少爺泰 (已結業)

平時唔多行沙田，但今日搵朋友順便黎沙田圍搵食，佢介紹左呢間質素唔錯既泰國餐廳我地首先叫左個青木瓜mix青芒果沙津醒醒胃先。食落口感好豐富，因為有唔少配料，好似青木瓜，腰果，青提子，青芒等等，不過食落就有少少辣，唔怕辣既朋友不妨一試跟住我地叫埋生菜包，都係偏辣少少，不過就好惹味，生菜同餡都比得勁多，其實好抵食最後我地仲點埋鮮蝦炒金邊粉我想講佢用蛋整左個格仔皮包住金邊粉，好特別，未開始食都已經賞心悅目，加埋花生啊同泰式酸醬溝埋一齊，好好食飲品方面選擇都好多。我就揀左款帕差拉吉帝雅帕，姐係泰公主原來佢係用蘋果青檸士多啤梨溝埋既沙冰，味道都幾夾我朋友就揀左迷紅小象，姐係菠蘿蘋果香蕉沙冰,不過香蕉味好出，fresh的感覺出曬黎

河畔呢頭好多嘢食，老公阿女都想食冬陰功，今次揀咗泰國菜。好彩早啲嚟，門口越等越多人。特濃冬陰功湯配大頭蝦，味道濃郁，椰汁味香，辣度啱啱好。隻大頭蝦都好新鮮。馬拉盞炒通菜，這個真是不得了，鹹鹹香香，有少少辣，炒得好惹味，非常可口，真的不錯呢！熔岩椰青海鮮焗飯，賣相雖然冇菠蘿飯咁浮誇，但係用個骷顱頭杯裝住椰青水確實有趣，椰漿像熔岩般流出嚟，材料包括兩隻新鮮帶子、兩隻青口、兩隻蝦，蛋炒飯底，飯加咗椰青肉炒，好特別，個汁甜甜地，感覺好可愛。冬蔭功鮮蜆肉螺絲粉，份量都唔少，阿女堅持要吃螺絲粉，仲有佢喜歡嘅蜆，成餐最辣這個，越食越滋味。最後都忍唔住叫咗兩杯凍飲，柚子沙冰同荔枝沙冰，食泰國菜味道都好濃，飲沙冰好解渴。

第一次寫食評，見附近新開諗住支持下，而且容易泊車，早一個星期book位，得6點同8點選擇，選擇左8點，點知見到其他book 8點既人相繼全部入座，我地要等到 8：30先入座，扣曬分。食物質素冇其他食評寫得咁出色。所以我唔推介波羅炒飯ok小食拼盤太油咖哩軟殼蟹太咸生菜包又好淡同好水椰青帶酸冬陰功ok生蝦刺身唔凍，似解左凍好耐炒菜都係偏咸自問食開重口味都覺得太咸最後食左1100蚊，價錢唔算平，服務可以，keep住加水，女侍應有禮貌

這個位置之前是一間火鍋店，轉了一間泰式餐廳，當然要試一試。這個泰式菠蘿炒飯賣相造型真是一流，一定要打咭。略嚴覺得雞肉無味道及炒飯太濕，如果能改善就完美了，但賣相方面就加晒分。另外，單骨雞翼都好味，可以試一試。炒菜方面也很大碟，夠晒份量，都有一貫泰式風味。最後，試飲兩杯特色飲品，用生果做主題，配上幾個很有特色的名字，很讚，有機會再來會試埋另外的特式飲品。餐廳地方坐得舒服，招呼非常有熱誠，有禮，這方面加分。值得一試，推介

今日去開沙田果頭，見沙田市中心太多人，就黎左沙田圍搵食，原來呢到有間唔錯既泰國餐廳青木瓜mix青芒果沙津配料有青木瓜，青芒果，腰果，青提子和生菜，醬汁有少辣，初初食冇咁辣，但後勁都幾厲害鮮蝦炒金邊粉食泰菜點可以唔食金邊粉.薄薄既煎蛋包住金邊粉，味道微酸，好開胃串燒雞柳泰炒飯串燒雞柳熱辣辣的，炒飯有點像炒糯米飯，好惹味呀生菜包生菜包既餡料份量都幾多，配埋生菜，好滋味帕差拉吉帝雅帕(泰公主)個名有少少難讀,應該係泰公主既名字黎?其實佢係用草莓，蘋果和青檸打成既沙冰，賣相唔錯迷紅小象菠蘿，蘋果和香蕉打成既沙冰，味道好fresh,香蕉味較重兩個人食左咁多野都只係大約200hkd/head,性價比好高!

