少爺泰 (已結業)

踩完單車經過搵野食，見到呢度有間新開既泰國菜，出面超多花牌之餘仲超多人，咁吸引緊係要去試下啦。入到去環境好好夠哂大，雖然好多客但一啲都唔迫。menu圖文並茂夠哂清楚，睇完圖片樣樣都好吸引喎，就一於同朋友一人揀一個再share食啦。呢杯野飲真係超邪惡呀，勁大杯而且好靚。我地都忍唔住係咁拎黎影相，差d搞到溶哂tim。一飲落朱古力味好濃，但又唔會太甜，好岩女仔飲。呢個椰汁炒飯賣相好靚，係用成個椰青載住，聞到好香。平時菠蘿炒飯就見得多啦，唔知呢個好唔好味呢。一試真係唔簡單呀，陣味好有層次，甜甜地又同個飯好夾，搞到我都忍唔住食完一碗又一碗呀。最值得一提既就係，佢仲用個細樽載住d椰青水，證明唔係重用嫁。椰青水飲落好清甜，夏天飲一流呀。另外，呢個用黎夾住張單既菠蘿仔超可愛呀，見到其他枱都有唔同既公仔，好少有泰國菜館有咁既小心思呀。呢間泰國菜餐廳野食又好味，而且全部賣相所好靚，岩哂一大班女仔黎影下相食下野呀。下次都要約班閨蜜再黎先。

前身火鍋店一眼已經變左泰國菜 今晚七點黎到得幾枱家庭客 未夠八點已經差不多坐滿 Mean印刷精美 仲有埋泰文簡單教學 同老公二人點了 🥢雞串炒飯 雞串燒得好脆 炒飯入面有臘腸碎 啖啖肉 🥢馬拉盞炒通菜 一般 有少量蝦米 略油🥢雜錦拼盤 似越式多過泰式 泰卷 蔗蝦 魚餅（不是冬蔭功味 ，係墨魚味）釀雞翼（入面有芝士蘑菇）餐廳暫時無酒精飲品提供服務方面 上菜快 但不勤加水 坐位與坐位不是太闊寛 如果二人用餐好大機會會搭枱食後感 略為飽濟 油膩 有口乾

沙田圈最近開左間新既店鋪：少爺泰入面裝修好華麗 好光猛 色彩好鮮豔 感覺好夏日 好開心😋😋天氣咁熱 吾想食熱野 食泰國野就岩哂 酸酸地易入口 清哂d薯氣啊！同埋見到大部分野食都好適合去打卡！影黎一定呃到like啊夏日菠東沙灘🏖️$58（菠椰）野飲好冰涼 飲落去透心涼 椰子味好重！加埋小小菠蘿粒🍍飲落去更吸引！ 真係用椰水打成冰 飲落去有小小椰子肉脆爆芒果園$62哩間卡路里完全超哂標啊！上面有大量爆谷 cream 同有個芒果麻薯！同出面其他野飲好吾同😂😂人地多數都配雪糕！ 咁飲落去好有咬口 仲加埋果肉同布丁！泰式鳳瓜沙律🥗哩個醬汁比起外面既甜好多 有好多小番茄仔 份量都好大 鳳瓜咬落好爽口 入哂味 又吾會太棯😍海南雞飯入面雞肉好嫩滑 配埋黃薑飯 同汁 好好味！ 但雞肉比較生 見到吾算太熟！可能要注意下🤭個汁調得岩岩好！ 令我地胃口大增啊生菜包望落好普通 但食落好驚喜！辣度岩岩好 同埋生菜好多 第一次可以同一時間食哂生菜同肉！平時出面食完都仲剩番好多無菜包架！😂😂哩間新店絕對值得推介！環境同野食都一流啊 岩哂今個夏天黎食啊😍😍🙊

昨天朋友在沙田，突然想食泰菜。我從觀塘去，坐九巴 89B 去挺方便，就約定決定一試。大概30分鐘巴士車程便到，朋友已在餐館門外翻Menu. 去坐低見餐廳新淨，望落頗舒服感覺，員工友善招侍坐一旁，端上2杯水及Menu,全彩色印製，看得出認真。冬蔭公湯先來份量足，看起來每人可端2碗，色澤唔錯，整隻大頭蝦，開邊在湯鍋中央，滿滿的，亦配有切片的菇類及其它香料，入口，唔……口感有種很醇的感覺，不太辛辣，亦不太酸，不太重。在這炎炎夏日，這點點酸、微棘味道，可刺激食慾！朋友已說這湯不錯。燒豬手來了！皮有點微焦，望落皮會有點脆口，用一個不銹鋼盤子盛着，配以泰式醬汁，旁邊配有炸香的粗薯條，更備有小塊的生菜，用以包着肉食，感覺冇咁熱氣吧！以不銹鋼盆盛着燒猪手，會是方便等下用刀叉分割豬手，較容易及安全，也想得週到。再飲杯野真休閒。