少爺泰 (已結業)

今日去探個friend，見到呢間泰國菜幾多人食，決定入去食，睇menu 啲菜式都好有新意首先叫咗個馬拉盞炒芥蘭，本身有啲擔心芥蘭會唔會苦，但最後岀黎個味道好正，啲馬拉盞好入味同埋完全食唔到個苦味。我最鍾意呢個菜。🤤之後就叫咗泰公主，其實係一杯士多啤梨沙冰，飲落去唔係好甜，飲落都幾出士多啤梨味。泰式蝦餅，個蝦餅好足料，好多蝦肉同埋配泰式辣醬一流，仲係即叫即炸，夠新鮮。蝦🦐🦐🦐香芒炒蟹肉飯，本身以為啲芒果會酸酸地，但最後食落去係好甜，同埋蟹肉配芒果個味估唔到咁夾，但啲蟹肉飯清清地，唔油。幾fresh。鍾意食芒果所以都叫咗個香芒炸蝦黃金紙卷，啲炸蝦都係即叫即炸，呢個配搭都幾有新意，芒果都幾甜。又係🦐同mango 🤤最後就係西隆路邊炸雞，呢個係見到menu 個圖好吸引同埋隔離枱食緊，睇落好正👀就叫左，啲炸雞點落去咖喱好好味，啲炸雞多肉唔多炸粉，嗰咖哩一定要配雞或者包食好夾。唔夠喉其實仲有可以加個飯撈咖哩食都得！

小妹今日放工又出去搵食啦~今次食返屋企附近既餐廳 - 少爺泰門面簡單搶眼，大大隻既"少爺泰"既字眼令你遠一遠都望到呀咪睇餐牌好似普普通通咁，原來內有乾坤!!!!登登~就係教你講泰文，哈哈~好搞笑，我同朋友2個起碼玩左10分鐘先捨得點菜入正題啦~特濃冬蔭公海鮮湯$108: 足料到你唔相信，有原隻大蝦、帶子同大蜆，仲有一D菇類，海鮮非常新鮮，同冬蔭公既味道非常匹配，飲完一啖接一啖你睇下，D蜆大大粒!!係咪好足料呢?樣樣海鮮都有一點，好滿足呀泰式炸蝦餅$68: 聽侍應講係自家製，咁又點可以錯過呢? 果然惹味夠彈牙，蝦味十足，有水準之作，仲有2隻唔係風味既甜酸醬，夾埋一齊食更皮薄餡靚香芒蟹肉炒飯$98: 咪睇佢好似平平無奇，竟然出奇好味，而最加分位就係果塊芒果，超級香甜~配合炒飯食別有一番風味鹹魚芥蘭炒豬頸肉$88:健康寶寶點可以無菜呢?所以點了這個鹹魚芥蘭炒豬頸肉，豬頸肉薄切又大塊，香口得黎仲有少少炭燒味，十分推介多D乳酪多D莓, 芭提雅女郎$52: 同朋友一齊叫左2杯飲品，見佢地個名咁特別，就揀佢地啦~多D乳酪多D莓~果然係多D多D，因為乳酪勁足，仲有鋪滿了藍莓，酸酸甜甜，好開胃。 芭提雅

河畔呢邊最近開左好多間新野食 今次就試下我最愛嘅泰國菜😍首先係個柚子沙律 食落好開胃 有唔少柚子同埋有腰果 菜都好fresh之後叫左個芒果蟹肉炒飯 食落就淡啲 但加埋芒果肉食就岩岩好 清清地 感覺幾健康🤣再黎就係個馬拉盞炒芥蘭 平時唔太特別食芥蘭 但今次個啲又ok 唔會太硬 又好惹味👍🏻炸蝦餅都係我最愛 份量多 又炸得香夠熱 好味！！！仲有個香芒蝦粉卷 好多菜包住唔會驚油膩 個炸蝦都仲好脆 唔錯今次仲試左個新野 西隆路邊雞 個名好搞笑😂 啲雞炸得岩岩好 啲肉仲好嫩滑 加埋啲咖哩汁 正！👅 最後都有食埋裝咖哩個包 都好脆嘅 唔會太咸 岩岩好叫左三杯野飲 襯仲係天氣熱 飲埋啲冰凍野 柚子沙冰 好fresh 好鐘意 有啲似柚子蜜嘅味 好清新 食完咁多炸野飲佢就岩岩好 去埋啲油膩感🤣 士多啤梨沙冰 紅卜卜 荔枝藍柑沙冰就好重荔枝味 都可以一試

