尚膳養顏滋補鍋

营业中

休息中

尚膳養顏滋補鍋係時候捉住冬天嘅尾巴，同屋企人打返個暖粒粒嘅邊爐啦😚唔想太熱氣咁食啲雞煲，於是食呢間滋補鍋，果然有驚喜～呢間店嘅裝潢中國風為主，座位寬闊，以木色為主，亦有屏風作遮擋1.美人鍋藥材味濃，飲落口清甜甘香，不會有好攻鼻嘅苦澀藥材味，但又感受到佢嘅滋補。翻開一睇有超級多圓肉，餐眼干以及杞子等等，仲配有大大隻竹絲雞雞髀。雞肉就算煲咗好耐都唔會霉，高質。2.魚雲鍋藥材方面同美人鍋類似，唔同嘅係配上魚頭及雞殼，雞味同魚味融入湯中，不含味精，滋補～手切牛肉一睇個色澤就知好食啦～脂肪肌肉層次分明，入口鮮嫩，牛味未算太濃但口感取勝，嗦咗湯汁根本唔需要點汁～桂花蚌碌幾秒就食得啦！爽口鮮美，原汁原味～三色滑拼包括墨魚滑，蝦滑以及鯪魚滑。三款都十分出色，感受到手打過嘅特別彈牙有口感🙈🙈

尚膳養顏滋補鍋，位於旺角彌敦道新興大廈，地點極為方便，餐廳以全木色佈置，座位間格寬敞，疫情期間可以更加放心。餐廳以台式火鍋為主打，湯底亦以台式口味為主，有滋補美人鍋，滋潤魚雲鍋，台式麻辣鍋，酸菜白肉鍋等等。滋潤魚雲鍋用上大量藥材，而且湯底鮮甜，台式麻辣鍋則內有台式凍豆腐及鴨血，湯底辣而不油，兩款湯底都非常出色。餐廳食物質素非常出色，選擇亦非常中中多，自制食物餃類，手打丸類都各有特色，更有多款台式小食可供選擇。餐廳更提供餐後生果朱古力作結，服務一流。以台式火鍋店來說，尚膳絕對屬於值得推介餐廳。

無得飛台灣真係好掛住台式火鍋。雖然坊間有好多但唔係間間都好食。今日就嚟試吓尚膳。雖然大廈比較舊，但餐廳裝修得好靚。我哋揀咗麻辣拼魚雲湯底。麻辣揀咗小辣真係唔係好辣，我都可以食到。魚雲湯就充滿驚喜，除咗有成個魚雲，仲有隻烏雞脾，配上濃濃藥財味，真係好正。自助點餐之後，去咗醬料區有三款前菜。個人喜歡枝豆。配料方面唔少得手切牛啦。餐牌有不同嘅牛配料，我揀咗牛骨髓，因為好少有。手工四寶丸各有特色，推介芝心牛丸點咗一份海蝦，非常大隻，嚟到嘅時候仲彈彈吓，好新鮮。菜就選咗豆苗，用提供嘅網籃嚟煮真係啱哂。飲品方面價錢合理，食完仲有生果送。滿足又滿意的一餐。

開返晚市堂食，當然要打邊爐，係旺角附近揾到間叫尚膳美顏滋補鍋，見好評唔少就試下，驚太多人所以見啱就打電話去book位，雖然係即日book，但好彩都book到。去到時大約七點半，見出面有人等位，就知好彩book左。餐廳入面比想像中大，偏中式裝修風格。我哋叫左個鴛鴦鍋，一個小辣既麻辣鍋 +養顏美人鍋，跟住叫食物，1份手切牛肉、牛胸爽、1份海鮮拼盤、皇帝菜、冰菜、即炸響鈴、蜂巢冰豆腐，仲有一揸洛神花茶。個鴛鴦鍋好快就到，我哋等佢滾就迫不及待咁試病個湯先，個美人鍋勁足料，成半隻烏雞，個湯飲落勁有雞味，唯一美中不足係有啲咸，至於個烏雞，肉質雖然唔算嫩滑，但食落完全冇冰鮮味，反而有濃郁既雞香味，唔錯。跟住就到啲主菜喇，首先當然放左個手切牛肉先啦，果然手切係唔同啲，肉質同肉味都保留住，淥3至5秒搞掂，食落牛味濃郁，特別係牛胸爽，口感特別又勁有牛味，推介😋 如果份量再多啲就好。之後當然輪到海鮮拼盤，有好多貝殼類，有海蝦，有魚，矜貴唔算特別矜貴，唯有睇吓佢新唔新鮮，每樣落啲，淥一陣唔想太韌，食落啱啱好，肉質鮮甜，算好新鮮，唔錯，可一試。最後其他食物都唔係特別驚艷，可叫可唔叫，但整體都算唔錯，價錢食物質素

