尚膳養顏滋補鍋

营业中

休息中

好耐冇去得台灣，上一次去已經係二零一九嘅盛夏。當朋友建議食火鍋，我即刻話要台式火鍋，佢就介紹咗呢間「尚膳養顏滋補鍋」。一聽個名就覺得好養生好健康。呢度唔係任叫，一碟一碟計錢嘅，質素都幾高。打邊爐最緊要個湯底，我哋叫咗滋補椰子雞鍋（半隻雞）($168)，店員極力推薦。個湯底包埋半隻雞，抵食。幾甜。餸嚟講主要都係肉同埋蔬菜。手切牛肉（大）$288肉嘅色澤均勻，肥瘦適中。一上菜覺得呢你們鮮紅色嘅肉真係好靚，份量都真係夠大。但佢唔係得個樣，牛肉味都夠濃。日本A5三角和牛腩 $288比較貴嘅高級肉，呢個脂肪嘅比手切牛肉多，食落去嘅牛肉油脂香味更加重。杞子圓肉菊花露 ($0)只要喺社交平台打卡簽到或者讚好就可以有一杯免費嘢飲，另外仲可以揀寧晨洛神花茶。杞子圓肉菊花露都幾清甜健康。一開始嘅桂花茶都好香（茶錢$20）。果盤 ($0)有楊桃、蘋果、橙同埋一粒朱古力，好耐冇食楊桃，係中秋佳節嘅回憶。台式蛋餃 半份四隻 ($36)幾特別，餃子嘅片用蛋做。唐生菜 ($48)份量適中，幾新鮮大塊。出前一丁 ($18)冇乜特別，肥但好味。

自從上年12月禁晚市堂食之後，都好耐未試過夜晚出街打邊爐。今日終於有時間可以出去打邊爐啦。呢度好多款湯底都好養生，款款都好想試，我哋都掙扎咗好耐先決定到。店員都好好人咁會比下提議我哋咁。最後因為想飲椰子雞湯，所以我哋就揀咗椰子雞湯底啦。椰子雞湯底（半隻）$168湯底真係超多椰子，首先等湯底煲滾之後，我哋就可以落雞，雞肉煮4分鐘就食得啦。雞肉好重雞味，好嫩滑，仲可以自己落沙薑，變沙薑雞咁食。椰子雞湯非常清甜，可以裝出嚟飲，我飲咗四碗。手切牛肉（大）$288手切牛肉超有牛味，亦都嫩滑，份量都唔少，啱晒我哋兩個食肉獸。日本A5三角和牛腩 $288A5和牛有九大片，啲油花好靚，食落啲油脂真係不得了，咬落仲有少少彈性添。唐生菜 $48好大碗生菜，一定夠兩個人食。出前一丁 $18真係出前一丁，店員會喺我哋面前打開包裝。出前一丁配椰子雞湯就比較清淡，我自己加咗自己調配嘅火鍋醬料，變左麻辣撈丁，正。台式蛋餃（半份）$36半份有四隻。入面嘅餡料都幾香。杞子圓肉菊花露 $0只要like同埋簽到社交平台就有免費嘅飲品送，可以揀菊花露或者洛神花茶。呢杯菊花露好好飲，仲有龍眼肉食添。水果盤 $0食到最後原來仲有

最近晚上天氣乍暖還寒 最適合吃個火鍋暖暖身就在等巴士時發現眼前這個大廈有間之前沒留意到的火鍋店主打養生 約定朋友去試試先說真的 位置不太顯眼 在一座大廈的一樓人不多 店員安排坐在屏風後 私隱度夠高入座後 店員介紹完自助下單用法後就主動提醒我們在社交平台打卡會送飲品很大方 3個人直接送一瓶自家制杞子圓肉菊花露好足料 不會過甜 都是杞子和圓肉本身的甜味菊花味清香 連飲品都好養生另外也先附上點麻辣湯就會有的鴨血和薯角小食鍋底選了養顏美人鍋和麻辣鍋鴛鴦鍋底不用另外加錢 好加分!麻辣湯內有大量辣椒香料 還有鴨血和豆腐豆腐好吸湯 愈食愈辣養顏美人鍋有半隻烏雞 大量桃膠和圓肉好鮮甜 難怪店員要我們先喝湯再火鍋 手切牛肉點了一份小的 但份量一點都不少 油脂比例不錯海鮮拼盤店員說每天的海鮮都不一樣自家制手工餃子拼盤店家皇牌餃子每款2隻每隻都好飽滿足料最愛鳳城水餃服務不錯 食物質素高 值得一試

