尚小館 (已結業)

在長沙灣放工後，同同事去了附近開餐，今次揀了間上海菜的小店，店舖細細在小街內，但隔鄰就是工廠大廈及商業區，午餐又多一樣選擇。先叫了個小食皮蛋豆腐，豆腐嫩滑，加上皮蛋及肉鬆調味，簡單清爽。雲吞雞湯只要$68，但份量2-3人分享，4粒雲吞及整隻大雞脾切件，雞件有6-7件，雞肉嫩滑，加上鮮甜雞湯底，還有大量蔬菜，健康又好味。上海炒粗色澤無平時般深色，而且唔油膩，炒得乾爽，唔會食到滿口油。跟餐還送豆漿，兩個人都食唔哂，埋單都係百幾蚊，非常抵食。

呢日同朋友去左長沙灣嗰邊，我地搵左一間食上海菜既餐廳食dinner，呢間餐廳都有幾多唔同既上海菜選擇，而且價錢都幾抵！我地點左沙煲雲吞雞煲，嫩滑既雞肉，鮮製既菜肉雲吞，加上娃娃菜同粉絲，煮出一煲清甜既湯底，配埋白飯食一流啊！另外仲有鎮江水晶肴肉，有水準既手工涼菜小食，結實既肉加上啫哩外層，唔錯既上海小食！皮蛋豆腐都唔錯，豆腐好滑，皮蛋好香濃！三絲粉皮啲麻醬好好味！鎮江骨啲肉煮到好腍好入味，餸飯一流！仲有呢個乾煸四季豆都好惹味！呢度既下午茶更加抵食，以後早收工既話可以黎食！

餐廳裝修簡單、明亮， 小店滿滿的人情味， 價廉物美， 認真抵食。醉雞髀飯配豆漿$46雞髀入口嫩滑， 散發著啖啖誘人酒香， 黃油雞皮十分滑溜， 拌飯一流 ，白飯足2人份量， 亦可選擇菜飯 (加$2)， 還配上豆漿 ，認真抵食。雙拼麵(鎮江骨拼炸豬扒)配豆漿$39炸豬扒十分大件， 即叫即炸， 外皮炸到金黃色，熱呼呼， 香噴噴 ，令人垂涎， 大口咬下， 十分酥脆， 豬扒仍然保持嫩滑， 令人津津回味。 鎮江骨厚切， 啖啖肉 ， 輕輕已經好容易咬開， 鹵得十分入味， 麵條口感煙煙韌韌， 軟硬適中， 湯底清甜， 香而不膩 ， 與麵條十分搭配。酥炸雲吞$28熱呼呼的酥炸雲吞，外皮炸到金黃色， 十分飽滿， 填滿蔥粒及肉碎， 大口咬下 ， 酥脆可口， 不油膩，散發迷人蔥香，沾上甜酸醬， 令人停不了口， 一口接一口。支裝奶茶$10支裝奶茶， 茶香奶滑， 茶和奶的比例剛剛好， 充滿港式茶餐廳風味。

行完九龍水塘喺長沙灣覓食，見到有間上海菜環境夠企理光猛就入去試下。估唔到有驚喜！價錢唔貴但份量多而且味道唔錯，店員仲好友善🥰。.🥘砂鍋雲吞雞煲（一人份量）配菜飯$70啲料疊到山咁高，份量夠兩個女仔食。湯底有淡淡金華火腿味道，紹菜吸收晒湯底嘅精華。雞肉份量頗多，雞肉嫩滑唔嚡口，雞皮有彈性。雲吞大粒飽滿，而且皮薄餡靚。.🐷豬扒菜飯$42豬扒新鮮炸起，皮脆肉嫩之餘又唔油膩。肥瘦適中，少少脂肪帶出豬肉嘅香味。配埋泰式辣雞醬又幾夾。.🌶麻辣三絲拌牛𦟌$38麻辣味道適中，夠香又唔嗆鼻。牛𦟌煮得啱啱好，筋位容易咬斷，整體又保持到適量咬口。.🥢尚小館 (長沙灣)長沙灣福榮街571號地舖

今日放假去D2行街~順便試埋而間上海野👅價錢真係超便宜又高質👍🏻👍🏻絕對係抵食之選喔！！醉雞脾🐣佢地既醉雞好正啊😍雞肉好嫩滑！而且雞皮咬落爽口多汁~加上清 香 醇 既酒香味👅唔會過份濃烈又帶出了雞既鮮味🥢南乳炸雞翼🐣炸雞翼個個都愛食😍而個仲要炸到佢外脆內嫩👅 外皮炸到脆卜卜✅🤩肉質亦幾juicy！！食完好想再Encore呀！麻醬雲吞 平時食湯雲呑就食得多啦！ 麻醬撈雲吞真係第一次👅估唔到又幾好食喎🤩🤩 雲吞皮薄涵靚~值得一試！三絲粉皮大熱天時唔想食熱野 ，一於嗌過涼拌三絲粉皮🥢青瓜絲 火腿絲及雞絲混和花生醬~冰涼味道簡直一流啊👅👅真係胃口大開！！最後嗌翻杯豆漿同柚子蜜🤩 真係平靚正又高質唷~

