尚廚

营业中

休息中

早排住酒店，送每人一個自助早餐，估唔到個早餐好有誠意，拍得住真正五星級酒店嘅自助早餐。環境和服務都好好，座位夠闊落首先選擇非常多，無論你係食開中式或者西式早餐選擇都非常多沙律吧的選擇算多，也有芝士和煙三文魚另外還有粥、不同款式的麵包等，例如冬甩、鬆餅等還有河粉、公仔麵、油麵等，配料都有很多，例如醬料等，絕對食得滿足我食左一碗河粉，味道真係真係幾好還有不同款式味道的乳酪，原味、草莓、藍妹、鳳梨等等。仲有迷你pancake，實在太豐富啦

同屋企人慶生，自助餐都可以話不二之選。一般dinner buffet先有生蠔食，咁岩睇到「尚廚」推出左個「蠔得喜」lunch buffet，而且kkday 訂座只係HK$350/ 人連加一。300蚊有生蠔食，一於試試佢啦環境方面，裝修都新淨，座位擺放都有一定距離。疫情關係，酒店仲放左D透明圍板去分隔食物區同用餐區，食客都安心D。食物放面，今次既重點緊係食生蠔啦~ 每人一次限拎2隻，輪候時間可接受，係一開始比較多人拎，之後既時段都係等左一下。生蠔約中小型，唔係creamy/ 厚肉個啲，不過幾新鮮，「海水味」較重。一個人可以食到差唔多10隻。冷盤方面有蟹腳、青口、螺、蜆、蝦。蟹腳都係約中小型，螺、蜆、蝦都係正常發揮。唯獨係青口真係搞唔掂臭左，唔新鮮寧願佢冇。Cold cut都係火腿，煙三文魚個D，冇parma ham，但有幾款芝士。沙律區都算幾款揀，我淨係食左粟米，所以就冇影相啦。壽司同刺身望落一般，有卷物、鰻魚/蝦/北寄貝壽司等。刺身有4款，三文魚、吞拿魚、希靈魚同鯛魚。另外有冷麵提供。通常buffet既壽司刺身都麻麻，所以冇試留肚食其他。熟食放面選擇都多，基本既燒牛扒，中西式小菜，點心

好耐之前食過午餐自助餐，都同自己講無下次，不過近近地，所以再比多次機會試下。。。。。環境 : 真心差，食過咁多間呢間都係數一數二簡陋，坐位同坐位之間都幾迫，基本上你出去拿野食條路好飲打攬球咁，避完食客避職員😂😂😂食物 : 差到一個點，真係差，長腳蟹腳同我屋企隻喵既喵鬚一條細剪完得嗰小小，算。。生蠔。細 ，淡蠔味，勁淡🥲，又話有鴨肝，但唔見有，其他野食都係水準以下。。。。任飲lemon tea, 個茶底係常溫，冰都無粒。失望服務：開蠔嗰位應該開到忟忟地，長腳蟹呀姐唔叫都唔加腳落去，唔該佢加返就係咁掟落去咁，雪糕師傅又係咁，可能真係攰，收餐職完可能太忙，我儲咗好多碟都未有時間收。。。總結 : 中 午 晚 都食過，唔會再嚟，除非好平

平日同屋企人食生日飯，見到佢網上商店預付仲有七折優惠添，咁計落其實個價錢出邊好多地方只係食到lunch buffet，呢度呢就可以食到dinner buffet，仲有生蠔🦪，魚子鵝肝，龍蝦🦞食，其實都算好多選擇同埋啲食物都算新鮮，所以絕對值得推介。

又係媽媽帶我食好野，山長水遠去到將軍澳食自助午餐，本來都冇乜期望，但最後都喜出望外！早左去到，門口有座位可以坐低等，夠鐘入座有職員埋黎提示，唔知係唔係因為網上已經比左錢，定係見阿媽拎拐杖，所以職員安排一個比較寬落同開揚既位比我地！現場所見都幾多老人家，而且愈行得入就愈迫同嘈，當日安排算係咁！其實你話冇野食，佢又唔係冇選擇，一般凍肉，煙三文魚都有，芝士都係果三款，一開始好多人排蠔，連3歲小朋友都排埋一份，因為每人兩隻。。。燒味，點心，熱盤都唔差，配羊脾果個薄荷醬好食，咖啡，檸檬茶可以自己整，冷熱任飲，水都係出去自己添飲品選擇多，雪糕個碗擺係凍櫃入面，雪糕拎返埋位仲可以擺一陣！我覺得400幾蚊兩位，其實都幾好，如果有聖誕主題可以再考慮下！