友人知我鐘意打邊爐，佢話呢度食物高質得黎價錢又合理，一定啱我喎！餐廳地方很寬敞，掛畫、屏風盡入眼簾，滿滿古典風味，環境挺舒適。侍應推介只要打卡就有一杯自家製飲品送飲品，我選了洛神花茶，酸酸甜甜，同打邊爐好夾，去油膩感一流，正！呢度係Scan QR Code落單好方便，我哋揀咗美人鍋麻辣鍋小辣雙拼，火鍋雙拼唔需要另外加錢👍🏼涼拌小食任食- 蕎頭、支豆、青瓜台式蛋餃蛋餃我都係第一次食，薄薄嘅蛋皮取代左傳統嘅餃子皮，再包上肉餡，多咗陣蛋香、又冇麵粉咁飽肚，幾得意。牧場羊肉片羊肉片色澤鮮艷，厚薄適中有咬口，我最鍾意食落有啲羊臊味。什菜籃有多款新鮮蔬菜、菇類，啱晒兩個人嘅我哋，連super food 秋葵都有！免費嘅生果盤生果新鮮、好fresh, 大滿足!幾欣賞侍應會主動黎加湯加茶，唔駛驚唔好意思。呢度環境坐得舒服、性價比又高，一定會再返嚟encore！

尚膳養顏滋補鍋 Fancy Hotpot+台灣菜+火鍋+海鮮🏠overall/環境/ 服務:+ 裝修行中國風 有多個包廂 適合成大班人一齊打邊爐 開party 咁+ 掃QR code 點菜 方便快捷+ 上枱已經有茶提供 同自助小食bar 有芽菜 枝豆果D✳️ 比起任飲任食嘅火鍋 餸菜更加精緻 ‼️手切牛肉 細 $ 188好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 手切牛肉 擺盤靚仔 脂肪分佈平均 打卡able✅ 碌五秒內 有少少粉紅色 最好食 ✅ 入口唔會有難咬開嘅問題 好軟滑 我覺得唔好沾醬油 食佢果牛味 ‼️ 尚善養顏美人鍋 $188好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 美人湯底 大大隻烏雞 湯頭香 好滋潤✅ 味道清甜濃郁 幾夾其他食材 可以提鮮‼️ 四色手工丸拼盤 $82好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 全人手 手打丸✅ 最鐘意個墨魚丸 彈牙爽口 又重墨魚味‼️ 即炸響鈴$ 48好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 響鈴最有驚

滋補椰子雞鍋 （一隻雞） $268有得揀半隻嘅，但三個人食就揀咗一隻～記得飲啖湯，食咗雞先！湯好清甜呀！手切牛肉（大） $288無想像中咁大，但啲牛肉真係好新鮮，好有牛味海鮮拼盤 $288隻蝦仲識郁嘅，新鮮得好誇張，啲魚片都好爽口鮮甜蝦滑 $88 墨魚滑 $88兩隻都唔錯，特別鍾意蝦滑鮮蝦菜肉餃（半份） $42啲餃子好大隻，而且皮薄餡靚，入面啲蝦肉好大粒雜菜籃 $68初頭以為得好少，點知有勁多菇墊底豬天梯 $88唔啱我口味......杞子圓肉菊花露 $68好足料，又唔會過甜，好飲！