今日下午同個同事要入沙田河畔幫老闆交收一些文件同貨，放工的時候個同事好雀躍話要我試下這間泰國菜餐廳，他上次入沙田踩單車食過，極力推介。先來兩杯特色飲品：帕差拉吉蒂雅帕(泰公主)，由草莓、蘋果、青檸製成，草莓味道較濃；另外的驅魔師沙冰，由荔枝及藍柑製成，喜歡它香甜的荔枝味。前菜點了青木瓜MIX青芒果沙律，爽口生果絲配豐富沙津汁，師傅加了腰果、花生，仲有迷人漂亮的櫻花蝦，酸酸辣辣惹味好醒胃。還有"唔係炒嘅街頭泰北生菜包"，一大碗肉碎加入紫洋蔥碎及香料，非常可口，新鮮爽脆生菜，份量也很足夠。鮮蝦帶子墨魚汁意粉，的確美味，蝦同帶子都非常新鮮彈牙，個墨汁意粉好味道呢！意粉爽口，用洋蔥炒，好入味，我膽敢可以話炒得好食過出面好多餐廳。串燒雞柳泰炒飯，個串燒大大串，沙嗲汁有較濃的椰汁香味，好吸引，炒飯材料包括泰式臘腸、豆角、雞蛋，個飯炒得粒粒香口。如果餐廳可以有泰式甜品提供會更理想。這裏地方都適合一大班人，下次可以約多啲朋友嚟試佢嘅蟹麵包、炸雞麵包、燒豬手......

一向都鍾意食泰國菜，見附近開咗間，即刻去試下。星期六6:30唻到，唔洗等位，一入門感覺呢度裝修都幾用心，好多泰式佈置，充滿泰國悠閒風。同一般泰式食肆不同，呢度有好多新穎嘅泰式飲品，以沙冰， 傳統嘅飲品則欠奉。叫咗泰式金邊粉同焗烏頭。金邊粉好快就到。個碟同擺盤都好靚，好用心。啲金邊粉同青檸好夾，青檸幫助去除粉嘅油膩感。但個粉除咗落咗少量櫻花🌸蝦碎同上面擺盤嘅蝦外，全是齋，索價$98+10%服務費，感覺唔太抵。焗烏頭應係即叫即整，所以等咗40分鐘先送到上枱。烏頭（$138再加1）有點過咸，所以近魚皮嘅地方全部都冇食，而且條魚有啲細，撘配嘅兩個醬，一個係泰式酸辣汁，另一個唔太知係咩，食落幾清新同有助減低咸味。整體來講，呢度環境係唔錯，食物質素一般，但店員非常有禮勤快，同埋呢度地方夠大，2-10人嘅枱都有，所以唔少一家大小唻食。如果食物質素再好啲咁就好喇。

早幾日收工突然落大雨，所以同男朋友係沙田河畔睇下有咩好食，係花園城附近就見到間新開既泰國菜，門口夠光猛打開餐牌第一頁就見到用廣東話學泰文有d真係幾搞笑~🥚金沙咸蛋黃軟殼蟹米紙卷🦀每個米紙卷都大大件～咸蛋黃味好香而且軟殼蟹係即炸既，仲有加左芒果同大量沙律菜，減少左油膩感🧀忌廉芝士磨蘑雞翼拼單骨雞翼🐥一次過試曬兩款雞翼我好鐘意食個蘑菇雞翼，因為啖啖肉禁單骨雞翼都好好味，食得夠方便🍤鮮蝦炒金邊粉🍤用個竹既碟上枱，仲要用個雞蛋整成個網包住d粉，賣相好靚又有心思大蝦好爽口，好好味！🍞西隆路邊炸雞麵包🍗份量真係起馬三個人先食得曬炸雞唔會好厚粉，沾上咖哩汁一齊食好正，食完炸雞仲可以切個蒜蓉麵包配咖哩食咖哩唔會太辣，完成適合香港人口味飲品都好多選擇，足足有三至四頁～🍓泰公主👸其實係士多啤梨沙冰，味道酸酸地，好飲新鮮柚子沙冰🍹柚子沙冰幾特別，出奇地好飲睇得出呢間餐廳好有心思，食物又好味，賣相又靚，值得推薦比大家我下星期同同事再黎食過啦