這是一間上海小店，雖然細細間，但五臟俱全幾好，餐牌上都有不少選擇，價錢適中。糖醋魚菜飯$46每件魚塊都大大舊，配上紅椒青椒洋蔥及菠蘿，酸甜味適中，送菜飯一流。紅燒獅子頭煨麪配豆漿$48成碗麵都大份，紅燒獅子頭大大份，裏面包着蛋，麵的份量也很多，麵質非常有口感，湯底很入味，一個人都未必食得晒，所以這個價錢的套餐是非常抵食。麻辣三絲伴牛展$38濃郁的麻辣味令人非常開胃，麻辣的牛展配上青瓜及火腿絲簡直是絕配，以餐前小食是非常值得推介的。

突然想食醉雞，所以就過咗嚟食。呢度就喺屋企附近，偶然都落嚟幫襯，因為呢度啲晚餐便宜又好食，菜式選擇又多，平均一個小菜有飯有飲品都嗰只係50蚊左右。#四季豆炒牛肉 $48四季豆炒得好甜好淋，配埋我最鍾意食嘅豆豉醬，夠晒惹味，牛肉好新鮮，食落仲好鮮嫩彈牙👍#醉雞脾麵 $52呢度個醉雞髀真係超級好味！仲要夠晒大隻👍醉雞夠晒醉，酒味香醇夠濃郁，而且雞肉鮮嫩白滑，記得一定要食埋雞皮，塊雞皮完全吸收晒醉雞汁so yummy! 上海麵都非常不錯，湯底清而不淡，幼細的麵條都keep到彈性，我最鍾意將醉雞汁倒埋落個麵度一齊食，超好味😋麻醬雲吞 $28平時食開湯雲吞，今次試咗麻醬，都幾特別，好香芝麻味，而且咁樣食到個雲吞皮彈性嘅一面，菜肉餡，餡料亦都好足👍

餐廳裝修簡潔明亮💡，座位不多。店內有4個員工👨🏻‍🍳👩🏻‍🍳，態度積極🤗。📑餐牌上大約只有5款午餐，選擇唔多。.📍紅燒獅子頭煨麵跟豆漿（$48）正當點餐時，草根妹妹猶豫不決之際🧐，店員充滿熱誠地推介了紅燒獅子頭，並解釋用上新鮮豬肉食製成🐷，裹面還放了一粒鹵蛋🥚。既然如此，就恭敬不如從命，餐讓👧🏻草根妹妹品評一下這個菜式。食物即叫即做，冒着白茫茫的煙霧🌫️，麵上亦蓋滿青蔥的小唐菜🥬，獅子頭賣相澎湃，中間包著一粒調味十足的鹵蛋🥚。老實說肉量沒有想像中多，豬肉過於鬆散🐷，感覺上脂肪比例較高，不過調味不錯。 上海麵份量慷慨🍜，麵質煙韌🤤，湯底入味。.📍雲吞拼雪菜肉絲上海麵跟豆漿（$45）雲吞只有2粒🥟，雪菜肉絲份量亦不多🤏🏻，配料很吝嗇😤😥。雲吞皮比較厚，餡料有豬肉碎和菜粒🐷🥬，味道發揮正常👌🏻。而上海麵份量足夠，麵質🍜感覺比一般的有咬口，湯底調味不錯👍🏻。但考慮到價錢與餸菜的份量🥟💰，草根妹妹認為價錢過於進取👉🏻👈🏻。.📍豆漿有少許豆味🤗，但估計應該不是自家製。.Menu

外賣混亂，食物一般,份量好少！明明叫左酸湯腩片米線但佢包錯俾我做清湯淨麵！😡😡😡俾錢時已經叫分單，但無人聽，堅持夾單收錢又混亂！外賣包野時應該小心睇清楚啲野係唔係包錯架啦邊有是是但但架呢個清湯淨麵，湯太少，麵份量少個湯唔算太咸，但配菜得幾條！但咁錯法真係第一次見，打去同佢講仲話只係同我朋友調轉，咁你包時唔係應該睇清楚份餐係咪客人架咩，之前黎堂食都未試過咁離譜，今次咁樣，亦唔會有下次幫襯！😡

今晚要留守公司OT😪, 所以就同同事係附近搵野食填飽個肚仔番去再努力過💪🏻!行左兩條街好多餐廳都已經關左門, 見到E間仲著燈喎💡, 就9秒9🐶衝入去食😆, 餐廳入面唔算好大, 不過幾光猛, 坐得都幾舒服😊!餐牌上面選擇都算多, 有好多小炒, 冷盤, 湯等等……最後小妹同同事叫左兩個餐一齊share食😋 上菜速度都幾快, 落左單無耐就有得食😁, 兩個人加埋都係114蚊, 以E個價錢嚟講份量都算幾足👍🏻😯豆漿🥛佢地只得凍豆漿, 但如果想飲熱嘅, 店員都會樂意幫你用微波爐叮叮翻熱😊醉雞白飯🍶🐔➕🥬🍚如果想轉菜飯嘅話就+2蚊😝, 白飯色澤油潤, 粒粒分明, 菜同飯嘅味道幾融和, 咸味亦岩岩好! 醉雞冰冰涼涼, 充滿濃郁酒香🤤, 雞件嘅份量幾多, 肉質鮮嫩啖啖肉!😋👍🏻一人雲吞雞白飯🍲🐔➕🍚一上枱都幾嚇親😯, 因為都真係幾大鍋🤣, 細食嘅朋友仔兩個share都ok, 湯頭幾鮮甜唔太味精, 入面嘅雞🐔同菜🥬都幾足量! 雞肉嫩滑唔嚡口, 吸埋d湯汁, 十分滋味!😋