好來都冇約朋友出黎食飯了，難得假日出開黎旺角剪頭髮，順便就約朋友食個飯，我就好想去打邊爐，但又唔想食任食火鍋，所以最後決定去旺角新興大廈到食尚膳養顏滋補鍋我地就叫左麻辣鍋拼酸菜白肉鍋雖然係雙拼，但價錢都係$128，非常抵食，一邊夠麻夠辣，另一邊夠酸夠開胃另外我地都叫左菜類每款都$48，仲要係大大份，蘿蔔就清甜多汁，我就鍾意濃味d, 所以響鈴我就放到淋身先食，用左麻辣湯，超入味，生菜清脆，可以解油膩海鮮拼盤$288一盤就已經有唔同海鮮，我就最鍾意桂花蚌，食落爽口鮮甜，建議唔好煮太來，唔係就變左好難咬開，蜆食落粒粒都冇沙，唔會有碎殼手切牛肉(細)$188因為手切關係，牛肉肉質望落豐厚，但食落就剛剛好，有嚼口之餘，牛肉味仲好濃郁最後就叫左可樂雪碧食火鍋一定要加配，勁爽口，仲要係枝裝

平時屋企好少煲湯，出街飲嘅都係味精湯😞但今次嚟「尚膳」打邊爐，就可以補一補喇😊呢度嘅火鍋湯底真係超水準👍唔單止湯底款式特別，而且用真材實料熬制，湯底非常濃洧！今次想特別推介「尚膳養顏美人鍋」，湯底用咗多種中藥材料配竹絲雞，味道配搭得非常好！竹絲雞好嫩滑、又好有雞味！除咗隻雞正，湯料仲有桃膠，好養顏啊！呢度嘅湯底咁正，我哋今次叫咗鴛鴦湯底，可以試埋「尚膳麻辣鍋」，湯料除咗中藥材、麻辣醬，仲有鴨血和冰豆腐，都好正呀！仲有呀，呢度每次加湯（唔係加水），保持返原有味道👍淨係嚟飲個湯都正！當然呢度除咗湯底正，食材的款式和質素都唔錯㗎！呢度嘅手切牛肉好鮮嫩，一定要試！打完邊爐，仲有生果盤送，可以消消滯😄下次打邊爐都要再嚟👍👍👍

四人限聚令下，終於可以多啲人打邊爐，於是立即約埋好友下午去刷餐勁，旺角就最就腳，於是揀了這間出名用料上乘的餐廳，位置唔難搵，一上電梯，就見到大大個招牌落單使用QR code，但也有餐牌方便不太懂用電子產品的人，先點湯底，大家一致選擇美人鍋補一補，滋潤一下皮膚，內有烏雞，南棗，黨參和豐富的藥材炸物炸得出色，厚切午餐肉，不放湯食落外脆內軟，十分香口，另外一款比較特色，響鈴包着蟹柳，只需淥一下，響鈴吸收湯的精華和蟹柳的味道，食落很有層次感打邊爐又點少得牛肉，我們點了一口牛，切成正方粒狀的牛柳，肥瘦適中，入口一股香濃的牛脂充滿口腔，久久不散，另外點了本地肥牛，紋理雖然沒有一口牛那麼豐富，但色澤新鮮，入口軟熟，真是各有特色比較特別的黃金墨魚丸，淡黃色的墨魚丸，原來是鹹蛋黃加入墨魚內，雖然鹹蛋味不太濃烈，但吃落一點也不單調，另外蝦丸新鲜彈牙可口，一點腥味也沒有海鮮也是我們的至愛，店員親切友善介紹每日新鮮貨，我哋點了大蜆，大大隻都有八大隻，$68又幾抵，食落新鮮彈牙，另外點了筒蠔，嘩！都幾大隻呀！食落味美鮮甜，証明不是低價貨，食得安心又放心餃子也是自家製，水餃雲吞內大大隻蝦，新鮮彈牙，韭菜餃白菜餃，