少爺泰開左有半年, 我一直都好想去試下, 尋晚終於叫到老公帶我去啦 真係吾係講笑, 好食值90分, 賣相值100分, 超正!先講個冬蔭公, 個煲靚到呢… 未揭開蓋都已經俾佢俘虜左.湯如其名, 有2隻大頭蝦, 仲有好多湯料: 香茅, 香葉, 菇, 蕃茄仔 …味道酸酸辣辣又夠濃, 好開胃, 其他嘢未食我地已經一人飲左2碗湯 跟住到個燒豬頸肉沙律, 真係好好好好食, 豬頸肉林得嚟好彈牙, 本身好入味, 點埋個醬汁真係夾到絕, 點可以咁好味架 個沙律吾係好酸, 好岩我口味, 所以又係好正  由於頭2樣太出色, 之後食嘅有少少比下去左 鮮蝦炒金邊粉嘅賣相又係好靘, 不過味道略為淡左少少, 可能係之前D太濃味啩…4隻蝦好彈牙, 金邊粉同D豆干&芽菜絲一齊, 加埋花生碎同少少青檸汁, 都 OK啦.西隆路邊炸雞 … 成set一上枱果下勁震撼, 洗吾洗咁大份呀, 老闆你吾驚蝕架咩 …影完相之後, 個蒜蓉包蓋第一時間就俾我食左, 哈哈, D蒜蓉好好味呀~個咖哩汁都係淡左少少, 雖然好濃但可以再咸D, 因為要配麵包食, 重味D好炸雞出奇地滑, 吾鞋又吾硬, 同韓式炸雞有得fight. 雞肉本身夠味架啦, 不

今日去左沙田圍食泰國菜， 門口係Tiffany 色， 入到去裝修都幾靚， Tiffany 色繼續係主調。有啲擺設都幾特別， 感覺好舒服， 座位都好舒適。打開menu 第一頁教泰文， 等緊野食黎同朋友一齊讀， 好搞笑。 飲品都多選擇。 除左啲傳統野， 仲有好多水果沙冰。叫左兩杯都係好女仔既紅色， 幾清甜。 個杯好特別，係骷髏骨頭，而且份量都幾大杯， 唔會兩啖飲曬。 小食拼盤有4款炸物，岩岩炸起， 好熱， 好香口。兩個人叫（小） 就夠， 多啲人可以叫（大）， 好似再多款啲同份量多啲。呢個菠蘿雞肉沙律， 超多水果， 成個菠蘿不特止， 仲有蘋果， 荔枝， 士多啤梨同香蕉。 啲雞都幾嫩， 同啲水果絕配。馬拉盞炒椰菜苗， 好香， 唔會炒過火， 個汁都好正，超快清左。 啲椰菜苗唔會太老。泰式大蝦炒金邊粉，炒得幾好， 上面仲有個蛋網， 好精緻。 味道唔幾好，辣粉分開放， 適合愛辣同唔愛辣人仕一齊食。另外， 佢地啲碟都好有特色， 係竹籮咁， 好有feel。

店舖鄰近屋企，之前已食過下午菜，好味，決定揾晚要試下晚餐 叫了生蝦，菠蘿炒飯，細併盤，芒果乳酪沙冰，椰青味道好，賣相很靚，喜歡甜品的話，芒果乳酪沙冰必要試有很多菜式還没有試，必定要再來

今晚去咗花園城送貨！見到第一期有間泰國菜，而且又好耐冇食過泰國菜，咁一於入去開飯！首先，叫個沙律醒下個胃先！我哋㨂咗個燒豬頸肉沙律！豬頸肉燒得香口，肉質彈牙，好正！紅蘿蔔絲好脆口，個沙律汁酸酸的，好醒胃！馬拉盞炒通菜，我必叫之選！個馬拉盞好惹味，通菜炒得剛好，不黑！鮮蝦炒金邊粉，廚師好有心思，煎蛋煎到一個網，覆蓋著啲金邊粉，整整齊齊！有創意！蝦大大隻，夠彈牙，最好的是金邊粉炒得不油膩，好味！酸辣明爐烏頭，好耐冇食過啦！條烏頭煮得啱啱好，好嫰好滑！湯底好鮮味，不會太酸，剛好！店內好多枱都有叫沙冰，我哋亦不錯過，各自叫咗一杯茘枝沙冰和一杯新鮮柚子沙冰，飲落口好舒服，不會只是冰一堆！最有趣的是餐牌一打開有教你泰文點讀，好有趣！我哋叫完餐，都學番幾句，邊講邊等開餐！真的是有得食又有得玩的一間食店

