少爺泰 (已結業)

假日去朋友屋企度玩，朋友話屋企附近新開左間抵食嘅泰國餐廳，於是就帶我去試吓啦餐廳門面都幾靚，色彩豐富，俾人一種好舒服嘅感覺而且客人都好多，去到已經差唔多坐滿哂人，好彩咁啱有一枱客人走先至有位俾到我地假日都有午餐餐牌，菜式都幾吸引，而且價錢合理，我同朋友都分別叫咗兩個唔同嘅餐一齊share黎食叫完嘢食冇耐先來左兩杯餐飲，我哋分別叫咗泰式奶茶同埋香茅青檸特飲個杯係俘虜骨頭形狀，十分有趣。泰式奶茶味道濃郁，係會有少少偏甜，但係咁樣先夠地道。而香茅青檸特飲味道清爽，青檸味道濃郁，帶有少許香茅味，夏天飲，解暑一流!!!泰皇雞翼撈檬粉，雞翼嘅份量都幾多，而且係單骨雞翼，非常貼心，方便客人食用，而且香茅味道濃郁，非常惹味，雞翼外脆內軟，十分好食。而檬粉軟硬適中，配上魚露，酸酸甜甜好開胃另外嗰碟就係蝦醬泰國臘腸炒飯，份量一樣好多，一上枱已經聞到陣陣嘅蝦醬味，蝦醬味道濃郁，臘腸嘅份量都好多，味道鹹香，唔錯主菜餐牌都有好多唔同款式嘅嘢食，一於下次再嚟試吓

食左個簡單又好味既泰國餐。午餐時間經過見都多人排。餐廳啲位都好闊，坐得舒服。叫左個泰式豬脾飯。份量多。豬脾好大舊。食左一啖，諗起係曼谷食果間路邊攤。味道好道地。豬脾整得滑，肉質好有水份。豬皮好爽口。啲汁甜甜地，加埋飯食好好味。仲有通菜係側邊同埋整粒雞蛋。咁啱我又做完運動，最適合食呢餐。好豐富既配搭。可以見到豬肉勁多骨膠原。食完成個人都靚埋。叫埋杯熱柚蜜。食完慢慢飲養下身，感覺良好。味道好，又坐得舒服。下次會再黎。

最近朋友介紹一間沙田餐廳，開咗唔係好耐，但既高質嘅泰國餐廳，於是同朋友特登嚟沙田圍食飯。地鐵站沙田圍一出，過條隧道上去就見到，地點都算方便。餐廳環境好大，有好多座位但又唔會太迫。Menu入面食物好多，辣同唔辣都有好多選擇。餐牌第一頁好搞笑，一定要同朋友望吓研究下😂😂以下星星為推介指數：泰式慢燒牛肉沙律（⭐️⭐️⭐️⭐️）好開胃嘅前菜，醬汁有少少辣但可接受程度。馬拉盞炒通菜（⭐️⭐️⭐️⭐️⭐️）一定推介要食！！！好香好爽口，同朋友一致認為呢個菜係推介首選😂忌廉芝士磨菇雞翼拼泰皇單骨雞翼（⭐️⭐️⭐️）都好食，但又唔算好特別同吸引，雞翼頭個位起骨，好細心👍👍👍招牌菠蘿炒飯配大頭蝦（⭐️⭐️⭐️⭐️⭐️）呢個都真心推介👍👍，好開胃，而且最特別係除左泰式醬之外，仲有五種調味粉可以自己倒同試，個人喜歡孜然粉👍（ps：可以分到四碗滿飯）飲品方面：同朋友叫咗以下兩個試。脆爆芒果園（⭐️⭐️⭐️⭐️⭐️）好特別，芒果乳酪同popcorn味道幾夾，飲品唔會太甜👍👍泰國巧克力巨人（⭐️⭐️）個人感覺唔夠甜，巧克力味唔夠濃，對比之下更加鍾情芒果園。但兩杯飲品都好大杯，一杯其實都夠兩個人飲。特別一讚係服務好好，員工會主動幫我地換碟、收野食同加水。我同朋友