餐廳：尚膳養顏滋補鍋 (旺角)地址：旺角彌敦道607號新興大廈1樓106-112號舖有冇人好鍾意打邊爐，但係又怕熱氣唔敢食太多呢？最近去咗旺角呢間尚膳養顏滋補鍋🍲，佢哋專門熬製唔同嘅滋補火鍋湯底，俾你係食火鍋嘅同時都可以補一補，食都食得冇咁大罪惡咁😈餐廳開左唔夠半年，裝修典雅堂皇，充滿中式古代特色🏮，仲有唔少間隔位同獨立房，有足夠私人空間傾偈之外仲可以包房，佢哋喺掃QR Code落單，方便得嚟又可以一清二楚睇到點咗嘅食物同價錢今次同朋友兩個人就叫咗呢啲食物：尚膳養顏美人鍋雙拼滋潤魚雲靜心鍋 $188手切牛肉(細) $188四色餃子拼盤 $82四色手工丸拼盤 $88即炸響鈴 $48農場滑雞片 $88什菜籃 $68寬粉條 $48蘆薈小麥草 $68$188就有兩個足料滋補靚湯底😍，尚膳養顏美人鍋用咗半隻烏雞、紅棗、枸杞、黨參等去熬製，飲落濃郁清甜，而金華火腿令湯底變得鹹香；滋潤魚雲靜心鍋用咗烏雞、魚頭、老薑、白胡椒等去整，店員話可以調理偏頭痛、頭風、經期等問題💆，飲落以鮮魚香為主，同時帶有微微嘅中藥味，打邊爐打到一半可以食埋入味嘅烏雞同魚頭手切牛肉紋理同色澤都好吸引，每塊大小都好均等，放入熱

養顏美容鍋沒想到熱鬧的旺角竟然可以有如此高質量的火鍋點❤ 絕對一試難忘。餐廳裝修風格復古，很舒服典雅的中式餐廳，夠寬敞，適合朋友聚會。當然我最喜歡的還是食物。 尚膳麻辣鍋＋養顏美人鍋 128 ＋60湯底絕對是火鍋的靈魂，所有的調味都來自這個出色的湯底。特別推薦麻辣鍋，辣味鮮美，且夠勁道。 秋葵 48沒想到可以用來打邊爐，很是特別。 農場雜菌 68補充維生素首選 冰菜 48特意推薦。人生中第一次聽說有這樣的菜，上網查過得知，富含維生素B 和多重矿物质，且低卡路里，绝对健康食品首选。菜的叶子和茎上面都有很多小小的水珠，使得它特别翠滑。 土豆片 48火锅必点 鮮淮山 48养生又清甜 新鮮本地牛頸脊 298很特别的肉，弹牙又入味，鲜美尚膳養顏滋補鍋旺角彌敦道607號新興大廈1樓106-112號舖

見近日疫情稍為緩和，同友人黎烚下烚下。餐廳位於旺角彌敦道一大厦一樓，位置方便。 餐廳地方很寬敞， 以木製傢具為主，古色古香，很有中國風。枱面、座位亦很闊落，食物放滿一枱依然有空間，而且枱與枱之間相隔了一段距離， 食得舒服又安心。大門口旁有個混醬區，欣賞全部有蓋蓋住，好衞生。亦有三款前菜小食任食，推介蕎頭大粒又好味，涼拌青瓜又爽又開胃。呢度用Apps落單，我哋點了鴛鴦鍋$188，可以一次試曬兩款湯底。麻辣鍋會跟埋鴨血同少少豆腐，呢兩樣同麻辣湯真係絕配，鴨血大大舊，無任何血腥味，好新鮮嫩滑。硬身頭腐，裡面索曬湯底，好味！美人鍋配有多款滋補藥材，食完都覺得變靚啲😝侍應建議我地喺社交平台打咭/俾個like，就可獲贈一杯杞子圓肉菊花露/寧神洛神花茶，真材實料好好飲。大份手切本地牛肉 ($288)侍應提示烚十秒就食得, 入口嫩滑，牛肉味好濃，油花分佈均勻，有咬口！桂花蚌（$138）呢個必食！好大隻！又鮮又爽口又彈牙！店員溫馨提示我地可以放入筲箕仔入面烚10秒左右，呢個筲箕仔其實好正，細細件嘅食物，唔怕烚吓烚吓搵唔番。什菜籃（$68）蔬菜菇類都有，可以樣樣都試吓，人唔多嘅係個好選擇。鮮果盤 （免費）

