少爺泰 (已結業)

呢排多左去沙田/大圍/石門一帶，逐漸發現原來附近都幾多餐廳！今日lunch就行過黎沙田圍食泰國嘢！好彩一個人食，如果唔係都要等位呀Lunch menu都幾多選擇，而且價錢實惠！除左lunch menu，有啲熱門食物就全日都供應！我點左個海南雞飯！個賣相好得，油飯未食已經聞到好香雖然碟海南雞飯先至$62，但係份量十足，有好多件滑雞！而且雞肉真係好嫩滑，又唔會太多肥膏，連皮食都OK不過啲油飯食到尾就有少少多油！跟飯仲可以點一杯飲品。我揀左凍菊花蜜。大大杯菊花蜜好清甜，又夠哂消暑，而且叫左少甜所以味道真係啱啱好見隔離枱食咖哩配蒜蓉包好似好正，下次要試下

黎過附近幾次，今次就試下依間！combo小食拼盤甜酸汁實在太好食啦😂魚餅又甜又香，春卷炸得好脆，仲有炸蟹卷，最緊要炸得熱辣辣，好新鮮。點上汁係好清新唔油膩既感覺😍生菜包香料好特別，調味唔錯，令味道好泰式😂份量亦都好大，我比較細食係完全食唔哂😂👍鮮蝦炒金邊粉味道酸甜，味道較重，好開胃，配上兩種調味粉，任君選擇，辣椒粉同辣椒核辣到好爽！d蝦好新鮮爽口，正!泰公主呢杯野飲其實係士多啤梨沙冰。沙冰入邊可以見到有士多啤梨嘅核，所以係應該用咗鮮榨嘅果汁去打。飲落去有啲似瑞士糖嘅士多啤梨味，易入口，幾得意。菠椰賣相一流，見到好多人都點依個所以都唔執輸😂入面係椰奶沙冰，好清甜消暑🤗仲有塊鮮菠蘿係面，味道清新又比較健康！串燒(雞肉，牛肉，豬肉)串燒整體上嘅質素都好好。啲串燒嚟嘅時候見到上面有啲綠色，問侍應得知嗰啲係傳統泰式嘅芫荽醬，係之前食其他泰國餐廳都冇嘅。但係就咁食落去就唔覺有啲咩芫荽味，所以怕芫荽味嘅人都唔需要怕叫呢一道菜。反而沙嗲醬甜甜地而且味道較濃，進一步點綴肉嘅鮮味。整體食物唔錯，環境舒服，個人特別推介串燒同小食拼盤！

聽人講喺河畔花園開咗一間新開嘅泰國菜 咁呢有朋友試過話非常之好食喎 咁就去試下 六點半左右已經好多人有好多人一早就訂咗枱嚟食啦 我第一次試衣間少爺太 佢服務態度都唔錯 餐牌都算幾多選擇有咖哩有湯粉有金邊粉 仲有 生菜包呀串燒呀 同埋一啲泰式嘢飲 咁我今日試嘅就係一個泰式鮮蝦炒金邊粉 味道有驚喜 炒得啱啱好夠乾身 而且好有鮮味 都值得一試 今次因為我得一個人所以使唔到好多嘢但係佢嘅味道唔錯下次我會再返嚟試下其他嘢 都值得返去再食下

有次食泰國菜，朋友話沙田都有間好好食個喎，沙田出名冇嘢食，竟然有好野食？佢講到咁我梗係要去試吓。呢間離沙田圍站唔係太遠既店鋪，其實都幾易去，店舖所處嘅位置人流較少，原本以為鋪頭入邊應該都唔太多人，點知一去到坐滿晒人了，我哋仲要係平日去食嘅晚飯，咁多人應該質素有返咁上下。首先要咗個頭盤：青木瓜沙律上菜嘅時候覺得賣相唔太吸引，但係大大碟咁。點知食落覺得非常特別，同出邊啲青木瓜沙律有一樣唔同，食到有啲脆脆嘅口感又有啲椰香味，原來佢加咗烤過嘅椰子絲，加上青木瓜同蘿蔔絲嘅清新味道，同腰果特有嘅香味，呢個係一流嘅夏天開胃菜。又一次，出街食嘢梗係要食菜，叫咗個馬拉盞炒通菜分量都係大大碟，馬拉盞用料十足但又唔會太咸，菜唔會話炒得太耐太淋，保留咗菜嘅清爽口感，惹味生菜包成棵生菜上，睇相都見到佢好新鮮。生菜包最重要嘅當然係肉碎，肉碎入邊瘦肉肥肉比例岩岩好，仲有加入葱頭，加上青檸味道酸酸地咁，解左肉嘅油膩感。食多多都唔夠飯方面，今次叫咗個非常新奇嘅組合，椰子焗海鮮飯。椰子入邊嘅耶子水倒咗出嚟，再填入海鮮飯，面頭淋左耶漿同芝士再焗。海鮮飯嘅味道甜甜地，甜既飯原來幾好食。面頭既耶漿帶比我最大嘅驚喜，因為甜甜地好

