尚膳養顏滋補鍋

营业中

休息中

坐左成個星期係冷氣房，手腳凍冰冰。一個月日日都咁凍，月底黎M真係慘過落地獄😅（明嘅會明~又到星期五，我同朋友都好想打個邊爐，飲翻啲熱湯，最好係又暖又補身嘅🥰 我地最後揀左呢間尚膳養生鍋，仲要位置好方便，樓下就有巴士站可以翻屋企😀 真係岩晒我呢啲懶鬼~ 呢間尚膳養生鍋係樓上舖，地方都算闊落，唔會人逼人，動作大少少都唔會撞到野😁等緊佢地上菜，我地就先去左佢地個醬汁bar較醬汁，佢地嘅醬汁嘅都有提供唔少小菜，有拍青瓜、醃菜等等。而醬汁嘅選擇都好多架，經典豆瓣醬、蒜蓉、芫荽梗係走唔甩啦，仲有我最愛嘅麻醬，質地都幾綿滑架！喜歡打邊爐配麻醬嘅一定唔可以錯過☺️拎完醬汁，個滋潤魚雲靜心鍋就到啦！個湯底好多料啊，有成個魚頭，仲有一隻烏雞，仲有好多中藥，好足料😊即刻整翻兩碗，暖一暖個身，個湯頭好香，有好滋潤嘅感覺。不論翻工幾辛苦，一飲湯，個人就即刻開心翻😌 而且服務員嘅服務態度好好，主動過黎幫手加手，換碟等等，真係帝王級享受。果日都叫左幾多野架，因為做左成日野都真心幾肚餓下～好快就已經一枱餸了： 一份龍躉片、羊肉、手打丸（共8粒）、水餃拼盤全部都係超水準發揮😎 仲有佢啲湯渣，真係食到棒住肚走😋佢地有個好細

早排慶祝老公媽咪生日，佢地帶左我黎呢間尚膳養顏滋補鍋，其實開頭我喺餐廳樓下見到大廈個門面係有少少卻步，不過我心諗其實如果間野好食話唔定呢間就係隱世美食呢，仲要其實餐廳喺旺角彌敦道，咁方便都唔無問題啦。不過食完就真係喜出望外，好有驚喜。首先餐廳都乾淨企理，坐位闊落，枱同枱相距都遠，喺旺角算少有。不過呢間餐廳個重點係食物質素真係好高，首先一定要講既係個湯底，因為想食酸野叫左個酸菜白肉鍋，開頭其實都諗個湯底都$128會唔會貴左d, 但係原來佢勁足料!湯底有勁多酸菜同白肉，仲要有個入哂味既麵喺個鍋入面，真係越食越開胃，最正既係仲會有多一碟酸菜同白肉可以再後加，我地直頭清哂完全酸菜，因為真係食到停唔到口。火鍋配料都好出色，樣樣都好新鮮又好味，手切牛肉味道一流，非常juicy，賣相都好吸引。脆骨腩就啖啖肉，好新鮮，同個湯底勁夾。牛黃喉同黑柏葉都好爽口，第一次試牛黃喉感覺唔錯。蟹籽墨魚丸份量多食落彈牙豐富。最後個什菜藍都真係有好多款唔同既菜可以選擇，仲要好新鮮。呢間餐廳真係難得既高質，絕對要試。

天氣凍就想起「打邊爐」，今次朋友帶我來旺角新開的尚膳，因為暫時不多人知，不限時食~~~yeah火鍋容易熱氣，就點了杞子圓肉菊花露滋潤下，微甜好飲。湯底當然是鴛鴦，一辣一養顏，價錢收取最高的湯底，即是$168 享用兩款湯底。養顏美人鍋 $168麻辣鍋 $128還另附鴨血及香口炸薯角養顏美人鍋有竹絲雞、桃膠、淮山、北耆、黨參、杞子、圓肉、紅棗、黑棗等，材料十足。湯底清甜，好適合海鮮、蔬菜。另外麻辣鍋有鴨血、冰豆腐、麻辣醬，指天椒乾、青紅花椒、八角、桂皮、圓肉等。冰豆腐吸收麻辣湯精華，重口味好正！西班牙黑毛豬 $168色澤鮮粉紅，好靚夠新鮮，肉質嫩滑，美味。什菜籃 $68有鮮甜粟米、生菜、有益秋葵、雜菇等，種類好多不錯。四色餃子拼盤 $82鮮蝦菜肉餃、豬肉韭菜餃、鮮蝦雲吞、鳳城水餃餃子飽滿多餡，用料新鮮又皮薄，正！鮮海蝦 $168好新鮮，上檯還在動大隻肉質實淨，相當新鮮彈牙，$168絕對值！最後意想不到送上精美生果盤，有楊桃、香橙、覆盆子。

