少爺泰 (已結業)

返咗一個星期placement終於又到happy friday可以同啲同學食好嘢順邊catch up下近況😝😝今次就嚟咗沙田嘅呢間餐廳食泰國菜，之前我哋都嚟過沙田呢頭食嘢幾次，覺得呢間算係比較容易搵到嘅，係沙田圍站出咗行幾分鐘就到☺️☺️見到餐牌除咗有食物嘅種類之外，仲有好多唔同泰文嘅讀音，有好多都好搞笑，我哋一路等上菜，仲喺度一路試讀🤣🤣經過精挑細選之後，我哋就叫咗呢幾款嘢食同埋每人一杯野飲🥤冬陰公湯好香濃好足料,仲有一大隻蝦🤡🤡馬拉盞炒通菜，感覺上都幾有鑊氣，同埋都幾大碟，就算四個人分都好足夠👻呢個睇落賣相唔錯，不過可惜我無試到呢個叫熔岩椰青海鮮焗飯，椰味十足😺仲有個好盞鬼嘅骷髏骨頭係盞燈上面，相當吸引😎😎仲有幾杯野飲，杯杯都各有特色，同一般泰國菜飲開嘅青檸梳打、芒果沙冰嗰啲好唔同，呢度嘅嘢飲真係有特色好多！最後每人大概比左二百幾蚊，有機會會再嚟食！！

午飯時間，去咗花園城開餐，openrice教喺沙田站落車行過去，呢個資訊係錯嘅，正確啲係由沙田圍站行過去，沙田站唔係行唔到過去，不過好遠呀！希望openrice快啲更改返呢個資訊。餐廳好細心咁響門口設置咗一把風扇，等入座嘅時候冇咁熱。餐廳新開張，裝修亦都與時並進，唔係好傳統嘅泰國餐廳嘅設計，風格新潮。午飯時間有lunch set，又可以散叫；再晏啲嚟可以叫下午茶餐。點個午市套餐泰式乾炒牛肉河，隻碟搶眼，有啲東南亞風味。除咗本身嘅調味之外，碟邊加咗炒香蒜同埋辣椒，放咗響碟邊可以按個人口味添加份量。炒牛河本身用咗啲泰式香料，令到個味道幾特別；據侍應所講，佢哋仲加咗啲意大利嘅調味，令到味道更為獨一無二。成碟都幾大份，牛肉亦都足料，可以算係物有所值。餐飲加咗8蚊轉做精選餐飲，香茅青檸係好好嘅消暑飲品。造型都夠特別，成枝香茅插響個杯入面；不過唔使太擔心香茅味會令到飲品味道變得好怪，佢仍然係一杯青檸。餐牌幾別出心裁，教埋食客講泰文；不過會唔會掛住睇，唔記得咗揀食乜嘢？

呢個鋪位裝修左好耐，一直以為係舊鋪翻新，點知無行過一排，突然唔同哂，由火鍋店變左泰菜！今日家母生日，一於帶佢黎試下新野！本身都冇諗過要叫菠蘿炒飯，但係見到附近嘅客人都叫咗，見到個賣相覺得好吸引所以都忍唔住叫左。一上到枱，不得了，因為實在太吸引啦。炒飯好足料有雞肉有蝦有提子乾，連連啲菠蘿肉都好甜，向來食嘢腌尖嘅媽媽都係咁讚好食，咁真係好好食呀！我平時成日都想食魚，見到呢度有個明路烏頭，所以即刻叫咗。不過，食落麻麻哋有少少腥，而且啲骨都幾多下，要食得好小心，下次未必會再叫。呢個係軟殼蟹米紙卷，本身軟殼蟹有啲熱氣，但係配埋山菜，再加少少芒果汁，食落都幾清新，唔錯。食泰國嘢又點可以唔叫返個鳳爪呢，啲鳳爪好爽口，加埋啲酸酸甜甜嘅汁，再加少少辣味，刺激味蕾， 10分開胃。我哋仲叫咗個海南雞飯，肉質嫩滑，油飯又充滿椰香味，不過不失呢個椰青有個小插曲，就係第一次上枱嘅時候，啲椰子水係苦嘅。即刻同侍應反映，好在都願意即刻換過個俾我哋，第二次上枱終於係充滿椰子味嘅椰子水，甜甜的。整體來講，我哋對呢間少爺泰都幾滿意嘅，有機會都會想再嚟，試埋其他款式嘅菜