昨天再經過令人回味位於沙田的泰菜店，並看見晚飯時間超多人在等位。因此今天约埋媽咪一起在此晚飯，而我亦已預早在whatsapp訂位，所以很快便可入座！首先點了個菠蘿炒飯、泰式咸魚炒通菜及泰式牛肉串燒等。而媽咪則叫了杯香芧特飲，清新點較適合我媽的口胃。至於我就叫了杯脆爆芒果乳酪麻糬，因貪其做型賣相特別，而且叫法也較誇張，叫椰青又太(巷)了一點！飲品先到，香芧特飲用一會發光兼轉色的杯塾一起端上，賣相較特別，令平淡的飲品添加了視覺特色。不錯，我試飲了一啖，頗清爽潤喉，最適宜於盛夏天時飲下清涼消暑。脆爆芒果園…… 呢杯飲品非常吸睛。份量十足， 底層亦有香滑芒果布甸等，而整杯芒果乳酪沙冰入口creamy 。爆谷的脆， 麻薯QQ煙韌。一杯飲品多種味覺 ，充滿層次 ！隨後，牛肉串燒到，配以類似沙爹燒汁等，燒得香味唔錯。因為柯打要4串起，便叫了4串。一口咬落，味道偏咸。4串共$72。至於咸魚炒通菜，配合咸魚好惹味！跟在泰國當地食到的通菜不一樣之處，乃是選用本地通菜吧！但反而這正合我意。我一向略嫌泰國通菜偏硬，如今用本地的，反而較合我胃口！值得一提：餐牌尾頁，還教你講泰文，原來糯米飯，泰文叫媾尿，好好笑！

如果一個初生嬰兒要改名， 通常都要慢慢諗，要有好意頭要有意思。 作為大人想改一個新名，換一換運程，也需要大費周章到入境處改名及宣誓並取新的身份證，而且身份證亦顯示過你曾改名這個動作，人們都是為了未來帶來好運或有新的機遇。 沙田前嗰排開咗間叫做（少爺泰）， 既然叫得自己做少爺肯定係服侍上流社會嘅人， 所以食物應該有番咁上下質素 ，而且裝修環境應該有泰國皇室宮廷室的氣派。 當然最希望都係食客係呢度能夠好似做少爺咁享受。海南雞顏色亮黃， 海南雞出名肉質夠嫩滑，沾上不同醬汁食更惹味。大蝦炒金邊粉，炒金邊粉最緊要，炒得乾爽 將特製燒汁輕輕滲透到每一條金邊粉，撈埋啲花生素同埋乾辣椒碎一齊食，味道更配合 ，提升層次質素。芒果雪糕沙冰，呢個絕對係港式甜品 ，香港人最愛嘅嘢當然要喺食泰國菜時都唔可以放過啦。

我同老公鍾意食泰國菜，見到呢間裝修好靚好骨子嘅餐廳一直都想去試，今晚終於有時間啦。一定要讚嘅就係個環境，啲座位都好闊落坐得好辛苦，樓底都好高，空間感唔錯，因為九龍城好多泰國餐廳啲位都好逼。另外要讚嘅係waiters 好好服務，係水即時有人加，吉碟好快有人收拾。笑容滿面👍🏻 忌廉芝士蘑菇雞翼拼泰皇單骨雞翼大大份，熱辣辣，鐘意雞翼既朋友唔好錯過😆燒豬頸肉沙律意料之外既好食，好開胃，個汁好正👍🏻不過芹菜，唔食既朋友要注意⚠️牛柳粒拌紅飯啲飯好特別，連埋牛柳粒，酸酸甜甜，好岩食😄西隆路邊炸雞個咖喱好好味我哋最後連個包都食晒，炸雞味道都唔錯,juicy不過我覺得可以味道再重啲😁馬拉盞炒通菜好味好味好味！啲菜唔會太硬又唔會太淋，岩岩好！驅魔師冰沙+新鮮柚子冰沙個杯好好特別，食泰國菜飲冰沙一流👍🏻