極度新嘅一間餐廳，只開咗一兩星期，連食評都無乜搵到，不過我鍾意新玩意，食下兼寫食評分享😝想食清啲，叫咗個椰子雞煱，侍應教我地水滾放雞煮4分鐘就得，連食雞都有特別嘅自制醬料，唔係呢間餐廳嘅特別自製醬料，係真係佢講我知材料，除咗跟來嘅沙薑檸檬外，其他係我自己出去攞！秘訣：辣椒加蔥加豉油加沙薑加檸檬汁，點雞件食，好味😋牛肉咁樣一碟，百幾蚊算幾抵下，肥瘦適中、軟稔牛香，牛同豬嘅性價比都幾高下！最有驚喜係黃金墨魚丸，$48/4粒，黃色嘅，以為係撈咗咸蛋黃嚟打，原來係撈南瓜，係內含一小粒咸蛋，好創新！

今個星期天氣開始轉涼，係時候食個邊爐暖暖身，今晚呢個做埋藥膳湯底，咁就無敵啦！湯底㨂左個鴛鴦鍋，養顔美人鍋配麻辣鍋，湯底真材實料，美人鍋有半隻竹絲雞同大量桃膠；麻辣鍋有鴨血同蜂巢豆腐，仲可以㨂小辣添！鴛鴦鍋唔使加錢，湯底$188。送左兩款小食，有麻辣鴨血同脆脆薯角！配料方面有好多選擇，海鮮肉類家禽蔬菜樣樣齊！手切牛肉，用料上乘，油花均勻，入口無筋，濃旭牛味！白膳片，細心起雙飛，完全無骨，魚肉鮮甜！手打墨魚滑，爽滑仲食到粒粒墨魚粒，唔係啲用粉溝出嚟既行貨！什菜籃，有齊生菜、雜菇（金菇、秀珍菇、鮮冬菇、本菇、同蟹味菇）、粟米、秋葵，蔬菜新鮮乾淨。紅薯粉，係我最鍾意嘅扁寬粉，煙un 滑滑，索埋湯汁一流！最後要講下醬料，有齊莞茜葱辣椒生蒜炸蒜，仲有花生醬、沙茶醬，同埋三款小食！ 最想贊下個鼓油，唔會太咸又提鮮，出色！

今晩嚟到新開嘅火鍋店，裝修好多氣氛，啲枱夠晒大張，坐得舒適。整體嘢食份量超多，4個人嚟會最啱。醬料就自助拎，仲有枝豆小食。尚鮮養顔美人鍋 x 麻辣鍋 （$188）- 雙拼竟然唔洗加錢，仲要勁足料，有半隻大烏雞同好多桃膠；麻辣湯有豆腐同鴨血，仲有得揀辣度。手切牛肉（$188）- 好高質嘅牛肉，牛脂味濃郁，唔洗點醬油已經夠晒味芝心牛肉丸（$88）- 一客都有八粒，裡面有芝士，好特別白膳片 （$118）- 鮮甜嘅白膳，脆口仲要無骨手打墨魚滑（$88）- 食到粒粒墨魚肉，口感非常鴨血（$58）- 本身唔知麻辣湯底包埋鴨血，仲要叫多咗份。估唔到一份嘅份量係咁多！真係要四個人先食得晒呀。Asahi ($30) - 大支裝嚟講呢個價錢真係超值，仲有個冰桶雪住，真係好細心。Follow IG/FB 仲有免費杞子桂圓菊花茶或洛神花茶送添！

