尚廚

营业中

休息中

這裡環境不錯我給4星。不過，服務態度差，先是坐位安排不理想，我們五人其中一位要坐很多人經過的位置，而且常有服務員放碟好大聲，影響大家心情。味道一般，自助餐基本的食物都有，就不多講了，最嚴重，我們一家五口食完肚痛，我第一個肚痛，好彩是我們都不用去醫院。價錢原本覺得都一般自助餐價，不過食完肚痛，咁就另計。

星期六跟家人去左酒店食TeaBuffet ，唸住去附近行下玩下，就跟大隊去食🤤完全零認識去食野都有好處，就係會有多d驚喜💗好開心呢度甜品做得好好味👍🏼平時買件好食的芒果千層酥都要$3x一件，呢度任食呀！綠色的開心果慕絲蛋糕係必食推介！另外仲有HaagenDazs 7款口味任食💗 仲有小朋友最鐘意的朱古力噴泉🍫最鐘意食甜品的我真係食得好開心🥳#熟食：估唔到熟食都幾多選擇！我推介有泰式青口、炸蝦、咖哩、及燒豬柳，中式點心都很受歡迎，例外有兩款中西餐湯選擇，兩款我都覺得很不錯！#沙律：冷盤的沙律配菜很新鮮，又有煙三文魚！日式的冷麵都幾好食，生果有好幾款選擇！#飲品：鮮橙汁、咖啡、奶茶、檸檬茶任飲！注意：3-12歲小童要比小童價

為左慶祝同屋企人出去食 buffet，因有大有細，所以揀左中價 buffet。海鮮: 蝦，蟹腳，螺，青口，同生蠔。款式唔多吸引，蟹腳得雪味同咸味，生蠔又細隻仲有碎殼。刺身: 有幾款，但唔仔細講啦！因為想講重點，有骨三文魚，呢樣真係無得頂，連幾蚊雞嘅爭鮮都唔會出現呢啲低級野，佢竟然一次又係，二次又係，無言。熟食: 無乜選擇，唯一係烤物好食啲，有牛脷，冬菇，豬扒。同時期間限定嘅花膠湯，花膠OK，但個湯無乜味，仲要係得一煲，派晒就無，排成十分鐘先拎到 。。。甜品: 比較多款式，但味道普普通通，連我呢個好鍾意食甜品嘅人，都無乜興趣食多轉。整體真係，唔會再黎。

食物種類不多，味道一般，甜品亦中規中距，沒有太大吸引力。冰冷海鮮中以蝦最好味，青口無鲜味。另外，生壕要排隊，每次每人只有2隻，質素唔高，雖然價錢唔貴，但應該無下次。

背境：家族慶祝人數：廿零人環境：早幾年間酒店都幾好，鄰近將軍澳地鐵站，交通算係超級方便，地鐵站出閘直去就係，行路兩分鐘。環境之前唔錯，但係經過海量嘅遊客蹂躝，酒店折舊得比想像中快好多。如果係情侶過嚟食飯環境就真係麻麻地，結咗婚100幾十年嘅話就咁想食餐飯咁都冇乜嘢嘅。入到去餐廳環境麻麻地，主要啲枱排得比較擠迫，行入去有啲吃力。食物：而家搞緊啲乜嘢韓式之夜，佢主力做一啲韓式嘅食物。例如佢想整個石頭鍋飯，但係唔知點解全部要自己分開夾，飯都要自己不，向好過方面諗咪就係佢可以自己選擇份量囉。其他食物基本上我個人立場都係唔多合格，例如佢有鵝肝，定係鴨肝唔知啦，正常自助餐會放喺麵包上面吸油，餐廳方面選擇直接放喺油上面，個畫面就係一隻碟上面有好多油，油嘅中間就係鵝肝。有啲可怕！魚生唔多新鮮帶子，龍蝦唔好食每次自助餐都有主力嘅牛扒！牛扒嘅中間基本上係生嘅，好利害唔知點做！另外主力：花膠牛尾湯，第一次食啲花膠係腥嘅！鮑魚人蔘雞湯，鮑魚都係腥嘅。其他肉類菜式，就算佢用幾多香料去掩飾，都係掩飾唔到啲食材唔新鮮。服務：收點速度好慢，仲會收漏野。唯獨是不雪糕嗰個姐姐仔好好笑容，服務好好，會主動問你試唔試吓其他口