沙田圍雖然細，但其實好鬼多野食咖今日去呢度食間新開既泰式餐廳，GOGOGO門面都幾靚仔。係正轉角位，一眼就睇到。好肚餓呀，都叫得幾多野食。叫左個金邊粉、馬拉盞炒通菜、柚子沙律、仲有烏頭，同埋兩杯特色飲品柚子沙律好清新，味道酸辣，果肉都好爽口，幾開胃金邊粉幾搞笑喎有蛋絲包住左成個碗型嘅金邊粉。撈埋啲辣粉先食，好惹味平時好少食魚，因為怕損骨，不過泰餐廳唔食呢個烏頭又好似對唔住自己呢個魚用鐵板上，下面搵火燒住，食好耐都仲熱，個汁夠酸辣，我最鍾意魚肉質彈牙唔會overcooked，呢個好味不過要小心食，因為呢種魚多碎骨，唔好哽骨呀。馬拉盞炒通菜，炒得夠香，夠鹹兩杯飲品都唔hea咖，迷紅小象同泰國巧克力巨人都好好味，實肥廿磅啦

終於一試呢間位於沙田河畔的新泰菜Mr Thai，餐廳環境寬敞舒適，以tiffany blue顏色做主題，心心眼即刻出哂黎打開餐牌頭兩頁就是廣東話泰文教學，非常抵死搞笑泰公主草莓沙冰🍓酸酸甜甜，草莓果香味重，完全唔會有藥水味既感覺，喜愛草莓既人可以try try椰青沙冰🥥椰汁味十足既沙冰，好fresh又好夠椰奶味，唔會死甜，仲有椰肉食馬拉盞通菜泰北生菜包啲菜好新鮮，抵讚。豬肉只係微辣同酸，可能係要適應本地人口味。我自己會鐘意多啲調味。金沙咸蛋軟殼蟹米紙卷餡料有微微咸蛋味，軟殼蟹炸到好脆口，夾埋啲菜一齊食，口感一流。但自己唔太好個伴汁。不過係擺盤真係好有心思，另類傳統於傳統泰式餐廳。招牌菠蘿炒飯配大頭蝦🍍🍤🍤渣睇個樣已經贏哂其他泰菜既菠蘿炒飯，兩隻大頭蝦手掌咁大隻，炸到金黃香脆，而且多蝦膏yummy yummy炒飯料有少許肉，提子干，菠蘿同大量肉鬆，唔會加埋d難食青豆蘿蔔粒。份量同meun中一樣咁大，推介必點！

真係唔洗多講，睇相都知D野好食 ! 呢間泰菜除左個地理位置唔太近火車站 或 市中心之外，其他都真係冇得頂 ! 絕對係區內數一數二既高質泰菜 ~!第一個先黎既係 - 馬拉盞炒通菜，炒得非常惹味有咸魚香，份量亦非常多，兩個人食，好似食極都重有咁 !招牌菠蘿炒飯配大頭蝦 及 菠蘿一串 ! 睇相都覺得夠勁啦係咪呀 ! 除左有大大隻既大頭蝦，重有一大串既鮮菠蘿，真係好重秤架 !! 另外，餐廳重提供左5款調味粉比客人使用，客人可以按自己既口味加上呢D調味粉食用可見大頭蝦既頭都真係幾大，哈哈，炒飯既味道都好唔錯，拌上肉鬆一齊食，真係唔錯，大家一定要試 !金沙咸蛋軟殼蟹米紙卷，米紙卷本身既口感已經好有張力，係一個好好食既食物黎 ;  而米紙卷遇上軟殼蟹，就更加係一個絕配 !軟殼蟹係入面非常香脆，整體都非常易入口，金沙咸蛋收藏係米紙卷之內，而伴碟既黃色醬汁卻係甜甜地既芒果醬，互相配合之下，真係非常好食 !沙嗲串燒拼盤，食泰菜無理由唔食串燒既，呢度個串燒拼盤都幾抵食，有串燒之除，重有燒豬頸肉，真係一次過滿足左又想食串燒又想食豬頸肉既願望 !串燒沾上沙嗲汁，非常可口，真係多多都食得落，哈哈....飲品方面，

