少爺泰 (已結業)

呢個暑假我將會去泰國旅行，但係食泰國菜嘅心早已蠢蠢欲動，於是就喺香港嚟個熱身賽，黎位於沙田圍嘅「少爺泰」食泰國菜！店內裝修好靚，呢隻Tiffany綠色好搶眼，新潮得來又有格調。招牌菠蘿炒飯配大頭蝦 $168二話不說先點店內招牌，呢個菠蘿炒飯賣相真係不得了，極為霸氣！而且味道亦令人喜出望外，我影咗好耐相，但炒飯依然熱辣辣，仲好足料，有雞肉、菠蘿、提子乾、豬肉鬆，配搭得好好，真係好好食。大頭蝦肉質彈牙，又夠新鮮，插係菠蘿上面非常搶鏡呀！Combe小食拼盤（小） $52小食拼盤都冇令人失望，有蔗蝦、魚餅、泰式春卷等，點泰式辣醬或梅子醬都一樣咁滋味！金沙咸蛋軟殼蟹米紙卷＄78米紙卷可以用驚為天人四個字來形容😂層皮柔軟有彈性，我好鍾意個口感，山菜又夠新鮮，沾芒果汁食超清新！咸魚炒通菜 $78朋友唔食得辣，所以揀咗鹹魚炒通菜，一樣好食。新鮮柚子沙冰＄42帕差拉吉帝雅帕（泰公主）$48玻璃杯嘅造型係骷髏頭，幾特別，而且份量好多，清新解渴，推薦！如果出入開沙田圍，一定一定要嚟食少爺泰呀！

行經過見到呢間新開嘅泰式餐館咁多人排隊，羊群心理我地又排埋一份試一試😂😂店舖裝橫新穎簡約 ， 坐位亦寬敞舒服。我哋幾欣賞呢度嘅menu設計， 頭兩頁係教好多日常 用語嘅泰文讀音，新奇又盞鬼😂 菜式嘅相亦影得幾靚，令人垂涎欲滴、胃口大增🤭而呢度上菜速度都好快，雖然人好多，但我哋嗌完order後都好快就陸續上菜了~驅魔師沙冰😈本身見佢成杯藍色，望落有d驚驚哋， 但飲落又幾好味！😋 原來佢係荔枝沙冰， 飲落去唔會好甜，而且味道清新👍🏻帕差拉吉帝雅帕 (泰公主)💃呢杯應該係草莓沙冰，草莓味超香~~🍓飲落嘅甜係果味嘅香甜，唔係加左糖嘅死甜👍🏻鹹蛋軟殼蟹米卷軟殼蟹炸得香脆，米卷配搭住新鮮嘅蔬菜，加埋伴碟嘅芒果醬同千島汁一齊食，酸酸甜甜 咁，非常開胃！簡直係前菜嘅不二之選唔係炒嘅街頭泰北生菜包🥙聽完個名即刻好好奇佢係點樣煮，本身仲有d擔心食落去冇炒豬肉咁香同惹味，但係青檸同埋多款香料嘅配搭下，味道酸酸辣辣，非常有泰式嘅味道~生菜亦非常新鮮爽口嫩綠👏🏻黃咖哩牛腩配薄餅黃咖哩有好香嘅椰汁味，食落冇傳統咖哩嘅辣，反而係帶少少哋嘅甜~牛腩同薯仔亦都煮得好林👍🏻咖哩汁配搭香脆嘅薄餅非常好食😋招牌菠蘿炒飯配大頭

又係沙田！呢度真係美食大都會！呢間好似係新開既泰國餐廳，裝潢都幾新，而且座位算幾舒服、寬闊。餐牌都乾淨，冇油膩感，而且圖片都放得幾大，夠逼真。枱面簡潔，同樣冇油膩感。整體坐低後既感覺都幾唔錯，哈哈！「瞠目結舌」首先黎到既係呢個超級大既菠蘿炒飯，一上枱已經可以嚇親我，除左用原個菠蘿之外，仲有兩隻大炸蝦，插左係個菠蘿前面，成件事已經係好震撼！我同朋友就諗住逐樣食，一開始就解決左蝦先！炸蝦算幾脆口，可以連殼食都冇問題，而且中間開左邊，可以用叉一野起哂啲肉，呢個位算做得幾細心。炒飯入面幾有泰式風味，加左肉鬆、提子乾、黃薑炒，都係有心既餐廳，力臻泰式風情。「出其不意」金沙卷，淨係睇個名已經夠特別，食落估唔到配料係軟殼蟹，伴碟既醬汁應該係芒果汁(?)　甜甜的，個汁同軟殼蟹幾夾，同埋有個濕潤感，算係中和到個炸物既油膩，呢個組合幾唔錯，而且夾係中間既菜都算新鮮，唔苦，只可惜得四件，有啲唔夠喉。「別出心裁」小食拼盤係泰國菜必食既！可以試哂咁多款小食，當中最令我印象深刻既，竟然有蔗蝦！平時都算幾少機會食到，蝦肉幾彈牙，而且冇炸到好乾，保留到蔗本身既水份，算係幾好食！另外，馬拉盞炒通菜份量夠大，好適合一家大

