記得d餸名，佢先拿個餐牌照出黎。我地一入黎就講係外賣。這一刻已火火地。大佬，外賣都係客，我俾足錢，又唔佔你地方食飯，嫌我阻住你？我老婆大住肚，佢叫我地唔好坐入面。周圍仲有好多吉枱。今時今日咁既態度，趕客咩。我估佢地平時對慣左外賣app既外賣員粗魯。我好後悔俾左錢，下次見倒咁既態度應該即閃。無下次。那個瘦的光頭佬。希望老闆唔知你趕客，長做長有。

本身很歡喜食泰國菜，見食評有咁多好評就專誠入沙田一試。晚上6點半左右到，唔洗等位。冬陰公湯太鹹，又唔夠辣，得個色.... 4個人一人一碗。海南雞另加油飯，雞嚡、味道正常唔突出；油飯又係得個色，落咗好多薑黃粉... 我地食剩好多....明爐魚叫做比較好，正常味道，湯汁酸了一點。雜菜煲正常味道。食完走果時其實仲有6成吉位，就知中伏。總結：大失所望，無下次。完全唔係食緊泰國菜，回家後勁口喝...唯一好處就是員工都算服務唔錯。

老公叫咗海南雞飯，配油飯，佢嘅醬汁特別開胃，佢嘅雞好滑。我就叫咗個咖喱豬扒飯，我錯咗重點，覺得條腸好好食。咖喱味有啲特別，甜甜地但係又唔係好似泰國果種咖喱味，豬扒煎得好林好香之前經過以為好貴，但係原來都幾經濟實惠，同埋幾大碟。我哋下次都會再嚟食午餐

🇹🇭最近多左係沙田搵食今次再行遠啲 去左少爺泰裝修比較新穎嘅泰式料理.海南雞飯🐓好豐富🥢最吸晴一定係泰式奶茶💀個杯好特別味道唔算話太甜 好大杯 加錢都值得飲🥢另外跟餐有冬蔭公湯 料得足🥢小食: 甘蔗蝦 生菜包 魚餅🥢海南雞唔會太肥 超級滑 再配上2款雞醬個雞油好香好好味 強烈要求添飯xd.青咖哩雞🥠加錢將飯轉薄餅個餅煎得香脆 同時又好煙韌 幾出色雞肉好多塊 又大又滑 良心之作不過青咖哩有啲辣 怕辣就叫返黃咖哩啦

呢間餐廳都幾得意！呢間泰國餐廳Menu教食客某啲「廣東話意思」嘅「泰國讀音」，例如有餐廳服務員、謝謝、你好等等既泰文讀音，店員都好歡迎食客主動嘗試去講，同佢地溝通。/今日同男朋友兩個去食，由於大家都好肚餓，所以嗌左甜甜既芒果莎冰，爽口開胃既青木瓜沙律，酸酸甜甜既冬陰公，同埋香口既泰國拼盤，都係煎炸既食物為主，有春卷，蝦餅，煎魚餅！最後嗌多個鑊氣十足既炒貴叼。所有餸菜都好滿意。/餐廳既店員好親切，上菜落單速度都好快，亦唔會趕客，仲好歡迎食客隨時加單！唯一既不足之處係地理位置離沙田站比較遠，行到身水身汗至去到。

LUNCH 黎到呢到食, 呢到上菜都幾快, 我就係叫左個豬頸肉炒飯, 個辣汁都唔錯, 豬頸肉都多既, 正正常常啦, 食完都幾飽下架都, 價錢方面就略貴左D, 不過味道都OK既!

本身是餐廳附近的居民，自餐廳開門食到宜家。當初餐廳一開始營業時候，海南雞飯配嘅兩個醬汁真係好好食。但係我每個星期來食，慢慢發現佢質素下滑得很快，海南雞飯啲雞好霉。我本身好鍾意食冬陰公湯河，見呢間泰國野多選擇，就不如試吓最基本嘅冬陰公湯。不過佢哋連最基本嘅冬陰公都煮得唔好食，就覺得有冇心做，係呃唔到人。今日，我中午去咗餐廳叫了一個豬頸肉冬陰公湯河，等左十幾20分鐘隔離其他比我遲入來的客人都已經識得又有嘢飲，我張枱完全一樣嘢都冇來過，都我吹嗰位高高瘦瘦嘅應該係鋪頭經理嘅男人，好似愛理不理咁，吹第二次先幫我入廚房文。跟住來到我碗湯河，冬陰公湯係好稀嘅，個豬頸肉更加見到都唔想食，好似生生地，為主豬頸肉嗰邊又有啲綠色野，我相信應該係調味料，但係佢冇將個食物煮好先拎俾我，真係見到都唔想食。住附近都係咁話，我唔會再來幫襯。

