尚膳養顏滋補鍋

营业中

休息中

最近秋風起就好想打個邊爐烚下烚下，咁啱聽朋友講旺角最近開左間新既火鍋店，仲要好近地鐵站，即刻就訂位去食！佢地既鍋底全部都好有特色，有美人鍋，酸菜白肉鍋，椰子雞鍋同麻辣鍋等等。我地就想揀個最滋潤既椰子雞試試佢先！首先食左佢個麻辣糖心皮蛋，佢既醬汁好辣味得黎後勁帶麻，但又唔會辣到要狂飲好多水，加埋仲要係糖心皮蛋，呢個配搭超正！鍋底一上既時候我仲喺度諗點解會咁清，原來店員好細心咁會將啲雞分開落，令佢啲肉保持嫩滑～佢地仲會有個計時器幫你計去計啲雞幾時食得，跟佢地既食法果然好嫩！佢地既肥牛雪花花紋係好靚，絕對唔係求其交貨，每樣材料都好俾心機去準備。咁多樣餸入面最中意既係佢既四色手工丸拼盤，我就試左佢既芝心牛肉丸同埋黃金墨魚丸。佢既芝心丸係流心仲可以拉絲！入口食到好濃既芝士味但又唔會搶左牛肉丸既味，配搭得啱啱好👍🏻！另外黃金墨魚丸同樣係包心丸，入面包住左個咸蛋黃，但又唔會好滯同重口味，啱曬我呢啲想食重口味野但又怕漏既人😋

天氣突然轉冷, 約咗老友一齊打邊爐。潮流興養生火鍋, 而我就鍾情麻辣湯底, 朋友介紹呢間新開火鍋店, 可以滿足曬兩個願望！用QR code落單, 方便快捷。設有小食和醬料自助區, 可以自行調配醬料！鴛鴦鍋尚膳養顏美人鍋 湯底用圓肉、杞子、紅棗、桃膠、烏雞淆製而成, 滋陰養顏補而不燥, 滾起喝一口, 成個人暖笠笠！有半隻烏雞。店員服務殷勤, 會幫你留撈起拆肉, 連湯一齊食, 肉質特別鮮甜嫩滑！尚膳麻辣湯底台式麻辣, 藥材味較重, 大辣小麻不嗆口, 惹味十足！手切牛肉(細)牛頸脊 脂肪紋理分佈均勻, 油脂甘香, 牛肉味濃！脆肉鯇厚身肥美, 肉質紮實, 清甜爽脆有嚼口！餃子拼盤有餃子和雲吞自家製作, 特別大粒, 食到新鮮豬肉和彈牙鮮蝦味！風琴豆卜用豆卜索滿湯底精華, 不需再加添任何醬油, 已經很夠味！杞子圓肉菊花露滋潤養顏消滯清熱戒毒解毒, 打完邊爐飲感覺滋潤番曬！食完仲有新鮮果盤送真係大滿足！

知道旺角新開了一間火鍋店，聽朋友說這裏的鍋底不錯及食物新鮮，所以今日打電話去訂位試一試👍入到店內環境寬敞，坐得很舒服😌外面還有醬料自助吧及小食，可以按照個人喜好選擇調味料👍湯底我們選擇了酸菜白肉鍋及美顏滋補湯，酸菜白肉材料份量十足，酸酸地非常開胃，白肉切得很薄，肥瘦適中。本人最喜歡這個美顏鍋除了藥材還有半隻烏雞及桃膠，店員建議我們滾起後先飲湯，飲落非常鮮甜我們每人飲咗兩大碗😋手切肥牛牛肉脂肪分佈平均，夠新鮮，牛肉味濃郁。新鮮鵝腸鵝腸帶著粉嫩的色澤，一點都不腥之餘，帶著滿口的爽脆，口感一流👍梅菜豬肉丸梅菜味香濃，豬肉新鮮爽口😋蛋餃蛋皮薄容易入口，咬落多汁👍蟶子皇蟶子的長度有手掌般大，新鮮又厚肉，咬落啖啖肉，非常鮮甜美味😋

雅蘭隔離街，商場上一樓便到，其實對於逛街來說蠻方便的!而鍋底更是超級足料，一大隻竹絲雞，黨參北芪，杞子圓肉，大量桃膠，一應俱全，足料靚湯!因鍋裡已有一大隻的竹絲雞，所以點菜那就點得清一點! 什菜籃,鮮腐竹,脆皮腸,魔芋,鮮淮山，蟹柳響鈴那些，但也已很豐富及很飽!杞子圓肉菊花露建議是必點，超級好喝，不喝真的會後悔,菊花味超濃，加上圓肉的甜，含在口中，真的捨不得吞下!果盤是送的，份量也不少，而且很鮮甜服務方面也很體貼及有禮，輕輕的舉手已很快有侍應笑臉迎人去服務，讚!

