山下無雙日式料理 (大隴街)

营业中

休息中

成個石籬我都差唔多食均哂嫁啦😛 估唔到呢間新開咁高質既黃店咁有驚喜💛山下無雙原來係葵芳山下見既姊妹店😍價錢親民✨師傅製作用心、店員亦都好好好友善🥰 選擇超多😗 有午市自選套餐、刺身丼、特色卷物、熟食便當🍱 裝修簡潔，坐得舒服～裝飾有好多日式元素🥰明太子玉子燒 $68本身唔算好中意食玉子燒🤣但店員重點推介😍一食落去！！喂！點解咁好食？😭 厚厚既玉子食落口感好嫩好滑💗 而且唔會過火，味道甜甜地仲有好香既清酒味🥳 明太子份量適中帶咸香，蛋香都夠濃郁🍳三色刺身丼 $78刺身有三文魚、油甘魚同帶子✨ 呢道既刺身都係厚切，而且好新鮮，食落鮮甜😛 最有驚喜嘅係三文魚，食落好香滑，油脂又豐富👍🏻Omakase 九件極上壽司定食 配烏冬 $98小店都有廚師發辦？😍 定食附送火炙左口魚邊手卷、味噌湯、前菜！會唔會太高性價比🥰 九貫壽司包括吞拿 三文 鯛魚 海赤蝦 帶頭肉熟蝦 赤貝 帶子 火炙三文魚 紋甲魷魚 🙆🏻‍♀️最有驚喜係火炙三文魚勁香油脂，接近入口即溶！ 仲加左少量芝麻醬提升層次，另外都中意赤貝夠哂爽口✨前菜有開胃小食中華沙律同螺肉😗食埋左口魚邊手卷真係超滿足👏🏻 最後仲叫左日式紅豆蕨餅💚點埋黃豆粉

山下無雙日式料理 (葵涌)📍葵涌石籬大隴街103號昌榮樓地下1號舖🤍駕著私家車，東奔西跑，慶祝男小編學界田徑帶隊取得團體兩冠一亞佳績，晚上又去食日本餐啦，今次去到石籬商場附近，位置有點偏僻，方便附近居住或者駕車人士食😆🟢 488/2位 鐵板燒二人前Teppanyaki，包括以下菜式：👉🏻沙律及前菜螺肉、中華沙律、沙律醬配有蟹籽、蟹柳絲、青瓜絲👉🏻黑松露蒸蛋濃郁的黑松露味道，配蒸蛋、蟹柳，滑滑的😇👉🏻刺身五點一盤色彩繽紛的刺身拼盤，兩隻赤蝦刺身、八片深海池魚刺身配秘製醬料、兩片三文魚刺身、兩片帶子刺身、兩隻西非生蠔配檸檬👉🏻牛油扇貝、一口豚 濃濃既芝士味既扇貝，少許鹹；豚肉唔會太油膩，一口豚甜咸適中，配有花生粒、蔥花有調味👉🏻鵝肝多士，日式炒飯脆薄一口多士配鵝肝，日式粒粒醬油炒飯，配有蟹籽、蔥花、蛋，味道不錯👉🏻日本阿波晚茶蕨餅（甜品）阿波晚茶係日本少見嘅「後發酵茶」，使用乳酸菌嚟進行發酵，經過多年長期嘅研究後證實有調整腸道、美肌等嘅功效，係一款健康茶，咖啡因含量亦相當低，d人亦叫做「BB茶」，用黎做蕨餅加埋蒟蒻粉，健康又好味！🤍一間地道黃店，店員非常細心，不時幫你加熱茶，餐廳牆上有很多