為左慶祝媽媽65歲生日，揀左呢間喺旺角新開既尚膳養顏滋補鍋試下，其實點解揀呢間純粹係媽媽早幾日經過收到傳單，聽餐廳個名好吸引就話不如試下，我開頭都心諗呢d名會唔會中伏，但見佢咁有興趣就去試下，不過試完我覺得非常高質，絕對可以一試!首先餐廳個環境值得一讚既，坐位舒適，枱同枱既距離又遠，疫情之下就最啱，就算傾計大聲少少都唔驚隔離枱聽到，呢樣野喺旺角真係唔易搵。另外野食方面更加係非常高質，開頭就算我坐得之後都懷疑會唔會唔好食，但當侍應捧上碟手切牛肉開始，我就非常放心，因為牛肉既賣相真係100分，牛既油脂分佈適中，真係見到都肚餓，食落更加係入口即溶，牛味豐富，價錢唔貴份量又多，實在無得彈。之後仲有叫左好多唔同既野食，普遍都非常高質，份量多好抵食，真係全部都真材實料，仲要勁新鮮，仲有d好特別既食材可以揀，好似我地叫左碟牛黃喉，食落好爽好煙韌，所以食得好開心。爭d唔記得講個湯底，叫左個酸菜白肉鍋，入面真係勁足料，勁多酸菜同白肉，入面有個麵可以打完底，酸菜味食到勁開胃，最正既係會另外再送多一碟酸菜同白肉可以之後再加，真係無得彈最後食左咁多野，都係大概$200一位，媽媽食完都好滿意，呢間餐廳絕對值得推

終於搵到間高質嘅台式藥膳火鍋餐廳啦～我哋兩個女仔去食所以揀咗$188鴛鴦養生鍋底一邊係尙膳養顏美人鍋, 見到養顏兩個字就即刻心心眼有成半隻烏雞， 桃膠， 專治頭痛嘅川芎。。。等等等等襯未淥食物前同朋友仔即刻飲咗幾豌補身先侍應好好服務, 幫我哋畢起烏雞仲幫我哋起肉等我哋可以食埋另一邊係奶白色嘅滋潤魚雲靜心鍋， 同樣非常足料滋補， 飲魚湯令皮膚變滑D添呀～抵讚點： REFILL會用返原本嘅湯底, 所以食到最後都 KEEP住好味 食物方面試新嘢台式蛋餃～黃金墨魚丸～黑松露蝦丸 夠晒特別冰菜～翠絲水蓮 係平時比較少食到嘅菜紅薯粉我都係第一次試咋， 煙煙韌韌好好食每位侍應都好nice 有禮貌時不時就會過嚟睇吓要唔要加湯又會教我哋食材要淥幾耐先最好味成餐我哋都食得好開心最後竟然有飯後果送添

朋友最近見到我去食台式火鍋，話見到我食鴨血，佢都好想食~於是我哋搵咗一間係旺角新開嘅台式火鍋店試試。火鍋店裝修以木色為主，而且面積好大，感覺好舒服。而家只要打咭，就可以有飲品送~ 杞子圓肉菊花露  /  寧神洛神花茶醬料區除咗基本嘅辣椒、香蔥、蒜蓉、乾蒜、芝麻醬、沙嗲醬仲有小食: 涼拌四季豆、五香毛豆湯底揀咗鴛鴦鍋: 尚膳養顏美人鍋，尚膳麻辣鍋 (小辣)  $188侍應建議我哋美人鍋先試下頭啖湯，烏雞可拆肉食先再開始打邊爐。美人鍋除咗烏雞同紅棗、杞子、龍眼乾等藥材熬製，裏面仲有好多桃膠係裏面，所以湯底好鮮甜，飲完成身暖笠笠。麻辣鍋有鴨血同豆腐。美國雪花肥牛 $188肥牛雪花分佈平均，薄薄一片淥兩下就食得。農場滑雞片 $88 雞片肉質鮮嫩 。手切金錢腱 $168金錢腱大大片，牛肉味濃郁，肉質爽口有口感，油香十足。魚皮餃 $68魚皮餃比較普通，餃皮厚左啲。香菇貢丸 $48貢丸口感彈牙，入口除左有陣陣香菇味，仲有豬肉鮮味，唔錯。什菜籃 $68食左咁多肉，要食番啲菜什菜籃樣樣有，最啱打邊爐蔬菜新鮮，仲有健康嘅秋葵~