前幾日同朋友慶祝生日試左旺角呢間新開既尚膳養顏滋補鍋，認真高質到哭！首先個場夠大，坐得夠舒服，而且係scan QR code自己落order的，出面有混醬區同小食區，有海帶絲，毛豆同蕎頭任食唔嬲。講返正餐先，我地叫左鴛鴦鍋，因為想一次過試晒佢個養生鍋同麻辣鍋，湯底只係＄188，麻辣鍋有鴨血送，正！養生鍋仲有一大隻烏雞俾你食，肉質仲係好嫩滑，個湯底勁濃藥膳味，飲落感覺冇味精，好健康既味道！推介！我地加加埋埋都叫左好多碟火鍋配料，我淨係講d我好欣賞既配料算喇～美國雪花肥牛：肉紋靚到傻，肥瘦適中，勁好食！西班牙黑毛豬：嘩，我估唔到打邊爐既豬肉片係可以咁好食，放落辣麻鍋果邊真係絕配！三色滑拼：蝦滑墨魚滑都好正好彈牙，連本人唔鐘意食鯪魚滑都唔錯，推介！辣肉鬆響鈴：嘩，響鈴成日都食，但包住辣肉鬆既真係未食過，呢款係當小食咁食，唔洗浸落個湯底到，勁好食！送酒一流！龍躉片：wow，賣相好靚好似日式刺身咁，份量都唔錯，肉質勁滑，魚皮有滿滿骨膠原，而且唔多骨，正！最後佢送左個生果盤俾我地，因為我地有人生日，勁sweet！呢間火鍋無論野食定服務都令人相當滿意，一定會再返去食呢個藥膳鍋同麻辣鍋！

和朋友是火鍋控，每星期最少要吃一次，配上養生湯底更加愛不釋手。知道旺角最近開左間台式養生火鍋店，今日一於同朋友黎試下。店內環境寬敞，裝修也很特別呢！醬料區有蒜蓉、蔥、芫荽、辣椒、沙嗲醬、炸蒜、花生醬、醬油等，還有涼菜提供，當日涼菜有蕎頭、手拍青瓜和涼拌大豆芽。點菜後，店員還送上2碟小食，分別是🍟炸薯角和🦆麻辣鴨血，都是即時煮的，上桌時是熱辣辣的。====—====—====—====—雙拼湯底（$188）🍲尚膳養顏美人鍋美人鍋的配料相當足料，難怪咁好飲，忍唔住飲左2碗先開始打邊爐。入面材料有竹絲雞、桃膠、淮山、北耆、黨參、杞子、圓肉、龍眼干、紅棗、黑棗🌶尚膳麻辣鍋（大辣）麻辣鍋也相當足料，香噴噴的麻香味撲入鼻中。入面材料有鴨血、冰豆腐、麻辣醬、指天椒干、青紅花椒、八角、桂皮、圓肉、龍眼干、紅棗、紅炮椒、白蔻、香葉、草果🐟🦐海鮮拼盤🦑🐙 （$288）海鮮拼盤擺碟精緻，賣相精美，海鮮一共有6款，分別是蟶子、蝦、桂花蚌、帶子、鱔片和鯇魚腩，款款新鮮好吃。🐄手切牛肉(細) （$168/細）手切牛肉條紋清晰可見，明顯是上乘食材，牛肉肉質香濃，嫩滑可口🥟鮮蝦菜肉餃(半份)（$42）鮮蝦菜肉餃餡料非