住沙田既朋友已經同我推介過少爺泰好多次，見今日入開沙田，終於有機會走去試下 離遠見到七彩繽紛既少爺泰，已經被佢既外表吸引，好想衝入去 我地好早，六點前已經到，所以唔使等位。餐牌嘅第一頁係泰文同廣東話嘅對照，趣味性十足 餐廳裡面嘅裝潢都好靚好有特色 泰式柚子沙律：好多柚子！最正嘅係雖然佢食落好有泰式香料嘅味道，不過佢唔會好似其他餐廳嘅柚子沙律咁食到啲泰式香料 Combo  小食拼盆 （小）：新鮮炸，唔會太油同漏，樣樣都好好味 招牌菠蘿炒飯配大頭蝦：一嚟到賣相已經攞滿分 大頭蝦超級大隻！燒菠蘿嘅食法亦都好新穎，有唔同味嘅粉可以配搭，食出不同口味！而個炒飯亦都足料，炒得好香！泰式椰汁雞湯：微辣加埋好似冬陰公味道既酸，好開胃 新鮮柚子沙冰  &  泰公主：清新，滿滿既柚子同埋士多啤梨味，飲得出係用新鮮水果製成嘅！總括嚟講，少爺泰環境舒適、食物好味，所以一定會再幫襯

今日係沙田圍呢邊開完工，就見到有間新開既泰菜餐廳食飯。 餐廳內人頭湧湧，坐無虛席。佢呢度有午市套餐，木頭車湯粉，仲有泰式下午茶。我同朋友睇完個menu就決定叫佢既signature dish 天天海南雞飯 (HKD 62)加配熱柚子蜜 (加HKD 2)同埋清邁黃咖喱牛坑腩飯 (HKD 65)加配頂癮勾魂泰茶(配鮮忌廉，加HKD 12)。而佢既餐牌特別之處係會教人講泰文。先黎既係海南雞飯，分量都幾大，有雞腿有雞胸，肉質好嫩滑，仲可以點泰式薑蓉同酸辣醬。佢啲油飯都有好多，味道好好，有椰香味添，但係食完無飽滯既感覺。 另外佢有酸青瓜同蔬菜等等。杯熱柚子蜜就不過不失。跟住黎既就係個牛坑腩飯，就分量都唔細，有好多牛坑腩，而且好稔，一啲都唔韌。至於個黃咖喱汁唔算辣而且略帶甜，令到我想再添食。值得一提既就係佢杯泰茶，味道係比普通奶茶較為甜，但係非常茶底滑而且又夠香，令人真係好頂癮。

係open rice 見到沙田圍開左間新泰菜，趁星期日就帶左爸爸過黎試下。餐廳既位置比較偏，唔太近地鐵站，都要搵一陣先搵到。好彩我地住附近我地叫左兩個套餐，有海南雞飯同豬脾飯。兩樣都係餐廳既推介。海南雞飯豬脾飯爸爸食左海南雞飯，佢話呢個價錢(50幾蚊)有咁既質素同份量，仲配埋野飲，真係好抵！我既豬脾飯份量超足，味道都不錯，但如果可以配埋酱汁就好了！另外，餐牌好得意，仲有埋泰文拼音教下啲客人簡單的泰文用語。爸爸都睇得好開心

昨晚一行四人相約吃飯。菜單有點心思，前幾頁是很有趣的泰文教學，菜式名稱也加插了似乎是泰文的發音。我選了自己食泰菜常叫的菠蘿炒飯，實物和圖片非常相符，一串菠蘿及兩隻大蝦插在企立的菠蘿上，視覺效果很好！味道也很不錯，還特意準備五種味粉為炒飯加入新鮮感。美中不足的是部分味粉容氣較易堵塞，大蝦雖然非常香脆、肉質嫩滑，但單獨吃的話味道較淡。朋友點了泰式燒豬手，份量算充足至略多，肉質不錯，不會太難咬或難切。我們還點了黃咖哩配蒜蓉包、單點了薄餅，馬拉盞炒椰菜苗、泰式海鮮粉絲，整體感覺不錯！點了略多份量，唯有留待下次試試甜品。