۞ 十三貫究極壽司 $218۞ 豐富嘅omakase🙈多款選擇，可以食到唔同嘅壽司，除返都係十幾蚊一件😍好抵！有海膽、灸燒左口魚，火灸穴子，三文魚子，三文魚腩，吞拿魚腩，油甘魚，火炙三文魚、鮑魚等等..最鍾意食係三文魚腩💖非常肥美😚۞ 黑松露鯛魚薄切$48۞ 切得好靚好似玫瑰花🌹😚好有心機，黑松露配上柚除醬汁😬好開胃💓۞ 甲羅燒$68۞ 鵪鶉蛋攪拌😍再放上麵包上面食，好正！好吃😋۞ 茶碗蒸$20۞ 香滑甜甜的，仲有蟹柳蝦仁，話咁快比我食晒啦😋۞ 鱈魚干$25۞ 呢個正呀整到好似軟薯片咁😍۞ 壽司۞ 甜蝦，赤貝，鰻魚۞ 燒牛舌۞ 薄切易咬味道香濃۞ 焦糖玉子燒۞ 玉子燒食得多，焦糖玉子燒第一次食，焦糖脆卜卜好正😋◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝😋味道：7.8/10🍽環境：7.5/10🎖推薦：8.0/10💰抵食：8.5/10🍄總括：💖💖💖💖🤍◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝

山下無雙見到呢個餐廳名令我諗起Eason嗰首天下無雙😂講返正題，今日去咗呢間餐廳度食午餐。首先叫咗omakase 十貫極上壽司。$168。壽司食材全部由師傅決定。所以個個食嘅都未必一樣。值得一讚嘅係件件壽司都係厚切。而且魚油比例極高。食落去真係忍唔住會大叫一聲「好好食呀」。自己私心推薦海膽壽司。海膽非常鮮甜。而且完全冇腥味。如果有啲朋友，叫呢個omakase擔心有啲食物自己唔食，我話俾你聽完全唔需要擔心呢個煩惱，因為侍應會好貼心咁樣係你叫之前問你有啲咩食物係唔食。芝麻雞翼$38。芝麻雞翼炸得非常香口。而且佢喺炸完之後咬開雞翼入面唔會話炸到乾身。仍然有肉汁保留係雞翼入面。加少少檸檬汁去食。可以話係錦上添花。茶碗蒸$20，雖然佢睇落去只係一碗平平無奇嘅茶碗蒸。但係蛋味香濃，而且做得比較滑身，一放入個口就已經滑咗去喉嚨度，而且價錢亦都唔算貴。加一碗嚟食當獎勵吓自己。最後值得一讚嘅係，侍應反應非常之快，無論係喺加水方面，定還是有食客舉手點餐嘅時候。佢都唔會要你等。另外餐廳衛生亦都非常之好。眼見每一台食客走咗之後，侍應會即刻用消毒酒精消毒每一張枱。以今時今日呢個價錢，呢個服務態度，可以話性價比非

同謙謙去石籬到找朋友拎野，朋友話間屋亂唔方便上去，直接約我地食晚餐交收， 認真的我唔熟石籬都唔知食咩好🙈當然叫fd 帶路啦！個fd 知我地偏向鍾意食日夜野就帶我地來到 “山下無雙日式料理”， 佢仲叫左以下好多野食一齊食添：🍣 海膽 ～ 大愛之一，入口海膽味濃郁，謙謙忍唔住想同我爭食 🤣。🍣 北海道帶子 ～ 夠哂大件鮮甜。🍣 三文魚腩 ～ 魚腩好肥美，三文魚油脂分佈夠平均。🍣 牡丹蝦 ～ 新鮮爽甜。🍣 磯燒鮑魚 ～ 味道一流唔會過韌。🍣 醬油燒拖羅 ～ 用火槍輕輕一燒，把拖羅其中一面魚油爆香半生半熟夠正。⚛ 茶碗蒸蛋 ～ 估佢唔到咁滑溜謙謙獨享一碗。⚛ 蟹籽沙律 ～ 開胃前菜，大量蟹籽拌勻青瓜絲好爽脆。⚛ 黑松露鯛魚薄切 ～ 鯛魚食得多，但配黑松露真係第一次， 每件都薄切， 點一點個黑松露超香，兩者估唔到咁夾必點之選。⚛ 鐵板牛肉燒蠔卷 ～ 幾特別的一個丼， 佢先煮左個蠔再用牛肉包住再去鐵板煎香，一口咬下去幾特別。⚛ 火灸三文魚丼 ～ 三文魚怪就緊係叫返個丼來食下，輕輕燒過的三文魚入口半溶勁正。