見依排凍左，就同朋友去旺角到食火鍋，依間火鍋店服務一流，會主動過黎幫你加湯，收空碟，環境仲好舒服，食物攞放又唔會話好迫尚膳麻辣拼酸菜白肉鍋$128用麻辣味道湯底做火鍋，食落超過癮，唔洗點醬，已經夠哂味道，酸菜白肉鍋，食落就好開胃，另外仲有一碟鴨血同白肉俾你添加海鮮拼盤$288我最喜歡食海鮮，一上到黎，就見到有好多唔同款式既海鮮，如有彈牙海蝦，沒有碎骨既脆骨腩，鮮甜帶子，爽口桂花蚌等，每款都非常新鮮手切牛肉(細)$188牛肉部位肥瘦適中，有光澤，牛肉味道香濃，食落仲好淋身四色手工丸拼盤$88有芝心牛肉丸，咬一口芝士就洗哂出黎，另外仲有豬肉丸，墨魚丸，蝦丸等，每款都有唔同特色鮮蝦菜肉餃(半份)$42鮮蝦好足料，基本一分開就見到，加上菜肉，食落口感豐厚什菜籃$68有生菜，菇，粟米，食完肉類，當然要食下菜類啦紅薯粉$38

冬天真係打邊爐既好時機，最近知道旺角開咗間新開間新既火鍋店，所以襯近排天氣涷啲所以同朋友去左試，餐廳裝修古色古香非常有特色，加上店員服務周到非常貼心，整體用膳感覺良好，絕對值得一試💜_🍲湯底：尚膳麻辣拼酸菜百肉湯 $128餐廳提供多款選擇，除咗養顔鍋之外店員亦都有推薦佢哋嘅酸菜百肉湯，味道夠酸夠入口，兩個湯底店員都有額外比一碟湯底嘅配料可以後家上去更加惹味🤣麻辣湯夠曬惹味香口_🦐鮮蝦菜肉餃 $42小編今次就叫咗半份試下，餡料份量非常充足，有大大粒蝦仁✨_🐟海鮮拼盤 $288小編同朋友都好鍾意食海鮮，見到拼盤抵過單點所以就叫咗嚟試吓，拼盤有聖子、帶子、海蝦、脆鯇魚等等，上枱嘅時候海蝦仲係生㗎，證明都幾新鮮，食落去幾鮮甜🤩_🥩手切牛肉（細）$188打邊爐又點可以唔叫牛肉呢，手切牛肉睇花紋都知質素唔錯，入口嫩滑，牛肉味都幾香濃，仲有分大中細唔同size，份量都非常充足_其他菜式價格參考：什菜籃 $68紅薯粉 $38四色手工丸拼盤 $88

朋友係打邊爐怪🤣天氣一凍佢又出馬！知道旺角新開左間打邊爐餐廳，立刻book枱食飯🤩不得不承認佢效率真高😅我哋叫咗個麻辣鴛鴦鍋，配尚膳養顏美人鍋，呢個鍋係極度極度推薦，個湯底竟然有原隻竹絲雞(隻雞仲要有甜味👍🏻），仲有好多好多桃膠，然後有好多補身既材料，果然養顏呀！小食我哋叫咗份鹽酥柯仔，炸粉薄薄一層，調味又又色，好味！細手切牛肉：一上枱就知用靚牛肉，果然無錯，淥十秒八秒，粉粉嫰嫰放入口，錦錦既感覺正呀！牛黃喉呢個又係必食，呢間係我食過咁多間最好食，又脆口又無腥味，仲要好大份呢！海鮮叫左海中蝦同馬刀貝：認真無得頂！蝦肉彈牙爽脆，馬刀貝係鮮嫩多汁！到四色餃子🥟，以為好普通，結果喜出望外，尤其係韮菜餃，一定要點！最後野飲方面，我哋叫左杞子圓肉菊花露，自家製果然唔同啲，足料又夠味！仲有生果食添呢間打邊爐堅一流，我已經決定encore 啦！