今日同朋友去咗旺角食飯 經過呢間尚膳養顏滋養鍋 就入去食下啦午餐時間嚟到餐廳唔太多人 入面用咗好多木枱櫈 有韓國餐館嘅感覺 坐得幾舒服醬料同茶都係自助椰子土雞鍋 兩個人食得唔多 所以叫咗半隻雞 湯底嘅顏色好清澈 聞落有陣陣椰子香 仲有幾條椰子肉 十分足料 土雞半隻都幾大份 待應姐姐會幫我放落去 夠鐘時候直接山火 可以先飲湯 後打邊爐湯有雞油嘅清香 但一啲都唔油膩 感覺清潤雞肉嫩滑 仲可以點沙薑同青檸一齊食 更加有層次海鮮拼盤 有鱔片 脆肉鯇 大蜆 鮮蝦 象拔蚌 個全部都夠曬新鮮 食落非常鮮甜 個人最喜歡象拔蚌超級爽口羊肉片 唔太肥 食落有羊肉騷味最後飲番杯 菊花龍眼蜜 非常解膩解渴

早排朋友帶我黎食哩間尚膳打邊爐，第一次食估唔到有驚喜喎！一入去環境好寬敞，坐得幾舒服全程手機落單，出面仲有幾款小食任添，比我地過下口癮先👅因為我鐘意食麻辣，朋友又唔食得辣，咁叫左鴛鴦鍋就一次過滿足曬我地～一邊麻辣，一邊酸菜白肉($128)本身麻辣鍋已經有鴨血，酸菜鍋又有豬肉，點知仲額外比多一份，真系好抵食😆份鴨血好正，好入味👍🏻手切牛肉（大）($288)，上菜估唔到都幾大碟，好新鮮🐂牛肉味好濃⭐️推介推介⭐️蟹籽墨魚丸($78)🦑食得出真材實料，食到粒粒墨魚肉蟹柳響鈴($58)，好特別既口感，同一般響鈴完全唔同，外面脆脆地，但入面又有蟹柳既口感我地仲試左兩款海鮮，桂花蚌($138)同白鱔片($118)不得不提，佢地啲海鮮都超新鮮😍桂花蚌好鮮甜，爽口彈牙，白鱔片每片都大大塊，好好味😋宜加只要like佢地社交平台，仲有飲品寧神洛神花茶送，味道都唔差食飽飽之後，店員主動問我地要唔要生果，點知一上即刻心心眼😍，咁精緻既生果拼盤都系第一次見最後不得不讚，哩度既店員服務態度好好，座位坐得又舒服，下次一定要試埋佢既美人鍋先得😋