係石蔭翻左工都一段時間，終於比我揾到間既高質仲要💛嘅日本餐廳，雖然佢嘅舖位都幾隱藏，但真心值得不停encore😙午市優惠 烏冬套餐 Set B$85🍱配菜推介你必選吉烈蝦或魚，因為咬落去超酥脆，炸粉又薄😍之後有壽司9件，鮮味十足~食完壽司仲有碗稻庭烏冬同味噌湯，超級滿足，CP值🆙🆙

葵青區石籬山上 有間小店 名為山下無雙💛💛以我所知係下面葵芳一間叫「山下見」的姊妹分店。 兩間都係主打食日本野，位於石籬的山下無雙，相對舖面較大，會坐得舒服啲💛今次我地去食lunch time, menu上都有幾款lunch set, 我地今次叫左角切魚生丼，同九件壽司烏冬set.兩款lunch set 份量都好足夠💛 食晏一定夠飽❤️‍🔥❤️‍🔥 魚生都算新鮮，幾十蚊貨色，Cp值算高了10分建議下次大家來嘗試😛😛

我見好多人都食omakase，但我驚有啲會唔啱自己食，所以我寧願逐件逐件叫💗 咁就一定啱自己心水😜小食方面就叫咗芝士年糕 $22/2件 - 嗰皮好脆，但食落真係好煙韌，層次好分明，好好食😋壽司就叫咗👇🏻油甘魚 $10 火炙芝士三文魚 $15 北海道帶子 $15 三文魚🍣$12/2件火炙芝士蟹柳 $16/2件火炙芝士玉子 $16/2件和牛黑松露手卷 $30 我唔逐件講，但係平均嚟講都好高質☺️ 石籬想揾間有質素嘅日本餐廳其實真係好困難🧐 我諗呢到會令你唔洗出葵芳都食到有質素嘅壽司，可能贏在地利嘅關係，性價比真係好高☺️ 純粹少少扣分位就係嗰蟹柳🧐 明顯低質咗，但其他都做得好好，尤其是鍾意食三文魚嘅朋友仔，$12/2件俾到似三文魚腩嘅質素絕對唔簡單，一定要嚟試下！其實係到買外賣返屋企啲set都幾吸引🤓 如果你開party，呢到叫壽司盛都係一個不錯嘅選擇☺️

已經是我們短期內第二次光顧了，仍然保持水準，所以決定出食評，推介一下，店內十貫及十三貫omakase 壽司用料新鮮，兩次也沒有令我哋失望，如果可以用一個大一點的碟上，擺盤會更美。黑松露白魚刺身亦是推介之一。 還有曼魚玉子燒也做得非常好，我家小朋友最喜歡。唯一令人失望的是拖羅帶根，所以第二次再去，我們主打吃壽司。另外，今次叫了一客燒半熟三文魚腩定食，也是抵食好味之作，值得推介👍此店在石籬商場巴士站對面，隱蔽不好找，我們第一次去也找了一陣子，但絕對值得大家一試。

