少爺泰 (已結業)

新正頭朋友相聚，大家諗起食泰國菜，朋友介紹呢度有特色泰國菜，原來過年期間午餐有特別 lunch set，不錯呢，有小食，也可揀特飲。青咖哩吉列豬扒飯，青咖哩汁好香夠辣，大大塊吉列豬扒新鮮脆卜卜炸起好香口。肉醬煎雞扒飯，個肉醬好受小朋友歡迎，雞扒嫩滑。泰式乾炒雞柳河，師傅炒得好有水準，食到一半，依然熱辣辣，不會太肥膩。泰式椒鹽豬扒飯， 豬扒份量勁多，好淋且入味，椒鹽味道非常可口。冬陰功雞絲魚蛋湯河，冬陰公湯底夠味唔會太辣，魚蛋彈牙爽口，另配小食：魚餅、春卷及雞卷。多叫一個蒜蓉炒雜菜，炒得好香。餐飲可以揀飲菊花蜜、柚子蜜、薑蜜，凍熱也可。

下午落樓下食tea,叫左椒鹽豬扒飯，味道都ok,豬扒都幾入味，白飯軟硬適中。凍奶茶奶底ok,雖然冰多，都吳會太淡味。個人喜歡食切好既豬扒，吳使花時間處理，比較大圍茶記，都可以接受。雖然吳係打正旗號做碟頭飯，但廚房有心機煮，係食客福音。

星期五放工約左一班同事去河畔食泰菜，原來新開業不久，店舖都很多坐位，不用等。我地叫左好多地道泰菜，先來泰式柚子沙律，酸酸甜甜好请新開胃，泰式拼盤，煎得好香脆，芒果蟹肉炒飯，芒果好肉又甜！馬拉盞粉丝煲，味道一般，再來鹹魚炒芥蘭，朋友叫左幾杯飲品，士多啤梨沙冰，外表吸引，青I檸梳打，好清甜解喝。我叫左杯粉紅小象，較甜些！飯後少不了甜品，叫左香芒糯米飯，細細粒，好食！今晚食得好飽，不錯的泰菜。

少爺泰點解會去食：2018-12-22 今日約咗一大班中同，慶祝聖誕節，玩下交換禮物，仲book咗呢間餐廳俾咗個卡位我哋，增添左我哋嘅舒適度同埋享受餐廳嘅裝修！食物新鮮程度：⭐⭐⭐⭐椰青焗海鮮飯：呢個椰青飯一上枱，我哋成班人嘩左出嚟，嗰啲椰青掛汁，好似爆漿咁流出嚟，未計味道，淨係個賣相都贏咗90分，不過講真入面啲調味淡咁啲，調唔起海鮮嘅鮮味！青咖喱雞：呢個青咖喱汁味道我覺得值80分，味道都算香濃，啲雞就一食就知係雪藏雞囉，仲有少少偏稀！炸豬手：呢隻豬手真係好大隻，外皮炸得夠脆，豬手嘅肉又唔會太老，最正係佢條骨，我班friend唔識，真係唔識貨，我就攞咗佢慢慢將佢痴係骨上面嘅肉同筋切出嚟食。食物合適溫度：⭐⭐⭐⭐️芝士軟心炸蝦餅：我差啲俾佢辣到我個咀腫左！d 芝士夠晒溶啦！食物驚喜程度：⭐⭐⭐⭐️原隻菠蘿海鮮炒飯：原隻菠蘿本身就冇咩特別但係佢啲海鮮擺到出隻碟度，果下誇張，你望吓隻蝦先啦，勁大隻—————————————————服務員態度：⭐⭐⭐️⭐️呢間餐廳，人流咁多，但係服務依然保持有禮貌同埋迅速。—————————————————最重要系。。。我會唔會再去？重遊指數：⭐⭐⭐⭐

今日天氣寒冷，好想食辣嘢，沙田特色泰國菜，一定諗起佢。今次見到有新餐牌，有個套餐可以選擇。早啲嚟到附近都可以排到錶位，星期日晚上六點餐廳開始多人。既然想食辣嘢，我哋選擇咗冬陰功蝦湯粉、青咖哩帶子意粉及泰式辣椒膏蝦炒飯。先來冬陰功蝦湯粉(金邊粉/河粉)，濃濃的冬陰功湯底，配料非常豐富，十分惹味，熱辣辣，又香又辣，很適合寒冷天氣。然後是青咖哩帶子意粉，賣相很吸引，帶子煎香剛剛好，肉質鮮美爽口彈牙，青咖哩味道正合阿女心意。老公最鍾意食這個辣椒膏蝦炒飯，唔會太辣，炒得非常香，蝦新鮮爽口，加咗豆角粒，爽脆。