限聚放寬至四人一台 即刻約班朋友烚下烚下 打邊爐要多人至開心 可以叫多啲唔同款式嘅食物我哋選擇咗尚膳既午市時段 餐廳除咗有火鍋外 亦增設了撈起麵/飯餐 概念有啲似車仔麵咁 鍾意叫自己嘅餸 逐樣加錢 若果二人用餐的話 亦有二人特定火鍋套餐提供 我哋今日有四個人 所以就選擇單點 原來單點火鍋配料全部有7折 (火鍋湯底除外) 很驚喜 很意外 很開心有這個優惠社交平台 讚好專頁亦有免費飲品一杯贈送 優惠真是多籮籮 部分飲品更是自家製的湯底方面我哋選擇咗藥膳美人鍋 鍋中有我最喜愛的桃膠 夠曬養顏 烏雞越煲越出味 而且雞肉嫩滑 建議打邊爐前 飲返碗湯先打邊爐點少得牛肉片 手切肥牛(細)$188 細碟四個人share其實份量都幾多 我覺得夠食 夠分 肉質方面唔鞋口 有肉味美國桶蠔$168 隻隻右手板咁大 就算芍完之後都唔會好縮水 粒肉依然好大粒 蠔肚位置肥美而鮮蕃薯蜆$68 新鮮活劏 完全冇沙 有豐富嘅海水味 鮮甜無比手打蝦丸$40及黃金墨魚丸$48 各半分 手作丸類 是餐廳自家製的 粒粒彈牙爽口 真材實料 本人好喜歡唷四色餃子拼盤$82 有驚喜 皮薄餡靚 餡料豐富而飽滿 自家製作 推介另外炸過嘅午

火鍋我又黎啦😂，今次小編黎到旺角食台式火鍋。食得火鍋，必不可少既當然就係湯底，今次小編點左個鴛鴦鍋，分別係美人鍋同麻辣鍋😎。。美人鍋真係鍋如其名，入面有好多桃膠😍，另外仲有大大隻竹絲雞同其他藥材等，飲落好甜，吾會話飲到藥材。勁好飲，忍吾住飲左3大碗😂。。而麻辣鍋係點左中辣，台灣菜式火鍋中辣吾好話好辣，岩岩好，食得好舒服👍🏻。既然係台灣麻辣鍋，當然會有鴨血同豆腐啦，鴨血好滑，不錯。而豆腐完全索晒麻辣鍋既味，勁好食🤩。。手切牛肉牛肉色澤同脂肪分布均勻，切嘅厚薄啱啱好，食落好有口感，而且牛肉吾單止肉質嫩滑，而且牛味濃郁😚。放入麻辣鍋入面淥，已經好好食，完全吾需要再點醬油😜。。四色手工丸平時食火鍋食咩遠都諗得幾頭痛，一於叫個四色手工丸，一次過滿足四個願望😂。總共有四款各兩粒，分別係黑松露蝦丸、黃金墨魚丸、芝心牛肉丸、梅菜豬肉丸。各款手工丸都好有特色，當中小編特別鍾意黑松露蝦丸同芝心牛肉丸，勁推薦。👍🏻

好耐無約四人聚會，人多最適合打邊爐，旺角方便大家過來，找到一間多好評的餐廳，裝修帶有古典風格。在外可以自取調味和前菜椰子雞鍋(半隻)$168首先來個椰子雞鍋湯底，將雞放心已滾的湯底，四分鐘就可以吃了，雞肉鮮嫩，湯底充滿椰香又鮮甜，是用上新鮮椰子水來做湯底。記得先飲湯，後邊爐，我們飲夠了才加水開始火鍋。手切牛肉(細)$188來吃火鍋手切牛肉是必須，牛肉色澤嫩紅，厚薄適中，最靚是油脂分佈，看得出來是靚牛，輕輕灼熟，果然有牛香又有脂香，相當精采。雜菜籃$68小小的菜藍，有8款之多，甚有誠意，選材新鮮有要求，只是份量不會太多，如果喜歡某種蔬菜可以再單點。蟹棒響鈴$58第一次吃到的蟹棒響鈴，炸腐皮外皮非常酥脆，可以即食也可以略浸火鍋湯吃，裡面藏著蟹棒比較不沉悶。花甲$88花甲盤造形有心思，先開殼，更易熟，而且也可洗走沙，無沙不會污染湯底，花甲都十分鮮甜可口。蘆薈小麥草$68/jar最後介紹這裡的飲品，蘆薈小麥草比較少見，另外還有杞子圓肉菊花露，都是養生健康之選，味道也很好。