我家話事人ss最好鐘意食泰菜，今晚search 吓有乜好食之際，搵到呢間應該開咗無耐嘅泰國菜！唔係太熟沙田圍呢區，但出馬鐵站行5分鐘就到都算方便。因為食咗tea，唔算太餓，點咗D小食一客三粒的流心芝士蝦波波，炸得幾香脆，蝦丸部分亦好彈牙，但如果可以，芝士心部分多D，流心效果先會好，宜家味道可以嘅。泰菠雞鮮果沙律，大半個新鮮菠蘿螺旋形切出已經好考功夫，上面嘅雞肉鹹鹹辣辣，配埋菠蘿同其他生果粒嘅酸，好開胃！街頭泰式生菜包，生菜新鮮卜卜脆，但辣度就真係爭D，係清淡版⋯飲品方面，我見有杯叫驅魔師沙冰個樣幾特別，平時藍色野飲多數係薄荷野，但呢杯係荔枝加藍柑，酸酸哋，幾fresh,有少少驚喜咁啦！

沙田美食多，今晚同朋友去試下新開嘅泰國菜！餐廳裝潢用亮眼的藍綠色為主色，幾醒神輕鬆。同朋友兩個人吃晚飯，簡單咁點咗4樣野食菠蘿雞沙律（$98）呢個真係幾唔錯嘅前菜，新鮮菠蘿上面有雞柳配鹹酸的醬汁，鹹中帶辣，配菠蘿嘅酸，非常醒胃！街頭泰式生菜包（$72），生菜非常新鮮，但如果相比泰國地道的，味道稍為唔夠辣，只可以話味道係大眾化D，唔係好辣的朋友都食到。流心芝士蝦波波（$78），炸得金黃香脆，芝士心的部分未能算非常流心，但味道亦唔錯。青咖喱牛腩($88)，有泰式茄子，小蕃茄做配菜，咖喱味道okay,配薄餅食仲可以咖喱香味多D，而且呢度嘅薄餅唔油膩！我哋都有叫飲品，多D莓（$52）同驅魔師沙冰（$36）。唔止名特別，個樣仲好有相機緣，我自己鐘意多D莓，酸美美D，超解暑消滯！

沙田圍唔算好多野食，所以有新餐廳開我都會好興奮！呢間少爺泰開張嗰日請哂舞龍舞獅，又勁多個花牌圍住間餐廳，好架勢，而我過左個幾兩個月終於黎左試😂佢有個 lunch menu，有湯河、炒飯等選擇，價錢由$50起跳，包杯熱飲。我叫左呢個泰式肉碎煎蛋飯（$50），凍飲加$3。啲肉碎就咁食會好咸，撈飯尚算正常，但啲肉碎炒得好乾，唔太好食。個煎蛋煎得有啲熟，拮爆時唔會流心，係屋企求其煎蛋早餐既質素🙃 見我個friend個串燒飯幾正，下次可能會試下。PS杯凍奶茶極稀極唔好飲，又唔似泰式，又唔似港式奶茶，唔好浪費嗰3蚊🤦🏻‍♀️

每星期最開心既星期五又黎啦！辛苦完當然要食餐好既！熱辣辣食泰國野就岩啦！前菜當然要食個沙律啦！泰國沙律款式好多，仲有唔同配搭，我就揀左個泰式鳳爪沙律，份量好夠，鳳爪係無骨的，好爽脆，醬汁酸味同辣味平衡得岩岩好！加埋配菜好清爽！金沙咸蛋軟殻蟹米紙卷-第一眼望到擺盆就已經好吸引，醬汁帶有少少芒果味，一卷都唔細，一口咬落去有不同口感，夾埋一齊好Flesh!唔係炒嘅街頭泰北生菜包-見到個名咁得意叫黎試吓，一嚟到已經好香，肉粒分明一啲都唔乾身，仍保留有醬汁，用生菜包住黎食，帶有酸辣味道，我鍾意！沙嗲串燒拼盤-雞肉串燒好滑，好入味，牛肉串燒肉質淋身，牛肉味亦好香，豬頸肉串燒，肉質爽口，分別有沙嗲汁同甜辣汁，沙嗲汁好野味，甜辣汁好舒服！招牌菠蘿炒飯配大頭蝦-幾乎每張枱都有叫，黎到時俾佢外型嚇親因為真係好大個，大頭蝦炸到好香脆，肉質都幾新鮮，菠蘿串好好食！燒過既菠蘿比較甜，無左澀味，重點個炒飯炒到粒粒分明，保留足夠水份，仲有肉鬆加埋一齊，完美配搭！唔好睇佢個菠蘿細細，但飯量都幾多下！馬拉盞炒通菜-通菜夠嫩口保留爽脆道，鹹香味好足夠，仲好有鑊氣！飲埋呢到既特色飲品真係一個大滿足呀！