女朋友難得得閒搵我食飯，就係Openrice搵左呢間係沙田圍嘅餐廳。但Openrice話係沙田站行4分鐘就到，不過我地行左十幾分鐘先到，所以係沙田圍站行去先正確！7點左右到左都不需要等位，真係好彩。咁餐牌上都有好多不同選擇，非常好。叫左泰皇單骨雞翼做小食，雞翼d肉依然整得好滑，加埋d甜酸醬，好食。食泰國野點都要叫招牌菠蘿炒飯配大頭蝦，咁佢原隻菠蘿上，加上入面係塞滿飯，所以係好大碟傢。仲有2隻大頭蝦同一串菠蘿，好抵食。隻大頭蝦都幾大隻，而且幾鮮。馬拉盞炒通菜咸咸地，好惹味。值得叫黎食。泰式慢燒牛肉沙律d牛肉都幾腍，而且少許辣，其實都幾開胃。泰國巧克力巨人非常大杯，份量十足，而且有雪糕同oreo，好豐富。至於脆爆芒果園，上面鋪滿爆谷，而芒果沙冰都幾消暑，所以我地無叫錯呢杯飲品。

一間位於沙田圍的泰國特色餐廳，店內裝潢精緻，餐單內還有泰文譯音，可以邊學泰文邊食飯，好有趣 頭盤我地叫左鹹蛋軟殼蟹米卷，米卷內仲有芒果和千島醬，清爽又酸酸甜甜，係醒胃不二知選。街頭泰國生菜包，這道菜很有泰國特色，酸酸辣辣的肉碎配上新鮮蔬菜，能夠還原出係泰國食到個種味道。泰國菜入面我最愛的菠蘿炒飯！菠蘿炒飯份量十分足夠，而且有很多配料絕對比大部份餐廳水準高。加上配有兩隻大蝦，一串菠蘿，性價比超高。兩隻大蝦肉質肥，再配上蝦頭內的蝦膏，真的十分美味。菠蘿炒飯還配上燒菠蘿，菠蘿又甜又多汁，亦可以配上6種不同味道的調味粉。絕對會帶來不同的風味。流心芝士蝦波波，做到拉絲效果！ 蝦球好彈牙叫左士多啤梨和西䄂沙冰，份量十足，酸酸甜甜，好適合係夏天飲！

最近喺沙田圍見到開咗間新嘅泰國菜館「少爺泰」，即係叫埋朋友仔一齊去試吓。餐廳門面裝修很有心思，加埋啲燈，有啲置身泰國夜市嘅感覺。餐廳裏面裝修好有夏天嘅感覺，而且光線好充足，感覺舒適放鬆。餐牌顏色豐富，圖片精美，裏面還有「泰文小知識」，用廣東話說出來，非常爆笑。輕鬆學泰文，有趣～新鮮椰青🥥（$38）冰凍椰青水清甜美味，即叫即開，消暑解渴香茅特飲🍹（$28）一般來說，香茅特飲是將接骨木花糖漿，加上青檸汁、薑汁汽水和香茅。這裡的香茅特飲分量調配得不錯，薑味不會太辣，而且冰涼開胃。加上香茅特飲，下面放有一個會轉色的LED「發光」杯墊，外表也加了不少分數。帕差拉吉帝雅帕（泰公主）（$48）草莓🍓蘋果🍎青檸🍋混合的沙冰，清甜解渴，新鮮士多啤梨味道，而非藥水味，會上蘋果青檸，的確清新脫俗！👍🏻泰式鳳爪沙律🥗（$72）份量都唔少，你而且鳳爪無骨，爽口有嚼勁，泰式沙律味道酸甜，辣味出色，認真開胃。超級特濃冬陰功蝦/蝦/蝦湯粉🍤🍤🍤🍜（$108）望着冬陰公湯已經非常開胃，飲起來味道更豐富。蝦的鮮味非常突出，和南薑、香茅、檸檬葉、辣椒等不同配料在嘴巴內融合，每種味道加起來，卻配合得天衣無縫，不會過酸、過辣或

As a group of thai food lovers walking tiredly we are just too hungry for some hot spicy food. Just too excited to spot this thai resto out!The first glance won’t give you the impression as a thai restaurant as it’s bright and spacious, and I promise the menu won’t disappoint you. The thai food is not traditional one, though u can still see curries, but the dessert is outstanding apart from the old school ‘mango sticky rice’ or ‘longan ice’. What we can see are new elements like ‘the exorcist’.