平日晚餐，諗唔到食咩天氣少少涼食有湯類做晚餐，是不錯選擇點左個藥材肉骨茶 配 雞油飯❤️肉骨茶湯非常濃！！但有少少咸藥材味足！！排骨肉有三大條 排骨吃起來不難咬 ，容易食！！最貼心既係，會有個爐一齊上！！會keep住熱 ，飲起來好舒服再加一份串燒雙拼牛肉串同一口牛 （其實分別係咩，食完都唔知）串燒味道不過不色，普通水平再點左份 醬油肉碎酥餅也是不錯。飽肚二人食這份量 ，有點過飽無太記住每個價錢一餐大概$400左右少爺18 比較適合多人來食既餐廳小菜份量都比較大 ，人多可以分著吃多叫幾款

今日約左老表食飯，又好彩早收到，所以可以就佢放工喺沙田食。聽佢介紹黎左河畔附近既呢間少爺泰食泰國野。呢區少啲連鎖食肆，我覺得仲好，起碼唔駛成日食standard野，多一點小區人情味。好似一入黎呢間餐廳咁，啲店員好熱情，就算係我咁既生客都好似當我老朋友咁、又會好貼心介紹我食咩。店員話呢排涼涼地而熱燥，最好叫啲湯，尤其係試下佢地個青胡椒花甲煲。一於就咁話。先黎左特濃冬蔭功配虎蝦 - 好香同埋好多料！兩隻虎蝦好巨又好彈牙，而且湯底都好香，酸同辣度剛剛好👍🏼老表話最鍾意呢度個湯夠多菇，所以更加香。勁炒肉碎生菜包 - 呢個真係超大份，啲肉一啲都唔碎，係超大肉🤣而且佢炒得好香，落左啲香料但又唔會太濃太重味，就咁食又得，當然夾個生菜就會更清新。但碗肉碎真係太多，食哂啲菜都仲有大半碗肉。老表話打包再返去炒飯😂泰式什菜野菇炒金邊粉 - 老表係菇精，所以揀叫金邊粉都野菇，所以黎到好多菜，我覺得個粉既味有啲太甜，可能以菜為主。不過佢既賣相同份量都好吸引，加返啲分。青胡椒花甲煲 - 我最期待既餸黎啦，果然好香好重椒味，同啲海鮮好夾！呢個煲又煲好多菇😂變左全菇宴👏🏼啲花甲雖然唔係話好大，但夠哂鮮味仲要索哂啲胡椒

估唔到沙田圍都有泰菜，咁唔駛特登出九龍城嚕。鋪頭乾淨企理。叫左好多餸，食唔晒。士多啤梨沙冰新鮮柚子冰茶馬來陳年老桔-岩晒咳唔停既媽子泰薑茶泰式柚子沙律-都少辣，有譚仔既10小左右泰式煎肉餅-幾新鮮，食落似自家製。泰式鐵板煎蠔仔蛋-唔會太多油，健康!鹹魚芥蘭炒豬頸肉-芥蘭仲要淨係菜軟，好有心機整。馬拉盞粉絲炒雜菜煲-入味，岩送飯馬拉盞雞肉炒粉絲泰式拼盤香芒蟹肉炒飯-半個芒果上碟，好好味!芒果糯米飯-芒果好甜!食飽飽!

之前喺網站到見過這間，少爺泰都一直想試。今日我朋友生日，就試試這間泰國菜。我同朋友都一致決定，要試試這間的招牌菜。我哋今次嘅目標就係要試吓招牌菠蘿炒飯配大頭蝦先來了椰青先，我多數去泰國餐廳必叫的。生蝦的造型滿有驚喜特色，我覺得幾特別，而且味道不錯🦐幾新鮮，再點埋啲醬汁。前菜食這個不錯啊👌🏻😄串燒同豬頸肉，也不錯👍🏻但如果豬頸肉再煮耐少少口感會仲更加好。我喜歡食皮是香脆，中間啲白肉係軟身的我真心喜歡這裏，😘因為我覺得食物除了好食之外仲要花心機，這裹我見到的是心思丶同創意，很漂亮。如果只有咖喱的話沒有特別吾會突出，我比較欣賞個煎餅，配上咖喱味道很好吃😋重點來啦！哈哈我地期待的食物到了✌🏻✌🏻✌🏻😬其實都幾巨型😂😂😂影相打卡一流😏😏😏佢裏邊材料真的好豐富，飯好香，我欣賞個菠蘿串，佢哋係燒過而且佢哋有特別嘅粉可以俾食菠蘿有另一翻風味蝦都幾大隻的，也不錯整體不錯👍🏻👍🏻👍🏻

