尚廚

营业中

休息中

睇openrice以為buffet去到10：30pm.諗住打去問下，點知冇人接聽，服務員仲要入座前完全冇講，到我地食到一半先話buffet 9:30pm收，我當晚8：45pm先到達，點解可以唔提？？服務態度差！第二樣差既係食物種類太少，我本人好少寫食評，但75折後都仲要$4xx, 仲要冇咩選擇，實在失望！！！！！！！！！！！！！超級失望！！！！！又唔抵食，水準低，大家真係要睇清楚各食評先至好幫襯！！！

今次係第一來食，機於生日🎂又剛好撞上”Open X” 有75折優惠，所以近近哋在屋企過來食。呢倒鄰近將軍澳站C出口，一出C出口離遠見到Chocolate Store，旁邊有個出口，一出去就會見到酒店。十分之便利，5分鐘以內腳程。👍🏻🚶🏻‍♀️🚶🏻‍♂️揸車嘅人，亦享有3小時專人泊車服務。😉👨🏻‍✈️🚙一入到去一眼無遺，因為地方實質唔大。由於爆場關係，Request 咗亦一樣無得坐Window side😬🤷🏻‍♀️地方淺窄，只分三個攞食物區，一大三細分配。細係茶水🍵位、甜品位及雪糕Pancake位，大係刺身、冷盤、熟食及燒烤物。完。我係冷盤愛嗜者，所以熟食款式少對於我來講都問題不大😂😂冷盤得簡單幾款刺身，然後係青口、風螺、蝦🦐、蜆、長腳蟹及生蠔。生蠔係唯一吸引我嘅地方，因為都算新鮮，亦不停為食客開殻。👍🏻👍🏻另一款係即時Order 然後就即燒🍢🍗🍖，羊架都不俗，一啲都唔騷。至於每人送嘅花膠湯一盅，實在唔需要期望太大，屋企自己煲都好飲好多。😂😂熟食方面，據了解叉燒都好味嘅。至於甜品方面，款式實在唔多，我只食咗兩樣及兩個雪糕球🍧🍨。總結，好彩有Discount，埋單兩個人合共八百幾，否則過千元自助餐

今日與兩位長者去食自助午餐，價錢合理，食品款食及質素都與收費成正比例，但職員服務態度差，接待處職員問一句答一句，沒有笑容，因為安排了的枱污糟多處尚留有食物碎，請接待員安排抹清理一下，她拿了餐紙隨意抹一下（尚留有）表情認為是客人過份要求的表示已處理！長者取雪糕，已表示想要的兩款味道，員工給了一款後，再問長者要那一款，長者再答，員工不願的樣子再問，我走到長者旁邊看著，員工才多給長者示意要的另一款！⋯⋯⋯⋯⋯⋯⋯服務態度一個字：差！

炎熱的夏天☀️，熱到街也不想去，索性訂套票到酒店hea 一晚，套票包埋早餐buffet. 星期一早上食客不多，感覺悠閒，環境亦乾淨舒服。早餐款式蠻多的，中式西式應有盡有，而且食物質素也不差。茶和咖啡任飲，比較特別系有五青汁，夠曬健康😛。

今天是母親生日，一家人到尚廚吃自助餐，這裡款式多，有生蠔，刺身，任選燒烤，和Häagen-Dazs雪糕，每一還有一盅盅花膠湯，味道不錯，侍應服務態度好，還送上小小生日蛋糕，加上恒生咭有折扣，整體非常滿意

如上次光顧一樣，每次排隊在你面前慢慢開兩隻超小型生蠔，這次連刺身都是慢慢切三至四厘米大的刺身，以後不再來了，但其他炒粉炒飯，份量及款色夠多及還可以的，樓面服務員態度尚可，其他厨部的口黑面黑

成個將軍澳得呢間酒店，一於喺度試吓佢嘅自助餐，睇吓佢嘅質素好唔好。講下呢度嘅自助餐有咩食先，呢間餐廳主要分開三個區域，入面係熟食同埋西菜，另外一邊就係甜品區，仲有一個細嘅地方就係飲品區。其實以差唔多$400呢個價錢，又有生蠔又有龍蝦又有長腳蟹，其實真係超值。不過有個唔滿意嘅地方就係佢嘅刺身選擇比較少，同埋食落唔算係好新鮮，所以我食咗少少刺身就已經冇食。甜品嘅雪糕係Häagen-Dazs，有差唔多10款嘅味道俾你揀，係唔錯嘅。整體來講呢次係一個唔錯嘅用餐體驗。

食物款式都算多元化Häagen-Dazs任拎很讚意粉食材自由配沙律新鮮菜夠Fresh甜品件件夠晒細最啱我哋女士胃口細樣樣食啲唔怕制滯有咖啡機自己揀咖啡種類咖啡☕️配蛋糕🍰先係王道