疫情反覆今次真係把握好機會趁住仲可以四個人喺餐食飯就約一次先啦新開既尚膳養顏滋補鍋位於旺角唔係朋友帶路都唔識黎搵食餐廳面積好大設有多個獨立房間 私隱度都夠高約一班人喺度打邊爐都得有隔板可以分隔開咁就唔怕限聚令啦外面有三款涼拌小食、檸檬水同埋自選醬料嘅位置因為新開張嘅關係餐廳免費送我哋食麻辣鴨血同埋炸薯角而like佢地既社交平台仲有飲品送添呀！杞子圓肉菊花露 寧神洛神花茶 我地點左鴛鴦鍋尚膳養顏美人鍋、尚膳麻辣鍋 $188職員提議可以先飲啖湯再將烏雞拆肉黎食幾好味喎～麻辣鍋我哋嗌咗小辣 雖然邊食邊加水但唔知點解都可以越食越辣 真係超惹味麻辣鍋裏面都有好多用料包括冰豆腐同麻辣鴨血食麻辣鍋淘小姐當然要點 野生竹笙 $88 我都未試過見過咁大條嘅竹笙 竹笙吸收湯汁嘅能力係好強放咗喺馬辣鍋嘅呢一件竹笙係超級超級好味道 口感滑滑感覺好養顏 響鈴並唔係一般喺街市買到嗰啲佢哋嘅響定係超大件㗎！！！ 只需要就係湯入面淥一秒就夠㗎啦三色滑拼分別有手打墨魚滑、手打蝦滑手、打鯪魚滑粒粒爽口彈牙 蔬菜拼盤有好多菇類例如有秀珍菇、茶樹菇、冬菇、金菇仲有粟米同娃娃菜等如果有埋白蘿白就更好啦！ 

疫情近日又再度急劇惡化，口罩都唔知要戴到幾時，長期戴口罩真係令皮膚越黎越差；今日行經旺角，收到傳單新開呢間養顏滋補火鍋新張期間七折，趁今日天氣轉涼，一於上黎暖下身兼養下顏。坐低後當然身第一時間揀鍋底，店員好用心咁將每款鍋底介紹一次，一場黎到梗係要試招牌養顏美人鍋底啦。係等鍋底期間，混醬是必須的，呢度嘅醬料都幾齊全，炸蒜、辣椒、芝麻醬、沙嗲醬等等應有盡有，另外仲有三款餐前小食添。好快美人鍋就上檯了，湯料有淮山、北芪、黨參、龍眼乾及杞子，再加入原隻竹絲雞及桃膠，相當足料。店員仲提我地記得先飲湯，之後先打邊爐添。湯入口非常鮮甜，好重雞味而唔重藥材味，無味精下飲完都唔會好口乾。飲夠湯後終於可以打邊爐了，值得一讚嘅係好多火鍋料都可以選擇半份，咁就可以食多d唔同野啦。美國桶蠔 :桶蠔都算大隻，一份有八隻，入口鮮甜唔腥，亦無乜沙，熱辣辣非常好味。蟹籽墨魚丸+黑松露蝦丸 :半份有四粒，每款丸都係手打，其中蟹籽墨魚丸爽口彈牙；蝦丸黑松露香氣十足，但唔會蓋過蝦嘅鮮味，兩者味道好夾。手打蝦滑 :蝦滑相當新鮮，蝦味好濃郁，入口彈牙，係湯淥左好耐都唔會變韌，好好味。鳳城水餃 + 台式蛋餃 :同丸一樣，半份有四隻

養顏滋補湯底無限添飲入冬就好想補補佢，驚冬天手腳冰冷，最近周圍搵有冇藥膳嘅餐廳，俾我發現到一間新開的「尚膳養顏滋補鍋」，一於約埋姊妹一齊試吓。餐廳環境古色古香，每個坐位都幾寬敞舒適，最重要係唔會催埋單，終於可以同姊妹邊食邊傾。門口位置設有涼拌小食任食，醬料自取及檸檬水無限添飲。讚好餐廳的平台仲送咗杯「杞子圓肉菊花露」，幾大杯幾好飲，清甜滋潤。👍🏻點餐用QR code 掃一掃就可以落單，湯底我們都是藥膳迷，當然要選藥膳湯底，我們選了「尚膳養顏美人鍋」同「滋潤魚雲靜心鍋」，雙併湯底仲要不用額外收費，讚👍🏻。「尚膳養顏美人鍋」用料十足藥材：淮山、北耆、黨參、杞子、圓肉、龍眼干、紅及黑棗湯料：竹絲雞、桃膠湯底淡淡清甜滋補，飲完一碗又一碗😍太好飲了🥰🥰🥰🥰「滋潤魚雲靜心鍋」藥材：天麻、川芎、白芷、淮山、圓肉、當歸、鍋料：魚頭、竹絲雞、白胡椒粒、玫瑰露湯底藥材味甚濃，我們都超鍾意藥膳，覺得超正，又飲咗幾碗🥰🥰🥰🥰有一點一定要讚，湯底是無限添加的，唔係加水喎，係真係加返同樣嘅湯底俾你，絕對可以飲返十碗八碗😍😍😍靜係湯底已經令到我地好滿意😍「手切牛肉」細 $168味道還可以，不是那種入口好嫩滑的部位「