中午開車去這間泰國菜lunch, 食物跟環起算是可以 價錢亦不是太貴 可以接受 原則上是可以再來吃中午，不過這間餐廳的老闆（男） 態度異常惡劣 有其他枱的客人跟他說話 他面口好像全世界欠了他一樣 黑面加態度惡劣 我埋單得找錢他亦好像要找錢是客人的問題 如果沒人手可以好好說 別人不是不會體諒的

去沙田踩完單車，朋友提議到新開張嘅少爺泰食泰國菜！餐廳色調鮮明，裝飾華麗，座位整齊，有種豁然開朗嘅感覺！打開餐牌，圖片清晰colourful我哋叫左個細拼盤、炒菜、焗魚同焗飯，再加杯凍飲。樣樣都好好味。餐廳仲有好多特色美食同特飲都好想試，會再約期光臨！Combo小食拼盤（小）※雞卷爽口、魚餅彈牙、春卷皮脆可口、而蔗蝦就有甘蔗嘅清香。再點埋甜酸醬汁，酸酸甜甜好味。鹹肉炒椰菜苗※第一次食椰菜苗，覺得爽脆夠鑊氣，鹹肉甘甘鹹鹹，吾係好肥膩，再加埋蒜香味，成碟菜好夾！泰式鹽焗烏頭※烏頭魚俾人一種泥味重又冇魚鮮味嘅感覺。不過用鹽焗出嚟嘅烏頭魚肉實但吾鞋口，而且放左好多香茅、薑等香料入魚肚，完全冇泥味同腥味，只有甘鹹味！再點埋兩杯特制醬汁，帶出魚鮮味！溶岩椰青海鮮焗飯※賣相好“震撼”，椰漿好像火山爆溶岩，有少少焗焦香味。焗飯除左海鮮外，仲加入椰子水同椰子肉，味道香甜有口感！另外再配埋杯清甜嘅椰青水，認真清涼解渴！帕差拉吉帝雅帕(泰公主)※杯凍飲係少爺泰嘅完美情人，真材實料，啖啖都係甜中帶少少酸嘅士多啤梨味！

 好耐冇食過泰國菜，難得屋企附近新開左間。梗係要同爸媽回味一下啦！餐廳裝修得好靚，顏彩鮮明，座位間隔闊落，感覺好舒服。餐牌用中文字翻譯成泰文，勁搞笑菠蘿仔夾餐單好有心思先order個細size嘅＜Combo小食拼盤＞:蝦餅同魚餅肉質彈牙爽口；蔗蝦有少少甘蔗汁嘅甜味；泰式春卷好脆吾油！點埋甜酸醬或梅子醬就更加正！跟住來碟＜鹹肉炒椰菜苗＞:椰菜苗用鹹肉加蒜頭香炒，翠綠香口，鹹肉肥瘦適中，吾太肥膩！再來多碟＜泰式什菜野菇炒金邊粉＞:金邊粉配搭什菜、野菇、豆乾、芽菜同雞蛋等食材香炒。碟粉炒得够乾身，芽菜爽口，加埋花生粒同青檸汁，更加美味！最後出場嘅＜溶岩椰青海鮮焗飯＞:賣相如其名，椰蓉好似溶岩湧出，海鮮超大，d飯吸收晒椰汁香味，甘甜可口！值得一試！再飲埋杯椰青水，清甜解渴。