相約好友來到沙田花園城［少爺泰］吃午飯，我在馬鐵沙田圍站下了車，過馬路走入行人隧道，出了隧道就看見［少爺泰］在不達的位置，十分方便，這裏環境靜中帶旺，與一河之隔的新城市廣場明確予人舒服得多，而且價錢適中。我選擇的午飯：清邁黃咖喱厚切1.5cm牛舌飯和餐飲青檸梳打。四大件厚切1.5cm的牛舌，果然冇花假，肉質柔軟中有咀嚼口感，味道帶少許甜和辣的黃咖喱，十分美味，淘入熱騰騰白飯來吃，吃得大滿足。朋友揀秘製豬髀飯配餐飲頂癮勾魂泰茶和泰式炒什菜。我試吃一件秘製豬髀，腍滑無比，除了豬髀肉還有鹵水蛋。兩款午飯都有適量配菜，不過，朋友很喜歡吃蔬菜，我不介意點選多一碟泰式炒什菜，很香、惹味的泰式炒什菜，只是略嫌油份多少少。頂癮勾魂泰茶餐牌有這裏的介紹：頂癮勾魂泰茶&青檸梳打免加一小費，兩位共$194，吃得飽飽，人均消費$97。

食泰國嘢最傳統最普遍嘅就係生菜包，我自己覺得生菜包比較普通所以好少係出面食🤪因為都係嗰啲味道😜但係今次就想試吓。眼見周圍有兩三台客人都有叫呀，應該都算係泰國嘅招牌菜，可能香港人都鍾意食掛。呢度啲肉都幾大兜，味道帶酸，同埋都比較濃味，略嫌肥肉多左少少。之後就係軟殼蟹米紙卷，呢度加咗近排好興嘅鹹蛋黃元素入去😍作為頭盤呢個都幾清新，而正常d米紙其他餐廳會喺爽身，但係佢呢度就係幾有咬口嘅米紙，咁啱啱哂我心意。嘩呢度幾創新，仲出咗芝士咖喱包配炸雞🍗。自己本身都好鍾意食芝士呢d嘅嘢，估唔到呢間鋪頭有。份量好大好足料不過個炸雞就好似可以唔使炸咁耐。個包好香牛油味，不過個咖哩味就唔係好出，覺得似椰子或者雞皇仲多啲。嘢飲嗰度就試左出名嘅泰式奶茶，泰國嘅口味係比較甜嘅，所以飲呢個奶茶大家都要注意⚠️佢上面仲加左一啲奶油，飲落去更加香滑。最後仲試埋迷紅小象🐘，個沙冰都打得幾幼身，上邊仲有菠蘿食😃材料新鮮。都差唔多來晒啲嘢食，最後店員仲上埋個薄餅，估吾到切開都幾多，啱晒幾個人分，薄餅好香好味。香港人好鍾意食泰國嘢，而香港的泰國餐廳都會因應香港人嘅口味作返調整，所以鹹魚青菜各有所好啦。😝

