尚廚

营业中

休息中

we have arrived around 1pm on Sunday, there were quite a lot of people...the desserts are in the entrance,with some different cakes , the fountain of chocolate, marshmallows, thumb cookies etc,also some different flavours of haagen dazs ice cream, by the way, they make egg puff too. then there are some salade, 3 kinds of cheese, crabs, shrimps, mussels，sashimis, hot souple noodles, rice noodles ,barbecued pork, roast duck etc these kinds of traditional Chinese plates too. the noodles we can choo

上次在將軍澳的九龍東皇冠假酒店食自助餐時見到蛋糕價錢不太貴所以囝仔生日就在網上訂了個 ... 朱古力軟心蛋糕由 💜 72%朱古力軟心 ❤️ 72%朱古力奶油 🧡 朱古力薄脆💜 製成啱哂朱古力控囝仔上面還有 9 粒不同口味的馬卡龍這個也是儍媽揀這個蛋糕的原因，因為儍媽想食馬卡龍呀 !酒店質素的蛋糕，一磅裝盛惠 HK$200 蠻抵食呢 !!!** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡 ! 如發現未經授權使用，本人將保留一切追究權利 ! 多謝合作

一向都唔係咁多機會去食自助餐，今日路過將軍澳，就試吓呢間酒店嘅自助午餐。經過酒店大堂，見到有蛋糕賣，設計好精緻，而且價錢都算合理，仲有有幾個款式選擇，即刻影幾張分享吓，今期係聖誕主題，我最鍾意個大聖誕蛋糕，都唔駛三百蚊，限聚令下唔如果係酒店食，買返個返屋企慶祝聖誕都會幾有節日氣氛。除咗大堂蛋糕，自助午餐甜品都有唔少選擇，我揀咗綠茶，草莓同芒果小蛋糕，味道各有特色，口味都好清新，同其他食物相比，我比較鍾意呢度啲甜品， 大家可以試吓。其他食物質素尚算可以，大家又睇吓啲相覺得靚唔靚。

Staycations 2今次staycations 酒店包左$1200credit, 食左high tea 同晚餐後，心水清嘅我知道仲有credit 可以食多少少嘢「尚廚」就是今次staycations 第三間食店。其實酒店本身都包左自助早餐在「尚廚」進餐。但還掂仲有credit 就試埋佢地嘅外賣啦！我地試左佢嘅海南雞飯同印式雞扒漢堡，外賣仲要跟一罐汽水，酒店以這個價錢都ok 啦。海南雞飯跟足三款醬汁，雞滑配上黃油飯印式雞扒漢堡，漢堡入面夾左些三式椒同生菜，雞扒相反就唔算滑，有點實，個包就底面都煎過，整體都ok嘅。但同盒嘅配角「薯條」就爭返口氣，攞到上房都仲熱和脆，讚「尚廚」嘅自助早餐都有唔少嘢食，點心、粥、粉麵、包點、沙律🥗同最常見嘅西式早餐都有。最驚喜係佢地有part 負責蛋，煎蛋、炒蛋就食得多，佢地竟然連水煮蛋都有，真係驚喜

和朋友慶祝生, 訂了這酒店的staycation套餐, 包自助晚餐、早餐和住宿一晚.晚餐和之前的沒有太大分別, 不過, 若和早餐相比, 我更喜歡早餐, 雖然兩餐的食物種類都很多, 而且補充又快, 但若不是買套餐的話, 我個人就認為自助早餐抵食過晚餐.

其實我冇認真睇過到底皇冠酒店係四星定五星酒店，如果當佢一間四星酒店房間同服務都係OK嘅，如果係一間五星酒店我就真係覺得麻麻了。Anyway，同閨蜜渡過左一個愉快嘅晚上，瞓醒覺就落去食埋個早餐先。由於酒店價錢相宜，唔係豪華酒店，自助餐嘅選擇唔係名貴，但都叫應有盡有。麵包、點心、粥、麵檔、蛋檔、西式早餐、果汁、水果、即磨咖啡、凍熱咖啡茶，算係豐富。我冇食過麵同粥，但朋友都話覺得OK。西式早餐算係唔錯，仲有原條即切嘅紐倫堡腸。煙肉都有脆同唔脆兩款選擇。蛋檔方面正常嘅奄列、炒蛋、靸蛋、水波蛋、太陽蛋都有。呢度起碼係一個full service kitchen，比起上次去海景嘉福酒店要喺宴會廳食早餐，呢度其實唔錯。如果週末入住呢度真係會好多人，所以早餐佢哋都會提供外賣盒俾你拎上房食減少人流，不過都係果句，唔環保囉。