附近開左間新泰國菜，一直想試但成日都要排，今天早放，一於食個 early dinner 。新裝修都幾舒服，全店落地玻璃乾淨開掦。門口一隻大蝦夠吸睛。餐牌第一頁有泰文教學，想攞筷子就同待應講 「打劫」；加水可能叫 「嘔血腩」？？笑左 ～～後頁係滿滿的泰菜，好多頁，花多眼亂。抬頭望吓隔離枱個菠蘿炒飯好勁喎，似每枱必叫。招牌菠蘿炒飯配大頭蝦$168賣相一流，肯定要相機食先。上面果兩隻蝦好有份量，加埋串燒波蘿，好有氣勢。大蝦是炸的，啖啖肉但唔夠熟。菠蘿就燒得好甜好好吃。菠蘿𥚃面是滿滿的菠蘿雞肉炒飯，份量很足。炒飯的味道比較淡，因為佢有配肉鬆，辣醬同埋好多不同的調味粉可以調味。Combo 小食拼盤 （小）$52有蔗蝦、越式春卷、魚餅同埋魚蛋球，每款兩件都是$52 咋！真係超抵。全部熱辣辣，蔗蝦好甜，魚餅有魚味，推介金沙咸蛋軟殻蟹米紙卷 $78米紙卷裏面包左芒果、沙律菜、軟殻蟹。另外加咗芒果汁做dressing, 所以芒果味好重，但鹹蛋味就唔太強烈了。軟殻蟹就少少淋左，都ok 既。黃咖哩牛腩$88 配薄餅+$28咖哩好香純，辣得來唔會太刺激。牛腩係碎碎地的，好淋又入味。牛腩好味，配料的薯仔都好入

有朋友住河畔，推介鍾意食泰國嘢嘅我去呢間泰菜館食嘢，就趁weekend嚟食lunch。河畔呢頭不嬲都多嘢食，位置偏了一些嘅少爺泰，好容易走漏眼。但入面都坐得舒服，裝潢簡潔。嚟到睇menu, 入面好多正宗泰菜食例如豬脾飯、青咖哩雞，都係我嘅至愛，佢menu特別在有餸菜嘅background介紹，如點樣煮先正宗，本來想叫豬脾飯因爲唔係度度有，但見佢介紹海南雞飯好吸引就叫咗海南雞，朋友就叫咗菠蘿脆骨飯。上菜了！海南雞飯大大碟，雞肉多而且滑（咁強調佢多料係因為我做嘢嗰度嘅海南雞見住佢隨年月而縮小，所以見到出面價錢差不多但料多咁多形成對比），飯的確如餐牌介紹，唔似出面一咪只有雞油味，食得出佢落咗斑蘭葉同黃薑粉，所以淨係個飯已經好好食味道好有層次。另外點雞嘅醬，落咗少少紫蘇葉，所以味道清香，好味到清咗個醬朋友點嘅菠蘿脆骨，同咕嚕肉好似，一樣咁好味。價錢唔貴，服務又好。以後沙田食泰國嘢又多咗個好選擇！

沙田開左新既餐廳，無飯夫婦點可以唔去試下？花園城出名都多野食，今日就去探一探虛實！一入到少爺泰，就覺得有別於其他泰國餐廳。平時去開既泰國餐廳，主要用返泰國傳統裝飾，佛像，大象等等。但少爺泰既裝飾色彩繽紛，一入到去就有新派泰菜既感覺。餐牌更見特別，有一版專教泰文，而每個菜色都有中文字既泰文拼音。泰文與廣東話某啲字好似，就甘睇餐牌都氹得我地哈哈大笑泰式柚子沙律沙律菜非常新鮮，而且每條都有泰式柚子醬汁，可見廚師有撈均，並非就甘係沙律上面淋上醬汁，所以食到最後一塊菜都好入味，唔會食到最後無晒沙律汁。呢個沙律都幾辣，我地叫左少辣都有少少頂唔順，但係柚子非常清甜，剛剛好有中和既作用。份量都幾多，左非常開胃，食極都唔會厭！小食拼盤（小）小食每樣兩件，岩晒兩個人開心share。小食拼盤配以泰式辣醬及梅子醬。個人好鐘意個梅子醬，偏甜唔會太酸，但又有陣陣梅香，唔使成日都點泰式辣醬甘寡嘛！蔗蝦好少泰式拼盤會食到蔗蝦。蝦肉爽口，仲食到甜甜地既甘蔗香味。泰式春卷好鐘意外層既米卷，比一般既春卷樣更加香口爽脆。入面既芋頭非常香，點埋梅子醬更好味！魚餅一貫既泰式風味，辣辣地，咬落亦爽口彈牙。小食拼盤上到檯熱辣辣，全部