比較少黎沙田圍, 今次過開黎, 見到間裝修幾舒適既泰國菜餐廳, 一行人二話不說就坐左入去。好肚餓, 所以一黎就叫左不少食物!先到既係泰式拼盤!魚餅沾上甜酸醬, 爽口彈牙!泰式柚子沙律~泰式沙律一向有獨特風味, 微辣既青木瓜絲伴酸甜柚子! 好開胃!泰式鐵板煎蠔仔蛋~煎蠔仔蛋係不少人至愛!厚厚既炒蛋加上蠔仔啖啖肉, 夫復可求!馬拉盞炒粉絲雜菜煲~粉絲底吸盡精華, 而且有個煲熱辣辣!冬天幾岩key。今日天氣轉冷之下, 同行叫左杯馬來陳年老桔, fit 晒。接住到既係home made煎肉餅, 肉餅煎得剛好, 兩邊金黃色!每人一塊過一過口引!芒果蟹肉炒飯~蟹肉芒果一清一濃非常配撘, 難得芒果唔係時令季節會咁甜!鹹魚芥蘭炒豬頸肉!泰式炒菜, 芥蘭係特別好食!本人(大朋友)一向不太好芥蘭, 不過今日既炒菜, 爽甜, 超好食。最後 當然要叫個經典甜品, 香芒糯米飯!芒果肉厚而汁多, 一人一口岩岩好!有機會經過再黎!

今早一早醒來，老公說想食早餐。剛好樓下有間今年新開的食店，一直都無試過，今次有機會了。餐廳是今年新開的，內裡裝修及環境都很乾淨清潔，空間都算大，走廊比較寬闊，坐得非常舒適。打開餐牌，早餐總類都有很多，有港式，西式及泰式。我們當然選港式，我點了一個沙爹牛肉配米粉跟餐肉腸仔，熱阿華田，老公就選了餐肉炒蛋厚切三文治另追加佢鮑魚火腿通粉及熱咖啡。老公早餐先上，一見到就覺得很豐富。這份三文治真的很厚，通粉又大碗。我這份早餐都不可輕視，腸仔及餐肉煎得很香口，牛角酥雖小，但真的又熱又脆，好好食呀。沙爹牛肉米粉份量很多，很大碗，另外這裡米粉很幼細，我很喜歡吃幼細的米粉，牛肉大大塊，有好幾塊，一點都不韌，不錯。而飲品就普通吧，跟其他食店分別不大。價錢不是特別貴，都是三十多蚊的早餐，但質素都很好。食完整個早餐真的是非常飽，有滿足感，會有下次的。

好耐冇食過泰國菜喇 所以今日就同女朋友去咗一間好有特色嘅泰菜試吓👍🏻 望個餐牌已經流晒口水 忍唔到手嗌咗好多野食😂香芒炸蝦黃金米紙卷 入面有好多材料 紅蘿蔔絲 生菜 芒果 同炸蝦 食落口好有層次 而且好清新🌱食親泰國野我都必叫呢個泰式炸蝦餅嘅🤤 呢間嘅蝦餅好大塊 切落去仲好脆添🎇 而且有兩款醬汁俾我地點嚟食鹹魚芥蘭炒豬頸肉 豬頸肉好大塊 咬落口唔會太油膩 鹹魚味幾香 配埋芥蘭鹹鹹香香都幾惹味😼傳統咖哩軟殼蟹配薄餅 最推介呢碟 咖哩椰汁味幾重 又唔算好辣 配埋香脆嘅薄餅真係好夾😛 軟殼蟹都幾大隻 點落咖哩度別有一番風味香芒蟹肉炒飯 呢個炒飯酸酸甜甜幾特別 有啲似甜品芒果糯米飯嘅風味 有椰汁嘅香味 而且有好多蟹肉🦀 口感都幾豐富馬來陳年老桔同埋名泰薑茶 特登嗌熱飲 啱晒而家秋涼天氣 可以暖下胃🙊呢一餐真係好豐富 食到捧住個肚走 下次再嚟就唔會咁貪心嗌咁多喇!!