今晚食完紫粵軒，由於有朋友加入，大家又有些少口痕，加上見到酒店房入面有外賣自取嘅宣傳單張，而我哋房間嘅DinningCredit仲有剩，於是我哋決定叫外賣宵夜。尚廚嘅外賣自取相當抵，酒店住客八折之後一個凱撒沙律加飲品都係50幾蚊，觀塘嗰間沙律店都唔得啦，雖然外賣，話晒都係酒店餐廳啦。 海南雞飯成為78.4，雞同飯都係正常嘅，但佢就用咗一個非常之唔配襯嘅眉豆蓮藕湯。我總係覺得如果海南雞飯唔係配菜乾雞珍湯就唔係一個完整嘅海南雞飯。凱撒沙律都好爽脆，不過我唔係好鍾意佢啲麵包粒，用麥包之餘又唔夠鬆脆。呢個$70既公司三文治都相當唔錯，薯條炸得幾好，三文治入邊有蕃茄煙肉生菜蛋同雞肉，並無欺場。作為酒店入面嘅Allday Dinning餐廳，算係唔錯。

餐廳表示因應近日有客人反映魚生類食物欠新鮮，故是日暫停魚生及海產類食物，代之向每位客人送上半隻芝士焗龍蝦，但可惜那客芝士焗龍蝦非常難吃。其他食物種類亦十分少，燒味只有雞及紅腸。中式湯與茶餐廳的味精例湯無異。麵檔配料種類少及十分難吃。生果只有西瓜、菠蘿及哈密瓜。而甜品及雪糕種類尚可。整體而言，餐廳侍應態度良好，勤幫客人清理枱面；惟食物質量均欠理想，雖然疫情下客人數量減少，但餐廳亦應提供合理的食物種類，並需注意食物的味道。

記得舊年差不多這個時候都去幫襯過一次，畀我印像很好，有生蠔，熟食和甜品款式亦都很多，有不同種類水果。所以今次中秋做節，第一就諗起這間酒店，食佢嘅buffet啦，但係今次真係令我非常非常非常失望，不單止沒有生蠔， 三文魚就有，但係冇人幫襯， 平時三文魚都 有人排隊攞，但我坐咗咁耐只係見到零聲一兩個，所有熟食都少咗，甜品又少咗， 啲水果又唔甜，西瓜顏色仲係淡紅色的 ，得三款蛋糕仔，仲係好細件，豆腐花又唔熱，連Ｄ夥記都少咗，下次亦不會再幫襯。

服務態度：由一到達餐廳，向餐廳reception表示我的booking，一開始員工找不到我的booking，然後就開始皺眉，我發現自己留了另一個電話，那位員工更加向我反了一下白眼。講真：今時今日仲咁既服務得唔得啊？食物質素：理所當然這個價錢不可能想像食物質素很高，可是這自助餐連一般都未能達標準，最普通的食物，雞肉腸、凍蝦，全部肉質都很霉。講真：我要求已經唔高，最普通一條腸仔都唔食得，我真係冇野好講。☹️疫情下的措施：本來這餐廳的環境佈局，已經十分擠迫，而在疫情之下完全沒有隔枱，只有一塊單薄的透明板檔在每張枱的一則。在食物方面，檸檬在疫情下有冇清洗過都引人懷疑，檸檬上的貼紙還在檸檬的表皮上。講真：其他野其實有冇洗過？ 😂即使餐廳做什麼優惠都好，撇除食物質素，都不應該有如此的服務態度和衛生情況。大家睇路啊💩