今晚有小組，所以，就算喺星期六晚，都專登返過嚟葵涌，而在地嘅老友介紹，近石籬呢邊有家頗為隱蔽嘅日式小店「山下無雙」，定價相宜，性價比甚高。其實呢邊我都有少少熟，就算有啲隱蔽，都難我唔到，一支公，就晌度食個晚飯嘆一嘆。除咗掛上唔少日式嘅布幡，以及牆上貼上大量食物相之外，餐廳環境唔算好和風，但勝在枱與枱拍得唔算好密，無話盡用到每吋位，空間都算好足。而且，地方整潔，夠光猛。一支公就當然揀中排啲二人枱，兩邊四人卡位就留俾大枱客。枱上簡單咁只放咗醬油同筷子而已，送上嘅玄米茶頗香，而負責招呼嘅幾位店員都喺女性，溫文有禮，不時主動添茶。打開餐牌，選擇非常之多，先喺店家嘅推介，此外，仲有即製蛋品料理、沙律、小食、多款壽司及刺身、特危卷物、熟食便當、刺身丼……等等，以及主打外賣嘅壽司拼盤。晌入門前，已見門口棟咗個木餐牌，有幾款是日推介，平平哋都可以試吓。而有留意到，牆上仲會寫出最新返嘅飛機貨，就好似是夜到訪，見有深海池魚、原條秋刀、愛爾蘭及蘇格蘭嘅新鮮生蠔。除咗以上嘅散點菜式，並推出咗3款晚市優惠嘅二人套餐，定價$288-$528，正所謂豐儉由人，平有平食，貴有貴食。Omakase十貫極上壽司 $168

住喺附近真係冇乜好食嘅日本嘢😂😂😂見到呢一間簡直雙眼發光 仲好似係葵芳山下見嘅姊妹店第一次嚟係食lunch嘅時間 唔駛等位好好彩店員非常之有禮貌同安排我哋坐一個卡位😍😍😍坐得非常之舒服好寬敞 而且電視係Viu TV😂😂not tvb食物質素都唔錯大概$68至$78.1個set性價比非常之高另外散叫咗一件左口魚壽司好似30幾蚊一件 但係嗰條魚長到😳😳😳😳覺得超值😂😂😂而且真係有入口即溶嘅感覺👍🏻👍🏻👍🏻覺得好食過出邊好多日本餐廳至於set方面 絕對對得住呢個價錢而且飲品有大量日本汽水供應 一定會再去

石籬呢邊實在冇乜有質素嘅餐廳，無意中發現咗呢間新開唔係太耐嘅山下無雙日式料理，總算為美食沙漠平反～食物種類款式都算多，各種壽司、定食、炸物、前菜等等都應有盡有，仲有時令嘅飛機貨，例如今晚就有生蠔同埋池魚等。重點係價錢合理，性價比高。Omakase十貫極上壽司$168 外面食廚師發板幾啉貴，呢度只要百幾蚊就食到！由廚師選擇最新鮮嘅食材整成壽司🍣其中包括有三文魚、魷魚、凡立貝、穴子、三文魚子、赤蝦、海膽、吞拿魚同埋油甘魚。每一款都好新鮮肥美仲要厚切添！舊飯唔係太大，唔會食滯，啱晒我～黑松露鯛魚薄切$98鯛魚刺身薄切配上柚子醬汁及黑松露醬，咁嘅配搭非常特別真係未試過，清清爽爽嘅味道，加上濃烈嘅黑松露醬香，係意想不到嘅配合～擺盤仲要砌成花咁樣，盡顯心思。黑松露茶碗蒸$48熱辣辣嘅茶碗蒸蛋，又滑又香甜，底下仲有蝦仁同埋蟹柳，再配搭黑松露醬，俾我高速消滅咗～鹽燒即切三文魚腩便當（半熟）$88便當好抵食，套餐包左主菜+白飯+兩款小菜。鹽燒三文魚腩有兩件，可以揀全熟或者半熟，我就揀咗半熟，好似食三文魚刺身咁不過熟啲口感有啲唔同，近皮嘅部份油香十足，點埋沙律醬食更加滋味！整體來講好滿意，性價比高～下次會