上次大概1.5年前去tea buffet, 女職員回覆是不包咖啡奶茶，因已有果汁供應（當時她的態度不太友善），不知現在是否也是沒咖啡奶茶呢？ 另外，沙律菜很新鮮，讚。 回覆後會考慮光顧，收到通知4-5月有75折安排。

公司春茗，請食自助LUNCH。地點係近近地既尚廚，依間野都唔係第一次食。記得上次食都OK既，有蠔，有燒牛肉，羊肉，魚生果D；又唔係貴，其實普通人回本真係唔難。不過我咁細食，就覺得點都回唔到本。一開始食左燒牛肉同羊肉，重有焗蕃薯仔；牛同羊都幾好味，羊唔會好穌。跟住食左魚生，壽司同生蠔。今日D生蠔勁細隻，冇乜肉，重要開得勁慢，我已經等冇人排先去拎生蠔，但等佢開都等左幾個字；同埋壽司款比較少，重有就係唔知係咪平日，佢好似冇乜人手咁，刺身雖然已經切好晒，但都要等職員分配，而個職員又成日行黎行去，真係明明冇人都要等。食完主食，跟住食左碟沙律；本想夾多D生菜，但冇人refill，得幾塊。蛋糕，應該有既我都拎齊；依D對我黎講先係主食呢大多數都幾好味，我見其實佢會refill唔同款既蛋糕出黎，可惜我已經食唔落，如果唔係我都想再試。豆腐花同椰汁西米露。豆腐花好滑，而且可以比我勁落紅糖，真係好好味丫。西米露，可能因為我食完豆腐花先食，覺得一般，不過椰汁味都幾夠。跟住重食左雪糕同埋小杯布丁果D，甜品款式真係算係咁啦，唔錯，如果雪糕有朱古力針果D 就好啦，唔知點解佢放勁多軟糖出黎比人做topping囉。另外佢

經OpenRice 訂位有八拆優惠，拆後每人約190元（巳抱埋加一）原價是208元。食物是擺明下價貨，（已經預左）但竟然包括有檸檬茶、橙汁、咖啡或茶是任飲。👍👍服務很好好，👍👍，更加抵讃是👍👍另加88元有紅、白酒任飲，（基於有這優惠才卜位）我是會再次來的，因為勝在有酒任飲，對食物是沒有要求。差點忘記，有雪糕任食，這個要讚👍👍。如果有某些人只希望同朋友吹下水，飲下酒，這個是一個很要好的地方。

臨時臨急搵餐廳慶祝生日，將軍澳好多都食過又冇乜邊間好特別，就一於試下酒店既自助餐！經openrice 訂位有7折，算係抵！準時18:30入到去，人唔多，獲安排左近甜品既梳化位，好舒服！夠鐘會有侍應提你可以拎野食，貼心抵讚！一開波拎左中湯，有桃膠可以補補之後拎左蟹腳，蜆（有沙），生蠔（細細隻肉薄冇乜蠔味），凍蝦，仲有魚生，味道正正常常！熱盤都有唔少選擇，連燒味都有！不過都係冇乜邊隻突出！野飲有咖啡奶茶檸茶，甜品一般，大路既綠茶蛋糕、芝士蛋糕，仲有豆花！試左粒龍鬚糖反而幾驚喜，鬆化唔太甜，encore左！重頭戲係分子紅豆雪糕！睇住佢整，好多煙，啲小朋友好開心！雪糕個味好紅豆，不過諗唔明同分子有咩關係！另外仲有哈根大師放題，最少有成七八隻味，啱曬各位甜魔！最後仲有件生日cake。。不過太飽食唔落，又唔比打包，只好白白浪費！