閨蜜帶咗我嚟呢間新開嘅火鍋店，因為有七折😆。用QR code落單，除咗有傳統湯底、麻辣湯底外；更有不少養生鍋，我哋點咗滋補椰子雞鍋$168，包半隻雞。店員介紹先食雞，然後飲湯，之後他們會為我哋加上湯，先開始打邊爐，雞肉新鮮嫩滑，清香嘅椰子配上雞湯，十分滋補潤喉。我哋兩個都鍾意食魚，點咗龍躉片$168、脆骨腩$88、仲有冰菜$48；份量都幾大，食材亦新鮮。龍躉魚肉肉質彈牙，每一口都充滿濃濃嘅骨膠原，我哋兩個食得好開心😄。冰菜嘅口感係脆卜卜嘅，幾得意。帶點中國風嘅裝修，用屏風間住每張枱，讓客人有點私人度；無論環境、餐具都給人一種乾淨感覺。親切嘅店員，仲送咗個鮮果盤俾我哋食。食咗咁多嘢，折咗每人約$250 ，呢餐很滿意🥰。

今晚約咗朋友去食打邊爐，揀咗依家喺旺角新開嘅餐廳， 因為上網見到佢主餐牌既食物有七折，應該幾抵食呢一間餐廳都幾隱蔽，喺旺角嘅呢幢大廈入面嘅1樓入到間餐廳，好似兩個世界咁，餐廳地方好大，每張枱嘅座位都好闊落，環境都好乾淨，仲好有少少古典嘅味道湯底方面：我哋揀咗雙拼湯底首先就係佢嘅麻辣鍋，然後再加配佢嘅養顏美人鍋，個鍋上枱嘅時候，都聞到一陣陣嘅麻辣味，麻辣鍋入面仲有鴨血同埋佢會拎上一碟鴨血同埋薯角，鴨血加上麻辣湯底真係好正，食到我唔停口；美人鍋就更驚喜，入面有原隻嘅竹絲雞，湯底入面仲要超足料有龍眼桃膠仲有一啲藥材， 尤其是係隻雞吸收晒湯嘅精華，肉質又嫩滑， 食落仲有甜甜地既味道食物方面我哋就叫咗四色餃子拼盤，呢個手工餃真係超出色，尤其是佢嘅韭菜餃，皮薄之餘個餡料又好多；手切牛肉：牛肉夠嫩只要灼幾下就可以食得，肉味都幾濃；仲叫咗黃喉：呢個唔係到到都有得食，咬落仲有少少脆口嘅感覺，夠晒新鮮；然後仲有叫咗我最鍾意嘅海鮮：有鮮海蝦同馬刀貝：鮮海蝦真係一個必點之選，佢上枱嗰陣仲係識郁嘅，夠晒新鮮，一啖咬落去真係好彈牙；馬刀貝都好大隻同鮮味；配埋佢嘅自家製杞子圓肉菊花露，咁嘅打邊爐真係好滿足除咗食物之

天氣突然凍凍地，又係打邊爐既好時機，可惜疫情反覆又嚴重左，限聚令由4人又變返2人，無得三五知己，好在還可同至愛撐撐枱腳有個朋友講話彌敦道開咗間新火鍋，胆粗粗去試吓呢間尚膳有3款涼拌小食可任食湯底選擇左雙拼，美人鍋拼麻辣鍋～美人鍋 - 有烏雞、桃膠 和其他藥材等等湯比較清，不會有很強藥材味麻辣鍋 - 本身鍋裏面已有鴨血，還送一份熱辣辣既鴨血同炸薯角，做餐前小食麻辣鍋好在只叫小辣，越食越辣，後勁凌厲蔬菜拼盤 - 有多款菇類、秋葵、粟米、娃娃菜和生菜西班牙黑毛豬厚度適中，肉質爽脆四色手工丸拼盤黑松露蝦丸，黃金墨魚丸，芝心牛肉丸，梅菜豬肉丸-各2粒，每款丸都非常彈牙，足料，我個人最愛黑松露蝦丸，黑松露沒有蓋過蝦既鮮味，平衡做得很好四色餃子拼盤鮮蝦菜肉餃，豬肉韭菜餃，鮮蝦雲吞，鳳城水餃-各2隻，每隻餃子都好大隻，真材實料新鮮海蝦新鮮度十足，腳仔仲郁緊，蝦身粗過手指蝦肉扎實鮮甜即炸響鈴呢個十分推介響鈴熱辣辣，脆卜卜輕輕浸湯，吸收湯汁，一流食飽飽，最後還送小果盤，消消滯，不錯不錯