前幾日與朋友嚟試完，感覺唔錯，相隔三日，帶老媽及女兒再嚟，Encore金沙咸蛋黃軟殼蟹米紙卷(味道很清新，但冇乜咸蛋黃味)及試其他食品，今次叫了泰皇單骨雞翼(即香茅雞翼，味道係ok的，但有比較了，早知就叫番上次果個忌廉芝士磨菇拚泰皇單骨雞翼囉！食多款味嘛！)，青木瓜mix青芒果沙律(味道都唔差，還可以的。)黃咖哩雞配法飽(以為之前的青咖哩較稀，夠香，但味道唔夠濃，原來呢個情況都一樣😭，但法飽，即蒜蓉飽，一樣咁好味，心理平衡番少少了😂。) 招牌菠蘿炒飯配大頭蝦(上次叫椰青溶岩焗飯，瀨咗嘢。今次試呢個菠蘿炒飯，上檯時，賣相一樣咁震撼，但呢款味道好食好多了，沒失望。)鮮蝦炒金邊粉(賣相好靚，有個蛋網在上面，但味道唔得，少了炒金邊粉的酸甜味，九龍城隨便一間泰式食肆都能做得好，這兒的金邊粉味道有待加强)，飲品叫了咸檸七，粉紅小象(三款水果做的，好味)，荔枝沙冰(亞女話上次的柚子沙冰較好飲)。臨走前叫多份外賣比另一家人，埋單同上次一樣八百幾蚊。(後話:價錢可接受，至於食物味道，就睇您叫乜嘢了??落差可以好大的。但這兒服務不錯，有禮貌，又識主動換碟，坐得舒服。但以個人嚟講，因太短時間內，連食兩次，該

星期五晚放工梗係要獎勵下自己，同屋企人嚟到沙田食飯，見到少爺泰呢間餐廳門面好靚，而且環境乾淨，決定入去試下牆外嘅裝飾都好特別，畫風令人感到開心首先叫左個頭盤，係泰式海鮮粉絲沙律🥗，酸酸甜甜又帶點辣，咁樣好開胃，而且海鮮嘅材料好豐富，又有蝦、青口同埋魷魚仔，配上青檸汁同埋其他蔬菜，口味好突出主菜就揀咗鮮蝦炒金邊粉，口味一樣係酸酸甜甜，賣相好靚，材料又有蝦同豆腐乾，而且旁邊仲有些辣椒粉俾我地調味，份量亦算多，抵食我地仲點左個泰式炒雜菜，辣辣地好惹味，而且菜好新鮮，款式夠多，好健康飲品點左杯泰公主，其實係士多啤梨、蘋果同青檸配搭嘅沙冰，餐廳嘅飲品杯都係骷髏骨頭，夠特別，而飲品口味清新，夠解渴另外再揀左杯香茅特飲，味道清甜飲品仲有好多其他選擇餐廳職員好有禮貌，樂於介紹食物俾客人，而且裝修好靚，又夠乾淨，想係香港食泰國嘢可以嚟呢度試下

星期日，白天唔想同人迫，晚上同女兒出去搵食，在Openrice搵沙田及大圍地區食肆，看到這間少爺泰，泰菜我鐘意的，諗起有位老友住在花園城附近，即Call他落嚟一齊食，一行三位叫了七款食品及兩杯飲品。我們叫了溶岩椰青海鮮焗飯《有杯椰汁跟上的，上檯眼前一亮，但個人口味而已，椰漿太甜，撈在冇乜味既飯度，都係偏甜了》，泰式慢燒牛肉沙律《牛肉好嚡，但沙律好好味》，芝士流心波波《好彈口》，公車諗霸(生蝦)《普普通通，勝在有個汁搭夠》，金沙咸蛋軟殼蟹米紙卷《入口味道好清新，米紙皮夠薄，好味，有驚喜，下次再嚟都會再叫。》忌廉芝士磨菇雞翼《很惹味，好好味喔！》，最後見到隔離檯叫蒜蓉包，好像幾好樣的，我們便後加了個青咖哩雞配法包(即蒜蓉包)《雞好嫩滑，青咖哩汁好稀，蒜蓉包外脆內軟。》另我叫了香茅特飲《味道ok的，如果可以加埋班蘭就仲好味了》，亞女叫了鮮柚子沙冰《味道很清新，都唔錯》。三個人連加一，埋單$807，平均每位$269，唔貴，而大部份食品都唔錯，會再來試其他的