今日中午老闆請食自助餐，去左最近公司既地方食。頭盤、冷盤尚算豐富，熱盤選擇就少啲，甜品都幾好食，另外咖啡、茶就任飲。因為有人請，所以唔知幾錢，應該每人要$200-$300之間，食物味道ok，出菜幾快，無乜空缺，尚算抵食。

食物選擇種類太少，無咩選擇可言真係去過咁多間第一次係樓下隔離食自助餐，係貪佢近試下咁，食一次唔會想去第二次。連野飲度少得可憐搵杯橙汁比個囡囡飲度話要加錢先有，甜品好難食。魚生連吞拿魚都話無架，熟食一般，食左幾個海螺全部都有沙，係有燒羊架多春魚咁咯。去一次就好啦！

是日半收爐宴，阿頭請食自助餐澳洲蠔，同事不停話好新鮮好正，我覺得鹹咗啲剌身方面三文魚都幾ok,其他好一般比想像中好食嘅蝦，同埋有得食鵝肝連鮑魚，又幾特別即煮意大利粉，仲可以自己揀配料，熱辣辣咁食真係好重要比想像中多嘢揀嘅甜品，仲有花生醬味雪糕，幾特別

早幾日老闆請晒我哋成個部門食收爐飯呢度嘅中午自助餐都幾正，有生蠔食。上年都嚟過，今年嘅生蠔比上年好食好多。今年嘅生蠔係喺澳洲來的，生蠔非常之甜美。今次我食都差唔多食咗兩打生蠔，我老闆仲犀利食咗60隻。其他嘅嘢食都唔錯，仲有Häagen-Dazs雪糕任食。中午來講呢一間自助餐都算抵食仲要有咁多款

假日諗唔到做咩好就去食下buffet。呢間酒店有分1/F嘅buffet同47/F嘅semi buffet。苦惱完之後都係想多啲選擇。決定去1/F。飲品有無限冷熱紅茶。可以變檸茶/奶茶。仲有蜜糖提供。另外可以加錢轉free flow。以酒店計free flow係平嘅。不過因為檸茶已經岩哂胃口唔駛加free flow。lunch buffet有即開生蠔供應。成件事即刻抵左。今日係法國蠔。質素幾好。不過每次俾兩隻。想食就要行多幾轉。蟹腳有啲營養不良同埋少refill。不過咸鮮味足。青口有驚喜幾creamy。蜆同螺可以不試。冷盤仲有沙律煙三文魚凍肉刺身壽司等等。好多選擇。不過個胃有限試唔哂。芝士有4款。都係大路種類。羊奶芝士有驚喜。熟食有點心燒味鐵板燒印度咖哩等等。比較普通。烤肉有牛扒有羊脾。牛扒燒得好靚仔。仲有2個live station煮意粉同粥。誠意充足。不過味道不足。意粉揀左龍蝦汁。結果一啲味都冇。甜品cake選擇較少。味道普通。有中式糖水同豆腐花。仲有水果同埋朱古力噴泉。雪糕係haagen-dazs。有7種味揀。有誠意。weekend lunch buffet $338+10%。op

機緣巧合之下 朋友話請我哋食餐buffet 於是就梗係揀間最就腳又未試過㗎啦 所以就嚟咗依度啦但lunch buffet來講 小嘢食係正常 但係依家少嘢食之餘 啲嘢食最係比較冷門搞到好似要一直食同一樣野咁 例如生壕個啲而且我覺得食物質素都唔算好 如果要同價錢掛鉤 我覺得未至於要依個價不過我覺得嗰度嘅甜品可以DIY 呢樣已經算係嗰度最特別嘅嘢佢有一部巨型嘅pancake機 企喺嗰度等30秒到1分鐘到 就會有一塊新鮮熱辣辣嘅pancake喺入面碌出嚟 而且有一個小小嘅DIY區發揮創意 算係幾獨特嘅不過整體而言 真係可一不可再 可能下次試吓dinner buffet會有驚喜啦

一家人總動員食自助餐，今次揀左呢間尚廚。經Openrice訂座有優惠。 餐廳唔算好大，一行長檯分類放左唔同食物，另外仲有一邊係甜品專區。凍肉、沙律、仲有刺身壽司櫃、凍海鮮區。 難得中午都有生蠔，質素就唔算太好，但總好過無。 即炒意粉，任選配料，要咩汁都得，最適合當作小朋友主食。 一行多款的熱盆，各式各樣應有盡有。 即切燒肉，德國香腸 食自助餐最鍾意食甜品，黎到呢度實在好滿足。新鮮水果好幾款。 一檯都係甜品蛋糕，賣相不錯，款式夠多，非常精緻。 唔少得中式熱糖水，個人幾鍾意豆腐花熱辣辣幾香甜。 旁邊仲有凍櫃放左奶凍類甜品，仲有幾款雪糕。 甜品正正常常，其實都係好味嘅，不過蛋糕略嫌太夾件頭，好易飽肚。 餐廳環境正常，但略嫌位置較窄，檯與檯之間太近，空間不夠舒適。食物款式都有各類型，選擇尚算可以，味道正正常常。 如果有折可以試下嘅。