.🔺尚膳養顏滋補鍋呢間台式火鍋店主打藥膳湯底 每款湯底都好吸引😚最黎揀左尚膳養顏美人鍋同滋潤魚雲養心鍋😌湯底好足料 有大大件烏雞同魚雲 藥膳味濃👍🏻打邊爐之前記得飲下啖湯先😆.手切牛肉🐮牛肉烚10秒就食得 保持嫩滑又有牛味 不錯🙌🏻.鴨血🐥一碟有好多件 口感滑嘟嘟 同藥膳湯好夾😻.美國桶蠔🦪大大隻好新鮮 烚完都唔會縮晒水 有鮮味😋.四式餃子拼盤🥟即包手工餃 用料新鮮 好好味🤩.手打黑松露蝦丸🍤手打丸好彈牙 黑松露味都幾濃.總括黎講呢間火鍋店嘅食材都幾就質😌最後仲送左個生果盤 幾位朋友都食得好滿足😆

今日同老婆去旺角行街，去左尚膳這間火鍋店食打邊爐，估唔到兩點咁早已經有得打邊爐。依間火鍋店的湯底一啲都唔普通，有藥膳美人湯，天麻魚雲湯，椰子雞湯等，好多有特色又足料嘅湯底，每一款湯底都好想試！最後我哋揀咗椰子走地雞湯，椰子湯真係同雞好夾，好鮮甜，真心推薦要飲佢哋嘅湯底。雞係選用湛江走地雞，一啲都唔肥，連皮食都冇問題！餐廳好細心，特別為這湯底提供額外配料，有青檸，砂姜及鹽，可以用來點雞食！基本配料我唔特別去介紹啦，因為一定有你啱嘅配料！如果嚟到覺得又肚餓，餐廳有提供三款小食，都好好味！😋首先我哋食咗竹笙先，竹笙大大條，係老闆娘特登去海味店買，揀過靚嘅先會買返嚟！因為太大條嘅關係，餐廳職員主動幫我地剪細啲，服務一流！跟住我哋再食手打墨魚滑，手打四色丸，同普通出面嘅火鍋店好唔同，墨魚滑超彈牙，有墨魚味及墨魚粒，口感很好！四色丸一樣比出面彈牙好多，味道特別，冇得彈！我哋仲食左桂花蚌，新鮮，好味道！雜菜籃，有菇有菜有粟米，啱晒唔想煩又想食得多款式嘅我😋！最後一定要推介本地手切肥牛俾大家，油脂分泌平均，切法有誠意，係雙飛牛👍🏼！短短滾半分鐘就食得，淋身又有牛味，好味到爆燈！必食！🎊如果大家like

火鍋控既我 好耐無食火鍋啦😋對於鐘意食熱辣辣既我 今次帶大家黎 「尚膳養顏滋補鍋」佢哋嘅裝修非常古色古香，座位非常寬躺舒適 遠遠已經聞到麻辣香😍。我哋叫咗鴛鴦鍋 分別係美人鍋同埋麻辣鍋，美人窩湯底分別有竹絲雞、圓肉、桃膠、多種藥材等等，非常補身呀，湯底非常之清甜，另外麻辣鍋我哋揀咗中辣，入邊有啲 鴨血同埋豆腐，非常之吸味呀👍🏻👍🏻，兩個湯底都好好味😘。店員亦送上兩道小吃，有麻辣鴨血同埋炸薯角，鴨血好滑好入味，一啖有一啖😋，完全食到停唔到口🙈，我哋叫左手切牛（細），肉質肥瘦適中，好重又美，非常嫩滑👍🏻黑毛豬，豬味濃郁，肉質好腍。。四色手工丸，非常彈牙，小編最鍾意食係芝心牛肉丸🙈，唔單止爽口彈牙，一咬落去啲芝士噴晒出嚟😋😋，而且仲好重牛味呀。我哋仲叫咗午餐肉，係小編私心推介😍佢哋係炸好上既，可以就咁食都得，非常香脆🙈另外仲叫咗讚岐烏冬😘，原來烏冬配麻辣湯底係咁好食㗎忍唔住好頂肚都要繼續食🙈🙈。整體而言非常高水準 小編最鍾意佢哋嘅湯底，一係已經忍唔住飲咗兩碗啊🤣💕。