在河畔揾食，想試新野，見到不少網民推薦呢間食店，所以即管一試。店舖size幾大，座位闊落。叫左個沙律，因為想清淡啲，所以揀左以生果為主的泰菠雞鮮果沙律。真係好清新、好超多生果、造型有趣，有勁多菠蘿，唔酸，唔太甜，用黎開胃，啱啱好。跟住叫左個串燒拼盤，雞豬牛，樣樣齊，一次過滿足所有願望，豬肉最多肉汁，豬頸肉又夠肥，其他肉都好味，只係豬肉最特出，有兩款醬汁，與不同肉配搭食，令肉質、肉味有提升，有心思。主菜係招牌西隆路邊炸雞，超多咖喱汁，放在麵包內，令麵包充滿醬汁，超好味，旁邊還有頂層的麵包，烤得好脆，再點咖喱汁，好味到不得了，汁好多，所以可以點麵包，亦夠叫個白飯配埋一齊食；炸雞新鮮，好香脆。最後，叫了鮮蝦金邊粉，酸味味，好醒胃，大蝦爽口，想食辣的，旁邊還有辣椒籽，可以滿足不同人的要求。真真正正到最後，叫了點飲品，全部都係沙冰類，感覺好清涼，有荔枝加柑藍味；新鮮柚子沙冰；迷紅小象(菠蘿、蘋果、香蕉)；吉帝雅帕(草莓、蘋果、青檸)，每款都充滿鮮果味，唔會好甜，感覺好清新。另外，不少食物都配有沙律菜，所以看似有叫菜，但一樣有菜落肚用餐期間，見侍應同其他食客幾熟絡，食物應該有一定級數，先可留住客人

上星期過去沙田圍做嘢，約咗朋友係附近揾食。 見到有間叫少爺泰嘅泰國菜，門口有本厚厚嘅餐牌，打開望望，食物好吸引，價錢合理。見到入面已經有好多客人，相信水準有翻咁上下。於是我哋就入去試一試。餐廳以仿雲石牆、雲石檯作裝潢。 顏色柔和協調，檯櫈排列整齊，感覺華麗舒適。聽侍應講個餐牌剛剛更新咗，選擇亦多咗。Combo小食拼盆(小)拼盆係泰特色之一 ，由墨魚、雞卷、蔗蝦同春卷組成嘅拼盤全部新鮮炸起，熱辣辣好好味，完全冇油膩。最愛泰式春卷，除左餡料同中式嘅春卷好唔同外，網狀嘅外皮炸後仍然保持白色，非常之香脆。甜酸醬同酸辣醬令到拼盤味道更加提升。蒜蓉蝦頭油燒貴妃蚌貴妃蚌肉厚但吾韌，蝦頭油令貴妃蚌更鮮甜，加上炸過嘅蒜蓉香味，比較清蒸法，燒出特別吸引嘅味道。連伴碟嘅蔬菜都好新鮮喎！雞柳泰式濕炒河河粉係朋友喜歡嘅大片薄河粉，用咗濕炒，河粉口感更滑又少咗油膩膩。配料有甘筍同粟米仔好新鮮，而芥蘭就嫩綠爽脆。雞肉料足，整體好豐富好好味！鹹魚芥蘭炒豬頸肉而家芥蘭最好食，我哋又揀咗個用芥蘭炒豬頸肉。喜歡芥蘭嘅嫩綠爽脆外，豬頸肉肉質稔，燒烤到好似叉燒，再加上鹹魚同蒜蓉，更突出成碟菜味道。多D乳酪/多D/多D莓(左)個

幾個朋友都分別介紹過這間店，所以一於去試試。侍應好細心，我地原先要揀較辣的沙律，但因為有小朋友，於是介紹我地食泰菠雞鮮果沙律，成個沙律有好多生果，不同款式的，只係雞有少少辣，大人細路都啱食。跟住叫左個串燒拼盤，叫了雞、豬、牛同豬頸肉，豬頸肉同豬，尤其好味，豬串食落會有肉汁流出，好juicy 主菜方面，叫左招牌既西隆路邊炸雞，啲雞新鮮炸起，脆卜卜，多肉既雞部位，一樣有肉汁流出，yummy 😋😋，配上大量咖哩汁點麵包食，麵包皮脆，配上咖哩汁，令人食到唔停得口。食完仲有好多咖哩汁，於是叫多個薄餅點汁食，試左第一口，絕對冇揀錯，好薄、好脆，冇黏答答的感覺。另外叫左個豬頸肉炒芥蘭，芥蘭冇澀味，好清爽，豬頸肉肥美。又叫左鮮蝦炒金邊粉，有新鮮大蝦同細蝦，各有不同口感，但都好爽口。金邊粉酸味味，一啲都唔覺得膩，又好貼心將辣粉放一邊，細路都食到食咁多野，緊係要配飲品，叫左3款飲品😅驅魔師沙冰，有濃烈的荔枝，好味；新鮮柚子配有果肉，淡淡的柚子味，好清新；粉紅小象則有士多啤梨味。整體來講，食物好味，侍應細心。