上openrice睇到沙田有間新泰國餐廳開咗所以就走咗去試一入到去裝橫有泰國風情，加分首先叫咗嘅係泰國生蝦蝦肉爽口，個汁非常極之濃郁建議一定要配埋汁裡面啲料一齊食跟住我哋兩個人嗌咗兩杯嘢飲一杯係泰公主，有草莓蘋果青檸另一杯係多d莓，兩杯都好fresh好醒胃再嚟係一個泰式柚子沙律呢個都十分開胃，配料十分之多有西柚腰果椰菜絲等等最緊要就係有青提子提子提昇咗個沙律嘅味道再來就係我最鍾意嘅冬蔭功啦入面嘅大頭蝦好有濃郁嘅蝦味而且配料十足之後嚟咗嘅係金沙鹹蛋軟殼蟹米子卷軟殼蟹配上芒果生菜米子簡直係perfect match香口得嚟唔會”漏”再嚟叫咗一個街頭泰北生菜包酸鹹味剛好，豬肉又唔會太熟加埋好新鮮嘅生菜包住食，一流之後呢個係炭燒豬頸肉好香嘅炭燒味道加上燒過嘅豬頸肉無乜肥膏點埋醬汁一齊食再嚟朋友話想食雞翼我哋點咗個單骨雞翼好香香茅味，皮脆肉嫩，加上容易食最後就係馬拉盞通菜辣辣地又唔會太鹹總括黎講呢間新泰國餐館十分之好裝橫新派菜式十分之多花款而且水準高岩哂眼闊肚窄既我下次黎要再試埋其他野食

今日覆完診，路經沙田河畔附近，發現花園城新開呢間泰國菜，裝修新派，環境乾淨。注重食物衛生的我，盡對放心！午市時間，人山人海。職員效率好快，所以等候時間很快。午市套餐款式多，價錢仲好合理！鐘情牛肉既我當然要試下黃咖哩牛坑腩。咖哩汁有椰香，仲夠滑，牛腩又淋又夠牛味，唔似雪藏牛腩肉，煮得好好！好味過係泰國食到既！牛腩配左薯仔，白飯仲配埋沙律菜！廚房佬果然細心！另外，我點左杯香茅特飲，大大枝新鮮香茅插住，充滿青檸和香茅味道，推薦一試！朋友點左無得輸既海南雞飯，佢話雞件去晒骨，肉質夠滑，黃薑飯仲好香！亦點左杯青檸梳打，味道咸咸地，原來加左咸檸呢！整體餐廳食物質素好，菜式唔辣，迎合香港人口味！服務員有耐性，細心講解，而且勤快！