少爺泰離沙田圍站唔算遠，大概行5分鐘就到，尚算方便。平日夜晚黎到，全場幾乎滿座，想夜晚幫襯一定要記得book定位！唔係炒既街頭泰北生菜包不過不失，肉碎微辣，想食得健康嘅人可以試下。Combo小食拼盤（大）全晚最欣賞菜式之一，春卷香脆，雞腿內有芝士，另外肉丸同蔗蝦都好有水準。 馬拉盞炒通菜呢道菜本身就好難失手，比較濃味，送飯一流！溶岩椰青海鮮焗飯食到呢個時候已經飽得七七八八，點知仲有驚喜。蝦同青口好鮮甜，但因係落左椰漿，令呢道菜似甜品多D，甜而不膩，仲有椰青水飲添。公主/迷紅小象/驅魔師沙冰三杯特飲都係水果沙冰，不算太甜，而且真能食到果肉。 成餐飯都好滿意，環境都好舒服，唔會坐得好迫。沙田特色嘅餐廳唔算好多，少爺泰絕對值得推薦。

天朗氣清，去左呢間泰式料理餐廳食晚飯，响沙田河慢慢散步行去旁邊嘅河畔花園，經過一個露天駕駛學院就去到，都幾方便。入到去叫左馬拉盞炒通菜($78)同埋溶岩椰青海鮮焗飯($168)。落單唔駛十分鐘個馬拉盞炒通菜好快就熱辣辣咁上枱，未食已經聞到濃濃的蝦醬香味，啲菜入口爽脆，唔會炒到熟過頭，加上油水十足，夠嘢味。跟著個溶岩椰青海鮮焗飯就＂隆重登場＂，話佢隆重登場絶不誇張，嗰飯上枱面時紅色燈丶綠色燈丶紫色燈不停在你眼前閃現，椰青水放左喺個頭骨杯，而個頭骨杯就正正放喺燈上面，好有視覺效果。椰青裡面放滿新鮮嘅椰肉橯埋啲鷄蛋炒飯，面頭放左有帶子丶蝦丶同埋青口，再加啲芝士之後一齊放入焗爐焗，啲椰漿多到滿瀉晒出嚟，真喺勁。

先生這段時間喜歡上網搜尋美食，見到沙田圍少爺泰食泰式菜，都很多好評。決定去試嚇名字甚帶貴氣的少爺泰。餐廳牆上一大幅壁畫，有泰國的特色椰子樹及大象，充滿了泰國風情。鮮蝦炒金邊粉$98。鮮蝦炒金邊粉上枱真是覺得驚喜，鮮蝦炒金邊粉面上鋪著蛋網，完整地䨱蓋著整個鮮蝦金邊粉上，透過蛋網，隱約看到裡面大大隻的蝦，鮮蝦炒金邊粉上枱透著微微的蛋香，蛋網輕輕一挑已可見到底層的鮮蝦炒金邊粉，終於見到鮮蝦炒金邊粉的盧山真面目了，鮮蝦白中帶著一抹抺的粉紅，十分爽口有鮮蝦味。金邊粉與平時食的麵及米粉，有少少差別，比起麵少了一份少少的煙韌，味道帶少少甜，這就是泰國的特色菜的味道。唔係炒嘅街頭泰式生菜包$72食泰式嘢每次我都最喜歡叫泰式生菜包，泰式生菜包有少少洋蔥，花生碎，芫茜及蔥。主角肉碎細細粒，味道帶點酸酸甜甜，很是惹味。其實燒物都很吸引。牛肉串$18。豬柳串$18。雞肉串$16。三款之中我喜歡牛肉串多㸃，因牛肉味夠濃。飮品我們各人要了一杯。頂隱勾魂泰茶配鮮忌廉$32。頂隱勾魂泰茶帶少少茶香，配鮮忌廉，冰冰涼涼非常好味夠特別。帕差拉吉帝雅帕(泰公主)$48粉紅色的泰公主士多啤梨沙冰，酸酸甜甜非常正。骷髏頭杯的造