餐廳：山下無雙日式料理 (葵涌)地址：葵涌石籬大隴街103號昌榮樓地下1號舖難得去到葵涌石籬，轉登搵咗間日式料理黃店食lunch💛，呢間山下無雙日式料理 @uniquesushi1 喺正石籬商場對面，6月先開始營業，午市有勁多款定食比你揀，最平都係$58起，難怪咁多一家大細同老人家過嚟食晏啦😎餐廳叫山下無雙，希望將山下嘅美食帶到石籬比較偏遠嘅地方比附近嘅居民，所以無論喺各款套餐定廚師發板🍱，師傅都精心挑選時令食材，目的都喺將獨一無二嘅日式料理帶比食客👍✝️Omakase十貫極上壽司 $168有火炙左口魚邊壽司、牡丹蝦壽司🦐、北海道帶子壽司、海膽壽司、三文魚腩壽司、吞拿魚壽司🍣、魷魚壽司等，壽司食材都幾新鮮，除返開價錢唔洗$17就有一舊，算幾抵食😋✝️鐵板牛肉燒蠔卷 $78一嚟到就聞到濃烈嘅牛肉香味🤤，肥牛包住輕輕燒過肥美嘅蠔🦪，面頭灑上炸蒜粒同香蔥，一啖放入口，蠔汁喺口腔裡面爆出嚟，真喺令人回味😚✝️芝士玉子燒 $58玉子燒切開6件，夾開嚟睇都幾厚，不過芝士就集中咗喺中間部分🧀，輕微流心，用嘅喺車打芝士，無拉絲效果，整體食落甜甜哋，似喺用咗日式整法，食咗兩舊已經開始飽濟😂，肚餓果陣食絕對喺充

石籬商場對面原來有一間新開嘅日式餐廳，霧面裝修都比較新淨，菜式款式眾多，唔想諗嘅關係直接點左極上壽司十貫$168，有齊晒多款壽司，吞拿魚、三文魚腩、左口魚、海膽、魚子軍艦、鰻魚壽司、帶子壽司、鰹魚壽司等等，食材新鮮好味，岩晒唔想諗野既我😂特別係三文魚腩，好肥美，正！鐵板牛肉燒蠔$78鐵板博燒牛肉灑上炸蒜好香，裏面包着炸蠔，幾特別。明太子玉子燒$68看似平平無奇的玉子燒，裏面是滑滑的蛋漿，包着微辣的明太子，是我暫時吃過最好食的玉子燒。

生酮咗一段時間，好耐無食過壽司，今日凡人老公皇恩浩蕩，主動話幫我食晒啲壽司飯，留返舊刺身俾我，咁點好意思唔食丫__________________________🔹 十貫極上壽司168👰🏻:🌕🌕🌕🌕🌑🤵🏻:🌕🌕🌕🌕🌑Cp 值好高既set，每件壽司上面既魚都大大件厚切，而且壽司飯都偏小，大滿足.壽司selection 方面有海膽，大隻牡丹蝦，大路既三文魚腩，鮮帶子，吞拿魚，醬燒鰻魚等等魚有魚味😂，雖然質素算唔上超鮮味，絕對唔會有腥味雪味，唔會將貨就價，而且勝在size 夠大，款式又岩食.🔹 明太子雞翼 $38👰🏻:🌕🌕🌕🌗🌑🤵🏻:🌕🌕🌕🌕🌑炸得幾脆下，但略嫌乾身左少少成隻雞翼爆晒咁多明太子，明太子本身微辣，都算惹味.🔹 免治雞肉串$32👰🏻:🌕🌕🌕🌑🌑🤵🏻:🌕🌕🌕🌕🌑有一絲希望佢會有埋生雞蛋可以點呢個價錢無都合理既免治雞肉中有軟骨😍但可惜肉質實左少少.🔹刺身👰🏻:🌕🌕🌕🌕🌑🤵🏻:🌕🌕🌕🌕🌑三文魚腩 $40/4片油甘魚 $42/4片每塊都勁厚切，油脂都好豐腴味道都幾鮮，唔錯