天氣開始轉涼，心郁郁想打邊爐搵到呢間新開張無耐，決定幫襯下餐廳新開 感覺都幾乾淨同寬敞侍應熱情同我地介紹我同朋友唔太想食太藥膳，於是揀左椰子雞，係新鮮椰子水做湯底，好天然，鹽自己決定加幾多椰子雞係原隻雞，食哂都幾飽。我地落左單，d配料好快黎到，見到好多野都好新鮮！味道都唔錯的！係聖子果到個侍應叫我滾3分鐘，但我食開粥底火鍋先30秒，最後滾左2分鐘，好彩都唔老姐！叫得太多野食最後都唔哂😂浪費左！食完哂，仲有水果送🤣水果好夠凍！感覺都吾錯，有機會會再食同推介比朋友

踏入十一月， 秋風起，本應係個打邊爐嘅好時機，可惜最近疫情比之前較為嚴重，真係要趁機同朋友聚會，如果唔係遲啲都唔知幾時可以見！「尚膳養顏滋補鍋」最近開張，鍾意試新野嘅我，當然係第一時間去試吓啦！餐廳環境寬敞，抽風唔錯，打完邊爐個身都唔會好大陣味。餐廳有大量醬油配料供應：辣椒、炸蒜、蒜蓉、芝麻醬、芫荽、蔥等等真係講得出嘅都有架。打邊爐最重要係個湯底，亦都係成餐飯嘅精華，呢度嘅湯底選擇都好多，我哋揀咗餐廳嘅招牌湯底，「尚膳養顏美人鍋」。尚膳養顏美人鍋：呢個美人鍋採用淮山、北耆、黨參、杞子、圓肉、龍眼干、紅及黑棗 鍋料，再加入竹絲雞同桃膠煲成。湯滾後試左一啖，果然非常惹味呀，味道真係鮮甜，雞味相當香濃，非常滋潤，接著當然就係落火鍋料啦。呢度有咁多手工餃同手打丸，又點可以唔試下呀！呢度嘅餃同丸都可以叫半份或一份，絕對適合想試多d唔同款式嘅我地。黑松露蝦丸/蟹籽墨魚丸（各半份）：呢度嘅丸全部都係新鮮手造，粒粒大細平均，入口新鮮好味而且彈牙。蝦丸咬落好重黑松露味，墨魚丸外色十分之雪白，加入左蟹籽，肉質鬆軟爽口，味道相當香濃，非常特別。鳳城水餃/台式蛋餃（各半份）：乒乓波大細嘅鳳城水餃，裡面包住大大

今日約咗啲同事喺旺角食飯，大家都諗唔到食咩，經過呢間新開嘅火鍋，上去睇吓，原來係養顏滋補鍋，我同事即刻衝左入去呢度係用Apps落單好方便，新開張期間，讚好佢嘅 社交平台，仲有洛神花茶或者菊花蜜送。我哋揀咗美人鍋麻辣鍋中辣雙拼，火鍋雙拼唔需要另外加錢。湯底一到，侍應走過來介紹，原來要先飲湯，呢個湯係滋補養顏，烏雞好滑，好多桃膠，個湯底真係好甜，每人都飲咗兩三碗先開始真正打邊爐。仲有好重要嘅一點，呢度加湯係真係加煲入邊嗰款湯，而唔係加熱水，所以湯底係唔會食越食越淡㗎麻辣鍋裏面已經有鴨血同豆腐，索晒啲味超正，另外仲送咗一小碗鴨血手切肥牛黃金墨魚丸，裏面真係有一小粒鹹蛋黃鮮蝦菜肉餃，脹卜卜蝦肉鮮味彈牙雜菜藍，生菜，秋葵，雜菌，粟米豆腐卜大粒魚蛋最後仲有水果送呢度嘅侍應個個都服務好好我同事話下次要帶佢媽咪試吓川芎天麻魚頭鍋