Waiting客要坐到升降機大堂走廊位，常有人行過，可能我對疫情要求高，9成幾食物是沒有提供蓋蓋好，食物選擇不多，飲品得咖啡檸檬茶，沒有果汁比小朋友，但有$12罐裝飲品，出面的食物就咁放在碟上，完全外露，啫喱杯啫喱面佈滿漬，感覺放了很久，甜品沒有遮蓋，不要期望是酒店級管理及水平便可。生蠔不新鮮，沒有鮮味，清洗過程馬虎，有怪味，職員取出新碟時沒有帶手套，座位擺放密麻麻，見到食客坐位很接近，我們食了不夠一個鐘就走，都不敢再光顧了。

先利申：我唔係成日食自助餐😂畀唔到好專業嘅評價，不過呢餐係令我覺得value for money同埋滿意嘅。最平一晚$450樓下有生蠔食算係性價比高！🦪由於太多嘢食，所以會揀幾樣重點食物講.1️⃣凍青口、蜆、螺原本以為又係嗰啲同價位自助餐貨色嘅凍冰冰無味肉肉，點知有驚喜！佢絕對唔係冰感肉之餘，蜆肉🦪🦀、螺肉都比想像中鮮甜！唔使點汁都好夠味！呢樣連六七百一位嘅自助餐都未必做到！.2️⃣生蠔每次每人可以攞兩隻，大細大約係半隻手板咁大。因為係師傅即開所以有機會要等一陣。蠔味都算係清新，合格嘅。.3️⃣鴨肝多士我喺自助餐少見呢款食物！鴨肝新鮮煎到好香油脂味，巧邪惡！然後攞多兩件😝.4️⃣羊架又係新鮮煎起refill得好快！羊架唔會好大陣羶味，而師傅推介點薄荷啫喱🤣點完又係幾清新，唔會好肥膩🐏.5️⃣甜品選擇唔多，賣相亦唔吸引…最好食係個草莓撻（因為我鍾意食撻皮）留肚食Haagen Dazs好啲🤣.性價比：🌕🌕🌕🌕🌘美味度：🌕🌕🌕🌕🌑獨特性：🌕🌕🌕🌑🌑

第一次到將軍澳食自助餐，我都唔知點解會簡呢個，好似聽聞又平又抵食🥲 提早兩個星期book 位先book 到位，冇曬星期六簡，唯有星期日啦🤪6:30到達，好快可以安排到入座，不過餐廳已見人龍排隊拎野食，咁我咪排下，龍蝦、生蠔係長隊，點評下以下野食，真係伏味十足🥲🥲魚生： 三文魚，味道麻麻，唔夠新鮮🙈排長龍既生蠔（即開即洗）：蠔超細，冇咩肉，唔鮮甜😖食無可食，食河粉，水準同一般buffet 相約咁難食大家睇下長腳蟹係冇好簡，廚房冇fill 野食，長腳蟹好咸🥲海鮮區最嬲應該係，佢完全唔捨得比人飲野，只有tea or coffee ,冇橙汁😊甜品區選擇尚可，但味道唔得重點：飲其他野飲，要收每支12蚊，真係好大方我見好多人都睇落似冇咩好食，見到有人食好大碟炒面😭😭😭 因爲真係冇咩好食兩人消費連加一85折合共約$1100 我第一次要咁早走人，8點唔夠我就嬲爆爆咁走人啦🥲🥲返到屋企肚柯2次，多謝幫我清腸胃🥲

同朋友一齊去staycation, 住一晚再包一餐自助早餐。呢間餐廳除左住酒店既客人之外, 區內既居民都會黎食, 所以我地坐低食左陣都見出面好多人等位。食物既選擇都算多, 中式粉麵又有, 西式pancake又有(pancake係自己禁部機, 等幾分鐘就有成品出黎, 按照自己口味落糖漿/其他口味漿)職員refill食物同收碟都好快。我同朋友都食左幾轉, 每一樣既食物都試過哂。每款食物都熱騰騰, 味道好, 食完會想再食。有奄列, 即叫即整, 自己揀配料。職員將蛋煎得好香滑薯餅, 魚手指都有, 香脆可口