✨養顏滋補火鍋✨人來人往嘅旺角彌敦道，尋尋覓覓，比我同朋友發現有間新開冇幾耐既火鍋店，一見到火鍋就心動既我地又心癢癢想試下新野啦😍地方寬敞，裝修帶點古式，有懷舊的感覺！一入到店舖已經聞到濃烈既湯底味！🍲尚膳養顏美人鍋：採用原隻烏雞熬製，絲毫不馬虎，配埋桃樹膠，只係飲個湯都抵哂，職員話記得飲左淡湯再打邊爐，一飲果然真材實料，掂！🍲尚膳麻辣鍋：多種香料，配上嫩滑鴨血、豆腐，辣味適中既麻辣湯底，味道唔錯，不太麻搶了味道！🐮手切牛肉：一入口好林好滑，肥瘦恰當。🦑墨魚脆脆：雲吞皮配上墨魚滑，脆卜卜，豐富的口感。🦀蟹棒響鈴：特別之處係中間夾了蟹柳，又幾襯喎！🐙黃金墨魚丸：好彈牙好彈牙，墨魚味道好強！另外蛋餃、雲吞、厚切午餐肉、什菜籃、鮮腐竹、牛骨髓都好有水準，重點：新鮮😚

今日同朋友過開旺角行街所以梗係喺旺角揾食啦 行過新興大廈樓下有間大大隻字「尚膳」上OpenRice 睇下原來係食邊爐 仲要係養顏滋潤鍋 咁就試試佢呢度地方好大 坐得好舒服雖然店員唔多 但每一位員工都好有禮貌而點餐都係用QR code 配合圖片比較方便點餐又可以睇到自己落咗嘅單及總收費 今次點咗幾個餸感覺都好高質 真心想分享一下湯底點了麻辣鴨血拼酸菜白肉 $128雙拼唔需要另外加錢 而且湯底另上多一份鴨血同酸菜白肉 令湯味更濃 食材更多手切本地牛肉 （細）$168估唔到細碟都好多塊擺盤又靚 薄切得黎 牛肉肥瘦適中紋路又靚 食落好有肉味海鮮拼盤 $288有6款海鮮 每款海鮮有2-4件 可以一次過試唒多種海鮮 全部都洗得乾淨 又有鮮味牛胸爽 $138好少地方會有牛胸爽食好多人見到白色一片片會以為係牛嘅脂肪其實佢係牛胸前肋骨中間的軟骨部位食落十分爽口脆脆地 牛味豐富萵筍 及 冰菜 $48@萵筍切得厚薄適中 令湯底容易入味 冰菜亦唔係四圍有得食所以呢個價錢一碟唔算過份 呢度仲有好多款較養生嘅湯底可以揀如果想食得舒服又無時限慢慢食真心可以黎食😋

趁天氣涼涼地一於繼續打邊爐行過見到樓下嘅廣告牌影左啲野食幾吸引沿住箭咀上扶手梯睇睇先一行埋去 店員就落力介紹佢地嘅養生鍋又真係幾正咁仲要有7折 就試下啦自助掃QR code落單 都方便嘅湯底就揀左店員推介嘅養顏美人鍋x麻辣鍋鴛鴦鍋唔洗加錢👍🏻養顏美人鍋勁足料有半隻竹絲雞 大量桃膠 圓肉等等飲番碗湯 食完竹絲雞再慢慢打邊爐碗湯真係好鮮甜呀 竹絲雞好嫩滑仲有大量桃膠 好滋潤麻辣鍋已經有鴨血同蜂巢豆腐但唔知點解又再俾多份我地話可以食住先手切牛肉（細） 都幾大碟油花分佈均勻海鮮拼盤有貴妃蚌 大蜆 鱔片 脆肉鯇 蝦樣樣都新鮮 隻蝦我放到最後先食足足兩個鐘都仲郁緊 係咁撐腳好誇張最推介貴妃蚌 好爽甜自家四色手工丸拼盤黑松露蝦丸 芝士牛丸 梅菜豬肉丸 黃金墨魚丸最最最推薦黑松露蝦丸兩種味都好出 但又唔會蓋過對方嘅味 好彈牙四色餃子拼盤最推薦鮮蝦雲吞同鳳城水餃包餡嘅蝦都勁新鮮 勁爽比較少見嘅冰菜打邊爐都幾夾最後食完有果盤7折真係幾抵食可以再去試埋魚雲湯先