星期三, 一個星期既中間, 真係幾難頂, 甘只好約幾個朋友出黎食下飯, 今次特別D, 約左沙田, 火車站行大約5-10分鐘就到, 過條沙田河~呢間就係少爺泰泰式野, 我覺得佢裝修都幾正, 好特別入到去都爆哂架, 真係好多人, 多數應該都係街坊先上特飲邪魔師特飲藍色大家估下咩味唔駛估啦, 見面頭甘大粒就知係荔枝味啦好清甜, 係沙冰黎架, 冰仲打到幾滑身Combo 拼盤(小)呢個拼盤會身會分大同細, 我同朋友都傾過, 可以食多d唔同既野, 所以就叫左小卷超脆, 仲諗番起我細過去茶樓食既炸芋絲, 唔知大家有冇聽過, 芋味幾濃, 丸物丸內有海鮮, 幾鮮味唔錯原條蔗蝦彈牙爽口, 蝦味又足, 唔似買番黎, 可能係師傅親手整墨魚餅香脆好味, 味道岩岩好,唔會過左火, 加上粒粒既墨魚, 彈牙又令個餅既層次升級菠蘿炒飯哇哇哇, 一上枱我地都O哂咀, 因為好大同好多料, 隻蝦都勁大隻炒飯加左菠蘿酸酸甜甜好開胃肉璧又要勁多, 加埋D飯食落口感好正再講番菠蘿肉本身唔會好酸, 好適合加落D飯食加上大家可以試哂加5色粉各有特色架大頭蝦係黃金炸<<大家冇理由唔知係咩黎啦脆到連皮都可以食, 蝦肉較鬆身

看到食評，附近可以泊車，過來這邊食。裝修靚，服務好且有效率。menu有寫泰文對照廣東話，很有創意！吸引食客。飲品都很精美啊，不錯！然後評論食物：咪吖來=泰文的不好吃！叫的食物好一般好一般好一般！炒金邊粉沒有鑊氣，因為香港改良版？用番茄醬炒，不好吃...沒有吃完，浪費了！還有雞飯，雞好孩啊，飯是黃薑飯食落可以，不過不是想像中的油飯，大家不要誤會是泰國的雞飯那種，這裡有賣很多fusion，有些越南米卷、有些海南雞，有點雜。好吧，服務好，但是食物扣了很多分，也不便宜，個人來說應該不會再來這間了！點解那些「食家」為什麼寫得那麼誇張...不實啊⋯⋯肯定不是全5分先啦⋯⋯

返左一個星期工，終於到星期五，緊係要食返d好野黎開心下啦！揀左呢間，好在早d去，唔使等位😁天氣咁熱最好就係飲沙冰架啦😍一人一杯野飲消消暑😽驅魔師沙冰，好香荔枝味，d冰打得好幼細👍🏻👍🏻柚子沙冰，仲有新鮮柚子係面，好有heart ♥ 泰公主😽士多啤梨沙冰，酸酸甜甜好開胃♥️香矛特飲🍹清清地好好飲前菜好香口，金沙咸蛋軟殼蟹米紙卷，咸蛋加軟殼蟹好夾，仲要有埋米紙煙煙unun👍🏻仲有泰式鳳爪，夠酸夠辣夠入味👍🏻👍🏻👍🏻仲要好爽口，好開胃過癮沙嗲串燒拼盤，除左一d都唔乾仲嫩滑多汁既串燒之外，仲有爽口豬頸肉，再夾埋佢個汁岩岩好😁一見到個餐牌就知要叫呢個勁野，招牌波蘿炒飯🤭一睇個樣就知正啦，成大串燒波羅，仲飯仲要比外面既多同好食♥️今個星期冇揀錯，果然食好野♥️

同女朋友閒逛沙田圍，物色有什麼好吃的甜品，去到T字路口赫然見到一間泰式餐廳 ，裝修新淨，於是拉着女朋友進去一試！前菜我們首先點了一個青木瓜mix青芒果沙律，清清腸胃之餘又有健康啲感覺，芒果很甜又多肉，易入口，越吃越食慾大增，之後我們便大戰正餐：一口氣點了招牌菠蘿炒飯配大頭蝦、泰北沙嗲串燒拼盤、迷紅小象及泰公主；一整個菠蘿內有着熱烘烘的炒飯，誠意十足，還有兩隻超級大的蝦，一大口吃着由伴侶除去殻的大頭蝦 ，夾口冷餘感覺滿是幸福！串燒拼盤則有豬柳串、雞柳串、牛肉串，全都燒得恰到好處，我在吃的時候偷偷的用了一些生菜包着吃，肉味夾集在生菜中間感覺好像更健康一點！見山菜有多，我出動了雙手，用了非常高超的技巧將生菜包住炒飯吃，正！還有雞肉及特色春卷，配搭着甜酸醬，實在太好吃了 ！今次雖然沒有點選傳統泰式餐廳中的海南雞飯，但餐廳桌上的配料樽應有盡有，已吃過以上數道菜式後，還有額外菠蘿串及士多啤梨冰飲品，簡直令整個配搭咸中有清，清中有甜，大廚平衡的功架一流！本來打算飯後到附近再吃甜品的念頭也打消了，滿載而歸的回家去！