第一次係將軍澳酒店食lunch buffet..性價比一流！應該有既野都有..最勁係呢個價位仲要有即開生蠔🦪不過我食自助餐其實只係主要係食冷盤同甜品..呢間食物都正常既..今次我食得最多既係長腳蟹🤣即切羊髀有啲穌…原來羊脾同牛扒係會輪流交替供應..我行左三次都見唔到牛…我哋應該無咩緣份lo🥶甜品選項都不過不失..重點係每件都細細件..我試左芒果拿破崙同黑森林蛋糕都ok喔唔會太甜我幾鍾意..Haagendazs 雪糕有7項選擇..連最鍾意既蜜瓜味都有😳⋯其實仲有奶凍..啫喱..芒果布甸個d無影到🤣同埋自問真係食唔到咁多野

眼見廚房出來的員工雖然戴上手套，但推車執嘢後再用同一對手套去拿煙三文魚就咁撕開一片片就擺上枱給客取，手套掂過咁多嘢，唉，眼見唔到唔知仲有幾多，下午茶來講都可以，員工欠缺笑容，咖啡機出水有啲問題，請教侍應，佢叫我咁多次就走咗去。

十一假，不能旅遊，想著吃餐好些的，呢間皇冠假日酒店$549/一位，质量太差牛肉很多筋，咬唔郁,我切咗旁邊的，就淨係食中間一忽仔，都係我咬唔郁，蟹又唔新鮮死蟹，啲蠔好細隻，入到去全部都係啲冰凍野,成晚全部冰凍嘢，仲有啲魚呀，認真孤寒，收得咁嘅價，俾啲龍利柳我地食，好cheep,仲要佢以為係燒鵝啦,原來燒鴨,啲咁嘅食材真係想呃啲冇咩出嚟食過好嘢嘅人重可以，呃我哋啲成日出嚟食嘢嘅人真係絕對冇第二次幫襯，班都冇一條,唯一可取就係甜品花款多都幾好味，完全唔值呢個價，又俾人伏咗一次，仲有啲廚師啲態度好差想，要食物都三催四請先俾你

今天出席了之前訂購買一送一的自助午餐， 超抵食，有 即開生蠔，海蝦， 翡翠螺， 青口， 中東包，燒牛肉…………等等。即開生蠔 都非常新鲜， 每人限取兩隻，不太多人排隊，好容易攞到，我大概食了八隻。海蝦好大隻又新鮮，非常好味，翡翠螺好大隻，超好味。有中東包，叫了兩件，但味道普通，因為不是立即切肉，那些肉， 一早就切了在個盤中，所以不是熱的，包皮那很厚，唔好食。燒牛肉好快被人取完，有燒羊脾，但我唔喜歡食，所以沒有取。有熟食，但都是一般，而且唔太熱， 好多時攞到食物返回位，食物已經凍咗，所以比較差。有中湯和西湯，中湯一早畀人取完只有西湯，要等一陣先再Refill 中湯。甜品款式多，而且都好好食，有 Haagen Dazs 雪糕，值得 讚賞。

Worse dinner buffet in a 5 star hotel. The choice of food is very little and boring. I had better food in any breakfast or lunch buffets in restaurants or hotels than this. They could do better by at least giving more variety especially on Chinese food which we all know easy and inexpensive thing to do. The value for money is very low. I saw many negative comments before going. The only reason we went there is the location that is closer to home. I guess next time we just travel a little

放假就約人周圍去周圍食，而家唔洗返工的日子又未返學，無咩特別就搞掂各人出門清潔一下就繼續煲劇，其實煲劇真係好好，唔會覺得好無聊時間會過得好快，今日約咗家姐同細妹出將軍澳一間酒店食午餐，而家差唔多一個月一次同家姐細妹去食一餐，之前食花月庭，極上食放題，今次試呢間叫尚廚，第一次食午餐$368加一有85折，大約350左右，午餐都好似貴咗啲但呢間我覺得都可以，估唔到有長腳蟹，蠔，都有好多嘢食，每樣食少少都食唔哂，啲蠔雖然有專人開即開每人2只，但我哋都係攞咗2次共4只，睇落麻麻哋，只喺家姐食我哋無食，食完行一陣就各自回家，家姐回家後就唔太舒服痾好多次又嘔，唔知喺咪啲蠔，我同阿妹就無事，因為我哋無食蠔所以可能喺蠔的問題，她彩家姐已回家痾嘔完瞓咗一陣，晚上話無事，家姐話下次再去都要睇清楚先食啲蠔，其它都可以