睇到新假期介紹少爺泰既僭建菠蘿炒飯，一於放工約埋屋企人嚟踏場，未夠7點已經到達，唔洗排隊即時入場，餐牌既菜式都好吸引，每人揀一個餸加碟炒菜，一陣間已經上齊菜!招牌菠蘿炒飯配大頭蝦，賣相真係好吸引 一上枱已經相機先食，兩隻大頭蝦大大隻又彈牙，炒飯啖啖都係新鮮菠蘿、提子乾同雞粒，仲有一大堆豬肉絲，睇得又食得！黃咖哩牛腩配薄餅，咖哩味香，牛腩炆得入味，配埋鬆脆薄餅，又一必點之選 !沙嗲串燒拼盤有齊豬、牛、雞同豬頸肉各有特色，啖啖肉燒得焦香，唔會醃到肉唔似肉食咩都同一款味 !泰式鳳爪沙律夠入味超醒胃，越食越過癮原本都係想食多啲纖維先叫個馬拉盞通菜，估唔到又幾好食，通菜炒完都保持翠綠，馬拉盞唔會過咸，味道適宜。沙田圍被美食包圍，要突圍而出，除咗好味都見到店主花唔少心思，每一道菜都色彩繽紛，而menu上面都有中泰對照，用廣東話角度講泰文真係好搞笑，輕輕鬆鬆又一個平日既夜晚!

河畔花園另一邊，開了一間新派泰菜 ，"少爺泰" 果然真如其名，有少爺新派嘅口味，不似得傳統嘅泰國菜館，確實令我們有驚喜！就算閑日經過，每晚都座無虛席，仲排曬長龍……今日終於有機會去試下，由於我哋較早去到，都未需要等就可以入座了！呢個"招牌菠蘿炒飯 + 大頭蝦" 出場感覺真係好震撼，除咗個份量巨型，賣相都好吸引，用原個菠蘿，裏面放滿炒飯，仲有菠蘿，雞粒 ，出面一大串菠蘿串燒，上面佈滿豬肉鬆 再加上十分搶眼嘅大頭蝦，真係使我們個個相機先食！呢個菠蘿炒飯，係我見過賣相最吸引之一，大頭蝦炸得很金香，蝦頭仲有很多蝦膏，啖啖肉！整個菠蘿都放滿了炒飯，炒飯味道不算太濃 配上肉鬆味道十分夾，再用辣醬來調味，好食！燒菠蘿仍然保持濕潤，十分鮮甜！黃咖哩牛腩配上薄餅，牛腩炆得很柔軟，黃咖哩少少辣配上薄餅，薄餅入口時仲可以保持溫度表層十分鬆脆，入口煙韌！馬拉盞炒通菜，味道濃沃，不覺得太鹹，馬拉盞炒得顏色翠綠， 馬拉盞香味出曬嚟！泰公主-士多啤梨沙冰，入口清新充滿果味！

平日放工有巴士直到這邊，所以可以早來不用等位吃個晚餐。新開的泰國餐廳裝修十分搶眼，遠處看到便吸引到我們過去了。説是浮誇玩味，由它的Menu已可以看得出：超多有特色的菜式、打卡用的飮品、再加插用廣東話教泰文。幸好，初嚐少爺泰的幾樣菜式，証明這是位有實力的少爺。三人行不算很肚餓，但今天太熱了，首先叫了兩個特飲share。叫了一個芭提雅女郎配上朱古力巨人。連菠蘿頂上的骷髗頭女朗確是夠浮誇撩人，以有真材實料，沙冰之中也有一點果肉，富有口感。另外朱古力特飲只能說是真的巨，上面的朱古力也變成我們小小的甜品。食物方面，首先上菜的單骨雞翼也讓我們叫好。除了新鮮炸起之外，調味方面也好像加了一點黑椒令它更惹味。另外一道慢燒牛肉沙律，老實說，牛一向不是我的最愛，但這裡的燒牛肉一點也不韌！只是沙律的醬汁（像平日泰式鳯爪那種）比平日吃到的更辣，最初吃下去也蠻嗆口的。最厲害（也最邪惡）的應是很多人都有點的大頭蝦菠蘿炒飯。整個菠蘿上菜並不出奇，但插上一大串菠蘿及兩隻炸大頭蝦實在大搶鏡了。而且大頭蝦有我手掌般大，還有超級多膏！配搭著簡單的炒飯，能減少油膩。它還有送上不同味粉，算很貼心，不過整個炒飯已有豐富的層次和口感