呢間餐廳挑選嘅食材好優質，係一間用真心經營嘅餐廳。醬料擺放企理，乾淨衛生，食得安心！仲有3款自家製嘅免費小食！滋補椰子雞鍋，湯底係新鮮椰子水，一開鍋即聞到好清香椰子味。店員超級友善，好耐心同我們講解放雞後水滾後4分鐘即可食用,仲有個timer協助，好細心呀。佢地係用新鮮雞，真係好正！一食落就知係走地雞，連食咗皮都唔覺得肥。滾完雞之後，個湯底勁鮮美，忍唔住飲完一碗又一碗。連加湯都係加椰子水！野生竹笙好肥美，聽講係老闆娘親自去挑選嘅靚貨，勁大條厚身，絕不欺場！手打墨魚滑同平時外面吃的好大分別，呢間一食就知真材實料！四色手工丸拼盤都係自家手打。 真係好好食。我平時打邊爐唔好食丸，但呢間餐廳嘅自家手打丸令我中意咗食丸深感選用新鮮食材同用心製作，果然係特別出色。桂花蚌好新鮮，碌一碌，好爽脆呀！！食材靚，果然零舍好食！手切牛肉（大）都勁靚，雙飛、軟稔，肥瘦紋理分布勁靚，食落唔肥，亦一啲都唔韌，勁勁勁好食！！好想再encore ! 食完仲有擺得好靚嘅生果盤！係餐廳like 社交平台, 仲有得送嘢飲，係佢地自己煮嘅杞子圓肉菊花蜜或者寧神洛神花茶，煲得好好飲！真係食得出每一樣都係很用心挑選嘅優質食材！好

一早聽聞「尚膳養顏滋補鍋」的湯底非常出名，今晚路經旺角，當然要順道拜訪！餐廳環境寬敞，古色古香，私穩度算高！火鍋調味料選擇多，當中還有芫茜控至愛的芫茜呢！湯底方面，我們揀了鎮店湯底尚膳養顏美人鍋（$188）。湯中除了有原隻雞，還有吃極都有的「平民燕窩」桃膠，非常滋補！侍應還教我們先喝湯，以免火鍋食材影響了其鮮味！手切金錢腱（$168）塊塊都厚切，啖啖肉香！西班牙黑毛豬（$168）豬肉種類相對較少，但勝在質素高！四色餃子拼盤（$82）每款兩粒，當中鮮蝦雲吞最好味，粒粒飽滿！四色手工丸拼盤（$88）每款兩粒，啱晒選擇困難症的我！手打墨魚滑（$88）名符其實，很滑！蟹棒響鈴（$58）中間捲了蟹柳，浸一浸，脆中帶軟！鹽酥雞粒（$48）除了火鍋，還有小吃呢！最後，侍應更送上水果盤，招呼周到！埋單每人$418，不算很抵但至少值回票價！

#尚膳養顏滋補鍋 於旺角開業不久，火鍋控的我當然要試新野啦😉既然叫得做養顏滋補鍋，當然要來一個美人湯底，再併麻辣湯🔹雙併湯底 $188 養顏美人鍋非常足料，有滋補烏雞，勁多桃膠、 紅棗等等，味道濃厚。而小麻辣也相當不錯😉😉😉🔹手切牛肉 $188 雖然是細份量但絕對夠三人食，雪花均勻，脂肪比例剛好，牛味濃厚👍🏼👍🏼👍🏼🔹蟹柳響鈴 $58 這個比較特別，響鈴內藏蟹柳，但個人比較喜善吃原味😁😁🔹墨魚脆脆 $68 這款就像炸雲吞，但餡料就轉用了墨魚膠，好脆彈牙😀😀🔹嫩滑鴨血 跟麻辣湯免費送，質地都滑，不錯😊😊店員服務態度很好，用心！尚膳養顏滋補鍋地址: 旺角彌敦道607號新興大廈1樓106-112號舖