推廣期間預先在網上訂位和付款，晚餐成人每位390元左右，比原價約有65折。週一晚上七時前，約有一半坐滿，整晚只有半滿，所以環境寧靜，服務人員也夠。餐飲如不需飲酒或果汁，基本奶茶咖啡檸茶蜜糖都任飲，是次新年期間做鮑參翅肚主題，有幾款特別街外又無的熱盤。如黑松露薯容，燕窩蟹肉酥盒，都是特色的熱食，而且味道也好。每逢供應有限的食物岀爐，廚師會搖鈴通報客人，在開放式廚房中，今晚捧岀西班牙海鮮燉飯，當中有鮑魚仔，可能是平日晚上，全晚只岀了一次。錯過了就無得試。甜品也有特別的份子料理雪糕，也是全晚只上一次呢。總體而言，晚餐來說價錢算平，也有特色。下次再有節日的主題，可以一試

偶然看到這自助餐廳用海鮮做主題，就選擇年三十去試試，以為那天應不會太多人，最後都全場滿座。食物種類繁多，主角海鮮部份有蟹腳/海蝦不停添貨，好味又食得滿足。生蠔即場開每人每次三隻，確保客人食到最新鮮的，好欣賞這個安排。其他熱盤/刺身都好夠水準，甜品部份還做了應節的，明顯在安排菜式時儘量包攬各類型客人，有別以往食過的自助餐菜式，顧得款式多又顧不了味道，這家兩方面都能兼顧。找個時間會再試中午自助餐，看看質素能否跟晚市相同。

爸爸生日一家人想食好啲！但係佢又成日唔肯俾我哋請食飯，於是第一次用OpenRice嘅折扣優惠！估唔到價格超值之餘環境仲很好，食物種類又好多！特別想稱讚嘅係海鮮部分！無論係數量定係種類都好多，而且好新鮮，加上工作人員嘅效果都好好，就算係最受歡迎嘅蠔，明明好多人都會去拎，但唔會好似其他酒店咁樣慢慢開，結果累積左一條超長嘅人龍出黎強烈推薦鵝肝多士，鵝肝份量好足， 外脆內軟，一啖食落去完全係滿足嘅感覺，明知會肥都忍唔住食咗好多件

第一次來食大概四五年前當時比我的感覺係不值得食的buffet因為食物一般 亦都選擇很少今日book左位7:30pm 兩位7拆再加一，平均一位406晚餐buffet有生蠔有蟹腳 算是價錢平宜因為我比較大食😂雖然食物選擇依舊少但食物質素高左呢個湯味道不錯，愛黑蒜 重味，岩晒不過就見佢加左鹽，比較重味另外我比較中意生蠔瘦生加重海水味所以今次岩晒我食左30+隻而且係即開加上人唔算多次次都排第一至二，非常快甜品就只食左雪糕和火焰雪山雪糕7個口味 算不錯火焰雪山就不太好，蛋糕比較實Over all生蠔和長蟹愛好者，見到有折，不妨食下不過可能位置太入，沒乜人執枱

突然興起想食自助餐所以就揀間價錢平靚正嘅去食，見到7折就過左尚廚 整體都好食 最中意黑蒜一桃膠螺頭燉湯 同生蠔同其他海鮮都好新鮮 不過就咁岩見到沙津吧有曱曱經過🤪 之後就唔敢食lu 魚生普通啦 壽司就冇特別可以唔洗試甜品我覺得個紅豆燕窩雪糕真係普通左d 可以唔洗排隊去拎🤨。同火焰雪山都係 個蛋糕底太厚又硬但唯一就係服務真係爭咁d 個場人不多 下午9點度 收嘢速度好慢 d員工仲自己行出黎拎嘢食😅有d無奈真係不過整體都算係咁。埋單812 真係平靚正嘅 呢個價位值囉

今次再去係因為屋企人想食自助餐加上見到有長腳蟹自助餐就決定去呢間。今次再去食物選擇多咗，質素都高咗。蟹膏餅真係好新鮮好好食，拎咗好多件。長腳蟹都有好多肉好抵食！甜品方面都有好多款，又有好多特別嘅雪糕同蛋糕好似乾冰雪糕同火燒（？）蛋糕，大人細路見到都排長龍。飲品方面有咖啡機、酒同茶，都係自助形式但眼見都係拎茶同酒多可能因為咖啡機個位唔太顯眼。雖然枱上每款食物嘅數量得幾舊，畫但d食物fill得好快，唔怕食唔到又新鮮d最後要讚下員工態度好好，收碟亦好快手！