見到少爺泰新開張，門面裝修都幾靚，一於今晚食呢間試新野！由於個個湊熱鬧，要排隊等位，等咗 20分鐘。打開餐牌，見到頭兩頁原來係寫咗泰文譯中文嘅讀音，好搞笑，似係玩嘢多啲。餐牌圖文並茂介紹得好好，見到價錢其實唔算貴，食物種類非常多，真係唔知點揀好， 樣樣都想食。 點菜後突然侍應放低一隻菠蘿仔，以為做乜，原來係夾住點菜單的，係一個小小心思，令你餐飯未食之前已經幾開心。 先點飲品， 見隔離枱杯飲品識發光咁得意，我哋又來一杯。泰公主$48 , 有士多啤梨打成像奶昔的飲品，味道唔會似好假嘅藥水味，真係有士多啤梨果肉碎，所以價錢貴啲，但係飲完透心涼，喜歡真士多啤梨味的話可選。香茅特飲$28 ,呢個飲品簡單而清新，香茅味不算濃，微甜，夏天飲很舒適，加上底部有發光裝飾，射上剛骷髏頭玻璃杯幾靚。新鮮椰青$38 ,椰青水係最穩陣嘅味道，大大個椰青仲可以食埋椰子肉，清甜解渴，消暑一流，食泰國嘢必點。泰式鳳爪沙律$72, 都有8隻咁多。 喜歡鳳爪無骨，食落皮爽口，筋又有彈性，很有嚼勁，連埋泰式沙律一齊食，爽口感覺更豐富，味道酸甜，而辣辣味會比其他泰式餐廳多一點，但好啱我口味。超級特濃冬陰功蝦湯粉$108, 選

沙田區新開泰菜 🇹🇭裝潢亮麗、配置用心；員工都很友善😊餐單印刷精美（居然還有泰文教學）桌上的夾子每個不同🎈好可愛八點不到已經要排隊🤭🦀金沙鹹蛋軟殻蟹米紙卷酸酸甜甜很適合當前菜🍢串燒拼盤裏面有雞🐥、牛🐮、豬肉串🐷還有豬脖子肉烤得剛好又不會很硬配合沙嗲醬和配豬脖子肉的醬一起吃好讚😸🥙馬拉盞炒通菜惹味但又不會太咸🥥椰青海鮮焗飯賣相美特別的是椰青水會分開盛上好清甜超好喝🍹特飲🍹🐘迷紅小象是用菠蘿🍍、蘋果🍎、香蕉🍌做的果汁沙冰感覺很健康🔮驅魔師沙冰藍藍的荔枝沙冰荔枝味很重顏色很鮮豔配骷髏💀骨頭造型的杯子拍照📷打卡很「呃Like」🇹🇭少爺泰 Mr. Thai🇹🇭電話：2447 9902🇹🇭地址：沙田沙角街8-12號沙田花園城1期地下3A-3F號舖#吃貨TinaFish

朋友以發掘美食為樂 ，今次嚟到沙田新開業的 " 少爺泰 " 餐廳 , 鋪面內外設計創意特色， 座位舒適。餐牌印刷精美豐富 ，很多款式都想試。先來一個特濃冬蔭功湯醒醒胃先， 湯分量唔算多 ，但湯底十分濃厚 ，香氣撲鼻 ，味道酸得嚟又帶少少辣 ，好容易入口 ;惹味得嚟都幾開胃 ，味道一絕！正👍🏻小食拼盤 ，春捲炸至金黃香脆，庶蝦外脆內帶鮮甜彈牙， 炸魚餅比較鬆軟，啖啖肉的口感魚味都算突出。黃咖哩牛腩 ，好重香葉味 ，辛香四溢 ，牛腩肉味濃郁 ，配上熱辣辣香脆鬆化薄餅 ，蘸咖哩來食， 喚醒味蕾 更添風味！😋👍🏻飲品都有很多選擇 ，芭提雅女郎名字特別 ，原來是用鮮菠蘿打成沙冰 ，質感輕盈， 味道清甜， 口感豐盈綿滑， 很喜歡這飲品！最重要嘅係廚師煮出來的味道 ，誠意加上心機 ，環境整潔舒適， 食物質素有水準， 是晚座無虛席， 原來真的有原因。

上星期同朋友行沙田既時候，發現有間新開既泰國菜，見到都幾多人去食，朋友又係中意食泰國菜既人，所以就入左去試下另外，一打開餐牌就見到有教泰文日常用語既發音表，真心幾得意。我地叫左泰式奶茶同埋菠蘿沙冰，夏日炎炎沙冰就最適合不過，我去完泰國飲過泰式奶茶之後一直念念不忘，估唔到係呢度都飲到正宗既泰式奶茶!!之後我地叫左個串燒拼盤，d豬頸肉好好食，沾埋d醬一齊食，非常讚！食泰國野又點少得個冬蔭公湯，食慣泰國菜既友人試完都話唔錯，隻味好似去泰國飲咁，比起大部分既泰國餐廳好好多。主菜方面我地叫左個椰青海鮮焗飯，份量不算多，但d飯好重椰汁味都幾甜。最後我地叫左個雞翼都好食好惹味。埋單既時候已經9點幾，但係出面都仲有人排緊隊，呢間認真受歡迎，下次來到附近亦可以再戰!!