加息，樓價開始回落，打算換樓嘅我哋，都開始搵緊樓。經紀今日call 我哋，話沙田花園城有筍盤，所以今晚去了睇樓，睇了一個單位之後，又要等另一個單位的業主返才可以睇，所以先到了附近的泰國餐廳食個飯，醫下個肚先。餐廳非常寬敞，充滿泰式feel，非常舒服。拿起餐牌，見呢個炸雞好似好得，就叫了一份。然後，再叫了兩個特飲、一個沙律、一個金邊粉、一份生菜包，今餐應該很豐富。特飲分別係【多D乳酪/多D/多D莓$52】和【驅魔師沙冰$36】。兩隻杯的造型好邪惡，係骷髏頭，不過，佢載住啲飲品就幾好飲。紅色嗰杯係【多D乳酪/多D/多D莓】，草莓味豐富，乳酪杰杰地好似飲奶昔咁。而藍色嗰杯就係【驅魔師沙冰】，呢杯飲落薄荷味重啲，所以入口清涼，都幾爽。【青木瓜MIX青芒果沙律$68】青木瓜、青芒果刨到好似意大利粉咁樣。本第佢哋的質地較硬身，唔似橙色的木瓜和黃色的芒果咁軟，所以可以刨成一條條。食落感到幾清甜幾爽脆。【唔係炒嘅街頭泰北生菜包$72】肉碎唔係炒熟的，所以較一般的都無咁油膩。味道有少少辣，比較醒胃。配合生菜包住食，脆脆的生菜口感，又幾唔錯喎。【鮮蝦炒金邊粉$98】賣相好靚，金邊粉外邊是被網狀的雞蛋絲包住

沙田圍難得有泰菜食。吸引之處：1. 餐廳俾人感覺大方得體，位夠舒服，冷氣又夠，好舒服。2. 泰茶。味道同泰國飲既泰式奶茶一樣。就係鍾意重茶味同埋夠甜。外觀夠霸氣，一個俘虜骨頭既杯。好有feel。3. 青咖喱吉列豬扒飯。青咖喱整得好夠味。香料都落得足。咖喱味道辣味適中，吉列豬扒索曬咖喱汁。辣辣地，好開胃。好正宗既咖喱。午餐黎講，份量算多。食得好飽。4. 泰式炒雜菜。炒出黎辣辣地既菜，越食越開胃。成碟泰式雜菜慢慢食，好健康又好味。覺得野食份量方便好捨得。夠大方，食得好飽。抵食又好味。整體黎講算係一間好好食好道地既泰國餐。

沙田區不嬲係美食沙漠，見到新開咗間泰國菜咁多人讚好梗係要試下!夜晚都算幾多人，全場爆滿。 一坐低叫咗個泰式拼盤同冬陰功湯試下先 泰式拼盤每一樣小食都好難食， 但冬陰功湯好好飲， 夠辣 ，有少少椰味但又唔會蓋過辣味同材料香味，好飲!叫咗碗珍寶粉， 不過不失啦湯底都算濃， 而且 材料足夠分量足夠， 但唯獨係丸類有少少腥。炒飯好食，夠香口，如果可以乾身多少少更好。燒雞好食!但略嫌細隻同肉質老。 但整體香口皮脆。全餐飯最最最最最難食係條明爐烏頭，每人食咗一啖都食唔落去，極度腥， 魚肉鬆散， 超級無敵難食仲話係皇牌菜式整體6/10

泰國菜一向在九龍城食，今次係沙田圍站探人無意中見到呢間叫［少爺泰］鋪頭，裡面裝修得椰林樹影甘，坐位舒服，人流頗多！Mean 上第一頁有教你講泰文，好得意下首先來個沙律，青芒果MIX青木瓜$68 食上去好酸甜，仲有淡淡西芹香味,食落去好醒胃，如果加埋辣椒粉更加好！唔係炒既泰北生菜包$72 睇呢個肉碎似蒸熟，食上去酸辣的，配上生菜食好健康呢杯多啲乳酪多啲莓$52的確好飲，杯形狀好盞鬼，不過似我曾經在大埔一間叫［木船］餐廳飲過泰公主$48真名太長，省略！好重士多啤梨，加上薄和清香，食完酸辣餸，配上一杯可口飲品，個人即刻醒晨！馬拉盞炒椰菜苗$82 椰菜苗好嫩，加上佢有d蝦米，食上去好惹味！泰式（鳯尾蝦）辣椒膏炒飯$78 呈上來用竹製而成的餐具，蝦好爽囗彈牙，個飯反而不太辣，但總括來講份量多！