呢晚同朋友過開沙田果邊整野，另外就係同朋友食生日飯，七月頭我同朋友大家都係七月頭生日，聽講沙田呢邊有新餐廳，所以我地順便整完野黎呢邊試下間新野。原來間新野係泰國野黎，叫少爺泰。餐廳環境:餐廳環境都幾好，新開既餐廳環境幾舒服，張枱又唔會話好逼，同朋友兩個人坐底之後都覺得環境唔錯！餐廳餐牌:新餐廳餐牌幾光鮮，圖片望落食物飲品都幾吸引，食物種類都算多，感覺到食物同飲品係有特色，幾特別，呢間既特色飲品係幾抵飲，價錢唔貴得黎好似幾吸引幾特別。另外餐牌仲有提到一啲泰文用語，其實都幾有心機幾特別！泰皇單骨雞翼 $58第一樣先黎既野食係泰皇無骨雞翼，單骨雞翼真係好方便，唔洗慢慢吐骨，一啖放入口真心正，再點埋個甜酸醬，其實真係唔錯，好惹味，脆口唔spicy，正正正！泰式慢燒牛肉沙律 $98呢個價錢叫份沙律其實真係唔平，不過我見到餐牌又真係好想試下佢個慢燒牛肉，牛肉係好味既，有沙烏地阿拉律果種fresh味拌住之餘，牛軟硬度岩岩好，唔會覺得好難咬開，不過食食下先發現呢個沙律原來有西芹，我個人係麻麻地，好彩我朋友係食西芹的，所以唔食西芹既人千奇唔好點呢個沙律。馬拉盏炒通菜 $78食泰國菜真係唔可以唔叫馬拉盏炒

話說媽媽成日去沙田圍個邊行街，佢個日發現左間新既泰式餐廳，裝修好靚，望過menu又好似好吸引，得啦，聽到呢度你就知呢個小朋友又扭計要食好野啦所以今日收正就陪佢過黎了外觀裝修都真係好特別喎食晚飯時間都滿哂餐牌果然好吸引，睇到口水都流哂出黎仲有搞笑泰文中文讀音，玩下講下野食就到了鮮蝦金邊粉賣相非常吸引，我都係第一次見咁精緻既金邊粉內裡非常足料，而且金邊粉乾濕適中，調味極佳酸辣明爐烏頭淨係個湯汁我都同丫媽爭崩頭，酸酸甜甜，係魚既鮮甜味。魚肉鮮嫰，配個湯汁簡直一流呢個炒菜我一人KO哂，菜超鮮甜無渣，佢成為左我人生可以一個人食哂既一碟菜其實本人全日最期待既就係佢，泰國巧克力巨人。即係超級邪惡朱古力沙冰。唔會過甜，但飲完個罪惡感真係有100分。迷紅小象蕉味非常濃厚沙田有咁高質既泰菜，而且價格公道，真係令我太驚喜了

今日諗住試新嘢，晚上7點10左右去到門口等拎飛，一個男人叫我地等陣。我3人，同一時間又有3人嚟到，然後個男人返嚟時我地兩組人一齊話3人，佢好無禮貌咁同我地講「佢地嚟先！」，然後無禁飛下帶咗佢地入去。緊接嚟多3人，然後個男人叫佢地等陣。過陣終於禁飛派，係17號飛，但比咗遲嚟果3人先，我地變咗18號 .....好快執好枱叫人，我準備入去先，我入咗去架啦，都比佢叫返我出去，話我18號飛，係17號先，比咗遲嚟果3人入去！我未入到去已經受到不禮貌對待，派飛混亂，當堂打退堂鼓離去。

天時暑熱，特別想食泰國的冬陰公湯。黃昏時段，就決心上網睇Openrice有咩泰國餐廳在沙田。眼見在沙田的選擇不多，泰國餐廳十間都沒有，就試一試這間位於沙田城裡，雖然有點遠，不過就看餐廳沒有負評及是新餐廳，試一試吧。8小時左右到達，等位人數不多，等10分鐘都不用就有位。一開始就叫冬陰功蝦湯及鮮蝦炒金邊粉，因為自己總覺得愈簡單既菜色是好難煮得好食。等了5分鐘，冬陰功湯上菜，眼見都好快有得食。湯鍋外表細細，希望用料是多多，但一開鍋只見一隻開左邊既蝦仔、蔥、洋蔥、大蔥頭、菌片等，點解圖片不像現實的一樣，材料很有差。其味道普通，沒有材料而已，可以放棄此湯。鮮蝦炒金邊粉: 份量大，味道好味，不過鍋氣欠奉。之後再叫~軟殼蟹紙卷: 份量只有4份，汁醬好味，可以試多次。泰式柚子沙律: 中晒伏，沙律汁醬好L苦，大家不要試，問了職員後，回覆是苦的，少苦苦是正常，心諗餐牌要寫「苦柚子沙律」會比較貼切。椰子波蘿沙冰: 好飲，可以一試，椰子水總是最好的，沒有失望。最後，再叫了一碗豬肉碎湯粉，因為仲好肚餓，湯底好好食，不錯之選。總捨今餐既感受，不要學我這樣叫菜，因為不會滿足到食肉既朋友。食物水準有待改善，建議大家不