呢一間新開既泰國餐廳係沙田新開張，諗住去試下，未入去已經有好多人排緊隊，好彩有book到位。餐廳採用落地玻璃設計，好開揚，可以見到出面條馬路。入到去，侍應安排我地坐好，之後就拎左杯水同餐牌俾我地睇。比其他泰國餐廳，佢既餐牌入面會教埋人地點講道菜既泰文。今次就叫左一個泰式慢燒牛肉沙律$98做前菜，佢既酸辣味做得好出色，入面仲有芫荽同中芹，岩晒鍾意濃味既人。牛肉燒得好焾，一啲筋都冇，陪埋木瓜絲好好食。食完個沙律我地就叫左一個泰式辣椒膏炒飯$78個炒飯一放落黎已經聞到一陣陣香味，雖然叫辣椒膏炒飯，但一啲都唔辣，好容易入口食到差唔多既時候，我地就叫多左個餐廳推介既傳統咖哩大頭蝦$268。個大頭蝦會配埋蒜蓉包，個包烘到好脆，非常適合點啲咖哩汁黎食。不過淨係睇圖唔夠，個碟蝦真係好大碟，淨係個蝦頭都已經有手掌咁大。入面仲有好多膏，同埋肉，如果你鍾意食蝦就一定要試下。怕辣既人唔好以為傳統咖哩會好辣驚食唔到，佢個咖哩汁有好濃既椰香，一啲都唔會覺得辣。最後我地見口乾乾就叫左杯迷紅小象，裡面有菠蘿蘋果香蕉，但香蕉味相對突出，適合熱愛香蕉味既朋友。整體黎講今次既試食都算唔錯，每碟食物都好出色。樣樣食物都幾符合

新開的少爺泰餐廳，環境舒服裝修很新，下午茶來試生牛肉金邊粉，泰式牛骨湯底微甜不錯，金邊粉吸收了湯的精華很入味，份量足夠，有少量芽菜。生牛肉上枱時仍微紅，但牛肉是肥牛貨色，好韌而且有渣難咬，非常失望。串燒雞醃得入味燒得香口，面頭有綠色醬但食不出是什麼特別風味，沙爹汁量少味道普通，但單食雞也已經夠味。旁邊的粒粒其實是炸了的包粒，賣相金黃，雖然夠脆但一咬成口都是油…好像飲油一樣完全不想食。總的來說每道菜都一半好食一半好難食…好矛盾，下次再試下其他。

經過見到呢間新開既泰菜人頭湧湧，襯今日齊人緊係黎試下佢啦。呢間餐廳既裝修同環境都好有特色，應該都係新派既泰國菜。一睇個menu，就見到有2版係教人泰文既。等野食既同時可以學下泰文，睇下笑下咁消磨時間。呢碟馬拉盞炒通菜真係好香，一上枱我地記忍唔住搶黎食，食落好夠味又唔會太咸，正呀。呢碗粉超大碗，應該夠4，5個人食啦，佢仲要比左好多唔同既調味粉我地自己落，咁就可以岩哂自己既口味啦。呢個小食拼盤都好出色，份量夠多之餘，每一樣野都唔馬虎。我最鍾意既就係個雞翼，外面炸得脆卜卜，入面雞肉又夠嫩，簡直100分呀。串燒拼算都好值得推介，佢燒既時間岩岩好，唔會太燶而且肉又唔會咬唔爛。調味都整得好出色，點埋佢比既醬汁真係perfect match呀。呢間新派泰菜又平又好味，野食賣相又夠靚，下次一定要叫埋屋企人再黎食呀。