十分十分好吃！誠意推介燒菠蘿！薄餅也軟硬適中！侍應服务優質！會同不同的客人談話關心佢哋對食物嘅選擇，亦都記得客人喜好和特徵，佢哋嘅喜好，不停地細心加水，當發現客人不飲凍水，即更換上暖水，同埋更換桌上用具，環境清潔衛生！我見隔枱有人叫他們招牌的菠籮虎蝦炒飯，個樣堅靚，但我们冇叫，下次會試吓。食到抱着肚子走個都係$550 ，價錢合理！唯一不便的是必须给现金，要記得㩒定錢先至好去，同埋店外好多人食煙等位，有陣時會有啲煙味入嚟。

叫左個生蝦、金邊粉、咖哩軟殼蟹、冬陰公湯。全部都不合口味。生蝦新鮮但汁不正宗，味道淡。 湯完全不泰味，不夠熱及酸。金邊粉似中式炒粉。軟殼蟹咸、咖哩又唔落蛋唔夠椰味。 咁既價錢實在失望😞至於串燒拼盤，牛、雞及豬頸肉都算唔錯，但汁算正宗。之前係咁問有無泰式豬手叫，店員只係好hard well 咁推介個炸豬手，並唔係我地想叫既泰式豬手（似卤水的），點知我地之後終於搵到menu有個泰式豬手飯。至於服務方面，店員是算有禮，仲常加水，唯一唔好就比較hard sell啲貴既餸唔太了解客人的需要（如上豬手事件）。如果再吃泰菜，我不會再黎呢間，台終味道正宗亦是很重要。

之前放假就去左接女朋友放工，之後發現左一間新開既泰國野就決定試一試佢。入到去裝潢幾好，夠光猛而且企理。座位之間既空間都好足夠，唔會太逼。最特別係佢個餐牌會教埋你泰文。野食我地就叫左一個椰汁雞湯，咖哩雞，半隻海南雞，軟殼蟹卷同西瓜冰。個湯飲落好滑好奶，夠哂濃味，而且好足料。咖哩雞就唔太辣且有陣陣既椰奶味，好好食。海南雞就最好食，好嫩滑，再配上醬汁簡直一流。最正就係西瓜冰，原個西瓜上，粒粒果肉就哂正。軟殼蟹卷即叫即製，熱辣辣夠脆口整體而言，依到環境好，夠光猛又乾淨企理。食物水準算好，而且份量好夠。侍應服務態度好好，有野唔明都有耐心解釋。

上一次黎食左個牛排咖喱飯覺得唔錯(有相)，個咖喱好椰香好正，餐牌仲教泰文，好有趣。仲發覺原來大餐牌啲餐仲吸引過午餐。所以好心急格左兩日又同同事黎試，今次個套餐好豐富，加埋野飲每人80蚊左右，有冬陰功湯，大大杯奶茶，淨係呢兩樣野已飽左，青木瓜沙律(好味)，蝦醬炒飯(好好味)，串燒(超好味，大舊，肉嫰又香)，點串燒啲醬都好好味。我地食左1/3就打包左返去下午茶，香到其他同事都走黎要試，叮完乾晒都仲係咁好食。

一入到去本身諗住食我最愛嘅生菜包不過午市冇做山菜包要等夜晚🥺所以最後選擇左海南雞飯，醬汁不錯可以更加濃味！而且還有很多款不同特別的食品少數泰國餐廳有！我覺得呢間泰菜比較泰式加西式化因為有比較多芝士焗飯類型！🧐雖然我很喜歡芝士但最後都係試咗比較道地泰式的菜🙈我叫咗蘑菇芝士釀雞翼口味創新可以一試還有泰式奶茶用咗透明嘅俘虜骨杯 都幾好飲😝啱晒影相po上網🤪

平時經過見到舖面裝飾好吸引 再見咁多好評就試下星期六晚等位15-20分鐘左右上菜速度都好快推介既菠蘿炒飯加虎蝦真心好食D虎蝦炸到好香脆 肉質爽口 不過d菠蘿唔係每塊都甜另外叫左咖哩軟殼蟹就無驚喜加錢既薄餅就好好食 外脆內軟芝士蝦波波都一般炸得比較硬身 同埋味道淡口想飲d fresh野 叫左一杯沙冰 唔知咩泰xx公主有草莓 菠蘿 仲有樣唔記得飲落好酸 好健康價錢都唔算好貴同其他泰菜差唔多侍應服務好好 主動倒水換碟收野抵讚👍🏻

在寧靜的沙田圍竟然有這樣出色的泰國菜！餐廳不大，去之前記得訂檯，小弟星期五晚7點左右去都要等了30-40分鐘。最好食的都是咖喱軟殼蟹比起傳統咖喱蟹方便得多，不用除殼都可以吃到炸到脆脆的蟹肉。當然軟殼蟹的肉比較小，但啖啖肉的快感沒得定。咖喱配薄餅非常惹味，濃度適中，非常值得一試。芒果飲品亦非常突出。沙冰為主，裡面亦有芒果pudding ,加上蜜糖星星脆脆同cream, 口感多層次，同時亦有新鮮芒果香味。💯