貓貓又食泰國野。話說今日天氣陰陰天，好想食辣野。好舒服既泰國餐廳，位置夠大，播住泰文歌，無俾陰天影響到，感覺好好。貓貓要個青木瓜青芒果沙律。就係呢種酸酸辣辣既感覺。食左一啖就即刻浮現出泰國既畫面。沙律整得同泰國食既一樣。越食越開胃。生生地既木瓜同芒果特別爽口。酸辣汁仲好過癮，貓貓邊食邊濕左個嘴。燒過豬頸肉，好重炭燒烤既味道。陣炭燒味成為豬頸肉既精髓。貓貓食到好滑仲好多汁既豬頸肉表示開針！外層乾脆，內層多水份。再點醬食，實在太惹味！當貓貓忍唔住想再食時，貓貓既鮮蝦金邊粉即刻擺係面前。好鍾意好靚既網狀蛋花。可以俾貓貓隨意加花生同辣粉，貓貓梗係加曬佢啦。金邊粉炒得香，味道酸甜。因為落足花生，成個金邊粉好香，口感好。竟然有豆乾係度，香港其他泰國餐廳食好少食到有豆乾，好驚喜。豆乾好好食。金邊粉都整得正宗，食得出泰式既原汁原味。勁大個鮮蝦，貓貓食得超飽。貓貓飲住杯芭堤雅女郎，慢慢享受今日豐盛既晚餐。好靚個骨頭杯，上邊插住菠蘿葉。好有氣勢又霸氣既飲品。飲完呢杯沙冰個人都清涼曬。今日真係好舒服，貓貓好開針！

沙田河畔花園連同附近幾個私人屋苑形成一個小社區, 漸漸成為食肆集中地, 想起之前經過,見這間泰國菜幾吸引, 而且環境也相當好, 心想要找次機會來試試, 就趁這日路過附近的時候來到,便決定入內試試。坐下來, 先點飲品, 揀了杯荔枝沙冰，沙冰打得幼細,飲落甜甜地又幾清涼, 荔枝味濃郁, 還有些荔枝肉。也試了串燒雞柳泰炒飯, 串燒雞柳燒得呈焦香才拿上檯，肉質嫩滑，食得美味, 看上去炒飯是堆得滿滿的, 炒飯的配料有中式的臘肉, 飯粒是飽滿晶瑩，乾身爽口。這裡的特色就是能在泰菜中加入一點點的新元素，當大家已試過本地很多傳統的泰國菜色，這裡是值得試試的新地方。

這天相約住沙田的朋友來試試這間泰國餐廳，由於工作的關係，我們下班後大約晚上9時入座，雖然不用排隊等候入座，但餐廳還是座無虛席一坐下，我們一翻開menu，映入眼簾的是這兩頁(如下圖)，教導我們用中文字去讀基本的泰文，而且用詞十分滑稽再往後看，就被他們的特飲及焗飯吸引住不到兩分鐘我們便決定下單了！下單後，店員就用一個菠蘿仔夾住ordered list，好可愛以下就是我們ordered的食物:泰式柚子沙律 $82味道酸酸甜甜，十分清新，有花生及果仁，紅菜頭絲，及大量柚子，好好吃，十分開胃！Combo小食拼盆(小) $52這個拼盆送上來的時候，是熱騰騰的，炸得十分鬆脆，還附上兩款醬汁，一個是泰式辣醬，一個是不辣的甜醬，為顧客想得十分周到。馬拉盞炒通菜 $78平時在其他餐廳點這個菜都炒得很咸，但這間餐廳炒得不錯，不會太咸，好吃之餘通菜也很新鮮！帕差拉吉帝雅帕(泰公主) $48這個名字太特別，所以叫了一杯試試，是一杯新鮮的士多啤梨沙冰，不會太酸，十分清新！新鮮柚子沙冰 $42這杯比上面那杯甜一些，清清甜甜，甚至真的有新鮮柚子在杯裏，愛吃柚子的朋友不能錯過！今天的重頭戲來了！溶岩椰青海鮮焗飯 $16