冇得去旅行？唔緊要！冇得食台式麻辣火鍋？唔緊要！因為而家旺角開咗間尚膳。一行到門口店員已經好熱情咁招呼我地，量好體溫搓搓手就可以入座喇。👆🏼涼伴小食 - 蕎頭、四季豆、毛豆👆🏼寧神洛神花茶初頭諗住打邊爐就唔食涼伴小食，但店員落力推介，果然冇令人失望。尤其係四季豆，有淡淡嘅蒜香，又夠爽脆，做頭盤好開胃。另外只要簡單喺 社交平台打咭/俾個like，就可獲贈一杯杞子圓肉菊花露/寧神洛神花茶。係舖頭自己煲，唔係現成買外賣架。👆🏼無限添加醬油/調味料呢個area非常之乾淨，唔係間間火鍋店都做得到，俾個叻佢。👆🏼麻辣湯底 (小辣)惹味就一定架喇！驚喜嘅係湯底入面嘅鴨血，大細切得啱啱好，一塊一塊薄片，比平時食到嘅大舊鴨血更加索湯。不過麻辣湯底會越食越辣呢，可以事前請店員準備 (小小辣)，咁就唔驚啦！👆🏼蟶子王嘩嘩嘩呢個必食！好大隻！又鮮又彈牙！店員溫馨提示我同朋友仔可以先將蟶子拆肉，之後放入筲箕仔入面，輕輕淥10秒，得咗😮!之後我同朋友仔差唔多每樣食材都放入筲箕仔入面碌，唔駛驚佢走失咗/游返出大海，好方便呀！👆🏼花甲一句講哂 - 冇沙！同埋一碟有好多隻，隻隻都咁大隻。👆🏼手切肥牛👆🏼金錢牛𦟌唔點豉油

其實天氣同凍都仲有一段距離， 但身係一個香港人， 天氣唔凍就唔打邊爐咩？呢間應該係一間新餐廳， 位置喺好方便嘅旺角， 經濟唔好， 所以都唔多人等位。去到餐廳探完熱就好快被安排入坐。 近門日位置有個調味料區，打邊爐嘅調味料應有盡有，仲有三款餐前小食提供。 兩個人去、由於我唔太熱衷於美顏湯底，所以同朋友兩個人就叫咗麻辣湯底（小辣）。配料點左肥牛、牛展、芝士牛肉丸、蔬菜盤、聖子王、花甲等等。全部配料都非常新鮮高質素。 肥牛脂肪比例非常好， 食落口唔覺肥膩之餘仲淡淡牛肉香味。牛展薄薄一片， 616就食得，夠新鮮重牛味！花甲、蟶子皇非常鮮味、仲好溫馨感有個小兜用嚟碌呢兩樣海鮮。芝士牛肉丸細細粒，牛肉包住一粒大芝士，細細粒唔會有好肥膩嘅感覺，兩個人食半份（ 4粒）啱啱好。蔬菜盤有幾種蔬菜，有我最鍾意食嘅秋葵同菇類，非常啱我心意。平時唔食鴨血嘅我，都差唔多食晒成哥火鍋入面嘅鴨血，呢度嘅鴨血大細切得啱啱好，平時去其他麻辣火鍋餐廳嘅鴨血係好大舊嘅。去到最尾仲送一個果盤俾我哋食， 10分讚！絕對會再嚟幫襯！呢間餐廳嘅服務態度、食物質素、餐廳內嘅環境都絕對值得比五星。 唯一要減一粒星嘅地方就係餐廳外嘅環境

和朋友去了旺角彌敦道新興大廈的尚膳養顏滋補鍋。這是一間新開張的高質素火鍋養生火鍋店。裏面裝修得很有古色古香的客棧味道，而且餐廳佔地很大，有幾間包房，可是現在疫情，否則很適合大家庭或同事員工聚餐，讓人感覺有私隱亦不怕受其他客人干擾聚餐。店員相當有禮和殷勤，主動請我們飲他們的洛神花茶與杞子圓肉菊花露，非常親切有禮。由於是新店，有優惠，現在所有點餐都可以七折優惠。我們點了鴛鴦鍋，一邊是尙膳養顏美人鍋另外一邊是滋潤魚雲靜心鍋。為什麼說是高質火鍋，因為湯底一上臺，賣相已經相當吸引。尚膳養顏美人鍋裏面有新鮮烏雞半隻和桃膠等藥材作湯料。在打邊爐之前飲這個湯，味道非常之甜，而且感覺很暖身。滋潤魚雲靜心鍋，裏面有大大的魚頭，而且有四分一隻烏雞，加上藥材配料，味道很濃郁，飲起來相當之鮮甜。如火鍋配料我們點了黑毛豬片，羊肉片，餛飩，豆苗，金菇，蟹柳響鈴，手打丸等。食材非常之高質素高，黑毛豬肉片，肉美濃郁，口感佳，而且色澤相當新鮮。羊肉片，味道不會太騷，即使不太食羊的朋友也能夠接受。蟹柳響鈴相當特別，在響鈴裏面已經包裹著蟹柳，吃起上來外層鬆脆，而裏面有蟹柳的口感和味道。其他的手彈丸和雲吞都相當高質素，用了非常