In short, this restaurant is a pricey option in the neighbourhood, as there are many cheaper options with similar quality.I ordered rice noodles with meatballs and pork. ($58+10%).I actually quite liked the texture of the meatballs and the noodles. However, the broth did not taste flavourful compared to it looked. However, they do not offer any dinner sets and I think $58 for a medium-sized rice noodles was quite pricey. They do have a special menu for after 8:45pm but it isn’t a really good dea

自從上個月去完泰國之後一直都好掛住泰國嘅美食除咗喺九龍城有好多唔同嘅泰國菜好出名之外今日係屋企附近行開就見到有間新開嘅泰國菜就決定去試吓啦😗🤤今次總共買咗兩個飯再加兩杯野飲🐔天天海南雞飯嗰日去到呢度食嘅海南雞飯好好彩竟然係雞髀位置全部雞肉都好滑而且果皮仲係爽口嗰隻側邊仲有少少配菜等你唔好淨係一味食肉而家飯方面就係普通海南雞飯嘅油飯但係飯本身做到粒粒分明 的確比出邊既餐廳較為優勝 而且飯嘅份量都比較大如果好似我呢啲細食少少嘅人就會食唔晒雞肉方面可以揀點泰式薑蓉或者酸辣醬😗🐔黃咖喱雞皇拼忌廉芝士雞翼飯依到既咖哩飯有別於平時可以係茶餐廳食到既個一種，佢係比較有泰國風味既個一種 而且佢入面仲會有d已經煮到好入味既薯仔，淋淋地又吸哂啲咖哩汁。依到既咖哩汁比起坊間可以食到既唔算話真係好辣而且仲帶有小小甜味，令你更加開胃！依到雞翼非常飽滿 仲有翼尖食令到鍾意食翼尖既朋友好滿足😍😍😍🍹青檸梳打泰國必飲既野飲一定有青檸梳打份，因為佢真係基本上係邊到都可以搵到既飲品黎！依到既青檸梳打不過不失。🤪🍸香茅特飲我本身除左係煮野食既時候會用到香茅之後都唔會有其他時候可以用到 但今次係到見到有依個飲品就好想試下！香

少爺泰係沙田圍新開既泰國餐廳, 裝修充滿泰國風情, 而且座位舒服寬闊!我地8點左右到餐廳, 差唔多坐無虛席, 人氣頗高!餐牌顏色豐富, 圖文並茂, 價錢合理, 食物種類非常多! 而且食物同飲品都豐有特色, 非常吸引!另外餐牌教授一些泰文用語, 非常攪笑有趣! 真的有心思!頂癮勾魂泰茶 (配鮮忌廉) $32呢杯正宗既泰式奶茶, 真係好頂癮! 泰式奶茶比港式奶茶甜, 茶底夠香濃, 再配埋香滑忌廉, 正!脆爆芒果乳酪麻糬 (脆爆芒果園) $62嘩! 好靚又大杯! 賣相精緻吸引! 個人覺得呢杯脆爆芒果園係飲品, 同時都係一杯甜品!面層有香甜芒果肉, 脆脆爆谷, 同一粒雪糕糯米糍! 之後中層係厚厚既忌廉, 下層係芒果沙冰加乳酪!整個配搭創新, 口感豐富, 非常美味, 而且仲好飽肚! 十分推介!泰北沙嗲串燒拼盤 $148拼盤有雞、牛、豬各兩串, 仲有燒豬頸肉!雞、牛、豬都係大大粒, 非常足料, 啖啖肉! 燒豬頸肉有十片左右, 份量同樣好多! 全全都燒得岩岩好, 好鮮嫩多肉汁, 而且好入味, 配埋泰式醬汁或沙嗲醬真係無得頂! 個人覺得串燒同燒豬頸肉比起我喺泰國食過的更高質, 串燒拼盤絕對係必試呀!黃