好少在香港吃自助早餐，但都幾多選擇，好ok喎。菓汁都有幾款，我哋兩個人試了西爪汁、火龍果同五青汁之後來個自制All day breakfast多士同麵包都好多選擇，我試了麥包配了兩款果適醬加牛油（肥死）但好味😋，麥片有好多款，我每様試了小小，味精還可以，我還選了番茄🍅湯底米粉，餸吾多款式，只得丸類同菇菌類，雞旦有太陽旦、熟蛋同即煮奄列，我選了洋蔥火腿奄列，但過火了小小，蛋變得老了，吾好味。乳酪有三種口味，原味、士多啤梨🍓同菠蘿🍍味嘅，仲有少量點心，但吾太好味，個人認為好一般，可以不試。中式早餐就麻麻了，但總括來講都不錯👍🏻。

7月3日試尚廚自助午餐、入口接待員miss Law十分有禮貌先同我們探熱再安排入座、枱上每人一個信封放口罩、跟着我們各人便出去找心愛美食、食品排放得好整潔、有四款魚生、四款壽司、绿茶冷麵、沙律吧也十分豐富、熟食有麵檔、烧味有紅腸和鹽焗雞、小量中式点心、燒牛扒、鐵板蔬菜、春卷、豬肋骨和幾款熱葷、最特别有麻辣凍粉、甜品也有拾多款、雪糕也有八款-本人最愛芒果拿破崙、蓝苺芝士餅、水果也十分新鮮、最讚是工作人員十分有禮貌、今次多謝openrich提供折扣和食評使本人可以品嘗各區美食

在這個疫情下，雖然限聚令放寬些，都唔可以咁離譜，衰過茶餐廳，人數比正常酒店安排多一倍，食物供應又唔足，因人數超額，雖然是星期一，竟然有這恐佈現像，若是星期五六日，真不敢想像，有折都無用，衰咗個照牌，唔會再嚟，連柱邊都唔放過，照加枱，唏，係咪酒店嚟㗎，可以告佢，坐都咁迫，嚇死人啦。食物唔惦，都算啦，侍應又無禮貌，衰過食街邊檔，環境又嘈，可能人太多…

今早同老婆在皇冠假日酒店嘆個自助早餐， 疫情減弱下早餐時段都算多人，估唔到仲要越晏越多人都有八九成滿。 部分枱與枱之間有膠屏風阻隔， 還有口罩紙皮套。 整體嚟講呢間酒店自助早餐種類都算足夠，粥粉麵飯點心樣樣有啲， 西式腸仔蛋奄列樣樣齊 三款凍肉和煙三文魚， 另外有三款切芝士。 個人推介自選庵列， 早餐麵包酥類較一般大酒店少選擇， 麵檔D丸同材料都唔錯， 沙律菜都新鮮選擇都足夠 ， 自助飲品有四款， 兩款果汁，豆漿加脫脂奶。 切片生果有四款。 咖啡要另外叫服務員上， 印像中有三款可選擇齋啡，牛奶咖啡，泡沫咖啡。 唯一美中不足 就係服務員唔係咁足夠， 叫咖啡又要等，又冇乜人收碟。

2020年6月18日 (星期四) 7:45am 29°C 酒店自助早餐時間：6:30am - 10:30am 本人特地早上 6:30am 起身梳洗，換好衣服便乘電梯落一樓，吃免費自助早餐。 本人被安排坐近門口位置，而餐廳內亦坐了不少食客。 自助早餐提供新鲜水果和各地美食，以中西式為主。 以五星級酒店來說，侍應們欠缺親切笑容，有待改善。 環境光亮整潔，餐具乾淨。每張餐桌均提供紙巾和口罩套，以便客人使用，很貼心。 人數：2人 不用等位 可以叫廚師為你滾麵 腸類、煙肉 煎蛋 - 賣相 100 分 庵列、捲蛋 丸子類 - 可以叫廚師為你淥 沙律食材 - 新鮮，但種類比較少。 果醬、牛油 - 草莓果醬最受歡迎 粥、菜圃 - 加些油條，味道提升，又富咬口。 粟米片 - 穀類早餐，營養豐富，味道好，本人至愛！ 西式麵包 - 本人很久沒吃過牛角包了，鬆軟美味。 水果 - 新鮮水潤 粥 - 加了油條更具咬口 捲蛋 - 金黃滑溜 茄汁焗豆 - 好味道！ 炒飯 - 又乾又硬 炒麵 - 味道一般 粟米片 - 加入全脂牛奶，脆卜卜，冰冰涼涼，炎夏之選！ 西式麵包 - 兩款都鬆軟好味 煙薰三文魚 - 跟刺身差不