我好鍾意食口水雞，以前食開一間上海菜嘅口水雞好好味！可惜老闆退休之後再食唔番嗰隻味，所以成日四周圍試口水雞店舖.希望可以搵到一間好食嘅口水雞！有一次放工經過，見到有得食口水雞.一於搵日lunchtime試吓先.原來唔一定要口水雞飯可以口水雞麵都得嘅.份量有半隻雞到，雞肉肉質都算鮮嫩，雞皮下脂肪唔算多， 但雞皮帶有雞毛，而且仲要係粗大嘅雞毛，清洗方面唔算太過乾淨，口水雞汁略為偏淡而且唔辣.下次可以唔需要再試.因為口水雞完全都唔正宗！！

尋日去左食，見佢門面幾光猛，又係我鐘意既上海菜決定一試超讚，一人雲吞雞煲，超抵食，個湯好好味，入面仲有幾件幾大既雞，好滑😍😍😍口水雞脾又係超抵，勁大隻，辣度幾過癮，雞仍然係一個字。。滑👍🏼但唯一我覺得扣分係，竟然有芝麻，因為我唔食芝麻既，所以有點扣分，但我朋友話芝麻配口水雞好香好正😍呢間小店好有舊式香港既情懷，價錢貼地，味道未必係一流，但真心性價比高，今次唔記得影相下次再去一定會再影，重點係豆漿超好飲，唔太甜，符合而家健康潮流興少甜。。衛生方面挺好，只係洗手間門壞了，和地下有些少跣。。服務態度也不差。。

今日放lunch，長沙灣lunch 時間係好多人，因為多工業大廈多OL，所以要食飯都要等位，尚小館開既時候就已經想去試下，今日終於有機會叫左醉雞脾菜飯，講左個飯先，菜多，咸度就有d 唔平均，第一啖好咸，但下面就平常返，可以整既時間撈得唔好，但加2蚊轉菜飯真係抵食，除左咸唔平均之外，真心唔錯醉雞，我本人平時都好鐘意食用花雕酒煮既餸，佢既雞肉嫩滑，就算唔係叫雞脾叫例牌都唔會只係得骨，真係有肉食肉入晒花雕酒味，好香好濃，好入味，午市黎講價錢合埋，飯既份量多，一個人食都好飽，另外再送豆漿，perfect另外叫左拍青瓜，佢唔係平時我地食開用黑醋整，佢係辣辣地，香口但唔夠入味。

以中國內地咁多城市黎講, 唔知點解特別對上海呢個地方既食物尤其歡喜.可能佢地 d 湯麵選擇特別多.今天就見到間較為偏僻的長沙灣街道, 有間看似幾抵既上海菜館.一於試試佢.正值下午茶時段, 望望個 menu, 選擇不是太多. 難道行精英制?好. 就試試個口水雞脾麵套餐.等左大約十分鐘, 所有的食材都放在我面前了.先試試杯凍豆漿, 絕對不是太凍, 但咁樣反而可以帶出豆漿的大豆味道.沒有冰塊的雪味阻隔.再試試個湯底, 唔算太咸亦唔算太淡.但單是咁飲總是有點單調的感覺. 所以,即刻試試個口水雞脾肉, 個汁不是太辣,雞肉都好鮮嫩. 不是太個雪雞的感覺.放落個湯到, 亦即時令到個湯底起了變化.多左點辣味, 十分惹味.亦同時明白點解要湯麵另上. 就是因為不想原有的味道被口水雞的汁覆蓋.不足十五分鐘, 經已將成個餐全部放入我的大肚子中.見佢地亦有其他上海菜選擇, 包括三鮮煨麵. 一於下次試試

長沙灣新開了一間上海小店叫尚小館，而且好似裝潢不錯就今日食午餐過去食，因為一個人等一陣就可入去，餐牌價錢四十多元都可以，有菜飯和麵食，最後就選擇了紅燒牛肉和雪菜肉絲配上海麵和凍豆漿$45，本來想食小籠包但這裡沒有有點失望，等了十五分鐘先有得食，份量都幾大碗，上海麵的麵質都幾軟熟又不會好淋身，比心目中好食而且都多麵，牛展有幾片，口感都幾好但就覺得沒有味道而且原本的牛肉味都好弱，雪菜肉絲的雪菜好味道又吾會好咸，肉絲都幾入味，豆漿就不太凍，豆味一般但幾大杯。